2017年12月2日 星期六

出院後記

若果不是在只能在常日出院,堂家姐要上班,兩位舅母又剛巧身體不適,魔術師才被逼要求老粗堂阿哥來接出院。
呢位堂阿哥真係好難頂,講嘢大聲又每句都要有問候人家令壽堂的助語詞(按:「家母」是自己稱呼自己母親,稱呼別人母親應該係用「令堂」,而唔係「你家母」)。有一次,堂阿哥來探病,話政府診所醫生唔肯開多啲糖尿藥俾佢,佢D9個醫生,「我後生多幾年就打咗佢先算,呢個世界適者生存...」又話啲醫生太後生,無膽匪類,仲要洋洋得意。魔術師的病房全部都係後生一輩的醫護,在醫院內講埋呢啲嘢為乜呢?魔術師勸道:「你罵醫生都無用架喎,你都唔會得到你想要的結果。心平氣和啲喇。」堂阿哥就連魔術師都D埋:「我就唔同你咁諗嘞!使乜驚佢呀!最多咪一拍兩散!」
又有一次,堂阿哥在病房中見到電視在播動物紀錄片,便大談自己劏狗劏貓,「背脊向天都可以食」,又話打仗時無得食,「人肉都要食呀!」,非常噁心,仲要成層樓都聽見,實在令魔術師難堪。魔術師說:「你唔使成日嚟喇,搭車又遠。」點知堂阿哥卻說:「我係屋企都無嘢做!」
原來佢係來強逼魔術師聽佢發洩講粗口...


到出院那天,堂阿哥幫魔術師收拾物品,回到家中。魔術師開着電視,新聞正報導呂麉瑤被性侵事件,堂阿哥便又大大聲:「DKLM臭H,隔咁多年先講,唔好到死先講吖笨!」
呢個人真係生番一件,不可理喻,無愛心無同情,凡事都睇唔順眼,彷彿整個世界都對佢唔住,心情煩躁易忟憎,似係有情緒病;勸佢心平氣和一啲,唔好咁躁,佢就成日話自己係老粗來開脫。
大佬,魔術師同病房的都有一個係50歲的地盤工人,另外一個就係60歲的洗廁所阿伯,人地一樣無乜讀過書,但講嘢一樣頭頭是道,唔會句句粗口架喎,意識同價值觀又唔會好似堂阿哥咁「反人類」架喎!
堂阿哥成日話「適者生存」,但被世界遺棄的,似乎就係佢自己。
魔術師頂佢唔順,反正已安全回到家中,便只好找個藉口將其送走。
到得今天,魔術師回醫院繳費,兼且拎病假紙,竟然見到醫院繳費處有以下海報,直叫魔術師發出會心微笑:
***
作為僱傭兵,最差的便是無乜福利可言。根據勞工處法例,魔術師只工作了一整個月,只有兩天有薪病假(詳情請見伸延閱讀),其餘都要放 no paid leave,這也許就是工資奴的悲哀。
好在,魔術師今次是使用公立醫院服務,多年來交稅都算有回報,特衰正苦提供的病房費用竟然高達6萬大元,應該仲未計手術費用,妹妹仔麻醉師費等:

所以都話,大病都係要睇政府,細病或化驗檢查等就睇私家,醫療保險應該就係要依住呢個思路去買。
***
雖然話今次入院只需付$1,440,但魔術師都會照 claim 返醫保。賠償其次,主要係俾保險公司紀錄在案,將來如果要覆診、做物理治療、照乜照物時都可以有個憑證也。
諗下諗下,竟然諗返起原來魔術師係有買家居保(見《家居保險第三擊》),在家發生意外導致受傷入院,係有住院現金保障的:

一於咁話,醫療費用就 claim 醫保,住院現金就 claim 家居保,fit 哂!打去呢間保險公司的客戶熱線去問,很快便有人接聽,暸解咗魔術師的情況後便將索償表格寄來。出奇的是,保險公司竟然可以接受電郵索償,唔使下下寄正本過去:

魔術師用開的醫保公司就唔係咁先進,下下都要寄信,仲唔會列明有乜必要文件要遞交,搏客戶俾少咗資料便唔賠。今次家居保呢間公司有列明必要文件,都算做均真:

查實保險主要係玩文件,魔術師住公立醫院,出院紙、假紙、護理摘要等文件齊備,今次又睇下班保險佬有無辦法搵藉口唔賠先!
***
伸延閱讀:
勞工法例 疑問解答 香港法例第57章《僱傭條例》 病假
敬稱用語
家居保險第三擊
呂麗瑤社交網站稱曾被前教練性侵 更新:2017/11/30 18:32

港隊跨欄代表呂麗瑤,在社交網站聲稱十年前曾被前教練性侵,她認為性侵犯或非禮的事例存在於體育界,故決定公開自己的遭遇。而她當年就讀的培正中學亦嚴厲譴責施害者,及該名外聘教練的工作,暫時未發現有其他受害者。警方下午派人到學校了解事件。
有「香港欄后」之稱的呂麗瑤在二十三歲生日的凌晨於 Facebook 貼文,表示要說出自己被侵犯的真相。她指在十三、十四歲的時候,因為參加學校課外活動認識前教練,有一次被帶到該教練的家中性侵,她之後一直不敢向任何人提起事情,只是在兩年前向一個好朋友講及。
呂麗瑤指,在香港的體育界,她未曾聽過有性侵犯或非禮的案例,但她相信同類事件是存在的。而在華人文化中,性議題從來被認為是尷尬、羞恥或不可公開討論的事,她呼籲若有相似遭遇的人能鼓起勇氣、挺身而出,並希望藉此喚起大家對兒童性侵犯的關注。呂麗瑤又表示,暫時不會回應任何與事件有關的問題。
呂麗瑤當年就讀的培正中學指對呂麗瑤的剖白表示全力支持,並指已停止該名外聘教練的工作。培正指,呂麗瑤約在三星期前主動向校方透露會公開事件,而學校的危機應變小組早上亦已開會,及向全體田徑隊隊員交代事件,並會繼續密切留意學生情緒及提供輔導。至於會否報警,則要等待呂麗瑤的意願。
下午有警員到培正了解事件。消息指,警方稍後或會聯絡呂麗瑤了解更多關於案發當日的地點、時間等資料。

39 則留言:

  1. 喂老細,你張E管局單好似開左你個大名?

    回覆刪除
    回覆
    1. 呢次真係嚴重過失, 好彩只係得26個views啫!

      刪除
    2. 我曾經諗過好唔好問下拓球人有無你聯絡方法,提你修改一下,但礙於已凌晨兩點,所以作罷了......

      刪除
    3. 我相信呢廿六嗰都喺長期觀眾,唔緊要喇。

      喺醫院講無得食人肉都要食真喺過份咗啲。有好多生癌嘅真喺想食都無得食的。

      //竟然見到醫院繳費處有以下海報

      喺米帝有好多呢類嘅溫馨提示,唔單只喺正苦地方甚至喺舖頭排隊俾錢時都有見過,洋腸可能特別粗...獷啲。

      刪除
    4. 其實諗諗下,我地平時申請上網呀,電話plan呀之類,有青sales基本上連名連身份證連電話地址乜都知...所謂私隱都唔係太私架咋。

      //喺醫院講無得食人肉都要食真喺過份咗啲。

      總之佢就周圍失禮人喇。

      //洋腸可能特別粗...獷啲。

      引用返陶偽才子的理論,要貼「不要亂拋垃圾」的海報,就是說你的「民族性」是會亂拋垃圾。咁班洋腸...

      刪除
    5. 魔術師叫楊威利/楊文里嘛 XD 大家其實都知喇...
      https://zh.wikipedia.org/zh-hk/%E6%9D%A8%E6%96%87%E9%87%8C

      //新聞正報導呂麉瑤被性侵事件,堂阿哥便又大大聲

      講開陶藝才子,佢又抽呂麗瑤水,同你堂阿哥有得揮。

      https://www.thenewslens.com/article/84633

      刪除
    6. //同你堂阿哥有得揮。//
      差遠!人家的能賣錢。

      刪除
    7. //魔術師叫楊威利/楊文里嘛 XD

      咁都俾你兜到!

      //呂麗瑤

      http://hk.on.cc/hk/bkn/cnt/news/20171201/bkn-20171201033008332-1201_00822_001.html

      事件發生後,呂麗瑤仍有跟該位教練聯絡,呂解釋:「他好歹也教了我一段日子,所以其後每年我都會跟他慶祝生日。我是神經病嗎?如何跟一位性侵犯自己的教練每年慶祝生日?」之後每次他靠近呂,呂的身體都會跟自己說退後,他倆的身體接觸從此只局限於拍拍膊頭。

      同「擄嬰案」一樣, being skeptical 又唔可以話唔啱,但係又唔使好似我堂阿哥咁嘅態度囉.

      刪除
    8. 魔魔, 多啲休息啊. 如果眼瞓就瞓下. 祝早日康復!!

      刪除
  2. 25個。我尋晚睇睇下瞓著咗。 XD XD

    回覆刪除
    回覆
    1. 25又好26都好,仲有幾個hit係我自己的呢。

      刪除
  3. 我今朝先睇Blog,睇唔切個真名,呢25個唔係我。
    Claim醫保我慣咗啦,呢啲小數,尤其政府醫院唔會點難為你嘅。

    回覆刪除
    回覆
    1. 其實摩摩睇一次,留言一次,咁都 load 咗兩次喇!所以26呢個數其實代表唔係好多人見到(有人 cap 圖例外).

      政府醫院千幾蚊好細數啫. 我訓醫院訓咗13日, 住院現金如果真係賠足,收$6500,仲多過醫療費用!

      刪除
    2. 冇記錯住院現金係用黎cover你住院期間返唔到工既工資損失或生活津貼,所以同醫療費用可以完全無關係。
      (好似係)
      P.S. 我都遲左冇一睹魔術師大名既機會

      刪除
    3. //冇記錯住院現金係用黎cover你住院期間返唔到工既工資損失或生活津貼,所以同醫療費用可以完全無關係。

      正解...

      //我都遲左冇一睹魔術師大名既機會

      機會只此一次,錯過咗就係架喇! XD

      刪除
    4. 仲有妹妹仔麻醉師做波推,個價真抵玩

      亞力士

      刪除
  4. 我也看不到高姓大名。 :D
    令堂兄要當心。萬一被醫院及診所列為暴力人物,可能不獲疹治。
    那張「向暴力和粗言説不」海報是一些用也沒有。火遮眼時誰會理?

    回覆刪除
    回覆
    1. //萬一被醫院及診所列為暴力人物,可能不獲疹治。

      在我城,應該唔會唔醫佢的, hea 醫就有可能. 堂阿哥呢類人,永遠都係情緒行先,而唔係朝住解決問題的方向去做事.

      //那張「向暴力和粗言説不」海報是一些用也沒有。火遮眼時誰會理?

      張海報都係為交功課而做而已;聞說蝗國火車早年有告示寫住「切勿毆打火車員工」添.

      刪除
  5. 哈,我都係26之後,睇唔到.
    魔兄好少咁唔小心喎,可能啱啱出院精神未完全康復,休息多啲啦.

    又,魔兄同摩摩係咪曾經見過面?印象中喺舊blog好似有篇影評提過(紅van?但搵唔翻).

    回覆刪除
    回覆
    1. //魔兄好少咁唔小心喎,可能啱啱出院精神未完全康復,休息多啲啦.

      可能係喇。醫院有隻止痛藥,食完會恰眼訓,要頂一輪先會清醒返。

      //魔兄同摩摩係咪曾經見過面?

      嘻嘻,我在FB中睇過摩摩的全相(誤)!

      刪除
  6. //係朝住解決問題的方向去做事.

    可能佢既價值觀就是"please自己情緒最重要,甚至比解決實際問題更重要".

    //同「擄嬰案」一樣, being skeptical 又唔可以話唔啱,但係又唔使好似我堂阿哥咁嘅態度囉.

    我覺得"保持中立,無話信定唔信,佢報警就等官判"呢個取態是合理的,但關你細個俾幼稚園miss摸面咩事? 摸面呢個舉動根本連"虐兒"都談不上,佢又唔係摸你條J! 跟手用"戴妖同女蝗共"做類比就更無稽,法律定罪係唔會理會原告被告政治背景的!

    陶偽才子玩得過火了,除了鞏固自己的忠實信徒其他全無用處.

    //又,魔兄同摩摩係咪曾經見過面?

    池兄就同魔兄見過,我就無嘞.

    回覆刪除
    回覆
    1. //可能佢既價值觀就是"please自己情緒最重要,甚至比解決實際問題更重要".

      直程喇。出院當天,我上午11時打俾堂阿哥,話佢可以1點過後先來,醫院有些文件例給出院紙還未準備好。
      堂阿哥話:「咁我依家嚟喇!」
      我唔想做到好似一打俾佢就要佢馬上出發咁,便說:「你唔使咁急,你來醫院又唔使兩粒鐘。」
      點知堂阿哥一句就質埋來:「你估我依家就係門口呀?」
      我呆一呆,才說:「我嘅意思係你可以自己預返啲時間啫!」
      佢成日都自恃自己係「老粗」,諗嗰句就講嗰句,乜禮貌都無,唔怪得之前提過的「爭產案」搞到咁僵。

      //陶偽才子玩得過火了,除了鞏固自己的忠實信徒其他全無用處.

      但係 Die Hard Fans 既然已是 die hard,又犯不着用呢類犯眾憎的手段去爭取支持喎!

      刪除
    2. // 但係 Die Hard Fans 既然已是 die hard,又犯不着用呢類犯眾憎的手段去爭取支持喎!

      die hard fans係要餵養㗎, 否則, 會離佢而去.....不過, 今次係咪抽水抽中火水就唔知了....

      刪除
    3. 要用「精神蛇齋餅糭」餵嘅都唔係太 die hard。 Die hard fans 應該會自動奉獻。

      刪除
  7. //保持中立,無話信定唔信,佢報警就等官判"呢個取態是合理的//

    最近玩微博,發覺大多數人都有三種偏執,連果殼網主筆亦犯:1. 理所當然;2. 一廂情願;3. 妄下判斷。

    事件:江歌被殺,劉鑫有責?
    https://theinitium.com/roundtable/20171113-roundtable-zh-jiangge/
    因為我覺得你不對,道理在受害人那邊,所以大家甚至受害人就有權為所欲為。

    事件:北京紅黃藍幼兒園縫衣針拮「管教」
    https://m.mingpao.com/ins/instantnews/web_tc/article/20171129/s00004/1511956365385
    因為做錯了一件事,其他指控都無需核實追查,反對就是幫兇無良不是人,一片指罵。

    還有經常急不及待下定案,完全不給時間調查。感情就是事情真相,對人不對事。有時跟車太貼,但有時也會猜中,既然 identify 不到真人,還是博一博,沾沾光環!

    //犯眾憎的手段去爭取支持喎!//

    除咗可以餵飽一大堆腦塞人,重有多啲人講佢,咁先有價值繼續扼稿費。

    回覆刪除
    回覆
    1. //發覺大多數人都有三種偏執,連果殼網主筆亦犯:1. 理所當然;2. 一廂情願;3. 妄下判斷。

      果殼網主筆?

      https://baike.baidu.com/item/%E6%9E%9C%E5%A3%B3%E7%BD%91

      只要識得獨立思考,就唔會犯呢類偏執;亦可以話, 可能好多自稱識得「獨立思考」的人,其實係唔識嘅.

      //既然 identify 不到真人,還是博一博,沾沾光環!

      「擄嬰案」

      //重有多啲人講佢,咁先有價值繼續扼稿費。

      呃like又呃嬲, 都可以搵到食.

      刪除
    2. 係佢自己話自己係果殼主筆㗎!
      我就唔明點解人哋要求有證據先報導就唔係一個傳媒該說的話囉!
      http://overseas.weico.cc/share/11085632.html?weibo_id=4179341262486554

      刪除
    3. //佢又唔係摸你條J! 跟手用"戴妖同女蝗共"做類比就更無稽

      最頂唔順就喺呢啲無稽類比。呂可能講嘅唔喺事實(有心無意都好喇),點解警察邀請都唔去,黑警又點解會查呢嗰又唔查689屋企---但喺其他人唔喺咁㗎嘛,你十九一棍打落去其他真正受害嘅會點諗。不過講真亂抽水又唔喺陶藝才子第一次嘅,今次抽着火水,開始有唔少人插喇。

      //呃like又呃嬲, 都可以搵到食

      又可以寫多幾日講多幾日,唔使時時小農"DNA"嗰三幅被喇!Yeah!

      刪除
    4. //我就唔明點解人哋要求有證據先報導就唔係一個傳媒該說的話囉!

      唔知幾時開始,傳霉唔使再作客觀報導,而係連判官都做埋.

      //不過講真亂抽水又唔喺陶藝才子第一次嘅,今次抽着火水,開始有唔少人插喇。

      肛門頂仲好笑,陶藝才子呢條友成日係度冷笑,以為自己窒人窒得好應,其實只係因為電台節目係 one way communication, 無人可以挑戰佢而已.

      刪除
    5. // 唔知幾時開始,傳霉唔使再作客觀報導,而係連判官都做埋.

      咪就係日日要求法治, 又日日叫法治己死嗰班人囉....

      刪除
    6. 痴痴呆呆,坐埋一檯,正一「青山新症」。

      刪除
  8. 魔術師堂阿哥和家父簡直半斤八兩, 又是思想偏執脾氣暴燥之輩,
    總之族內族外就不停攪出大頭佛, 唔理佢又唔得.......

    回覆刪除
    回覆
    1. 好彩佢只係我堂阿哥,唔使話「理」得佢太密.

      刪除
  9. 大陸加強封鎖城牆, 有一段時間無來
    慶幸魔兄大步檻過!

    回覆刪除
  10. //又犯不着用呢類犯眾憎的手段去爭取支持喎!
    //今次抽着火水,開始有唔少人插喇。

    過度的“無腦洗“,不一定有效,而且當和現實有反差時,隨時有反效果,變成反洗腦,”受洗者“會突然完全不相信以前被洗的內容。

    以下是現眼報的例子和背後的大環境。

    http://www.chinatimes.com/newspapers/20171130000806-260302
    https://theme.udn.com/theme/story/6773/2828323

    //還有經常急不及待下定案,完全不給時間調查。感情就是事情真相,對人不對事。有時跟車太貼,但有時也會猜中,既然 identify 不到真人,還是博一博,沾沾光環!

    一篇相關蝗文及推薦一套舊皇片:

    https://weiwenku.net/d/104052804

    https://movie.douban.com/subject/1459148/

    //唔知幾時開始,傳霉唔使再作客觀報導,而係連判官都做埋.

    因為觀眾要做判官,咁傳霉咪餵啲佢地要既嘢囉.

    //嘻嘻,我在FB中睇過摩摩的全相

    無辦法,而家fb自動tag圖太厲害,基本上我啲friend一放有我既相就會被tag。

    回覆刪除
    回覆
    1. //「每當台灣要選總統了,政治人物就來部落。但選上後,他們之前說的話就是空頭支票」。

      天下政客一樣黑。

      //如今我們原住民都要加入中共了,她的夢想要破滅了

      那位潛逃呆灣的李小妹怎算好?

      //交叉分析發現,卅歲以下年輕人的西進意願由去年的三成低點增為五成三,卅至四十九歲青壯世代也有近半數願意西進就業,都比去年增加九至十二個百分點。
      //願意讓子女到大陸唸書的人由去年的三成二增為三成八,一成二民眾願意搬到大陸定居,也比去年增加五個百分點。

      呆民終於開始暸解到22k的小確幸生活,就是無色無味的麻藥,足以消磨人的意志和鬥心。

      //判斷論證理由的質量
      //因為觀眾要做判官,咁傳霉咪餵啲佢地要既嘢囉.

      其實,在現袋傳霉<—>受眾的 death spiral feedback loop 內,群眾的判斷力是會逐漸地消失殆盡的。

      //遇人不熟

      已加!

      刪除