2018年2月8日 星期四

熱氣食品選

魔術師日前放假半天,返屯門醫院照骨質疏鬆同埋抽血檢驗,搞完一輪後有啲肚餓,便去市中心找些吃的。途經大家樂(00341.HK),竟然發現菜牌中有一樣食物叫「古早炸蘿蔔絲餅」:
(圖片來源:大家樂 > 熱賣推介 > 茶市, retrieved on 7 Feb 2018 )
魔術師覺得呢樣嘢其他就係「油糍」,真想不到大檸樂都會有售,便叫了一客來試下:
果然係個快餐店被的「油糍」,內面淨係得蘿蔔絲,個皮又炸得唔脆...念在呢度係大檸樂,只能說是差強人意,僅僅及格。
魔術師將大檸樂的「油糍」照片 Whatsapp 給前同事A同前上司葵鼠吹水。葵鼠呢位在藍血港島區長大的盛女當然唔知咩叫「油糍」,而前同事A話魔術師食嘢太熱氣...
如果要講熱氣,魔術師只會有時去食的上校炸雞才算「熱氣」;而且魔術師每次都只會叫辣雞加辣雞翼,皆因辣雞的炸粉較多,令到雞件較為「實淨」,唔辣版的上校炸雞時鬆泡泡的:
之但係如果講到炸雞,近年我城比較好食的炸雞是賓賓快餐 Jolibee,雞皮雞肉和雞骨是「清晰可分」的,而最出色的是個 Gravy,真係非常惹味(下圖套餐個漢堡飽是另加的):
不過,魔術師在我食過最好吃的快餐炸雞,卻是哈迪斯(Hardee's)...
言歸正傳,吃完油糍下午茶(唔係炸雞),便索性行一陣街之後便來「吃一個人晚餐」。今次選的是屯門市中心的潮州小廚,叫了個糖醋麵和油菜仲有個湯,對一人餐來說份量有點多:
這個糖醋麵不是炒得硬而脆,而是軟身的,有點出乎意料之外。麵和菜沒有驚喜,但係個胡椒豬肚湯真係好正,飲完非常暖肚,算是這天的最大收獲。
***
伸延閱讀:
油池
懷舊炸油糍大比拼!流浮山新鮮即炸最好食 香脆多料(蘋果日報 2017年3月15日)

9 則留言:

  1. 照骨質疏鬆喺唔喺因為上次跌親之後醫生要話驗定喺自己要求?有此一問因為我想驗但係醫生話你都未到嗰個年齡驗乜鬼。

    //而前同事A話魔術師食嘢太熱氣

    以前我有朋友郁啲就話呢樣嗰樣熱氣,我頂唔順就同佢講,咁你又成日食日式呢樣嗰樣煎炸"店自慢"又食得咁滋味...(之後佢就嬲咗我喇)。

    呢間翡翠小廚前生好似喺翡翠潮人潮食。唔知個餐牌有冇變咗。

    回覆刪除
    回覆
    1. //以前我有朋友郁啲就話呢樣嗰樣熱氣……//
      有d人就係咁唔老實。唔中意咪唔中意囉,又要畀個懶冠冕堂皇嘅原因。唔知為乜。
      有d重會將個人喜好上升到道德添。

      刪除
    2. //照骨質疏鬆喺唔喺因為上次跌親之後醫生要話驗定喺自己要求?

      係醫生要我驗. 就係因為我太後生就跌斷骨, 佢地覺得太不尋常, 所以要我不停驗呢樣驗嗰樣.

      //我頂唔順就同佢講,咁你又成日食日式呢樣嗰樣煎炸"店自慢"又食得咁滋味...

      雙重標準可恥!

      //之後佢就嬲咗我喇

      咁港女嘅?

      //呢間翡翠小廚前生好似喺翡翠潮人潮食。唔知個餐牌有冇變咗。

      係呀...你又知屯門啲食店嘅?

      不過我都好少去食,餐牌有無變就唔知喇.

      //唔中意咪唔中意囉,又要畀個懶冠冕堂皇嘅原因。
      //有d重會將個人喜好上升到道德添。

      典型黃C/教徒思維.



      刪除
    3. //咁港女嘅?

      的確喺一個典型唔去日本旅行會死嘅巷女 XD

      //係呀...你又知屯門啲食店嘅?

      我淨喺識屯門市中心嘅食肆咋

      刪除
    4. //的確喺一個典型唔去日本旅行會死嘅巷女 XD

      下一篇塞內設計會寫, 不過排期要排到過年後...

      //我淨喺識屯門市中心嘅食肆咋

      咁得意嘅? 同班嚟屯門 shopping 的大媽一樣...

      刪除
  2. 失去了總是最美好的。。。永遠懷念哈廸斯。。。

    回覆刪除
    回覆
    1. 以前返中環會去100QRC 嗰邊,即係現在萬寧個位食!

      刪除
  3. JOLLIBEE既炸雞真係最好食,夠熱、夠脆、夠香、夠滑。
    如果唔係LUNCH TIME咁多人我都會成日去幫襯。
    KFC雞就皮肉難分,而且有時仲會有腥臭味…

    回覆刪除
    回覆
    1. Jollibee 我去食 dinner 多,午餐時間太多人了。

      KFC真心唔明點解會有咁多人幫襯。

      刪除