疫情忍忍忍

魔術師都不時都有碎碎念，７７７正苦對於第五波的抗疫政策，基本上係唔科學兼無厘頭：之前晚市禁堂食好似 work，今次又照辨煮碗「扮做咗嘢」，但呢啲舊招數就好似對住聖鬥士出招咁，用過嘅招式對第五波係唔 work 嘅。於是正苦就開始亂咁嚟乜都禁，就連剪頭髮都禁埋。其實想減人流，點解唔用禁足令或者宵禁，反而搞幾個月禁這禁那，但實際作用就真係無乜，反而等到要死的都死了，要中招的都中了，群體免疫，疫情自動減弱為止。

在呢幾個勁難捱的日子，魔術師雖然可以 work from home 亦無中過招，但依然有好些事情是睇唔順眼，情緒十分燥動：

１. 鐵騎士頭盔

疫情肆虐兩年以來，只要係在晚市禁堂食的日子，魔術師一係就自己煮，但更多時都係外賣自取，從來無試過叫外賣仔送上門。原因好簡單，就係唔知運送過程中會唔會有啲「不為外人道」的事情發生（例如外賣仔偷食，食物倒瀉跌落地由外賣仔執返...等等，自己諗）。

而最令魔術師心中「唔舒服」的就是班外賣騎手好鬼鍾意戴住頭盔拎住啲外賣周圍行，蒙住面目跟本唔知佢係乜人，令到魔術師諗起黑暴，非常之無安全感。明白外賣車手一個人一雙手要從電單車後尾箱取出食物之後將頭盔放回可能有啲難度，但其實所有鐵騎士都會遇上「落車後如何放置頭盔」的問題，除了車尾箱之外是否還有其他方法呢？總唔會所有鐵騎士都係戴住頭盔周圍走吧？

（圖片來源：【新冠肺炎】自僱外賣員如染病無薪兼扣分　工會倡改用僱傭模式, HK01 2020-09-02）

２. 全天候鴨舌帽

都係唔知點解，工人姐姐們都好鍾意以厚框眼鏡，鴨舌帽造型示人，不論日夜陰晴，都係咁樣穿戴。有時假日出門，在巴士站排隊等車，一條隊隨時有好幾個同樣造型的姐姐們伸手隻手高舉手機嗶哩吧啦地玩 video call，好鬼有《The Matrix》feel。魔術師心諗，又眼鏡又鴨舌帽又口罩，蒙哂面好似去做賊咁，仲使乜視像通話呢！

無錯，魔術師就係介意成街人蒙住面，唔知好似做賊、定係毀咗容、定係入咗毒氣室咁，人人個樣都好似唔見得人咁，個心好唔舒服。特衰正苦幾時先可以俾我地光明正大咁以真面目示人呢？

３. 硬膠鳩嗚車

以前就話「鄉趕人」成日被蝗民自由行拖喼輾腳，但疫情兩年以來，目測卻是愈來愈多傷民用上鳩嗚車，仲要唔只係廢老、大媽、或者係工人姐姐會拉車仔，就算係衣着光鮮貌似中剷的時髦巷婦都係照拉如儀，橫衝直墥魯莽「駕駛」，惡形惡相不下於「無文化」的蝗民。而魔術師最討厭的就係以下呢類硬膠鳩嗚車，蝗民拖喼最多都只係輾腳背，但呢類硬膠鳩嗚車幾隻尖角四圍刮，被佢刮中「上五吋下五吋」真係好鬼痛！

（圖片來源：HKTV Mall > 紅A - 塑膠輕便購物車 - 紫色, captured on 18 Apr 2022）

４. 滑板車、風火輪

本來都唔記得寫，但是日竟然有新聞係「電動滑板車襲警」，即時醒起魔術師都有幾次差唔多俾無聲無息的「電動車」墥親，個「司機」仲要拎住外賣食品添！真係又係俾晚市禁堂食玩死！

駕電動滑板車疑收掣不及撞警員　男子涉危駕、無牌駕駛等7罪被捕 2022-04-18 15:27:04

【有線新聞】有警員午夜在沙田被電動滑板車撞到，兩人受傷送院。

網上片段見到，涉事警員當時正在科學園路、近馬料水公眾碼頭的路邊抄牌，一名男子在行人路上駕駛電動滑板車，警員嘗試截停他，滑板車收掣不及撞向警員，兩人跌在地上，警員的手、腳擦傷；該名25歲男子涉嫌危險駕駛、無牌駕駛等7項罪名被捕。