在睡房跳鋼管舞

帝柏海灣１,０００呎單位，無需要左改右改加碌架床住出「納米樓的味道」（見《一球嘢一家訓閣仔》），證明呢位切雞Ｃ收得兩球嘢，就較上次嗰位切雞Ｃ有良心（２６：５５—３６：０８）。

樓盤傳真 2022/03/19 2022/03/19 22:00

〈新居屋比併〉最後一回，為大家介紹土瓜灣冠山苑、沙田愉德苑及將軍澳昭明苑，均是提供約500伙的單幢細盤，屬於二線選擇，表現各有所長。除了七大新居屋，還有剩餘居屋單位及房協單位可供選擇，部分屋苑甚至比尾線新居屋更吸引。

東涌映灣園全場最平放盤叫價660萬元，呎價約13,300元。東涌樓價一直升得慢、跌得快，還有其他因素導致東涌樓價下跌，節目會分析一下。另外，還會探討銀主盤隨疫情嚴重而增加，預測銀主盤的數量及叫價。

奧運站住宅區令人印象深刻的帝柏海灣半圓落地窗台設計，如何運用空間，達致空間感與採光度兼備？由設計師逐點修正。

加息周期如何面對？可以參考上一次，由2015年開展的加息步伐。當時市場評估，更關心人民幣貶值遏抑內地人購買力，然而加息幅度小，普遍香港人仍能享受早前的低息紅利。

地震震到香港，程度輕微未有造成損害。過去10年，當局巡查舊樓配合強制驗樓，已修正大部分危樓，加固至符合現水平建築，抵受最大7級烈度地震。

不過呢位切雞Ｃ之前就懶新穎咁提出過「乾濕分離」的概念（見《結了婚的情侶屋》），今次就話要減少「門洞」（公猴都要爭洞穴？（見《有樓萬事joke（一）：有樓有真愛？》）），多啲用玻璃門設計，引入光線，認真多綽頭：

由於今次單位改動唔多（左上），為了充斥時間，切雞Ｃ唯有多着墨於大廳的特色牆連電視櫃，條子紋理和用色等等（右上、左中）。特色牆以暗門設計修飾儲物櫃，是全屋的主要收納空間，果然一打開唔同顏色的平價收納箱十分倒胃，同呢間千呎大屋唔多夾（右中）。切雞Ｃ無嘢好講，就連櫃身上下以鏡子設計都講埋，話可以減低壓逼感，但一高一低要清潔都唔係易事（左下、右下）：

工人房是個斜角空間，原本門口面向大廳，切雞Ｃ將其封掉，門口改在廚門之內，減少了大廳其中一個「門洞」（左上）。廚房只有爐頭等基本嘢，唔見有蒸焗爐、洗碗碟機等大型家電（右上），甚至乎工作區牆身以雲石鋪砌（左中），唔怕吸水和易碎等問題，戶主連工人姐姐可能都係無飯家庭。當然，唔煮飯就更加要有別緻的 gadgets 來扮吓嘢，所以切雞切又好貼心咁加咗個拉籃出嚟加返啲 decency（右中）。客廳由於呈鑽石型，切雞Ｃ便在梳化後以清玻璃牆和門間出一個三角型的閱讀區，又可以無無聊聊擺吓模型，以作修正（左下、右下）：

戶主兩個囡囡仲細，可以孖鋪（左上）。床頭隔離就係書枱，睇住西斜海景做功課一定分心（右上）。囡囡房打通二合為一後景觀更加遼闊，可以跟隔離單位對望，海棠春睡時記住要拉窗簾（左中）。切雞Ｃ貫徹減少走廊上「門洞」數目，便學似將工人房門改在廚房內一樣，將「遊戲室」房門改在囡囡房內，以條子玻璃門間開，成「房中房」設計（右中）。「遊戲室」無乜固定傢俱，看來將來兩個囡囡大咗都可以分房訓（左下）。不過成間囡囡房連「遊戲室」都唔見有晝櫃，唔知啲書本、功課擺係邊。囡囡浴室在房間對面（右下），如果將來分房訓，訓「房中房」的囡囡要去次所都幾麻煩，肯定嘈到另一人：

本案單位賣點係睡房嘅落地大窗係弧形嘅，宣稱個景觀可以去到１８０度，不過抹窗就真係麻鬼煩，隨時連抹窗機械人都用唔到；而為免阻礙景觀，切雞Ｃ便將睡房電視掛在柱上（左上，右上），但其實只要拆咗部電視，老婆用條柱來跳鋼舞也是在疫情下做運動保持身形苗條的做法。主人睡床床頭後方是工作間、衣帽間二合為一的「共享空間」，根據切雞Ｃ所說就係「一個空間，兩個作用」（左中）；工作間、衣帽間跟睡床同樣以清玻璃分隔（右中），讓男戶主在工作時都可以睇到老婆跳鋼管舞，唔怪得之切雞Ｃ話條柱「有好多功能」（左下）。梳妝枱在玻璃門後，如果女主人在化妝，阿囡同老公真係要睇清楚在開門，否則好易墥到後腦（右下）：

主人浴室馬桶水箱用隱藏性設計，清潔維修時可能會較困難（左上）；塊鏡橢圓形，有少少《午夜凶鈴》feel（右上）。今次切雞Ｃ以房間以地台儲物空間與次所地磚做到「乾濕分離」效果（左下、右下），果然係求其搵個 term 來講便好似好勁咁：

講到尾，整個單位的介紹都不及記者妹的長腿亮眼：

精華版如下：

＊＊＊

伸延閱讀：

一球嘢一家訓閣仔

結了婚的情侶屋

有樓萬事joke（一）：有樓有真愛？