是咁的，自２０２１年尾開始，用支付佬扣信用卡交差餉地租是要收手續費的，微信囡都是一樣（魔術師屋企的差餉地租超過２,０００我城貨幣，魔術師也沒有蝗銀信用卡）：
|
| （圖片來源：AlipayHK > 常見問題： 付款及繳費, captured on 24 Apr 2022） |
|
| （圖片來源：WeChat Pay HK > 生活繳費 > 常見問題： 付款及繳費, captured on 24 Apr 2022） |
魔術師在條氣唔多順之下就開始有的沒的諗吓點樣可以交差餉地租兼賺到積分，例如每個月用美帝錢莊 Cashback Card 過＄１,０００落 PAYME 兼儲分，螞蟻搬家儲夠幾個月之後再用 PAYME 交差餉地租。
有日魔術師忽發奇想，見手機版發達通有幾百蚊餘額，消費劵又嚟緊，究竟可唔可以用美帝錢莊 Cashback Card 為發達通增值後再轉落發達通銀包，一次過交差餉地租，提早清空張手機發達通呢？
對手機版發達通來說，答案是否定的（見《新聞雜評（三百五十四）》），而魔術師就衰在太過托大，無試過手機版發達通是否可以將餘額轉落去發達通（年紀開始大，長期保持高度 attention to details 真係好花精神），貿貿然計好數便走去做大額增值...
結果，當然係轉唔到落發達通銀包交差餉地租之餘，餘額又接近最高的＄３,０００，頂住張手機發達通拎消費劵。
魔術師又再諗，舉例如果拎＄１００消費劵，咁係咪要先用哂２千幾蚊餘額先，才會用到消費劵呢？
於是，魔術師就暫且按兵不動，唔領消費劵住，先清咗嗰２千幾蚊餘額先。
估佢唔到的是，魔術師明明未領消費劵（２０２２年是「可領取」，相對於２０２１年是「已領取」），但合資格消費卻有千多元：
即是說即使未領消費劵，現有餘額都可以算在「消費劵合資格消費」的帳上。呢個都唔知算係 bug 定係「利民優惠」，總之日後用滿＄４,０００（現存餘額計算在內）再拎＄１,０００ 就唔使煩，魔術師真係諗多咗了。
拖吓拖吓，是日（２３／４）收到 Circle K 話在店內用發達通領消費劵有 coupon 送，發達通逼用戶要分階段領劵竟然都有咁嘅「着數」：
|
| （圖片來源：Circle K App (iOS), captured on 24 Apr 2022） |
＊＊＊
伸延閱讀：
哈哈，真係無留意微信囡用信用卡要俾公營機構的費用要手續費。魔術師真的Attention to details；基本上差餉地租、電費、煤氣都是用微信囡，除咗交稅，因為上限是3000元；其實差餉地租都煩，每次都要入一站通再掃二維碼先交得，唔似電費煤氣可以直接交。
回覆刪除另外八達通領取消費券我又覺得好神奇，之前以為是因為有3000元上限所以唔能夠一次攞齊，但原來依家俾4000元是可以的，咁仲乜要分2次俾，1次俾晒唔好咩? 政府的思維真是估佢唔到。
//原來依家俾4000元是可以的
刪除唔得架，一樣係先3000，用哂先可以再1000
//其實差餉地租都煩，每次都要入一站通再掃二維碼先交得，唔似電費煤氣可以直接交。
刪除微信囡生活繳費唔超過$2,000 係唔收手續費的, 所以我電費同煤氣可以照俾無誤, 差餉地租就唔得, 一定要用FPS.
//之前以為是因為有3000元上限所以唔能夠一次攞齊，但原來依家俾4000元是可以的
//唔得架，一樣係先3000，用哂先可以再1000
前同事A正解. 2021年嗰次係2000 + 2000 + 1000, 今次係4000+1000，2022分兩期而唔係分三期(2021)，不過依然受每次最多只能增值 3000 所限， 所以頭一次嗰 4000 最少都要分兩次攞.
你們說的對。
刪除我是不明白用八達通為什麼最後1000元要之前的消費券都用光才可以領，之前儍呼呼的以為是八達通的增值上限而導致；但現在看來不是，我的理解是前4000元以類似自動增值的方法以最少2次入落八達通，那為什麼最後1000元不行?
身邊有不少長者在上期消費券經常問，點解拍卡攞唔到最後1000元，幫手打去問，話佢地未用晒之前的消費券，然後又要等多一個月。呢個機制咁設計是為乜呢?
//我的理解是前4000元以類似自動增值的方法以最少2次入落八達通，那為什麼最後1000元不行
刪除從來都無官方解釋。我的想法是發達通太貼心，因為發達通自動增值最多都係$1000，2021年時拎消費劵便＄2000一期，保證大部分人不會因為自動增值而拎唔到劵，所以才有第二期$1000、第三期$1000的做法，分階段拎，用完再增值，保證 fool proof。
但如果發現以上的「窩心設計」吃力不討好，唔做好過做；就唔明點解2022年唔改到$5000隨叉隨拎了。
//點解拍卡攞唔到最後1000元，幫手打去問，話佢地未用晒之前的消費券，然後又要等多一個月。
應該係跟從消費劵是要消費唔係用來儲蓄的理念，所以要逼你用完才可以叉...之不過其他消費劵平台又無咁麻煩。
啲大帝諗乜我地識條鐵，真係希望有人可以解吓畫，以釋疑慮。
我個人相信理由好簡單,就係SYSTEM太廢XD....根據我係某超市入面嘅經驗,人人(包括啲顧客同高層)都以為送下嘢,打下折好易啫,但其實SYSTEM太廢,想送到件嘢出去,要諗到腦癌末期先諗到點樣避開SYSTEM嘅盲點, 所以...無收少到就要謝天謝地,唔好諗咁多啦XD
刪除通常呢啲都係啲高層開頭懶好心話要整到個SYSTEM好USER FRIENDLY,盡量簡單,但完全無諗實際情況,結果簡單得滯咩都做唔到,但又唔想使錢去改XD 唯有靠手下用腦力係框架下,扭盡六壬去做啲嘢出嚟XD 而家直頭係當初完全無諗過嘅情況,佢應該都係用最少錢,最少改到做到就算.....XD
//果簡單得滯咩都做唔到,但又唔想使錢去改XD 唯有靠手下用腦力係框架下,扭盡六壬去做啲嘢出嚟
刪除又係喎, 唔使諗咁多, low tech 撈嘢, 最緊要唔使錢可以搞定!
CNCBI 信用卡交差餉地租都算繳費類, 有0.5%現金回贈的, 每月回贈CAP頭$10000. 交保費都算.
回覆刪除J.
我試過俾蝗資銀行 reject 我申請信用卡，可能係因為有一排多咗 credit enquiry 的關係（早前轉按），就要我從來無拖數，都搞到 ＴＵ 變咗Ｂ，唔服氣之下暫時都唔玩新卡了。
刪除好暈。。。睇吾明你地嘅留言 T_T
回覆刪除不過我有好消息 舊年消費券可以拿到今年9月 哈哈
舊年我八達通只係拿左2k 今年應該先拿21年的2k 再拿21年的1k 用晒後 再拿22年第一期3k 再拿22年第一期1k。暈低。。。。 遲吓返香港睇吓可以嘟到幾多 ^_^
//不過我有好消息 舊年消費券可以拿到今年9月 哈哈
刪除//今年應該先拿21年的2k 再拿21年的1k 用晒後 再拿22年第一期3k 再拿22年第一期1k。
你今次執返身彩, 要用好快啲用, 買金都得架.
真？good idea 我正牌師奶都唔夠你識諗. 買個金幣仔之後賣返出去咪套現咯 哈哈哈 之前仲諗或者買手機 但系我部蘋果7仲可以用。
刪除喂，我只係以投資角度講，無話教你「套現」。將消費劵「套現」是犯法的。
刪除