一、二、N人飯局（2024年4至6月）

 1. 屯市 Food Maze 厚興瑜記手撕雞

早前網友介紹屯市 Food Maze 新開咗間厚興瑜記手撕雞，魔術師新X坑當然就走去試吓，果然見到花籃都仲喺度：

睇菜牌就同卓爾居分店相當類似，不過就開得比較夜，9:30pm 才關門：

魔術師就叫咗個麻辣手撕雞撈麵，送例湯。點知叫凍撈結果嚟咗熱撈，有啲激氣（店員仲問魔術師介唔介意）。算，就當係佢哋試業期間未搞定吧！

魔術師餐單：麻辣手撕雞撈麵（凍變熱），送例湯，埋單＄58。

積壓如山煲劇單（2024年6月）

訓醫院無所事事，最好就係煲劇喇！睇手機太辛苦，一定要用 Notebook。記住要用耳機，唔好好似班廢老咁嘈親人。最簡單的有線耳機就夠，唔使叉電最方便。

 睇咗

1.  Disney+：《美國恐怖故事（American Horror Story)》第十二季 Delicate（下半部）

睇恐怖片通常唔會先睇評論，魔術師就係咁俾個 episode list fake 咗，初頭以為係個5集完的短篇，原來係有9集的，係因為2023年尾帝編劇和演員罷工而暫停製作，要到今年5月才續播。魔術師做事甚少半途而廢，就算係煲劇都係咁講。5月份續播後睇完，下半部4集，頭3集還可以，但最後一集大結局卻是大爛尾，亦看不出今季的女巫集團培養「魔鬼之子」為乜（只為永生？名利？慾望？），跟之前咁多季的「魔鬼之子」格局相差太遠。

魔術師評分：50分（100分滿分）

又空手入白刃

魔術師昨天（6月15日）終於出得院，不過遲啲月底都要再住返兩日院做檢查，毋需每日無所事事霸佔床位是也。在魔術師訓病床期間，大貓有 sales 打嚟 sell 呢隻「循環貸款」產品：                      

（圖片來源：滙豐循環「萬應錢」官方網站，captured on 12 Jun 2024）

2024歐洲國家盃開波

魔術師愛隊德國隊近年飽受「學壞師」影響，自從哥迪奧拿（Josep "Pep" Guardiola Sala）於2013-16執教拜仁慕尼黑（FC Bayern München）之後，其傳控系足球理念「深植」德國國家隊戰術體系，但德國球員本來就唔係打呢種傳控戰術的技術型料子，故之前兩位教練路維（Joachim Löw）及費力克（Hansi Flick）都因戰續不佳（2014贏世界盃時仲未係打傳控）而下台。現時國家隊教練拿高士文（Julian Nagelsmann）同樣教過拜仁打過一輪傳控，亦是不得要領，又睇吓佢教國家隊是否有新諗頭，畢竟佢教賀芬咸（TSG 1899 Hoffenheim）時都係以機動戰法及換人決斷見稱，如果德國隊可以打返舊時的足球風格，加上主場之利，都未嘗係本屆賽事「黑馬」。

X檔案（三）

 1. FB 守護者

FB 呢個黃人集散地兼軟對抗中心，真係靠哂 William 大成日鬧來鬧去，真係心血少啲都死。不過如果 William 大可以講少啲灣灣，講多啲我城嘢就更好嘞！

瞬間睇廣告（十五）

1. 我好鍾意呢度喔

紅磡大酒店附近主打中小單位的新盤會好方便經常飛來飛去的內地高才通大忙人出出入入（乜唔係九龍站方便啲咩？），除會所設施外，嘆吓 Latte 食雞蛋仔就俾到高才通好 chill 的感覺？全蝗話的廣告究竟 sell 緊乜？點解同紅磡好似唔多協調咁嘅？

// THE HADDON // MIDTOWN SOUTH 南九龍百萬呎綜合都會地標

又見新一袋醫護人員

事緣魔術師兩三個星期前已開始覺得自己有啲唔妥，最先係同同事傾電話時忽然之間無咗聲，係唔夠氣一口氣講晒全句，繼而開始氣力不繼。初頭以為為冷親傷風，睇過兩個唔同的私家醫生食傷風咳、氣管藥都無進展，後來發現自己行路氣促，唔夠氣，徵狀跟老媽子心臟衰竭相似（老媽子都捱咗廿年才去世），不能諱疾忌醫之下，馬上便去屯門醫院急症室求醫。

雖然話魔術師仲可以自行搭的士去急症室，但都無話「備受歧視」排隊輪在「白車送入來的病患」之後...實情上當時急症室唔多人，魔術師被分流為第三等級，唔使等太耐就見到醫生。

魔術師資產配置（2024年6月）

本月開波股票：商品：房託：債券及現金目標比例為33.6:4.0:26.4:36.0，要回到目標比例33.2:4.0:26.4:36.4，即係簡單地沽出股票，增持現金即可，商品及房託組合可以按兵不動：

- 股票方面，複式盈富以股息再投資，然後沽尾股套現。

- 債劵及現金方面，繼 GEO 6.0 Apr15'26 於日前被提早 call 走（自 2020年4月16日首次買入起，連債劵利息，持有4年1個月，以$100 贖回後回報為 76.06％），另外持有的美國國庫劵（T-Bills）將於6月27日到期、OXY 6.95 Jul01'24 亦將於我城回歸日到期，係時候搵替代品撳返啲現金流出嚟。魔術師格咗一輪價之後，諗起年前阿根延商場 REITs IRCPAR 8.75 Mar23'23 成功到期被贖回，看來呢個國家的低/無評級債券亦並非洪水猛獸。睇中一隻阿根廷電訊債券，兩年到期，鑑於派息期近，現時買入要俾大量 accured interest，唔想咁樣可以考慮等派息之後買入；期間先用短期尾帝國債收吓息先。另外也需要以（相對上）較長期尾帝國債當成儲稅劵，為2025年交稅作準備。最後，WeWork「傳來好消息」，就係走出破產，取消上市地位，債轉股，魔術師於是就由債主變股東喇！

以每１００萬股票組合計，資金調配如下：

八的平方(2024）

23條首案｜湯家驊：煽動罪門檻高　一般人毋須過慮　惟講少句為佳 2024年05月29日

【有線新聞】資深大律師湯家驊指煽動罪入罪門檻高，光明正大的人毋須過慮，但呼籲市民講少一句為佳。

涉案Facebook專頁「小彤群抽會」4月底起分享鄒幸彤悼念六四的個人經歷，當中有帖文提及支聯會綱領，包括「平反八九民運」等內容。警方國安處首次引用維護國家安全條例下新修訂的煽動意圖罪，被捕人士涉嫌利用「某個將至的敏感日子」，持續發布具煽動意圖的帖文。

條例訂明出於煽動意圖作出具煽動意圖的作為、發布或輸入有煽動意圖的刊物，最高監禁7年；若涉及勾結境外勢力，最高監禁10年。新修訂的煽動意圖除了引起對國家機構、特區政府和立法、司法機關的憎恨、藐視，或對其離叛，還針對國家根本制度。國安處指被捕人士就是挑起市民對這三個機構的憎恨（中央政府、特區政府及司法機構）。

資深大律師湯家驊指煽動罪入罪門檻高，一般市民毋須過慮。湯家驊：「干犯煽動煽惑罪有兩個很重要的元素，一個是效果，一個是意圖。兩個元素要同時間滿足，而且毫無合理疑點下滿足，才有機會入罪。所以我認為一般人堂堂正正、光明正大生活，根本不用想這個問題。」

至於市民在帖文留言、參與討論會否有機會違法？湯家驊：「如果只是八卦說兩句，我當時在哪裏做過甚麼東西，實在看不到他參與會有大問題。當然這條線不是容易畫得那麼清楚，可以避免的，大家都避免。講少一句其實沒有甚麼所謂。」他又說悼念六四並沒有問題，關鍵在悼念有沒有犯罪意圖。

1. 小彤群抽會

魔術師初頭以為係上呼吸道問題，點知情況有點嚴重，入了屯門醫院檢查，話驚係心臟有事。今年住咗院，學十一哥話齋，雖然魔術師唔係玩悼念，但都係講少句為妙！

新聞雜評（四百三十五）

信報 2024年5月28日

獨眼

八成市民反對 政府暫緩垃圾收費

卓永興稱「唯一決定」 續推減廢明年中滙報

討論近20年的垃圾收費計劃在連串擾民指摘下終暫時擱置。政府宣布暫緩8月1日實行，沒訂具體實施日期，稍後廢除刊憲公告，政務司副司長卓永興昨在立法會解釋，因「先行先試」找出許多以往未能發現的問題，環境及生態局局長謝展寰建議暫緩實行，已獲特首接納，未來一年繼續推動減廢，並於明年中滙報進度；卓永興說垃圾收費對社會的影響史無前例，「今次建議暫緩，係一個務實、正確，甚至係唯一嘅決定。」至於是否有官員要問責？卓永興力撐謝展寰「盡心盡力」，又指「事非經過不知難」，否認考慮不周。行會成員擔心2035年停用堆填區，恐政策跟不上，建議政府計清楚要起多少個焚化爐。

垃圾收費「先行先試」計劃由4月1日至5月24日，卓永興表示，政府收集的意見與坊間不同研究均顯示，支持如期推行垃圾收費的市民不多，約七至八成市民反對。先行先試的結果顯示市民認為垃圾收費操作繁複，大部分住宅樓宇沒有善用獲派的指定袋，且發現參與者處理垃圾的習慣沒有太大改變，總結有6項問題【表1】，故決定暫緩計劃。

先行先試受挫 謝展寰研優化計劃

謝展寰透露，目前政府已投入8000萬元宣傳、籌備和推行垃圾收費計劃，包括製造指定袋，未來一年將繼續推動減廢及分類回收，如擴大回收配套和加強公眾教育，同時研究如何優化計劃和處理多項問題；他又說：「政府推動減廢回收初心不變，亦從來冇改變。」

謝提及的後續措施【表2】，包括下月起政府每月向所有公屋戶提供20個指定袋，為期半年；私人屋苑物管代表須簽署《減廢回收約章》，承諾提供分類回收設施，並把收集廢物妥善交回收商處理，才可獲免費指定袋；另目標於一年內將廚餘收集設施翻倍，並設立100個廚餘回收流動點等。為能於2035年前達到棄用堆填區目標，政府將加快興建現代垃圾焚燒發電設施，並探索推動大灣區廢物資源處理一體化。

坊間對垃圾收費普遍諉多於譽，被問到是否有官員需問責下台或道歉，卓永興回應有關政策是史無前例的，政府將繼續支持局長工作。

議員表歡迎 籲加強配套及宣傳

多名立法會議員歡迎決定。江玉歡關注政府與指定袋生產商簽合約，暫緩決定會否導致政府需賠償，建議將指定袋平賣給市民。立法會環境事務委員會主席劉國勳認為，垃圾收費並非減廢回收的唯一手段，如「走塑」也可達致減廢目標，他認為政府應加強回收配套及宣傳，待成熟後再推出。

香港物業管理協會前會長陳志球覺得政府已推出「先行先試」，不應徹底放棄。至於之前有私人屋苑為日後購買指定袋而加管理費，有物管公司負責人透露：「冇可能再開業主大會討論減返幾多錢，大部分業主同意將加咗嘅差額，撥嚟做日常維修開支。」

1. 政務司副司長卓永興昨在立法會解釋，因「先行先試」找出許多以往未能發現的問題，環境及生態局局長謝展寰建議暫緩實行...卓永興力撐謝展寰「盡心盡力」，又指「事非經過不知難」，否認考慮不周。

真係唔話人言報係軟對抗都唔得。就咁睇呢個設計圖片，白頭謝嗰種「傲氣比天高」的嘴臉，彷彿事不關己似的，真係好容易挑起市民對正苦官員的嫌惡及憎恨呀！

魔術師資產配置（2024年5月結）

本月結算，巷尾商品股債均呈先升後回，所有投資組合全線報升，只差升多升少而已。由尾股為主，巷股為輔的沉船基金較上月大升5.24％，每單位收報＄176.26（我城貨幣，下同），依然佔領本月第一。緊跟其後的是全靠金價與比特幣造好的商品基金，較上月升1.99％，本月每單位收報＄158.46，佔第二位，繽創新高。第三位就係都係由巷尾股票組成的生活基金，尾股稍回但巷股接力，較上月大升5.16％，每單位收報＄150.51。

第四位是合格線、包含高中低回報（及風險）的債券、債劵 ETF/CEF 和現金組合，本月每單位收報＄130.41，較上月升2.40%。

複式盈富繼續隨巷股大市造好，月尾稍回，每單位價格收報＄112.28，較上月升2.86％，佔第五位。第六位係由環球債劵股及中巷貨弊基金為主，巷尾股票指數基金為輔的強強積金組合，每單位收報$105.53，較上月微升0.54％。繼續包尾的房託組合都有反彈，本月升3.60％，每單位收報$89.50。