比卡超話傷巷商界「執10間開返16間」（見《新聞雜評（四百三十六）》），財經/地慘KOL又話飲食業的「執笠最大原因」係「生意太好，唯有執笠」（見伸延閱讀），可是靚姐姐就感受唔到呢啲咁歡樂嘅氣氛，始終生意難做，壓力爆煲，點都要出國旅行減吓。咁啱靚姐姐媽咪太耐無去過旅行，靚姐姐今次就帶埋伯母外遊。魔術師有感早前住院期間伯母時常來探望（見《又見新一袋醫護人員》），湯水生果不缺，於是今年年假就做吓跟班，跟靚姐姐兩母女去遊歷，順便多對手幫忙照顧老人家，應有之義也。
咁啱上年同靚姐姐去完旅行（見《爽歪歪澳洲遊》系列），發覺早年買入的 LV 中篋有部份「膠腳」老化需要維修，屋企個 RIMOWA 鋁箱又太笨重只適宜用來裝攝影嘻材，最舊的行李箱更加係有老父油畫「墨寶」，點都唔會用，所以有需要買返個篋：
|
| （家父「墨寶」之一） |
經過一輪資料搜集，發現消痿會今年有做過行李箱檢驗：
|
| （圖片來源：消委會行李箱15款測試結果！Muji性價比高評分勝RIMOWA/Samsonite, HK01 2024-04-29） |
以魔術師呢種 very infrequent traveller 嚟講，最緊要就係耐用，防水效能其次，當然手柄上化學成份絕不可以「有損男性生殖系統」（拖篋唔洗手就走出打JJ？），估唔到最貴嘅 RIMOWA 竟然幾乎係最唔耐用，最抵用（性價比最高）的就係無印 Muji。不過，由於魔術師唔係窮撚，點都要買返啲有印（branded）嘅嘢，又唔想網購想親手試吓手感，退而求其次的瑞士刀品牌（MacGyver 良伴） Victorinox 在屯門無門市，又唔想拎住個箱搭遠程車，於是就轉去睇在屯門市中心有間鋪的 LOJEL：
|
| （網上圖片） |
再搜尋了一輪，鎖定了 Cubo 系列，由於屋企個 LV 篋屬於細型號（20吋），今次就買個大少少，Cubo Fit 就最啱（雖然對今次旅程來說可能偏大）：
|
| （圖片來源：LOJEL > Travel > Cubo Fit, captured on 15 Dec 2024） |
去門市一試，果然啱心意，首次購買仲有9折，於是就入手酒紅色（魔術師飛星屬水，水剋火，我剋者為財），連埋行李箱套及姓名字母魔術貼，共我城貨幣＄3,132：
＊＊＊
伸延閱讀：
有沒有考慮過Tumi？試過網店出錯，就以成本價買了一個Tumi20吋行李箱，輕亦好推。
回覆刪除我見到有實物可以試的都會試，可是就是見不到 Tumi.
刪除餐廳數目似乎唔難做到fact finding , 咁都搞唔清楚，唔知點做政策
回覆刪除做得比卡超呢個位，唱好是「可以理解」；但份稿可以寫得含畜啲，依家就寫到佢好似好唔暸解世事咁。
刪除