跟老鼠成抬槓

吖，點解啲前焗腸、前膠官、前蛾員、前蛇齋黨長老之類之類的「舊電池」，都有鋪癮說三道四話正苦呢樣唔得嗰樣唔掂，唔係扮先知就係扮車公，裝模作樣。呢班「舊電池」咁叻又唔見佢哋在位時有乜德政搞得出嚟？

信報 2025年1月27日

專訪

曾鈺成：非嚴詞譴責便可消弭抹黑

冀說好港故事 促政界卸包袱重建歐美聯繫

地緣政治局勢動盪，政府近年積極反駁、譴責涉及香港的負面言論。前立法會主席、民建聯創黨主席曾鈺成接受本報專訪時直言：「唔係嚴詞譴責就可以消弭抹黑。」期望政府心平氣和地提出具說服力的言詞說好香港、中國故事。他又期望政府、政黨，以至立法會議員都能放下包袱，重建與歐美國家的聯繫，「唔能夠因為美國佬帶頭攪嘢，喺度話你唔睬我，我咪唔睬你囉。」

特首李家超上任後，政府團隊其重視維護香港形象，過去三年只要出現欠公允的新聞或評論，特區便會發聲明「嚴厲譴責」及反駁有關論點，「戰狼」形象深入民心。久而久之，社會關注香港與西方世界的關係會否被削弱。曾鈺成直言：「唔係嚴詞譴責就可以消弭抹黑。」他指不排除政府有時需要「佢一出咗聲，我就要出嚟駁返轉頭先」；惟他亦提醒說好香港、中國故事才是反駁抹黑的最佳做法，「我哋點樣可以進一步心平氣和去講我哋嘅道理，畀整個國際社會接受我哋呢一套呢？我哋都要諗呢樣嘢。」

香港傳統優勢是面向西方國家

曾鈺成引述國家主席習近平所指，香港的獨特優勢在於「背靠祖國、聯通世界」。他認為香港的傳統優勢是面向美西方國家；雖然在地緣政治影響下，美國、歐洲在意識形態上或要與中國「唱對頭」、罵戰，但他認為在經濟發展的實際利益上而言，西方國家無可能與中國脫鈎；而回顧昔日冷戰時期，西方國家帶頭圍堵中國時，香港同樣擔任聯通世界的角色，這恰好說明香港現時有發揮優勢的必要。

他認同與拉丁美洲、中東、東南亞等第三世界國家聯繫雖然同樣重要，但亦坦言，要與這些國家交往，國家比香港有更多有利條件。他指，有一位商界朋友曾詢問杜拜商人，對方為何不來港投資，杜拜商人反問為何不直接投資中國內地，「我直接去內地唔好？」他認為這側面說明國家發展「一帶一路」的成果。

長遠有損港聯通世界角色

曾鈺成建議，政府及議員必須加強與美西方國家的聯繫，打破擔心節外生枝的思維，「唔能夠因為美國佬帶頭攪嘢，喺度話你唔睬我，我咪唔睬你囉。」否則長遠而言，有損香港聯通世界的角色。

提到外訪，立法會日本考察團乘坐商務艙往返香港、日本惹來社會爭議，質疑議員在財赤下依然「大花筒」。曾鈺成為此解畫，強調有關安排無違規、亦無額外增加公帑。而事實上，每一屆立法會，都會預留固定開支額度，供議員四年任期內在香港以外地方作公務外訪。不過，曾鈺成也引述前民政事務局常任秘書長楊立門在節目上指「4個鐘啫，你都要坐商務，係咪缺乏政治智慧呢？」他表示同意該說法。

曾有議員坐經濟艙赴英捱病

據現時安排，如議員任期結束時，職務訪問的預算未用盡，該等款額將用以發還給開支超出個人所得撥款額的議員。被問到立法會可否將該款額撥還予政府，曾鈺成直言：「理論上應該要用㗎嘛！係議員嘅職責。」

對於外界建議應限制立法會議員外訪的規格以節省開支，曾鈺成憶述仍在任立法會主席期間，曾與議員共同前往英國倫敦訪問，因為飛行時間較長，故大部分議員都選擇坐商務艙，唯獨「好大隻嘅」時任立法會議員朱幼麟選擇坐經濟艙，後來他便因休息不足而生病。

故此，他認為要留選擇權予立法會議員，笑說：「始終議員唔係小學生啦，有啲嘢要留返畀佢自己做判斷嘅。」

1. 曾鈺成直言：「唔係嚴詞譴責就可以消弭抹黑。」他指不排除政府有時需要「佢一出咗聲，我就要出嚟駁返轉頭先」；惟他亦提醒說好香港、中國故事才是反駁抹黑的最佳做法，「我哋點樣可以進一步心平氣和去講我哋嘅道理，畀整個國際社會接受我哋呢一套呢？我哋都要諗呢樣嘢。」

其實一個 Deepseek 已經比你死唔斷氣碎碎念有用上一億倍。「說好中國、傷巷故事」唔係靠「說」，而係 action is always louder than words。你有 action，自然可以「心平氣和」（不怒而威）地去「講道理」。

2. （曾鈺成）他認為香港的傳統優勢是面向美西方國家...回顧昔日冷戰時期，西方國家帶頭圍堵中國時，香港同樣擔任聯通世界的角色，這恰好說明香港現時有發揮優勢的必要。...有一位商界朋友曾詢問杜拜商人，對方為何不來港投資，杜拜商人反問為何不直接投資中國內地，「我直接去內地唔好？」他認為這側面說明國家發展「一帶一路」的成果。

阿老鼠成係咪思覺失調？前一句仲「懷緬過去常陶醉」傷巷做「超級聯絡人」的角色，後一句就話外商「直接去內地唔好？」既然人哋都唔使靠傷巷，我城呢個經紀仔仲有乜存在價值？

3. 曾鈺成建議，政府及議員必須加強與美西方國家的聯繫，打破擔心節外生枝的思維，「唔能夠因為美國佬帶頭攪嘢，喺度話你唔睬我，我咪唔睬你囉。」

同上。人哋一係就唔同中國（當然包括傷巷）做生意，一係要做就直接返內地傾，Grandpa 有大量組合拳吸客。依家唔係人哋排擠你，唔睬你，而係發覺睬你都無X用也。

4. 據現時安排，如議員任期結束時，職務訪問的預算未用盡，該等款額將用以發還給開支超出個人所得撥款額的議員。被問到立法會可否將該款額撥還予政府，曾鈺成直言：「理論上應該要用㗎嘛！係議員嘅職責。」

呢篇訪問在 Chinese New Year 之前發生，唔知係咪車公有靈，就係因為咁嚟咗句「只因貪心惹是非」！撥咗款俾你就要洗腳唔抹腳用哂佢㗎喇咩？用唔哂俾返正苦又幾難？

信報 2025年1月27日

談紓財赤語塞 憂減薪牽連廣

千億財赤為港府帶來極大挑戰。港大數學系畢業、以擅長數理邏輯著稱、平日字字珠璣的曾鈺成，一旦提到「開源節流」的方法，也頓時語塞。他苦笑一聲後說：「我答唔到你呢個問題。」他思考片刻後續說，香港經濟因國際形勢而暫未能振興，政府財困無可避免，反問：「你增收啲咩呢？增收都係嚟自市民，市民都已經好困難，你點增收呢？」他續指出，財政司司長陳茂波常提到「逆周期措施」，意味當經濟面對困境時，政府更應該投放資源紓解民困，故此他表示，他也想不到有利而無一害的「開源節流」建議。

曾鈺成留意到社會上有聲音建議檢討2元乘車優惠，他指推出乘車優惠的原意是為了鼓勵長者外出社交，不論是設資助限額或出行次數，都變相與目的背道而馳。對於坊間建議立法會議員帶頭減薪共渡時艱，曾鈺成連番反問：「如果立法會議員減薪，咁政府係咪都要減薪？問責官員使唔使減薪？高級公務員減唔減薪呢？」他擔心減薪會牽一髮動全身，反而造成市場都有減薪風險，進一步影響市民消費意欲。他相信即使全體議員減薪10%，對減赤也是「杯水車薪」。

議員審批撥款應視乎需要

近年立法會財委會經常大比數通過政府，被問到財赤下，是否應「手緊」一些時，曾鈺成指出，認同財會應認真審議撥款建議，但強調維持財政健全是政府責任，重申議員只能削減政府開支，但不能增加，他又認為議員審議撥款時，不應將維持政府財政平衡納入考慮因素，而應視乎項目需要。

5. （曾鈺成）他思考片刻後續說，香港經濟因國際形勢而暫未能振興，政府財困無可避免，反問：「你增收啲咩呢？增收都係嚟自市民，市民都已經好困難，你點增收呢？」

收富人稅得唔得？之前講過嘅空置稅呢？別讓地產霸「潤」了！

6. （曾鈺成）他指推出乘車優惠的原意是為了鼓勵長者外出社交，不論是設資助限額或出行次數，都變相與目的背道而馳。

唔明點解死都唔肯變、依家黨鐵、小輪、村巴等都係依車程計錢，無長車短搭呢回事、小巴可以上車時叫司機調較車錢、最大問題係巴士。只要正苦逼到巴士公司全面落實分段收費，落車後在車站拍卡先至有優惠，否則付全老人票（半價）就得。只要就咁變2折優惠，補貼就可以對沖返車費加幅，唔會車費愈加，2蚊車依舊，變相補貼增加；而且2折優惠，搭10蚊車以內係平過定死兩蚊，鼓勵搭短程車添！

7. 曾鈺成連番反問：「如果立法會議員減薪，咁政府係咪都要減薪？問責官員使唔使減薪？高級公務員減唔減薪呢？」他擔心減薪會牽一髮動全身，反而造成市場都有減薪風險，進一步影響市民消費意欲。他相信即使全體議員減薪10%，對減赤也是「杯水車薪」。

減到薪就最好，至不濟都要改變「每年升 point」呢個制度。有時候令人心服的姿態都好緊要，不因善小而不為，對減赤「杯水車薪」又如何？又係呢句：「只因貪心惹是非」呀！