本月尾適逢 Chinese New Year（唔再係「農曆新年（Lunar New Year）」），仲有侵侵要 Tiktok1 被收購、皇軍加息等，然而巷股難得長假期前依然可以在2萬點前企穩，尾帝被 Deepseek 轟炸了一嘢之後又好似無乜事。加上車公叫大家「用了心機都得唔到貴人相助，就唔好咁貪心了」（見《解車公靈簽（2025乙已蛇年）》）等等，下星期一開市是否「紅盤高收」難料，傳霉又等住穿鑿附會。其實一日升跌何足道哉，只係班財演用來吹水呃稿費而已。
以尾股為主，巷股為輔的沉船基金較上月上升 1.47％，每單位收報＄197.97（我城貨幣，下同），創新高，繼續保持第一位。加密貨幣及黃金得到侵侵加持而大升，商品基金較上月大升 7.29％，本月每單位收報＄192.33，繼續守第二位。第三位同樣不變，係由巷尾高息股、公用股、科技股組成的生活基金，整體表現成為逆市奇葩，較上月升 1.97％，每單位收報＄174.45。
第四位是合格線、包含高中低回報（及風險）的債券、債劵 ETF/CEF 和現金組合，本月每單位收報＄141.96，較上月升 2.01%。
傷巷股市中國新年長假期前未有大跌，複式盈富組合每單位價格收報＄130.88，較上月上微升 0.52％，保持第五位。第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，整體表現持平，每單位收報$109.29，較上月微升 0.89％。房託組合有少許反彈，本月升 1.05％，每單位收報$95.78。
城眾地產霸要錢唔要貨，二手樓難與一手樓競爭，令到魔術師屋企估價再度下挫。魔術師身家經調整後（主要是卡數之類 foreseeable expenses）較上月微升 0.47% 至每單位＄15,698（較2021年8月31日最高位$19,377 下跌18.99%）；然而魔術師淨流動資產較上月卻是升 2.24％（較2016年3月31日基數升90.34％)，創新高：證明魔術師「身家縮水」都係因為樓價下跌也：
雖然話魔術師「身家縮水」都係因為樓價下跌，但慶幸未成為負資產。魔術師本月按揭比率（按揭貸款/樓價）本月上升至 58.77％；魔術師物業（淨值）下跌至佔身家（淨資產） 22.19%，魔術師在廣大我城小業主中依然屬於異類，預期身家起跌會受投資表現較深影響而呈現較大波動。：
最後，本月魔術師身家跟我城指數的 beta 值維持 0.30 不變，跟痕指關連性則下跌 0.05% 至 56.51%；standard deviation of rate of return (month-on-month) 輕微下挫 0.01% 至 3.10％：
＊＊＊
伸延閱讀：
沒有留言:
張貼留言