X檔案（十七）

1. 沙塵滾滾 殺錯良民？

客席主持摩摩日前又「供稿」，俾個題目魔術師寫《X檔案》，魔術師自然奉命行事。咁啱魔術師都儲咗兩個題目，當然就可以匯集一次性「送出」...

一對相信為港人的男女，疑因男方在站內喝東西拒認錯，女方發惡大罵，甚至對車站人員爆出港式粗言穢語及舉中指，引發網上聲討。此女的做法，不只讓自己醜出香港，更讓台灣地區以至本港的有心人上綱上線，被炮製成為攻擊香港及大陸的「優質」武器，可謂一個累全家。

呢件小事同下文另一個題目都有比對作用，就係當年如果講「論述能力」，黃人有其優勝之處，正所謂「唔打得都 talk 得」；但數年過去，唔知道係「純傷巷人」定「新傷巷人」的男女有青，明顯就係道理講不通而只識發爛渣（李天命話齋，如果你只你識鬧，即係你已經無道理可講了），唯一俾人睇到嘅就係傷巷年青人的「煲冬瓜」算唔錯，應該係教育制度的成功之處（就算係魔術師時不時提及的巷女同事C，練精學懶得嚟一樣煲冬瓜同內地專門寫 code 電車仔「溝通得好好」）。

至於網主話「讓台灣地區以至本港的有心人上綱上線，被炮製成為攻擊香港及大陸的『優質』武器，可謂一個累全家」，魔術師就覺得不明所以，佢想兩條有青（或同類人）做甚麼呢？以事件中的有青（或同類人）的言行，看不到他們會對「連累我城以至國家」有任何 concern，更不會因此而感到慚愧和做出改善吧。

＊＊＊

2. 巨嬰子民整頓職場

邪惡的 FB 連續推送了兩篇黃黃哋號「移居」（跟正苦講，嘻係「移民」）心聲。第一篇就大有「魔術師被有青同事整頓」的味道。俾個零頭神沙叫收銀找返個整數，在我城見慣見熟；但在巨嬰帝國個收銀同埋經理竟然可以回覆「我哋唔做呢啲嘢」，真係勁過哂班有青同事 - 真心唔明份 job description 要寫成點才可以叫巨嬰帝國的員工做這做那，好似我城班「廢中員工」咁聽教聽話呢？

喺英國用現金找錢，好多人都試過為咗唔想袋咁多散銀，特登畀多幾毫子湊夠整數，點知分分鐘會令收銀員當場「hang 機」？

有網民分享日前去麥當勞買嘢，張單係 £9.20，佢畀咗張 £10 紙幣再加多 20p 散銀，諗住收銀員可以直接找返個 £1 硬幣。點知店員一睇即刻話：「你畀多咗錢喎。」

網民解釋話：「係呀我知，咁你就可以直接找返 £1 畀我。」店員聽完嘆咗口氣，轉身叫經理出嚟處理。經理聽完個請求之後，將 20p 散銀推返畀佢，好認真咁講：「唔好意思，我哋唔做呢種嘢㗎。」最後店員老老實實找咗 80p 散銀畀佢。

帖文引嚟過萬人共鳴，唔少網民紛紛分享自己遇過嘅「找錢奇遇」：有人喺服裝舖買嘢，收銀員要攞張紙出嚟慢慢計減法，計完仲讚個客好聰明；有人去超市買 £1.80 半價麵包，店員唔識計一半係幾多，最後經理叫佢收 20p 算數；甚至有人試過湊整數找錢，被職員懷疑係咪想搞亂收銀機「騙錢」🪙

其實只要收銀機輸入「實收 £10.20」，電腦自然會計好找 £1，但唔少前線店員一見到非預期金額就唔敢擅自處理。

大家喺英國買嘢嗰陣，又有冇試過因為「湊整數找錢」而搞到場面好尷尬？

＊＊＊

3. 黃人勝利組

黃黑當年氣勢咁勁，主要唔單止係黃霉嘅論述能力強，就連求其搵個二打六出嚟，都好似好有台型好有說服力咁。就睇吓呢位被訪者，明明人哋楓葉國正苦及企業有權「本地人優先」（這也是當年黃人的重點），但呢位手足一面講有面手郁郁，身體語言好用力，講到明佢係好深信自己嘅論點，認為自己係啱嘅，楓葉國正苦俾到手足嚟就要俾埋工作佢哋「頁獻呢個國家」，否則楓葉國就係欠咗佢哋（又，不期然諗起為了下一袋、有得睇《無間說》（即係會有黑警勝利，不會 popo 永遠都是偉光正的劇情）的前朋友S，賣咗層樓帶住老婆仔女以「進修」之名去咗楓葉國）。比對吓一眾完善後的蟻會新丁以至受過訓練的蛇齋黨蟻員，出路講嘢都好似唔多夠信心，無自己的看法只能照本宣科，重覆又重覆，一啲都唔動聽，真唔怪得最近黃霉又好似趁大埔火災死灰復燃喇！

救生艇原本係俾「有需要」急住離開嘅香港人年輕人逃生，實際上就係好聽少少嘅「難民」。全世界都吹緊保護主義大右風，而家俾你留係度仲想點？

聽到有年輕人話現有加拿大政策影響咗佢哋 career path⋯⋯但呢個計劃原意係為咗「失去咗career path同退路嘅人」而設，你關心career path本質上都唔係有需要嘅人。

受訪嘅阿Ben投訴啲工作優先留俾本地大學畢業生⋯吓？當年我哋係香港都要求「香港人優先」，人哋而家執行本土優先又唔得？ 我都想大家順利留加，但你而家嘅態度就好似一個逼人哋愛你嘅恐怖情人。你講到自己條件好好，但人哋點解一定要愛你先？佢最後有冇權拒絕你先？

全世界嘅移民政策都係吸納頂層富人、專才或者基層厭惡性工人。但而家連好多加拿大本地人都投訴缺乏上流空間，剩低落嚟需要移民做嘅職位就係厭惡性基層工作，唔太需要條件優質嘅年輕人。睇嚟「救生艇」呢三隻字，大家嘅理解都好唔同。人哋係for「走難」，你就當「移民」。究竟有幾多真正有需要嘅手足需要去「走難」？呢個問題由Day 1已經有人問，不過影響到太多人嘅移民夢，所以冇人敢講出嚟。 #加拿大 #移民 #移加