2017年4月24日 星期一

自己風水自己睇(書房篇)

坊間一般每年出版的風水運程書通常都係以後天八卦為依歸,教人擺呢擺催吉避凶,卻忽視了先天八卦的作用:

其實現代房屋開則愈來愈怪,由鑽石廳到 studio flat 古靈精怪的窩居乜情況都有;萬一居企遇上缺角(例如家居西北方角位被劃入公家地),要擺啲風水器物幫助一下就要配合埋先天八卦,睇返「相關宮位」間接地加點助力。



魔術師數年前搬屋,當然睇過下風水,最緊要就係巒頭要好,否則先天不足的話,後天擺乜飛乜嘢星都係末節。例如,魔術師的書房揀正在全屋巽位,巽卦為文曲,主文章科甲,最好就係加枝文昌筆作永久助力。事有湊功,剛好在過去的復活節假期魔術師有事去了佐敦,乘機在裕華國貸行了一圈,見做緊八折便想搵返枝文昌筆作書房擺設。
話說貨加上有淨筆,同埋筆加筆加葫蘆套裝。文昌筆就文昌筆,點解要有個葫蘆呢?魔術師睡房在震位,震卦主長男(魔術師係獨子)fit 到震,但星盤水星係二黑病星,雖然睡房已放在銅葫蘆化解,但魔術師都係想加啲助力,咁啱書房係巽位,巽卦主長女,係睡房震卦的「相應宮位」,便順便掃入呢個文昌筆連葫蘆套裝了:(以下照片由魔術師部老爺 Nikon D3 加 AF-S Micro NIKKOR 60mm f/2.8G ED 微距鏡頭拍攝, setting 為 ISO400 WB Auto f/5.6 1/30):











22 則留言:

  1. 支筆好有氣勢,睇埋個價錢就真係感受到大手筆

    回覆刪除
    回覆
    1. 文昌筆,俾阿仔讀書都有用.

      刪除
    2. 我見過有朋友放支粗毛筆就算,唔知道原來有呢種咁特別既版本。

      刪除
    3. 毛筆最好放四枝(巽為四)在筆架上,筆架山是也。

      刪除
  2. 駛唔駛開光,我聽人講話唔開光效果會細啲。

    回覆刪除
    回覆
    1. 理論上要架,不過都唔知邊位大師靈,咪就咁將就下算囉。

      刪除
    2. 其實我覺得古物舊物有上手人用過先至要...唔通一缸魚一盤花都要開光?

      刪除
    3. 活東西不需要開光喇!

      白鶴鳴如是說, 不過我有啲存疑:
      http://www.hokming.com/fengshui-products-kaiguanproducts.htm

      刪除
  3. 師兄當務之急唔係搞掂桃花位先咩?XD

    回覆刪除
    回覆
    1. 今年桃花星一白貪狼入中宮,但我個廳已經攏滿嘢了...

      https://magicianyang.blogspot.hk/2016/11/blog-post_11.html

      刪除
    2. 事業有成自然會有女啦XD

      刪除
    3. 哈哈, 都係架! 最緊要財務自由!

      刪除
    4. //哈哈, 都係架! 最緊要財務自由!

      財務自由, 溝女心法中《潘驢鄧小閒》

      至少中個《閒》字, 掹車邊中理《鄧》同《小》

      邊有得輸

      刪除
    5. 以一般普通市民來說, 財務自由已經中咗「鄧」;「閒」唔「閒」就睇自己有無 ambition;「小」就睇先天個人性格,不過在後天上「閒」即是多空餘時間,點都對「小」有幫助。

      刪除
    6. 而家《鄧》都未必可以《閒》,不過可以幫補一吓《潘》

      刪除
    7. 我幾驚你話«鄧»可以幫補«驢». 唔通有錢就學未央生駁長佢? XD

      刪除
    8. //而家《鄧》都未必可以《閒》,不過可以幫補一吓《潘》

      哈哈,你估我係謝賢咩!

      //唔通有錢就學未央生駁長佢?

      淨係得個長字無用架!

      刪除
    9. //我幾驚你話«鄧»可以幫補«驢»
      都可以幫補一吓«驢»嘅功能嘅, 不過偉哥都唔喺好貴XD

      //淨係得個長字無用架!
      圓周都好重要-不過呢啲嘢最好問吓食過洋腸多啲啲嘅"港女" XD

      刪除
    10. //偉哥都唔喺好貴

      應該要有醫生紙先買到,否則就要問黃台瓜買。

      //問吓食過洋腸多啲啲嘅"港女"

      問價乎?

      刪除
    11. 《驢》我會扭曲為大隻
      到知道對方深淺長短時
      都上佐手啦,仲媾乜春

      反而厚實既胸肌同一排朱古力有助吸引異性

      玉蒲團葉子媚見到徐錦江既胸肌已經濕晒,都咪駛徐拎條長物出泥

      不過中國古時文人輕鍛練身體,先故意忽略呢點

      刪除
  4. //事業有成自然會有女啦XD

    呢個論調係有深究既空間, 好多人理解有誤

    事業有成如果單指係《有經濟基礎》
    咁就會引泥D"有樓有高潮"既女人
    男出錢, 女出身體, 根本就係交易
    要泥都唔開心

    相對地
    事業有成如果可以引申為有領導才能和魅力, 個人見識, 生活品味
    咁由人格魅力吸引到既女伴先係真係女伴

    魔術師買件禮物都咁講究, 呢度又咁多FANS
    當然係後者 (擦下鞋先)^O^

    回覆刪除
    回覆
    1. //事業有成如果單指係《有經濟基礎》
      //咁就會引泥D"有樓有高潮"既女人

      基本上唔使「餓死老婆薰臭屋」就叫「有經濟基礎」,唔需要去到高潮女的「境界」。

      //事業有成如果可以引申為有領導才能和魅力, 個人見識, 生活品味
      //咁由人格魅力吸引到既女伴先係真係女伴

      呢啲咪叫正氣囉!


      //魔術師買件禮物都咁講究, 呢度又咁多FANS

      開心死我!

      刪除