2017年5月25日 星期四

城市論壇論頂爺(2017年5月21日)

由於呢集又係販民加主持圍插蛇齋黨的局面(容靚靚就坐埋一邊食花生),所以魔術師都係唔 quote 各位講者發言,有興趣嘅讀者就睇片喇(其實又其係幾好笑的):
城市論壇:特首議員 私改文件闖出禍;彈劾譴責 辭職解散平風波?(The right to raise views? The interference in the legislature ?)

發佈日期:2017年5月21日
地點: 維多利亞公園
時間: 中午12時至1時
出席嘉賓:
譚耀宗 民建聯前主席
林卓廷
立法會調查梁振英先生與澳洲企業UGL
所訂協議的事宜專責委員會委員
毛孟靜 立法會議員
容海恩
立法會調查梁振英先生與澳洲企業UGL
所訂協議的事宜專責委員會委員
主持: 蘇敬恆
高佬廷

1. 果然係相由心生,高佬廷的三白眼咁鬼勁,質問起談要忠來咄咄逼人,勢不可擋,比留進逃的「真理在胸筆在手,無私無畏即自由」更加強勁:
(圖片來源:【面相館】眼睛的類型

事實上,高佬廷話頂爺「隱暪」、「訛稱文件係自己撰寫」,又能夠即時以「所有刑事案唔使查,只要匪徒自認不小心,無隱瞞就可以蒙混過去」來駁倒痰要盅的「不小心論」,基本上無可挑剔。頂爺固然係斷正,百辭莫駁,而痰要盅的護短言辭更是不知所謂,要擊倒並唔係難事;不過都要高佬廷表現滿分,自信十足,侃侃而談,得理不饒人,講起上來有理有節,表達流暢,才能將建制派殺個落花流水,亦將建制派一眾小將比下去。魔術師自己就唔多覺得建制派能夠有人口若懸河地KO販民,以下呢位算係少數嘅例外(不過佢對手太弱,只係小LLC):

2. 當聽到高佬廷話頂爺「係689在會議中的替身,二為一體」時,魔術師真係笑咗出嚟:一幅689與頂爺扑嘢的畫面即時浮現在眼前...而賣緊X忽嘅,當然係頂爺喇!
3. 高佬廷的言論都唔係無破綻,好似佢以「(如果娘雞娼要辭任調查委員會委員)咁689可以告哂所有人,咁成個委員會就只剩下保皇黨」來否定娘雞娼的「角色衝突」問題。而家嘅問題係,689要告娘雞娼都要有確實證據,法庭先會受理;如果你只係討厭689,對佢有偏見,而不涉及任何誹謗之類的行為,咁689想告都唔會有人理佢,更遑論要你起身走人。
毛掹淨

4. 毛掹淨都幾好笑,仲話自己係記者出身,會用常識去問問題。痰要盅話頂爺「年紀輕,經驗淺」,毛就話「游小三都年紀輕,經驗淺」...咁鬼搞笑,糧油被689DQ唔係因為「經驗淺,講錯嘢」喎!只能夠話毛呢條洋腸婦果然係歸入咗笨土派,不過唔知笨土受唔受佢玩啫。
5. 另外毛掹淨話689唔一早提出娘雞娼的角色問題,而偏係要等頂爺出事先嚟講,係有意轉移視線云云...喂,即使係「轉移視線」,都只係公關技倆;毛掹淨你就算能夠質疑689的目的,但對於娘雞娼的「角色衝突」問題,一樣要正面面對;否則只係猜測對方的目的而略過自己後欄起火的問題,一樣都係「轉移視線」而矣。
6. 毛掹淨最叻就係問痰要盅事先對頂爺去「做689人頭」之事知唔知情,搞到痰要盅淨係識顧左右而言他。其餘時間,毛掹淨就只係會插嘴疊聲,本來有一個 session 係講娘雞,又被佢岔開話題,基本上唔知佢做緊乜!
痰要盅

7. 睇見痰要盅就慘,死都要包庇頂爺,只係話頂爺今次同689夾計係有問題,做得唔好,唔小心,經驗淺,處理得唔理想,不過無意隱瞞云云。咁即係話佢做古惑嘢「做得唔好,唔小心,經驗淺,處理得唔理想」,最衰就係俾人發覺,搞到陀衰家。
更離譜的是痰要盅話頂爺「做得律師多,當成好似法庭咁處理」,乜法庭可以容許被告私下同法官/陪審團私底下接觸嘅呢?哎呀,痰要盅一把年紀,講到七國咁亂。可唔可以講得好啲,係 sunk cost 就要斬倉;再唔係,咪罰頂爺閉門思過,除了出席既定垃圾會會議外,深居簡出三個月,接受黨內長老地獄式特訓仲好喇!
8. 痰要盅一開嚟就已經要扮死狗,一副英雄氣短相「販民去得好盡,上綱上線,用詞極端」,「錯咗少少嘢,不應該打到佢不能翻身」,又以「早前販民又話想大和解」來擠兌高佬廷和毛掹淨,就連主持都投訴埋,話主持「成日問佢問題,唔使幫埋(販民)把口」...基本上已是棄械投降格,咁仲為乜要死撐頂爺呢?
9. 其中有一段,係主持問痰要盅,頂爺究竟係代表行政機關,代表689,定係代表選民。魔術師就聽到痰要盅話「頂爺係代表689」(12:32—13:00),後來痰又話自己係講緊「唔係代表689」,只係主持聽錯云云。唉,真係醜死怪!
10. 對於被高佬廷問點睇689唔一早要求娘雞娼辭職,要留待依家先講,痰要盅竟然話689當初可能「忍下囉」...嘩,hea 到吖,你可唔可以話自已唔係689肚子內的蟲仔,不宜妄自猜測689的動機呀?
11. 另外,有同學仔在觀眾發言時段內問,如果抄功課被老師發現,可唔可以話自己無隱瞞,只係唔小心;咁做究竟啱唔啱?而痰就只係話,在學校裡出事無人會圍攻你,但在垃圾會做錯事卻會被人插到暈...喂,當初689要DQ糧油,告呢個告嗰個,你班蛇齋黨都無反對689「有權便要用盡」架喎!咁依家販民有機會就要插到你盡,都係一樣道理啫。
12. 成個節目,痰要盅只係講咗一句啱聽嘅,「議員各自都早有成見、立場」;言下之意,就係所謂調查委員會根本就唔會中立,爭在未講「查嚟都無9謂」。
13. 至於「蛇齋黨事前知唔知情(頂爺係689人頭)」,結果係只要唔回應,問題就變成唔存在...
容靚靚

14. 容靚靚全埸發言唔多,基本上只係一個花瓶。最爆就係開頭話頂爺「手法不當,但不至於被譴責」。當被高佬廷問到是否認為頂爺有隱瞞,容靚靚竟然答「由佢(頂爺)自己決定...」乜而家啲劣師講嘢可以咁神奇頂級超卓嘅?
15. 容靚靚其餘時間無甚表現,只係 keep 住靚,不斷傻笑賣萌,只係得閒確認下高佬廷的講法。
按:乜原來容靚靚鍾意躲在家睇變態恐怖片?搞到好似同魔術師有共同嗜好咁!(嘔...)
***
伸延閱讀:
信報 2017年5月22日
譚耀宗:浩鼎唔小心 泛民插到暈
民建聯立法會議員周浩鼎因提交經特首梁振英修改的UGL專責委員會文件,最終辭去專委會職務,但爭議未平息。民建聯前主席譚耀宗昨現身為黨友護航,認為周浩鼎在事件上「唔得小心」,經驗淺,無發覺問題的嚴重性,但泛民狙擊周浩鼎是上綱上線。被問出貓對錯 無正面回應
港台《城市論壇》昨討論UGL風波,事件主角之一的周浩鼎以無暇為由缺席,由前主席譚耀宗代為出席。譚耀宗承認周浩鼎在事件上「唔得小心」,經驗淺,無發覺問題的嚴重性,但「佢承認晒自己嘅責任,喺呢方面冇隱瞞」,而泛民狙擊周浩鼎是上綱上線,「使唔使去得咁盡?」同場的調查UGL事件專委會成員、新民黨容海恩對事件感到震驚,認同周浩鼎手法不當,但不至於要譴責他或取消其議員資格。專委會另一成員、民主黨林卓廷指出,周浩鼎不但訛稱經梁振英修改的文件是自己撰寫,會議上亦無公開涉事文件,直至被揭發後才辯稱「無隱瞞」是推卸責任。台下有學生問,假如被揭發「出貓」抄功課時才稱「唔小心」而非隱瞞,「究竟啱定錯?」譚耀宗無正面回應,只提醒學生要小心,在學校同學不會群起而攻,但「立法會就好嚴重,(議員)乘機插到你暈,打到你永不翻身。」立法會議員毛孟靜及台下市民分別追問譚耀宗,民建聯事前是否知悉梁振英修改周浩鼎的文件?譚耀宗無正面回應,只稱黨內各人負責自己的分工,周浩鼎可能覺得梁振英的意見有道理而容許加入文件,事件「唔係去到『干預』咁嚴重」。
另外,林卓廷稱會要求專委會對經梁振英修改的文件全面不作考慮, 以免影響調查的公信力。
【Emily Online】拜年談擇偶條件 容海恩:要陪睇「18禁」恐怖片 (21:20)

唔少人都大呻喺拜年時,總會畀姨媽姑姐問幾時拍拖、幾時結婚,問到口啞啞。新民黨立法會議員容海恩(Eunice)噚日同傳媒新春團拜時,就話依家好少人問佢幾時結婚,因為已經「問咗咁多年」,Eunice仲話結婚感情事隨緣啦!
Eunice一直低調拍拖,被追問感情事時,佢笑言「依家啲男仔好難湊」,又話擇偶條件,最緊要係願意陪佢一齊睇「18禁」恐怖片。Eunice話自己好鍾意睇重口味cult片,例如有睇過「人形蜈蚣」,佢話睇依啲恐怖片係尋找刺激。
Eunice近日成日要陪黨主席葉劉淑儀一齊去拜票,但佢話「唔算太痛苦」,因為自己都係幫手約下法律界、社福界等選委。Eunice透露,稍後會陪葉太去沙頭角落區。

19 則留言:

  1. 容靚靚冇乜點化妝有啲包包臉,同張拜年(P圖..)相差咁遠嘅?
    蛇齋黨老嘅唔得嫩嘅又唔得--培訓咁多年都喺咁樣

    回覆刪除
    回覆
    1. 佢今次件白色套裝 show 咗少少微波身材.

      刪除
    2. 我成日覺得蛇齋黨其實食兩家茶禮, 否則, 點會低到咁.....DKLM

      刪除
    3. //我成日覺得蛇齋黨其實食兩家茶禮, 否則, 點會低到咁.....

      從我老媽同舅父佢地所見所聞, 俾個天佢地做膽都唔敢食兩家茶禮...其實蛇齋黨真係有可能會咁「低」的.

      刪除
  2. [無睇片,唔想徙時間聽成班低 B 打 J。]

    //高佬廷話頂爺「係689在會議中的替身,二為一體」//
    佢可以懷疑,未有證據證明所有意見均 CY 而頂爺不同意。

    //咁689可以告哂所有人//
    咁即「所有人」都有角色衝突,本身已有既定立場啦!

    //「游小三都年紀輕,經驗淺」//
    咁又點?咁佢(毛)係咪想護住頂爺入立法院?

    //痰要盅話頂爺「做得律師多,當成好似法庭咁處理」//
    頂爺話過佢知㗎?

    //主持問痰要盅,頂爺究竟係代表 ⋯⋯//
    問頂爺啦!

    //痰要盅竟然話689當初可能 ⋯⋯//
    痰可唔可以停止亂估嚟代表當時人講番啲有建設性嘅嘢呀?

    //抄功課被老師發現,可唔可以話自己無隱瞞,只係唔小心//
    問題係佢算唔算抄呢?如果嗰條係數學題,有人解咗題,學生寫條式出嚟都只會係咁上下㗎咋喎!
    就算係寫文唔記得寫 quote 嘅來源,但係論述都係自己嘅,quote 係助證,你都唔能夠一口咬定成份文唔係佢自己做,內容係違背佢自己諗法㗎喎!
    各人有各人意見來源,睇完某某 FB 嘅嘢,某報紙寫嘅嘢,覺得好有道理,咁唔通又係某某或某報社代言喎?

    根本個題目同個調查委員會一樣咁無聊。你有本事咪彈囉!唔通做完個節目會令反對派改變主意咩?話雞槍有偏見,其實成個調查委員會就係由偏見衍生出嚟㗎啦!

    回覆刪除
    回覆
    1. //咁即「所有人」都有角色衝突,本身已有既定立場啦!
      //話雞槍有偏見,其實成個調查委員會就係由偏見衍生出嚟㗎啦!

      除非搵個完全唔關事的人來審, 不過呢個人多數會係外國勢力.

      //咁又點?咁佢(毛)係咪想護住頂爺入立法院?

      即係話游小三經驗淺,但建制派一樣無放過小三囉.

      //痰可唔可以停止亂估嚟代表當時人講番啲有建設性嘅嘢呀?

      基本上都唔知點解咁多人要去問痰要盅, 更加唔明點解佢會代答.

      //你都唔能夠一口咬定成份文唔係佢自己做,內容係違背佢自己諗法㗎喎!

      問題係委員唔能夠用「辯方」(689) 意見, 「辯方」要表達意見,正確渠道係寫去俾委員會/秘書處.

      刪除
  3. 689做多一個月咋嘛!搞佢做乜?成班友喺咪撞邪?

    回覆刪除
    回覆
    1. 呢個觀點好到位。細心諗吓,呢次行動嘅目的,絕對唔係要振英落台唔做特首,而係
      @要落習近平面。
      689由未上任到自動唔玩,雖然萬箭穿心,更禍及家庭,但仍四肢齊全,更得習總厚待,升為國家領導人,佢角色有幾重要,單睇佢於一帶一路大會能罕有發言已可見一班。
      老實講,雖然喺香港唔抵得佢嘅人,由民主派到建制派,多到數唔晒,但呢班人以外,你估中國政圈班大袋又會鍾意佢做政協老副咩? 而且佢喺習總設計師嘅嘅一帶一路嘅任務,已經浮晒面,好有代表性。但以佢從來不同流,又不合污嘅乞人憎性格,又點會唔令嗰班揾油水嘅大袋唔整死佢呢?
      如果689話(梁契娼)無中生有係事實嘅話,咁亞契娼哥作為英國人,又係會計師,又係律師呢個咁高尚嘅血統,喺边種誘因之下,竟會走上擂台親身肉搏呢? 唔通真係聖靈感動????

      刪除
    2. 佢乜專業出身?你以為佢貪曾?
      有人認為,就係佢太過揸正嚟做,好多人從此無油水撈,所以先犯眾憎。
      佢越揸正嚟做,班反對派就想以其人之道四處刮佢啲錯野嚟報復 --「哪!你都係咁啦!」。

      刪除
    3. //689做多一個月咋嘛!
      //呢次行動嘅目的,絕對唔係要振英落台唔做特首,而係要落習近平面。

      販民同周頂頂一樣,唔可以assume佢地咁醒. 販民根本就無吉士亦無諗過要同習大大作對. 689仲有一個月就落台, 班販民就係要「善用」最後呢一個月玩鋪勁. 就係咁小學雞.

      //而且佢喺習總設計師嘅嘅一帶一路嘅任務,已經浮晒面,好有代表性。但以佢從來不同流,又不合污嘅乞人憎性格,又點會唔令嗰班揾油水嘅大袋唔整死佢呢?

      不過UGL呢單嘢早就爆咗出嚟, 但係習大大依然話佢「疾風知勁草」喎!

      //咁亞契娼哥作為英國人,又係會計師,又係律師呢個咁高尚嘅血統,喺边種誘因之下,竟會走上擂台親身肉搏呢?

      我覺得佢只係真心膠. 如果有人要收買某人做某些事, 都唔會收買雞娼; 佢個樣咁蠢, 成事不足, 敗事有餘!

      //佢越揸正嚟做,班反對派就想以其人之道四處刮佢啲錯野嚟報復 --「哪!你都係咁啦!」。

      呢啲咪小學雞心態囉! 你數學叻吖馬, 我就偏要搵條數學問題考起你, 專登落你面至得!

      刪除
  4. // 689做多一個月咋嘛!搞佢做乜?成班友喺咪撞邪?

    咪臭係囉. 雞昌到以家都講唔出, 歪歪究竟犯咗咩事, 逃咗咩稅?! 一味叫人查查查. 我身邊啲港豬就拍哂手叫好嘢, 查佢老無....人都痴....

    回覆刪除
    回覆
    1. //一味叫人查查查. 我身邊啲港豬就拍哂手叫好

      黃C嘛, 總有一班係你左近.

      刪除
  5. //689做多一個月咋嘛!搞佢做乜?成班友喺咪撞邪?//

    冇野好做嗎...淋病又未上台,連班都未組好,冇野好搞,咪繼續搞CY囉~
    販民插人就等如oral practice,個個星期都要做嫁,唔做會生疏嫁~
    如果唔係ICAC 都唔洗出多份聲明去阻止販民上綱上線啦~

    回覆刪除
    回覆
    1. //冇野好做嗎...淋病又未上台,連班都未組好,冇野好搞,咪繼續搞CY囉~

      同感. 有時真係唔好諗得販民咁高.

      //如果唔係ICAC 都唔洗出多份聲明去阻止販民上綱上線啦~

      哈哈, 「689並無可疑之處」::

      https://news.mingpao.com/pns/dailynews/web_tc/article/20170525/s00001/1495648562174
      2017年5月25日 星期四
      港珠澳橋石屎非港供應 廉署聲明:沒證據顯示承建商物料商涉違規
      【明報專訊】港珠澳大橋香港段工程混凝土測試報告被揭發涉嫌造假,涉事的混凝土來源及在大橋哪個部分上使用均受到關注,但政府一直沒有披露相關資訊。香港建築業物料聯會回覆本報,旗下11間混凝土製造商會員,並無供應混凝土予大橋香港段工程,「肯定不是香港供應」。翻查資料,大橋混凝土供應商,主要包括中國港灣及中交二航局第二工程有限公司;其中後者更是本港首次採用大型混凝土攪拌船,在海上工地即場製造混凝土及灌漿。
      建築業物料聯會:肯定非港供應
      廉政公署昨晚再就今次事件發出新聞稿,稱廉署新聞稿中所提及的違規行為,根據調查所得,「沒有任何資料或證據顯示除該承判商及其人員外,有任何公職人員、承建商或物料供應商(或其人員)牽涉上述違規行為」。廉署指鑑於公眾高度關注和涉及公眾利益,故發表聲明以避免不必要揣測。
      廉署前日發出新聞稿指出,港珠澳大橋香港段工程的混凝土測試報告涉嫌造假,拘捕21名土拓署實驗室的承判商員工,懷疑他們涉嫌貪污,向土拓署呈交虛假的混凝土(石屎)壓力測試報告。
      路政署目測大橋 稱未見異樣
      發展局常任秘書長(工務)韓志強昨在立法會上回應事件時重申,政府將基建工程的安全及品質放在首位,不容許虛假行騙,路政署正跟進大橋結構情况,初步經過目測及非破壞性測試後,暫時未見異樣。
      事件揭發至今,政府仍未公布涉事混凝土的來源及在大橋工程哪個部分上使用。香港建築業物料聯會行政總裁寗漢崇回覆本報稱,目前本港共有12間混凝土製造商,當中11間是聯會會員,聯會已向會員查詢,獲回覆並無供應混凝土予大橋香港段工程。據了解,餘下一間混凝土製造商為金門建築,但金門建築亦沒有提供混凝土予大橋香港段工程。
      本報翻查資料,港珠澳大橋香港接線一共分為兩份合約,當中由觀景山至香港口岸的一段道路,是由中國建築投得;至於由粵港分界線至觀景山的一段9.4公里高架橋段,則由寶嘉、中國港灣及威勝利的聯營承辦商投得。
      中國港灣中交二有份供應石屎
      而綜合港珠澳大橋官方網頁及承建商網頁,大部分高架橋的橋墩及橋面,均採用內地生產的預製組件,其中中國港灣及中交二航局第二工程有限公司便在中山設有生產設施,專門生產港珠澳大橋的預製混凝土組件。
      至於中交二工程公司旗下的混凝土攪拌船,則負責在大橋香港段海域即場製造混凝土,並用於大橋樁柱及主體部分,其網頁更稱這是本港首次使用大型攪拌船在海上生產混凝土,預計涉及逾45萬立方米的混凝土(約相等於225個標準泳池容量)。有工程界人士稱,內地製的預製組件一般在內地抽驗,完成後再將報告交予土拓署(見另稿),至於本港境內製造的混凝土,則送交工務試驗所檢測。
      相關公司截稿前未回覆
      本報向中國建築、寶嘉、中國港灣、大橋工程顧問奧雅納(ARUP)及中交二工程公司查詢事件,至截稿前全部未有回覆。
      明報記者

      刪除
    2. 販民思維︰ICAC立案 -> 政府監管不力 -> 高層有份參與 -> 政府高層涉貪 -> 上梁不正,689既錯

      刪除
    3. // 販民思維︰ICAC立案 -> 政府監管不力 -> 高層有份參與 -> 政府高層涉貪 -> 上梁不正,689既錯

      仲有另一條路:
      ICAC立案 -> 查唔到嘢 -> 一定受到CY / 高層影響 -> 689嘅錯

      刪除
    4. //ICAC立案 -> 政府監管不力 -> 高層有份參與 -> 政府高層涉貪 -> 上梁不正,689既錯
      //ICAC立案 -> 查唔到嘢 -> 一定受到CY / 高層影響 -> 689嘅錯

      嘩,果然係百川匯海,條條大路通CY呀吓!

      刪除
  6. 為柒一找題材。

    回覆刪除