你求我，我求你，邊個求邊個？

又想說說做義工的事．

本來魔術師諗住昨天（10 Mar 2007)唔去行山了，去教一教那班「Band 1」的中六學生做report和presentation吧．誰知學生隊長珍妮花星期四依貓來說不如星期六的堂取消了，魔術師一想也好，便和友人馬菲鐘等去南丫島行山去．

星期六臨行前check一check依貓，原來珍妮花要參加那個去加拿大交流的比賽，要魔術師在星期一前幫手在文件上簽名，於是魔術師便打算行完山再約她出來．

好啦，行完山．魔術師致電給珍妮花，沒有回應，便留言說會在回程時在何時何地出現，想給文件我簽名便回覆我約實．

可惜久久沒有回音，直到魔術師乘公車差不多回到家時才收到珍妮花的電話，無奈地說只好今天（11 Mar 2007)再約啦．

好啦，今早十一時魔術師再打電話給珍妮花，又是沒人聽，又是留言．得十二點，珍妮花才有回覆．
珍：點呀？
魔：點呀？
珍：．．．
魔：（妳而家要我簽名，唔係我要你簽名，妳主動ｄ問下我幾點得閒好唔好？）你係咪要我簽名呀？咁你幾點得閒呢？
珍：我成日都得．
魔：好啦，咁我而家出來，半個鐘後在荃灣地鐵站新之城出口見，你得唔得？
珍：哦，咁即係幾點？
魔：而家十二點，咪即係十二點半啦！
珍：哦，好啦．
魔術師十二點半到得荃灣地鐵站，等了十分鐘，還不見珍妮花踪影，便又打給她．
魔：珍妮花，你而家係邊呀？
珍：在家．
魔：（大吃一驚兼生氣）我而家係荃灣地鐵站，咁你而家係咪要我返屋企？
珍：我諗我聽錯左，我以為約四點半．
魔：吓？咁你而家想點？
珍：．．．
魔：（無聲出就得？可唔可以話妳而家出來，叫我等妳一會？）咁唔使簽啦，拜拜．
魔術師去到巴士總站，有點不忿．明明是她要我簽名，魔術師當然支持她參加，但都不是要我求她俾文件我簽吧？咁被動點做leader？
結果魔術師決定給她一次機會，再打給她．
魔：珍妮花，我而家係新之城食飯，可以等妳．妳要幾耐出到黎？
珍：唔使好耐既啫．
魔：（你講野firm d得唔得？）咁即係幾點？
珍：一點半啦．
魔：好啦，咁我等妳．
幸好，珍妮花能夠在一點半依時到達．
魔：妳知唔知頭先我嬲乜？
珍：嬲我聽錯時間．
魔：其實妳知唔知我expect係聽妳點講？
珍：對唔住．
魔：（呢個人真係後知後覺，兼老奉要我幫佢地做野）我係想你話「Sorry，我聽錯左．咁我而家出來，你可唔可以等一陣」之類既說話．
珍：（哭了起來）咁你都拒絕左簽名咯，我仲有乜好講．
魔：呀大姐，我唔係想幫你簽既，做乜要call妳幾次，仲緊張過妳咁．
珍：．．．

唉，而家ｄ年青人，Band 1學生都係咁，無ｄ主動性，又無主見．雖然魔術師唔覺係佢「求」我，但最低限度都要識分主客．而且佢地成班同學，always act as instructed，又話參加過好多活動，但係就唔識執生，遇到問題時又唔識想辦法補救．唔通而家想搵ｄ醒醒目目夠flexible同識靈活變通既年青人真係咁難？
2007/03/11　19:39:03