道義

前一排．．．

五師兄話今個禮拜六吹雞搞同學聚會．

馬菲鍾（唔好睇錯，唔係馬德鐘）話今個禮拜六吹雞搞行山，已知起碼有美女乙名同行．

團友甲乙丙話今個禮拜日吹雞搞行山，不過唔知有無美女同行．

當然仲要招呼CFA Level 2讀本．

哎，禮拜六仲要做義工喎！

太多conflicts，點好呢？


而家個義工program已接近尾聲，班學員要寫report同做present．但係班人就懶懶閒係度hea，report拖左成個月draft都無份，presentation更不用說．本來如果佢地係有心有熱誠既，魔術師便幫手試下叫其他義工朋友約佢地既學員出來一齊玩個presentation rehearsal；但係而家睇見自己果班學生既表現真係唔係好敢出聲，因為唔知佢地會唔會尊重同珍惜呢ｄ學習既機會，反正佢地好多都係exam-oriented唔考唔學，習慣passive learning既Band 1 students，魔術師並無信心可以叫得動他們去做一些learn by experience的事．其實，魔術師懷疑，呢間學校未必係「真正Band 1」，成績只是夾硬催谷出來，否則同學們對活動的態度應該是游刃有餘的吧．於是魔術師決定學「恐懼鬥室(Saw)」系列（呢套片會另文再講）的Jigsaw一樣，自己定下了一套規則先不跟他們說，看看他們的「自然決定」如何，魔術師再跟規則行事．

如此這般，魔術師便妁在星期一叫同學在星期三前起碼有一個draft send出來，好使魔術師在下星期一deadline前有時間review．如果他們拖到星期六才要魔術師臨急臨忙comment，即是不尊重魔術師，沒有對魔術師作出「應有的道義」，認為魔術師是「老奉」用自己的私人時間去幫他們的啦！那麼魔術師便「請假一天」，行山去也，反正平時因為他們遲到而浪費的時間已不少了，自己對他們的「道義」也很夠了吧！？

結果，出乎意料，他們星期二便出了draft．好，今次便不去行山．

2007/03/08 11:09:14