2017年4月4日 星期二

薯仔教你呃like(2nd edition)

日前鄉大新聞及傳播學系校友會傳來電郵,原來邀得在三傻選戰後hea曾幕後軍師、就連林鄭都想佢埋班的阿蔥來開講,題目就係「如何教你呃like」:
Lesser evil 嘅 hea 曾以高民望落敗,加上搞手係黃C重鎮新聞系,報名人數當然爆完再爆,要由小小的課室移師至新亞桑拿體育館,仲要排隊入場:

睇下,幾多黃C!魔術師一路行上看台,只聞到一陣陣中剷黃C味,彷彿重臨當年金鐘大台!

(在講座中得知,原來觀眾席中有唔少係 hea 曾競選辦團隊,魔術師今次真係深入虎穴,預咗作客地獄主場,洗定 pat pat 俾人採菊都得了。)
講者除了阿蔥(持咪者)之外,仲有 hea 曾競選辦中的幾名巨頭,包括了三間公司,包括 傷港 Secret Tour、登高、和某些專業攝影網站的領導,各有司職,分別負責 creative writing,branding,social media,和攝影等等:

***
以下講座言論乃經魔術師理解再節錄,共非原文照錄,只能當作是大概意思;除指明講者名字外,一律可視為集體負責之「團隊言論」。本講座(不包括發問環節)亦有 Facebook Live 直播,不過就只有主持人和阿蔥的 FB friend 才可以看到,魔術師就沒有資料可以提供了。
***
2nd edition:多謝網友兼新傳師弟(妹?)Wingzhi 提供講座的公開部分:

2nd edition 補充完畢。
***
有關浪漫廢話
阿蔥一開埸就話 hea 曾係「最成功的輸家」。
魔:「最成功的輸家」呢類浪漫廢話,如果出現在當奴侵面前,肯定會俾佢D到塌皮。
對 hea 曾的暱稱
阿蔥及其團隊都叫 hea 曾做「阿 sir」的。
有關「錢買不起的團隊」
訪談中主持人有問及阿蔥呢個 team 是否如坊間所言,是「錢買不起的團隊」;而阿蔥的回應就是「錢可以買得到團隊,但卻買不到默契」。
魔:其實即係話,係 hea 曾「請啱人」而已。
有關勝利球迷
阿蔥亦提到,傷民其實都是「勝利球迷」,唔只未踢完場波已經要知道賽果,仲要一早換埋波衫衝落去影相。
跟手主持就問到,依家場波明顯就係林鄭會贏,點解班「勝利球迷」唔係企係林鄭嗰邊呢?
阿蔥為之語塞,只係話「咁深嘅...」,之後便蒙混過關。
魔:既然傷民「未踢完場波已經要知道賽果」,咁同阿爺其實都係一樣,只不過係大家的對象係唔同咋喎!對主持人的問題,魔術師可以幫手回答,就係傷民「勝利球迷」對「勝利」的定義係唔同嘅:一般人會以客觀賽果定義成功或失敗,而傷民對「勝利」的定義就係「精神勝利法」,例如「身份認同」、「雞蛋在高牆面前破碎的淒美」等等。
有關宣傳策略
阿蔥及其團隊用的宣傳策略主要就係 active communications,主動製造話題,同時計算各個「出嘢」的時機,例如情人節,或者跟 hea 曾好 friend 的麥光光來做「唯一的」(相對起林鄭的星光熠熠要保娘)endorser。
另外,hea 曾亦有一些「很想做的事」,即係「眾籌」:除了因為搞選舉工程真係要錢之外,亦由於 hea 曾主打的是「團結各階層」,而一般市民手中無票,便只能用銀包投票。團隊中曾經有過激辯擔心籌唔夠錢,但最後經阿蔥分析後,覺得風險絕對可以接受便可以去馬。
魔:又唔係講緊乜嘢大數,幾百萬而已,就算真係籌唔夠錢,hea 曾自己掏荷包湊夠數便是了,有啥風險可言?
有關 hea
阿蔥認為 hea 的另一個角度,就係「信任」:hea 曾能夠相信佢地呢一班年青人,唔淨止淨係站在背後做佈景版,唔係只係要佢地對手同對腳;而係真係會協助呢班年青人「做完件事」,營造出一個可以令佢地好好地「發揮個腦同個心」的環境。呢個亦係阿蔥覺得跟 hea 曾同跟一般公墓園合作不同之處。
魔:會唔會係因為 hea 曾一早就「拚輸來打」,所以能夠放手一搏呢?如果真係有機會贏,而且係想嬴的話,就可能會採取比較保守的策略了。
有關信任
一路講嚟,阿蔥都好強調 hea 曾對佢地團隊嘅信任,佢會「聽人講」,就算團隊要佢去做一啲自己唔熟悉,「唔知係乜」的事情,hea 曾亦會言聽計從。
主持人問阿蔥「做啲唔知係乜」的例子。阿蔥就話叫 hea 曾去行黃金商場,叫佢做乜就做乜,唔會 stray 咗去亦唔會臨場爆肚。只要能夠信住團隊,自然就唔會穿崩,出醜露乖。
魔:的確,在妹頭 team 的日子,魔術師也領略過「阿頭唔聽講亂爆肚」係幾咁危險的一件事。只可以話,既然「行黃金商場」在 hea 曾認知範圍內「做啲唔知係乜」的事,阿蔥之言亦承認了 hea 曾實情上一樣係咁「離地」,所謂「貼地」的確是公關團隊謍造出來的效果。
有關傷港政治
阿蔥講到,現代政治,就係 teamwork。政治人物的作用,係出嚟負責 keep the will,而實質的 implementation 和 execution,就要靠幕後的團隊。政治人物係一個演員,而公關團隊就係導演。
Hea 曾成日被人批評話「有金句無內容」,但現今政治就係講 impression,短片、選舉論壇那些每人幾分鐘的答問環節,根本就唔係俾你講 details 的場口,內容係在政綱裡面寫的。正如上屆選戰中,令人記得的就只有「你呃人」三個字,所以所有的公開辯論都可以寫 script,而 hea 曾就係一個肯去背script 的人:曾經試過在某選舉論壇中,hea 曾早在上半場時已用完所有 script,於是就由阿蔥在半場休息時提供錦囊妙計,讓 hea 曾即場背誦。
所以話,撐 hea 曾,不如話撐 hea 曾背後的團隊。
魔:講到呢度,真係明哂,所謂「與其信一個人,不如信所有人」,睇怕就係呢個意思,同埋亦有暗諷林鄭「一個人好打得」的形象。再且,似乎 hea 曾真係一個好演員遇着好導演,果然就係拎終身成就獎的契機!
有關「公關」
阿蔥及其團隊並沒有將自己定性為「公關」。佢地係幫 hea 曾去推銷一個夢,而呢個夢係會改變現實生活的。
主持人就話佢地似係「幕僚」多啲。
魔:魔術師覺得阿蔥團隊似係「參謀部」,而阿蔥就係「總參謀長」。「夢」的言論,跟摩摩留言吻合
我尋晚一個自稱“時黃時藍”既波友講:“啲人寄託於hea曾,系因為佢地厭倦了一個只當阿爺為唯一老細的突首,所以只要有人做下樣聽下佢地講嘢,啲人就會好開心好支持。”
跟開我留言,都知我一直都同意呢種講法,而齋靠公關講一堆行呢條路線的浪漫廢話都無問題,就算是發哥、劉華、甚至Leon出嚟選靠呢招得到同樣支持,我都唔會覺班人咁Q蠢--起碼呢幾條友本業出色,政治又系素人(白紙一張即系無嘢好插),由行出嚟擺到明俾個夢大家,我都還可以說得過去;但hea曾系有九年往績可跟,“守財奴”、“因循”都講咗咁多年,點知齋靠呢一兩年部署親民然後再靠講兩三個月毫無實際內容的浪漫廢話,成班豬可以將九年往績完全抹去,而真系當呢條友好X有計...最神奇系,呢班人甚至連為佢蹉跎九年開脫而自圓其說都無,彷彿從來無發生過一樣!
所以其實班有青話傷民多港豬,真系無X錯的:起碼有青信仰立場堅定(姑不論其假設與事實差幾遠),信奉既icon都系立場從一而終,但呢班以中剷為主的hea曾粉絲,人地改下表面包裝就為之瘋狂,班有青唔話你地系豬系乜?
唯一解釋就係,呢班豬對“有人當佢地系老細咁擦鞋”、“重拾對港人身份認同”已經去到desperate的程度,所以只要有人講下甜言蜜語,就甘之如飴,連僅有的智商都灰飛煙滅了。
有關林鄭團隊
主持人要求阿蔥評價一下林鄭團隊,阿蔥當然唔會亂咁指指點點,只係大意話佢地係「將多過兵」,用的宣傳策略主要係 reactive,所以會落後於形勢。
主持人亦有問到如果林鄭請阿蔥佢地幫佢搞選舉工程,會唔會一樣搞到咁有聲有色。阿蔥「當然話有把握」,但成條橋就唔同,然後就拖泥帶水的胡混了過去。
魔:hea 曾團隊的宣傳手法,的確比林鄭團隊的有活力得多。咁講法,即係林鄭班子依然係嗰種手指指老油條講多過做的「大機構」舊思維官僚作風,再搵多幾個年輕人來做「人肉佈景板」都無濟於事,注入唔到活力的。
***
去到答問環節,已無 Facebook Live 直播,眾黃C暢所欲言,大讚特讚。剛巧魔術師在前晚趕完 project,這天又要早起趕去鄉大,加上黃C的地獄主場,頓感頭昏腦脹:
有關大肚腩
阿蔥提到 hea 曾主打的是「中間派」,即是一個大肥佬訓係度,突出一個大肚腩,你只會見到突起來 normal distribution bell shape 的那一部份,雖然話唔係唔去拉選委票,但更希望用700萬傷民去影響1,200人小圈子。
魔:訓係度的大肥佬?咁AV?嗯,又給馬嶽(見《兩種不同的威權想像》)說對了:
曾俊華明顯已經佔據了現在民意的所謂中位選民位置(median voter position),一種兼收自由黨至溫和民主派的中間位置,而黃藍絲都可以接受「投得落」的位置。
有關傅霉
有參加者很 subtle 地 challenge 阿蔥,新聞界是否對 hea 曾太寬容?
阿蔥就揭曉話佢地係採取了政府跟傳霉的策略:即係掌握了不對等資訊,再慢慢「逐張牌揭開」,引你追看,逐漸成為自己的擁疐。
魔:D,即係話傳霉都被佢地玩弄於股掌之上,在場呢班黃C仲咁心甘命抵,果然係被人賣了都仲咁落力幫手數錢...
有關魔術師發問
其實,摩摩呢兩條問題,在講座內容中已有答案:
1. 關於hea曾整個宣傳充斥“浪漫廢話”,薯仔團對這個有什麼看法?
魔代答:「浪漫廢話」根本就係佢地刻意為之的營銷技巧,是一個成功的策略,還會有什麼看法呢?
2. 以前hea曾形象欠佳,甚至和“親民、貼地”相悖,為何形象設計師有信心在沒有針對此等過往形象的實際政綱下,能成功於公眾洗脫此等形象呢?
魔代答:有信心洗刷形象,就因為 hea 曾係一個「相信導演的好演員」。
於是,魔術師在短時間內,拉雜拼湊出一條自己都不甚滿意,過度複雜的問題(仲要唔記得問「傷民點解唔記得 hea 曾以前的惡行」):
關於大肚腩的比喻,要知道大肚腩的末端,是用來繁殖的,你唔爭取,就會絕後。
Hea 曾以往的形象其實很一般,也很離地,例如睇法國電影,嘆咖啡,又叫長毛「行開啲」等等;但觀乎你地嘅文宣技倆,多數都係講一啲浪漫廢話便足以取悅那些好似阿爺一樣想預先知道賽果的「勝利球迷」。究竟呢班「勝利球迷」對於「勝利」嘅定義係咪只係對於「身份認同」的「精神勝利」?呢種「精神勝利法」係主觀嘅,一定無得輸,唔同巴塞贏波咁有一個客觀的賽果。對於一般傷民,好似好容易被主觀情緒主導。究竟你地在做呢一種公關宣傳的時候,是否間接就係承認了「傷民就是港豬」呢?
回應甲:我地係負責 sell 一個夢,而浪漫廢話就係令人深信呢個夢,再潛移默化令其生活作出改變的方法。
回應乙:其實我唔知你問乜...
(全場熱烈鼓掌)
魔:(在看台大聲回應)你可以 humiliate 我,因為我無法回應,所以我一定輸。
阿蔥:我地唔係乜都無做過,我地都有統戰到販民,令佢地 all in hea 曾;況且,在 hea 曾的 FB,即使有嬲嬲話佢係守財奴,都俾 constructive comments,而唔係「嬲完就算」。
***
結論
就如C嬸與 Freelancer 在《88+689=777》一文的留言:
C嬸:諷刺地,究竟邊個先係唔面對現實呢?
Freelancer:係我哋!其實現實係,佢哋根本就係咁,點解我哋仲唔面對現實,接受佢哋係咁
C嬸:In a way, you are so damn right! XD XD XD
***
伸延閱讀:
馬嶽:兩種不同的威權想像
88+689=777
//明明條友仔之前先俾人插佢離地, 以家拍下AV, 突然就變得好貼地.....DIU. 智商貼地就有大把....傷港真係仆硬街....
//只要睇中班人蠢咗唔肯認,呢啲浪漫廢話就最令佢哋 dap 糖,繼續做觀音兵。
//一個簡單嘅 how 都問唔出。因為呢啲人想處理嘅係情緒,而唔係件事。
//諷刺地,究竟邊個先係唔面對現實呢?
//係我哋!其實現實係,佢哋根本就係咁,點解我哋仲唔面對現實,接受佢哋係咁
//In a way, you are so damn right! XD XD XD
//另一位政治SHOW表演不濟,支持一個貼地D既候選人好過,起碼感覺佢肯溝通.睇佢地係堅持原則定面對現實.
//都話佢唔係貼地咯!亦唔係一個願意溝通嘅人!
//係佢配合犯民塑造呢種假象嚟呃 like!
//可後來無咁爛的蘋果被當成仙果,不是入戲太深就唯有是智商堪憂了(兩者亦可同時發生).
//一句“相信一個人,不如相信所有人”,其浪漫廢話程度,近年只有劉心悠配乜乜餅家那句“愛像傳說一樣,相信就會幸福”可以比得上!
//可既然你是被彈過是爛蘋果的,不停咁講廢話都可以呃到同一班受眾信你是仙果,我就真系無言以對了。
//佢呢種手法,反而騎劫返販民all in佢就真。

37 則留言:

  1. 真心唔覺呢班幕後玩家有幾勁,黃c只認敵人既敵人而矣。
    如果佢地能將黄c支持CY,就服喇。
    唉,黄c錢,唔昆就笨七了。

    回覆刪除
    回覆
    1. //如果佢地能將黄c支持CY,就服喇。

      「主持人亦有問到如果林鄭請阿蔥佢地幫佢搞選舉工程,會唔會一樣搞到咁有聲有色。阿蔥「當然話有把握」,但成條橋就唔同,然後就拖泥帶水的胡混了過去。」

      刪除
  2. 咁快出post?未睇都強帖留名先

    回覆刪除
    回覆
    1. 再唔寫就俾你地追斬我架喇!

      刪除
    2. 你重要寫通識呀!
      飲杯浪漫紅茶先啦!

      刪除
    3. DSE 中作我就必寫, 通識就視乎題目而定.

      刪除
  3. //而傷民對「勝利」的定義就係//
    跌落地拿返渣沙
    完全秉承中國傳統阿Q精神!

    //hea 曾亦有一些「很想做的事」,即係「眾籌」//
    呢吓係用嚟挑中央機!

    //hea 曾能夠相信佢地呢一班年青人//
    Like he has another choice?

    //令佢地好好地「發揮個腦同個心」的環境。呢個亦係阿蔥覺得跟 hea 曾同跟一般公墓園合作不同之處。//
    這是一個姣婆遇着脂粉客的故事。

    //叫佢做乜就做乜//
    Easy manipulate

    //政治人物係一個演員,而公關團隊就係導演。//
    都話選劉德華架啦!

    //「與其信一個人,不如信所有人」//
    就係信唔過所有人先至質疑民主。
    呢句說話對我來講,好驚!
    一個唔用腦嘅人,咪跟住大隊走囉!但係大隊走嘅方向係咪一定安全呢?可能大家都冇用腦,之後一齊走!問你怕未?獅子捉斑馬,斑馬一齊走嘅好處就係減低個人/馬風險。

    阿蔥好嘢,全靠多豬!
    Trump can win, so can you!
    (Yan can cook, so can you!)
    XD XD XD

    我覺得成件事好似基督教咁。好恐怖!
    首先要營造一個迫切需要:
    你犯過錯,會落地獄。
    唯一的拯救:
    相信神,完全依賴佢,你方可得救。
    Bonus:
    得到神無條件嘅愛,可得永生。
    或者你唔稀罕永生天堂,但你一定唔會想入地獄。萬一真係有地獄你就入硬地獄,因為人係唔會唔犯錯。
    慢慢本來只係買個保險嘅行為變成 comfort zone。無緣無故,冇好重大嘅衝擊,人係唔會主動跳出 comfort zone。
    呢啲人係好容易自我催眠。Placebo effect 亦好容易發生係佢哋身上。而事實上,「神」乜都冇做過,唔信嘅人同佢哋生活無異。

    回覆刪除
    回覆
    1. //完全秉承中國傳統阿Q精神!

      True.

      //呢吓係用嚟挑中央機!

      樁秧最忌憚你玩群眾...

      //這是一個姣婆遇着脂粉客的故事。

      百貨對百客而已.

      //一個唔用腦嘅人,咪跟住大隊走囉!但係大隊走嘅方向係咪一定安全呢?

      咁究竟邊個lead住個大隊呢?

      //獅子捉斑馬,斑馬一齊走嘅好處就係減低個人/馬風險。

      班馬的逃走方法,其實就係混入群眾之中,拖人地落水,希望減低自已被捉的機會率。

      //相信神,完全依賴佢,你方可得救。

      如果你依舊 hea 曾,而最後衰咗,佢會話唔關自己事的。

      //Placebo effect 亦好容易發生係佢哋身上。

      所有歷史事件都是一樣,時間無得返轉頭,無機會俾你試下另一啲 option 做實驗睇下work 唔 work,關唔關某些 factor 事.

      刪除
  4. //主持人問阿蔥「做啲唔知係乜」的例子。阿蔥就話叫 hea 曾去行黃金商場,叫佢做乜就做乜,唔會 stray 咗去亦唔會臨場爆肚。只要能夠信住團隊,自然就唔會穿崩,出醜露乖。

    即是hea曾同唐唐都系“下屬寫好講稿嚟到就照稿讀”的上司/領導。一個負責任的領導一定會要求你詳細解釋你點解要佢咁做,聽你分析後再決定--就算信任你,都是在“客觀上事前好難deduce到呢個行動啱定錯”的事上信任,如果你無rationale說服佢,佢系唔會聽你點的。

    我會覺得呢樣其實反映hea曾hea的一面--亦懷疑究竟年年份budget究竟有幾多系佢寫(甚至佢自己過濾過的idea)的。


    //既然「行黃金商場」在 hea 曾認知範圍內「做啲唔知係乜」的事,阿蔥之言亦承認了 hea 曾實情上一樣係咁「離地」,所謂「貼地」的確是公關團隊謍造出來的效果。

    我都記得呢件事--好似話hea曾在黃金出現引起哄動。

    如果在選戰角度,佢連「行黃金商場」都是「做啲唔知係乜」的事,可以反映佢唔只離地,甚至算有啲「何不食肉糜」。

    //政治人物的作用,係出嚟負責 keep the will,而實質的 implementation 和 execution,就要靠幕後的團隊。

    辦成任何一件事,團隊的領導不知是“keep the will”咁簡單--起碼要俾個大方向下面團隊去implement啲乜嘢吧?就咁睇奧巴馬同侵侵,都估到佢地下達的大方向好唔同,而唔只系出嚟“keep the will”、搞啲大龍鳳吧?

    除非阿蔥潛意識就係:大方向來來去去都一樣,只是不同團隊有不同執行方法而已。

    但買開股票既都知,買一隻股票中長線其實就係買管理層...

    //hea 曾早在上半場時已用完所有 script,於是就由阿蔥在半場休息時提供錦囊妙計,讓 hea 曾即場背誦。

    勁既政治領袖系絕對可以跟返自己平時營造形象,隨時臨場爆肚而不失大體的;下下要“團隊”飛紙仔,似乎其本人是空心老倌,唔怪得話“人人都可以系曾俊華”勒!

    // hea 曾真係一個好演員遇着好導演,果然就係拎終身成就獎的契機!

    都話溫家寶都甘敗下風啦。

    //「夢」的言論,跟摩摩留言吻合:
    //但hea曾系有九年往績可跟,“守財奴”、“因循”都講咗咁多年,點知齋靠呢一兩年部署親民然後再靠講兩三個月毫無實際內容的浪漫廢話,成班豬可以將九年往績完全抹去
    //人地改下表面包裝就為之瘋狂,班有青唔話你地系豬系乜?
    //D,即係話傳霉都被佢地玩弄於股掌之上,在場呢班黃C仲咁心甘命抵,果然係被人賣了都仲咁落力幫手數錢...

    sell夢可以,奧巴馬的“change"也是夢。但由一個曾經亦被認為核突佬的核突佬去sell都sell到,咁只能說受眾系豬:

    http://hk.centanet.com/home/ColumnArticle.aspx?id=57363

    //魔代答:有信心洗刷形象,就因為 hea 曾係一個「相信導演的好演員」。

    但劇本其實也不過爾爾...當然你啲人系都要買飛入場咁都無辦法。

    重申一次:兩套戲,你討厭其中一套,不等於另一套你就非入場不可。

    //拉雜拼湊出一條自己都不甚滿意,過度複雜的問題

    其實你只需要將中間一段刪除即可,只需要問:

    “Hea 曾以往的形象其實很一般,...但觀乎你地嘅文宣技倆,多數都係講一啲浪漫廢話便足以取悅一般傷民,似乎一般傷民好似好容易被主觀情緒主導。究竟你地在做呢一種公關宣傳的時候,是否間接就係承認了「傷民就是港豬」呢?“

    中間一段就留作阿蔥所謂“錦囊中的script”。

    //都話選劉德華架啦!

    起碼劉華未做過核突佬。

    //一個唔用腦嘅人,咪跟住大隊走囉!但係大隊走嘅方向係咪一定安全呢?

    可能傷民個個都覺得自己好X有腦,你話信晒佢地所有人咪個個嗒糖囉。

    回覆刪除
    回覆
    1. //即是hea曾同唐唐都系“下屬寫好講稿嚟到就照稿讀”的上司/領導。一個負責任的領導一定會要求你詳細解釋你點解要佢咁做,聽你分析後再決定

      聽佢地講 hea 曾都會 challenge 的,但有幾 critical,是否係咁易問下(否則應該不會有一地兩檢唔知答乜好的情況出現),就不得而知了。

      //亦懷疑究竟年年份budget究竟有幾多系佢寫(甚至佢自己過濾過的idea)的。

      咁班槍手應該出嚟反佢喇!

      //如果在選戰角度,佢連「行黃金商場」都是「做啲唔知係乜」的事,可以反映佢唔只離地,甚至算有啲「何不食肉糜」。

      所以都唔明班港豬點解會信佢.

      //除非阿蔥潛意識就係:大方向來來去去都一樣,只是不同團隊有不同執行方法而已。

      佢應該只係槍手,未去到 implementation 的層次,呢樣嘢應該屬於各政策局的專科負責。

      //勁既政治領袖系絕對可以跟返自己平時營造形象,隨時臨場爆肚而不失大體的

      人地楓葉國個靚仔總理可以即場爆肚解釋量子電腦,但 hea 曾卻未曾用過經濟學解釋過什麼...
      https://www.youtube.com/watch?v=G2rKkumTpUY

      //下下要“團隊”飛紙仔,似乎其本人是空心老倌,唔怪得話“人人都可以系曾俊華”勒!
      //都話溫家寶都甘敗下風啦。

      阿蔥言下之意,hea 曾只係一個政治演員而已。

      //但劇本其實也不過爾爾...當然你啲人系都要買飛入場咁都無辦法。

      咁《十年》一樣可以稱霸影壇...

      //其實你只需要將中間一段刪除即可

      同意,但我又實在唔順佢話傷民係「勝利球迷」,咁即係話同阿爺無分別,雙重標準得太緊要了。

      //可能傷民個個都覺得自己好X有腦,你話信晒佢地所有人咪個個嗒糖囉。

      港女成日都以為自己大X...

      刪除
    2. //佢應該只係槍手,未去到 implementation 的層次,呢樣嘢應該屬於各政策局的專科負責。//
      請參考:
      //日前見到一位曾為這位先生做「槍手」的朋友,從他口中得來的印象,是這位先生有點 hea。朋友給他當「槍手」多年而素未謀面,每次收到「柯打」就揮筆,常寫演講詞。他奇怪的是,都不會得到什麼內容上的指示,即使是什麼經濟高峰會上的主旨演講也一樣。更奇怪的是,這位先生結果都會照本宣讀,不作任何增補。對「槍手」而言,這或許有滿足感吧? 我這位朋友做事並不 hea,寫的東西都經過仔細研究,寫出來的東西被照單全收反而覺得那位先生太缺乏主見了,他位居高層,有更廣闊的視野和更高的視角,該有所增補才對。對於這位先生好 hea 的評語,朋友大有同感。//
      http://silverylines.blogspot.hk/2017/03/hea.html?m=0

      做功課抄完瞄下,萬一老師起疑問都噏到兩嘴。
      其實佢個人乜都唔識,佢唔信班祈福班底重可以做啲咩?
      班祈福班底只有 sell 港豬板斧,target clients 一轉,極有可能就露餡。所以佢哋係唔會去幫林鄭。知唔知佢哋之前有咩作品呢?

      刪除
    3. //阿蔥言下之意,hea 曾只係一個政治演員而已。
      //咁《十年》一樣可以稱霸影壇...

      重點是「佢只係一個演員」,魔兄呢度亦好多人睇得出佢演戲(但演技普通),劇本亦麻麻;只是不知為何咁多港豬爭相入場睇佢台戲.

      綜合三點:
      1)應九十年代一句戲院內的俗話:「唔係佢好蹻,係你睇得戲少」
      2)只要題材岩口味,唔理拍成點都要捧場(和《十年》情況一樣),仲要感動落淚
      3)為左杯葛另一套同檔期既戲,就硬要捧呢套戲場;明知佢拍得亦不太好都要搖旗吶喊,點知投入得滯,越吶喊就越覺得套戲好睇

      三點煲埋一點:
      豬咁蠢

      刪除
    4. //我這位朋友做事並不 hea,寫的東西都經過仔細研究,寫出來的東西被照單全收反而覺得那位先生太缺乏主見了,他位居高層,有更廣闊的視野和更高的視角,該有所增補才對。
      //做功課抄完瞄下,萬一老師起疑問都噏到兩嘴。

      做高層就梗係要消化下下屬的資料, 否則隨時死直. 以前我都寫過有啲阿頭連手下寫俾佢的 powerpoint睇都唔睇就上台講, 結果手下要將所有文字放上去張slide度以防遺漏, 變成驗眼mode presentation:
      http://magician__yang.mysinablog.com/index.php?op=ViewArticle&articleId=1142695

      //其實佢個人乜都唔識,佢唔信班祈福班底重可以做啲咩?
      睇怕hea曾又係呢類outsource完試都唔試就「出街」的「領導」.

      //班祈福班底只有 sell 港豬板斧,target clients 一轉,極有可能就露餡。

      林鄭似係一個會challenge他人的人, 跟佢做事唔易架.

      //重點是「佢只係一個演員」,魔兄呢度亦好多人睇得出佢演戲(但演技普通),劇本亦麻麻;只是不知為何咁多港豬爭相入場睇佢台戲.

      Lesser evil 嘛, 文柒的票房都唔差架!

      //明知佢拍得亦不太好都要搖旗吶喊,點知投入得滯,越吶喊就越覺得套戲好睇

      咪就係《十年》囉!

      //豬咁蠢
      長空 你真係蠢撚過隻豬

      刪除
  5. 第一件喺要多謝魔兄咁有心打呢篇賽後報告先...

    薯粉唔想答唔識答中咗死穴嘅問題,就"拖泥帶水的胡混","其實我唔知你問乜","咁深嘅",正正反映出鬍鬚曾嘅隊伍又hea又廢話連篇只喺識討口頭上小便宜嘅特色。

    ///Hea 曾成日被人批評話「有金句無內容」,但現今政治就係講 impression,短片、選舉論壇那些每人幾分鐘的答問環節,根本就唔係俾你講 details 的場口

    幾分鐘都可以重點式講實質嘢嘅。實質嘢(內容)唔喺一定喺細節(detail),唔好將"有內容"同"細節"撈埋一齊混淆視線啦。有充足內容,可以引述一兩個(唔使多)重要嘅論據因數去支持自己見解或反駁對方,唔使幾分鐘嘅,半分鐘都得啦--亦都喺令人有深刻印象(impression...點解用咁多英文!)嘅方法(佢好熟悉事務,有經驗,頭腦清晰,反應快,唔喺得個靚仔樣,同蝗共講數唔會口窒窒"等我了解吓先",等等)。其實亦喺好基本嘅嘢嚟。

    佢倒不如大方承認佢喺順應大多數傷民薯粉質素,表面中鏟偽犀人睇英文台,其實鐘意CCTVB師奶劇王晶戲。唔在乎實際嘢淨喺要聽金句只要信不要問。

    回覆刪除
    回覆
    1. //唔好將"有內容"同"細節"撈埋一齊混淆視線//
      睇嚟,佢哋其實係付碌製作隊,對於 debate 真係唔識。

      刪除
    2. //正正反映出鬍鬚曾嘅隊伍又hea又廢話連篇只喺識討口頭上小便宜嘅特色。

      其實hea曾團隊有登高老闆我已經打過突,唔怪得佢啲稿成陣妄民味, 打不過就hit and run, 拋下幾句你無法回應的說話贏了掌聲便算, 「講咗當做咗」.

      //佢好熟悉事務,有經驗,頭腦清晰,反應快,唔喺得個靚仔樣,同蝗共講數唔會口窒窒"等我了解吓先",等等
      //佢倒不如大方承認佢喺順應大多數傷民薯粉質素

      咪就係hea曾並唔係咁嘅人囉! 你要一分半分鐘內有內容, 講者要好熟書, 不能夠以妄民方式講幾句佻皮話串下你就算答咗(不過傷民的要求亦僅至於此). 所以話, 佢段片apply落去林鄭一樣得, 「我係唔係林鄭唔重要...」

      //睇嚟,佢哋其實係付碌製作隊,對於 debate 真係唔識。

      傷民作為評判, 一樣係唔識. 有甚麼樣的顧客就有甚麼樣的供應. 阿蔥的意思是「短片和論壇都不是present政綱的適當場合」, 因為群眾只會記得 soundbite,所以佢地亦只會投群眾所好,提供一些無內容的夢給受眾(當然這個 blog 的讀者應該是極少數例外, 「人多殭屍係怪物, 殭屍多人就係怪物」吖馬!)

      刪除
    3. ///阿蔥的意思是「短片和論壇都不是present政綱的適當場合」

      如果大部份傷民真喺咁諗就真喺唔好搞咩電視論壇,論壇就喺機會講解自己政綱然後攻擊其他人嘅政綱點差,真喺好基本嘢。。下次不如上電視才藝表演,再加泳裝環節,無敵獎門人算把喇。

      刪除
    4. //論壇就喺機會講解自己政綱然後攻擊其他人嘅政綱點差,真喺好基本嘢。

      奈何傷民都係「生跛派」,淨係識得「你呃人」笑成世,呢啲論壇基本上無乜營養,的確同叫hea曾和林鄭玩吹乒乓波夾紫菜差唔多!

      刪除
  6. 成個講座就好似主日崇拜咁,全程就喺到聽耶穌點樣打救你。聽完之後行出教堂/講堂,感覺就好似真喺被打救咗咁。其實就乜都冇改變過。Hea曾團隊最好推舉他做洪秀全2.0,拜佢做上帝之子,整番個太平天國2.0。

    回覆刪除
    回覆
    1. 哈哈, 咁啱在場hea曾團隊有5條友, 做返楊秀清2.0、蕭朝貴2.0、馮雲山2.0、韋昌輝2.0、石達開2.0 都得喎!

      刪除
  7. 想不到會在這裏見到自己的相片 ><
    我和魔術師一樣, 也是深入"黃C重鎮"的人. 老實說, 在當天的環境, 你問的問題的確不容易明白, 阿葱catch唔到好平常. 這種半評論式的問題只適合以written方式發問.
    關於"勝利球迷", 我覺得比喻原意不是針對追捧hea曾的傷民, 只是想諷刺"投左會贏果個"的選委. 阿葱團隊只是發功把中鏟傷民心態由"勝利球迷"扭轉成"鋤強扶弱"而已.

    可惜當天沒有細看發問者的樣子, 與你緣慳一面了~~

    回覆刪除
    回覆
    1. //沒有細看發問者的樣子,//
      Winghzi 你係臥底中嘅臥底! ������

      魔術師問呢啲問題,本屬於自殺,但因為成班豬聽唔明,避過一劫! ������

      刪除
    2. Winghzi:

      //我和魔術師一樣, 也是深入"黃C重鎮"的人.

      原來也是校友, 既是一同在場, 歡迎增刪指正. 想來我也沒加鹽添醋老屈阿蔥吧?

      //在當天的環境, 你問的問題的確不容易明白, 阿葱catch唔到好平常. 這種半評論式的問題只適合以written方式發問.

      對啊,我也覺我的問題太複雜,包含的concept太多,但時間不容許我再細想了.

      //關於"勝利球迷",我覺得比喻原意不是針對追捧hea曾的傷民, 只是想諷刺"投左會贏果個"的選委.

      但當日阿蔥對「勝利球迷」係指傷民大眾這個群體, 所以才有主持人的即時追問.

      //阿葱團隊只是發功把中鏟傷民心態由"勝利球迷"扭轉成"鋤強扶弱"而已.

      但坊間也有言論話傷民係愛好「鋤強扶弱」的喎(尤其是強者係殺人政權之時), 你睇下龍獅足球隊對蝗足就知喇!

      //可惜當天沒有細看發問者的樣子, 與你緣慳一面了~~

      唔知你係咪本blog長期讀者? 最近幾篇我有預告過參加呢個講座,仲會發問添!

      C嬸:

      //魔術師問呢啲問題,本屬於自殺,但因為成班豬聽唔明,避過一劫!

      咁我受摩摩所託, 而且我自己都想問嘛! 當日我都有講「好多網友要求我發問」架! Winghzi 可以做證!

      刪除
    3. //但當日阿蔥對「勝利球迷」係指傷民大眾這個群體, 所以才有主持人的即時追問.


      你說得對. 不過「勝利球迷」的比喻帶貶意, 用來形容他們爭取的大眾有點不倫不類, 所以被主持人一問就口啞了.

      //唔知你係咪本blog長期讀者? 最近幾篇我有預告過參加呢個講座,仲會發問添!

      我的確是長期讀者, 也知道魔術師是我的新傳師兄, 不過當日沒有特別留意就是了.
      我身邊周圍都係日日當HEA曾神咁拜的人, 這兒是個平衡心理的好地方.

      另外, 當日講座的公開部分可以在這兒找到:
      https://www.facebook.com/cuhkcom
      僅供參考.

      刪除
    4. //不過「勝利球迷」的比喻帶貶意, 用來形容他們爭取的大眾有點不倫不類, 所以被主持人一問就口啞了.

      所以我問嘅問題係呢個宣傳策略是否視傷民受眾為「港豬」,只係利用佢地,基本上就睇我城民眾唔起...而傷民真係buy hea曾就反證了自己係豬的事實。

      //不過當日沒有特別留意就是了.
      咁你就走寶喇!都唔知幾多人想睇魔術師全相!

      //我身邊周圍都係日日當HEA曾神咁拜的人, 這兒是個平衡心理的好地方.
      哈哈,同無想兄的評語一樣,我都係志在提供多一個選擇俾「大家」啫!

      //當日講座的公開部分可以在這兒找到:
      謝提供,已作second edition 補充!

      刪除
  8. //你問的問題的確不容易明白, 阿葱catch唔到好平常

    "呢位觀眾問題比較長,可能我聽唔切,理解得唔喺太好,不過我會嘗試簡單回應一吓,問題似乎係關於ABCD,咁我認為EGFH...." 會唔會好過一句"我唔知你問乜"就咁頂撞過去呢? 咁嘅態度點"彌補撕裂"呀。不過以登高100茅標準就喺咁上下...

    回覆刪除
    回覆
    1. 阿聰再蠢都聞到魔術師既挑機意味, "關你咪"當然係必然選擇

      在此向魔術師深入敵陣既行為致敬

      我估我自己如果置身系D咁黃, 咁多港豬既崇拜活動, 會好燥好想打人

      刪除
    2. 最重要係: 聽眾受, 型, 貼地(在場港豬唔明, 直接投射就係魔術師離地)

      呃到LIKE, 又成功佐

      "彌補撕裂"?? 黃屍港豬既解讀係:抹殺晒你班"大陸人"O米無撕裂- 無錯, 係同佢地幻想中邪惡既共產黨係一X樣

      刪除
    3. 修補撕裂?咩撕裂?都冇撕裂。
      炸咗班黃C咪冇撕裂囉!
      靜曬! XD XD XD

      刪除
    4. //在此向魔術師深入敵陣既行為致敬

      多謝!

      //我估我自己如果置身系D咁黃, 咁多港豬既崇拜活動, 會好燥好想打人

      參加呢類活動先要作心理評估 XD

      //呢位觀眾問題比較長,可能我聽唔切,理解得唔喺太好,不過我會嘗試簡單回應一吓

      中剷港豬同妄民一樣,都只會覺得呢類大方得體的回應方法「老土」:令到發問者明白(或者願意去思考、嘗試去明白)係發問者的職責,所以「聽得明係人情,聽唔明係道理」,你要我去諗,就更加係死罪。

      //會唔會好過一句"我唔知你問乜"就咁頂撞過去呢? 咁嘅態度點"彌補撕裂"呀。不過以登高100茅標準就喺咁上下...
      //聽眾受, 型, 貼地(在場港豬唔明, 直接投射就係魔術師離地)
      //呃到LIKE, 又成功佐

      所以串你,在口頭上討便宜,講些「生跛」,懶係 witty 咁取悅豬一樣的受眾(熱烈鼓掌),並且令對方無法還擊,乘機呃like,就係必然。

      //"關你咪"當然係必然選擇
      //"彌補撕裂"?? 黃屍港豬既解讀係:抹殺晒你班"大陸人"O米無撕裂- 無錯, 係同佢地幻想中邪惡既共產黨係一X樣
      //冇撕裂。
      //炸咗班黃C咪冇撕裂囉!

      睇返剛過去周日的城市亂彈,又搵咗前學民高潮,及甚麼甚麼前專上組織幹事張秀賢出席。面對兩名建制派對手,張君毫無懼色,口舌便給,句句夭心夭肺。問題唔係佢嘅言論有幾多破綻(其實都唔少),而係嗰 criticise 同 挑戰別人的態度,根本就毫無修補撕裂的意思。有呢班人係度,「和談」絕不可能成功。

      刪除
  9. //「最成功的輸家」//
    乞衣中嘅霸主
    https://youtu.be/HpwhbXfEZvI

    籌款又有咩好激辯?籌夠咪籌夠,籌唔夠咪籌唔夠,有乜風險?驚樣衰?咁樣講只不過係想俾人覺得佢哋好似有做嘢,做嗰啲嘢係要用腦㗎咁囉!那,一般港豬覺得佢 5 兜友好成功,所以咪重文科不重理科囉!

    一般官嘅通病就係覺得自己好掂食鹽多過你食米,對於呢啲唔信邪嘅後生仔當然係一種打擊。

    //傷民其實都是「勝利球迷」,唔只未踢完場波已經要知道賽果,仲要一早換埋波衫衝落去影相。//
    呢啲有疑問咪咁玄嘅嘢,只有撞邪嘅人先聽得明,都唔知講乜!

    //「逐張牌揭開」,引你追看,逐漸成為自己的擁疐。//
    韓劇咩!呢D語言勢術,其實即「見步行步」。佢有乜資訊係手?創作資訊?我就唔信佢哋一早有個大方向。只係咁啱有班港豬鐘意呢種味嘅薯片。揭下揭下��喎,最後揭出人哋 777 囉!真係唔怕人笑!

    //我地係負責 sell 一個夢,而浪漫廢話就係令人深信呢個夢,再潛移默化令其生活作出改變的方法。//
    繼續浪漫廢話!

    //我地都有統戰到販民,令佢地 all in hea 曾//
    Let's look at your question: "呢一種公關宣傳的時候,是否間接就係承認了「傷民就是港豬」呢?"
    佢咁答即係唔單止承認傷民係港豬,犯民一樣係港豬。
    其實魔術師只係想問「你係咪當我哋白痴?」只係好似通識題,前面解釋一下問題來源同一啲 background information 好等同學從果到 elaborate 落去吹水。
    如果佢答唔知你問乜,即係唔識睇題目,或輕敵冇認真睇題目。咁你可以重睇吖,即係叫發問者重複一次。答唔知你問乜同放棄唔識答係冇分別。

    回覆刪除
    回覆
    1. "呢啲有疑問咪咁玄嘅嘢" should be "呢啲咁玄嘅嘢"

      刪除
    2. //咁樣講只不過係想俾人覺得佢哋好似有做嘢,做嗰啲嘢係要用腦㗎咁囉!

      咁就係驚好似糧油咁票房欠佳囉!但其實,呢個係一個「偽擔心」。

      //呢啲有疑問咪咁玄嘅嘢,只有撞邪嘅人先聽得明,都唔知講乜!

      以其人之道,還治其人之身!

      //呢D語言勢術,其實即「見步行步」。
      //我就唔信佢哋一早有個大方向。

      佢地真係講到阿蔥好似真係算無遺策,成個返生諸葛亮咁!

      //揭下揭下喎,最後揭出人哋 777 囉!真係唔怕人笑!

      哈哈, 笑咗!

      //其實魔術師只係想問「你係咪當我哋白痴?」只係好似通識題,前面解釋一下問題來源同一啲 background information 好等同學從果到 elaborate 落去吹水。

      你真係好鬼直拫嘅啫. 我以為話傷民係精神勝利已經會得罪好多人,唔敢在指住佢地個鼻嚟鬧...如果好似你講得咁白, 我怕會被成群港豬圍毆...

      //叫發問者重複一次。答唔知你問乜同放棄唔識答係冇分別。

      所以一班豬都熱烈鼓掌,逃避了自己係豬的事實.

      刪除
    3. //如果好似你講得咁白, 我怕會被成群港豬圍毆...//
      如果我係現場,睇怕變 C煙BB2.0! XD XD XD

      刪除
    4. 你無私煙BB「咁肥咁得意」喎!

      刪除
    5. //佢地真係講到阿蔥好似真係算無遺策,成個返生諸葛亮咁!

      "唔係佢好蹻,係你地班豬睇得戲少"

      刪除
    6. 豬同雞一樣, 只會食, 訓, 同埋扑嘢.

      刪除