2017年4月22日 星期六

《S風暴(S Storm)》:可唔可以拍得唔好咁hea?

上一集《Z風暴》劇情雖然兒戲,但魔術師都叫可以接受到,但點解呢套所謂續集可以亂咁嚟,真接挑戰觀眾智慧最底線?


***
廉政公署首席調查主任陸志廉(古天樂飾)收到匿名電郵舉報,懷疑馬會操盤手鄧兆鴻 Tony(尹子維飾)收受賄賂,故意拖慢波盤更新速度,讓外圍莊家埸錯價時段對沖損失。陸 sir 正要跟蹤調查,但 Tony 就在陸 sir 眼前被職業殺手一鎗斃命。重案組小隊長劉保強(張智霖飾)參與調查,發現兆鴻跟外圍莊家傻標(姜皓文飾)過從甚密,於是劉 sir 便去傻標手下打疐的酒吧調查。眾警一聲「差人查牌」,唯獨酒吧妹劉愛碧(陳靜飾)串串貢唔肯交出身份證,然後就無端端當住酒吧所有人講出自己身世:原來阿碧係劉 sir 細妹,從小就無老豆,劉 sir 好賭成性,竟然欠下幾百萬賭債(竟然仲可以繼續當差做黑警),貴利上門仲要捉住碧上下其手,媽媽用盡老豆的退休金都唔夠還(又話自細無老豆?)帶阿碧出走出去洗碗養家,點知一年後就肺病而死...呢段咁 odd 的「人物介紹」,真係講到聽者傷心,聞者流淚,不過酒吧一眾老臨卻是無動於衷:

原來劉 sir 因為欠債,無人睇得起佢,佢亦無得升職(警隊點解唔「勸退」佢?),於是就成為警隊 hea 王;就連上司(郭峰飾)都叫佢 hea 住做配合老廉,不要被人投訴便成。有兇殺案唔查,顧住同老廉玩政治,呢班黑警真係幫唔落:

至於劉 sir 點解有錢還幾百萬街數?原來係可以問警察亙助社借!幾百萬喎,借嚟買樓得唔得?

劉 sir 從傻標口中得知,外圍大莊由一個叫華老師的人控制,此人很可能就是中國紅星集團的總經理李麗小姐(蔡潔飾),於是陸 sir 便扮鬼扮馬妣富二代身份,在一個慈善晚會接近李麉,話想直接「買波(此波不同彼波)」...但,剛才的不是說好了是「慈善晚會」嗎?為何一出酒店大堂便是日光日白的呢?

陸 sir 調查穿了幫,李麉借故逃去。一計未成,二計又生,陸 sir 索性叫蝗妹手下美莉(盛君飾)回老家深圳調查,原來老廉才是可以跨境查案的強力部門。美莉在極短時間內竟然便弄了個妓者身份,馬上跟紅星集團的乜總物總安排好採訪,席間有人大發雷霆否認李麗的「總經理」職位。奇怪的是如果李麉是招搖墥騙的,集團發個聲明不就可以了嗎?犯得着跟個不知來歷的記者妹講咁多?

美莉訪問完後,上了計程車,問李麉開的足浴店的地址。司機忽然將問鎖上了,似有不軌企圖。美莉制服了司機,還跟他一起吃火煱(!),原來那司機竟然是紅星集團會計部頭頭的兒子(好一個不需靠父幹的有為青年!),又是李麉大學裡的拖友(又會咁啱!),後來李麉跟了個乾爹,於是便分開了,這次司機是特意來通水的。這時有兩名大漢衝來襲擊二人,美莉更被石油汽爐敲中了頭,連秀髮都燒着了。司機幫手拍熄火種,美莉一躍而起,竟然可以追及神秘大漢的摩托車(港女肯定做唔到!),見到二人向某輛房車的主人交代了事情,於是便抄下了那輛車的車牌...以上的狗血劇情令到陸 sir 可以追查到房車主人的身分,並懷疑他才是真正的華老師(盧海鵬飾):

前廉政公署調查主任、現任馬會保安經理倫添源 Terry(林保怡飾)發現了 Tony 疑似受賄的證據,有人通知了華老師,華老師便相約那職業殺手交帶下一個目標:Terry。陸 sir 勾線追查至新世紀廣場。這時殺手出現(仔仔周渝民飾),就在新世紀廣場的展覽中憶起自己是越戰孤兒的慘痛經歷(但,除非整過容,點睇仔仔都唔似越南仔,更唔似「打過越戰」的年紀)。就在這時短褲妹阿碧又出現,見到上次在酒吧中救過自己免受惡人欺負的仔仔,芳心暗許,但竟然劈口就問人地係咪戰爭孤兒,實在唔係正常人講得出的對白。仔仔發現被陸 sir 和劉 sir 跟蹤,於是便又捉住阿碧扮拖友,仲騎上電單車走人。由於實在太過似「天若有情」,阿碧一時興奮便猛咁請仔仔食波餅,好彩仔仔心無二用,否則一定車毀人亡:

Terry 發現 Tony 遺下一筆,內有 USB 藏有機密檔案,隨後被被仔仔所殺,枝筆亦落入警方手中成為證物。李麉由於在澳門欠下巨額賭債,便在收波盤時食華老師夾棍,被華老師揭穿,二人口角間李麉亦踢爆華老師一樣食幕後老闆的夾棍,結果後生世女竟被花甲老翁打到無得還手,最後去廉記告發華老師。

蝗話非常流利的歐洲假波集團頭頭班傑明失驚無神來港見華老師相聚一刻,可能更知道華老師食自己夾棍,便派仔仔殺手將華老師殺死,再然後便派手下從後向仔仔開槍,仔仔胸口穿了個洞,並掉到海裡去:

班傑明唔知點解又知道枝筆嘅存在,又認為無人睇過USB檔檔亦無 make 過 copy 或 upload 上網,於是便捉了阿碧學ISIS要脅要斬首,逼劉 sir 偷證物。唔知係咪驚班傑明的手下識聽我城方言,劉 sir 便運用極其造作、一早鋪落的伏線,硬生生地以暗語通知手下和陸 sir 交易地點作支援:

為保唔知係唔係同貪污有關的證物,即使好似唔係好關老廉事,陸 sir 都跟埋去,並與爆發匪徒爆發激烈槍戰。班傑明雖然毀去枝筆,但劉 sir 就話枝筆係假嘅,只有佢先至知道枝筆的存在。班傑明一聲 who fxcking cares 便要殺劉 sir 兄妹洩憤。劉 sir 為保細妹,中槍倒地,這時勁過 Ironman,復活了連胸口個洞都即時修復了的仔仔又無穿無爛咁出現,並救走了阿碧:

槍戰中仔仔被班傑明手下所殺(會唔會又復活?),而班傑明亦法網難逃,被港警及老廉拘捕。奄奄一息的劉 sir 向陸 sir 示意,真筆竟然就藏在自己褲袋,剛才就係咁便去拋班傑明浪頭:

躊躇滿志的馬會高層夏志賢(石修飾)正以為會當選下屆馬會主席,但事與願違;最後馬會更高層出來話收到電腦錄像檔案,證實夏便是賄賂指使 Tony 在波盤賠率出術,跟班傑明串通的內鬼。明明事情應該是在馬會內部會議室發生,但轉眼間夏一出門便在機場被陸 sir 拘捕,也不知算是哪碼子的瞬間轉移:

***
睇完魔術師冷嘲熱諷寫了一大堆 bug 出來,最離譜的當然是跨境查案與仔仔中槍復活,仲有就係場境時間地點唔連戲,足見本片純粹是添食 hea 拍呃錢之作,難得以下呢位資深影評人仲大加讚賞:
廉政《S 風暴》勝過前作2016/9/19 — 15:53
石琪 香港資深影評人。1964 年開始寫影評至今。
兩年前林德祿導演的《Z 風暴》,由古天樂飾演香港廉政公署調查主任,本港反應普通,但內地票房理想,據說因為大陸觀眾愛看香港警匪片,其中卧底片和廉政反貪片尤其受歡迎,這是內地難以拍出的。
現在《S 風暴》再接再勵,原班人馬之外還增添不少新角色,中秋假期在香港生意不錯,內地則迅速票房過億,事實上此片成績勝過前作。
今次林德祿導演兼創作故事,黃浩華編劇,構思合乎時宜——針對非常旺盛的賭波,涉及香港賽馬會足球博彩高級職員勾結非法外圍集團,發生滅口謀殺。主要人物是三個型男:廉署古天樂,警方重案組的張智霖,以及職業殺手周渝民,形成複雜的敵友關係,真正反派是華洋黑白道串通的幕後惡勢力。
劇情相當豐富。本港的警隊和廉署一向恩怨糾纏,因此古天樂和張智霖好像鬥氣冤家,但都嫉惡如仇,逐漸化敵為友。而張智霖在酒吧工作的妹妹陳靜,巧遇英俊獨行殺手周渝民,帶來浪漫的邂逅情趣,亦道出兄妹的傷心往事。
片中有多場驚險火爆的暗殺、追逃和槍戰。還跑到內地,追查神秘艷女蔡潔的真相,揭發神秘富豪盧海鵬的行踪。其他配角亦有戲劇性,包括馬會內部的尹子維、林保怡和石修,外圍賭波頭目姜皓文。加上古天樂的廉署助手蔡少芬、盛君,張智霖的重案組助手陸駿光和「高妹」徐靖雯等,人馬眾多。
今次文戲武戲可算多姿多采,情節當然越搞越誇張,弄到華洋血腥惡鬥,死得人多。誰是真正幕後頂級黑手?照例古龍式故弄玄虛。至於真正賭波的古靈精怪現狀及內幕,反而描述不多,這方面我有些失望。
作為通俗警廉反貪除奸鬥法片,這一部可算落料足夠,拍得熟練,演員們也各有表現了。林德祿是電視、電影資深導演,亦曾為廉署拍戲。他首部電影就是 1981 年《廉政先鋒》,此後拍過《現代應召女郎》、《香港舞男》、《四大探長》、《昨夜長風》、《非常警察》等很多電影。九十年代後他息影多年,直至《Z 風暴》重出江湖,廉政反貪似乎成為他的拿手題材。
其實香港首部廉政電影,是 1975 年吳思遠導演的《廉政風暴》,影射當年非常哄動的葛柏案,亦觸及警廉衝突,幾乎被電檢處禁映,吳思遠爭取到批准公映,叫好叫座。那時廉政公署才成立一年,民間獨立公司自拍《廉政風暴》成功後,廉署才設立公共關係科拍攝組,最初由許仕仁請許鞍華拍攝電視單元劇,此後不少導演曾加入廉署,包括黃華麒、唐基明、劉成漢、周輝、章國明等。
2009 年王晶的《金錢帝國》也以七十年代警察貪污、廉署成立為題材。 2012 年陸劍青、梁樂民聯合編導的賣座片《寒戰》亦牽涉到廉署。香港警匪新片加上廉署,顯然增添變化,亦加強在內地市場的吸引力,因為眾所周知,中國大陸貪腐問題很嚴重,但大陸片諸多禁忌,不及香港可以自由發揮。
魔術師真心懷疑石老師佢有無睇過套戲,抑或篇影評都係「自由發揮」。本片無視邏輯,劇情亂來,「自由發揮」的程度叫人髲指,咁都受好評足見我城影壇之黑暗,唔怪得《十年》同《樹大招風》會得獎喇!
***
伸延閱讀
摩摩電影節之《Z風暴(Z Storm)》:教育電視大雜燴

14 則留言:

  1. 費事俾你劇透,內文唔睇住勒。

    //但大陸片諸多禁忌,不及香港可以自由發揮。

    佢梗系估唔到過無耐就整套《人民的名義》.

    回覆刪除
    回覆
    1. 摩摩今次到你深入虎穴喇!

      刪除
    2. http://linepost.hk/?uid=15872.7.0.0

      //《樹》暴露的只是珠三角官員低層次、 粗放型、 缺乏技術含量的貪腐, 根本是小巫見大巫, 完全沒有封殺的必要。

      //所以本片只係「借啲易」以「《十年》前傳」的形式去緬懷龍獅政府而已。我反而覺得文少針住「三大賊王跟殺人政權的故事」甚至「遠華走私案」來講係有啲捉錯用神,導演們根本唔係想講呢啲嘢。

      //唔怪得《十年》同《樹大招風》會得獎喇!

      《樹》被禁,除了因為劇中貪官並無伏法外,“玹外之音”你估人地蝗官聞唔到咩。

      我完全明白魔兄你講乜。“蝗國的黑暗”只在於襯托出“對龍獅政府的懷緬”,有幾黑暗、黑暗得有幾複雜同戲劇性其實並不重要;佢地甚至可以拍套嘢慨嘆終有一日“傷民現在只會用微信支付,唔再用八達通”來傷春悲秋一番,即使“微信支付”和“八達通”只是中性的支付技術而已,和社會黑不黑暗無關--正如晶哥一早已經用“咁就系大陸片,唔系港產片”呢句對白來概括:

      https://magicianyang.blogspot.com/2016/12/to-live-and-die-in-mongkok.html?showComment=1483039358910#c6661096337306081924

      ““片中還有一個主題,懷念..."

      刪除
    3. //摩摩今次到你深入虎穴喇!

      深乜鬼嘢虎穴呀,呢套嘢應該同上集一樣可以在蝗上畫的,收不收得就唔知了.

      刪除
    4. //《樹》被禁,除了因為劇中貪官並無伏法外,“玹外之音”你估人地蝗官聞唔到咩。

      人地愈禁,傷民就愈 high 愈J得勁,於是又再接再厲拍埋啲同樣題材嘅嘢,不斷循環。

      //有幾黑暗、黑暗得有幾複雜同戲劇性其實並不重要;佢地甚至可以拍套嘢慨嘆終有一日“傷民現在只會用微信支付,唔再用八達通”來傷春悲秋一番

      之前《Z風暴》都故意用 wechat 而唔用 FB/whatsapp 喇, 個劇情仲要係講緊港女之間的通訊...

      //呢套嘢應該同上集一樣可以在蝗上畫的

      編劇不理年齡問題,夾硬寫仔仔係越戰遺孤而唔係旗兵就已經知道係向殺人政權跪低之作!

      刪除
    5. // 《人民的名義》

      摩摩睇緊?!

      刪除
    6. 無啦,知道套嘢好紅而已,有個friend好似睇過下,我自己就無時間追電視劇好多年嘞.

      唔好話電視劇,今年«歌手»在禮拜六首播,我都無追了...星期六嗰個時段睇電視的話,都睇波啦!

      刪除
    7. // 無啦,知道套嘢好紅而已
      // 星期六睇波日!

      有時間就睇下啦. 推介一下. 哈哈...
      其實對上一次睇大陸劇, 就係嗰套瑯琊榜. 睇完覺得, 抵套劇紅. 其中有一場高潮戲, 係同一個場境, 幾個主要角色係度鬥法, 用咗幾集篇幅, 完全唔覺有冷場. 好難得拍得咁緊湊. 大陸以家呢啲真係嚟緊料.

      刪除
    8. 呢啲劇,要追先至有味道。我(摩摩都應該一樣)暫時都無呢啲luxury time了。

      刪除
  2. 呢套戲,似雜薈飯+加哩牛腩飯+法國大餐。中餐已經好混亂,再+一舊魚,真喺唔知喺乜菜?嘻嘻!

    回覆刪除
  3. “中仔仔被班傑明手下所殺(會唔會又復活?)”

    劇情咁編排,睇嗰時我都估到“周愚民”會復活一次...呢套片我全情笑唔停口。下次續集可改名為:

    K(型)風暴 / 777(柒柒㭍)風暴 XD

    回覆刪除
    回覆
    1. 最離奇係仔仔部電單車跌咗落海都可以復活。

      同埋,越戰70年代結束,電影史中最經典的越戰英雄就係 rambo,阿仔仔的年紀根本就唔配合(可能如果寫佢係旗兵會得罪殺人政權)。

      刪除