2017年5月10日 星期三

六七對峙

原來「皇家龍獅警察」中的「皇家」係因為事頭婆見黑警剿匪有功,親筆御賜的!
《六七記憶》第二集:對峙 2017/05/08 20:30

暴動期間,中港邊境一度爆發武裝衝突,令緊張局勢升級至中、英兩國外交層次。《六七記憶》第二集,訪問了在沙頭角槍戰中一位從華界持槍衝過英界的內地民兵,以及一位當時駐守邊境的香港警員,回憶當日緊急狀態。
六七暴動持續超過半年,左派由組織遊行,到發動罷工罷市,以至後來的炸彈浪潮,他們的行動為甚麼會不斷升級?港英政府怎樣對付左派亦經過諸多考量。本集也請來執法者及左派參與者現身說法。

1. 你估記者大哂?在那美好的龍獅時代,黑警打人唔使本,理得你係乜水?

2. 左派搞罷工,工會係會發罷工費的。當年殺人政權洗咗成二千萬都搞唔掂,諗返李呃人在佔中期間,一個仙都唔肯出出就叫傷民為咗真普選而罷工罷學罷市,認真得啖笑!

3. 正啊,行家一出手,便知有沒有。殺人政權果然不是蓋的,民兵掟石,正規軍開槍,咁先叫革命架馬!笨土嗰啲乜Q「時代革命」,咪笑死人!

4. 龍獅政府非常強硬,一哥表現只要稍為軟弱,就即時被燉冬菇,所以689同禿鷹咁強硬係有歷史原因的!

5. 暴徒掟玻璃瓶,係會當場俾洋人警察射殺的;點知到依家,華警用槍指指下,再向天開槍,竟然被口誅筆伐。究竟呢個世界,係進步咗定係退步咗呢!

6. 呢班老嘢暴民當年先係 nothing to lose,爛命一條放彈投彈乜都敢死。我城班有青實在是太年輕了,最多只係識放煙霧餅落垃圾桶;個乜鬼「全國獨立黨」仲搞笑,匿埋係舊片廠都唔知搞乜!

7. 米帝拉咗唔少左派傳媒人,殺人政權交涉不果,竟然可以發動紅衛兵火燒米帝駐華代辨處,仲拉埋個大使出嚟打!嘩,真係「地有多大產,人有多大膽」;俾着依家,蝗國貪官只會討好米帝都討好唔切,為咗送子女出國乜都係肯制,呀前世!

***
伸延閱讀:
六七躁動

7 則留言:

  1. 有青都冇理念,只是反社會。六七暴動喺癡線,但起碼都有個清晰的號召。有青就一盤散沙,你咪理我,我咪理你。

    回覆刪除
    回覆
    1. 班有青只係烏合之眾,從網上學得幾個辭彙就話去搞革命,真係笑死人無命賠。

      有青的問題在於「誰也不代表誰」,各自特立獨行,同路人互不關心照應,唔似左派工會咁能夠一呼百應。要知道,「工會」呢樣嘢就係人情的凝聚力,大夥兒在你困難時幫過你,現在組織有需要,你能夠托手踭麼?好似我外公咁,出殯時花牌由靈堂擺到出街(好似仲有治喪委員會,成班人來幫手),到我老媽子時花牌一樣可以擺滿靈堂;呢啲跟進工作,真係唔到你唔服,唔係販民黃C可以學到。

      六七我又唔覺係痴線。搞革命動搖政權加埋恐怖活動,相當有組織有計劃,本來就應該係咁搞。

      刪除
    2. // 有青的問題在於「誰也不代表誰」

      覺得自己最勁, 個個都要聽佢講, 跟佢嘅做法. 否則就係唔聽民意, 唔民主!

      // 本來就應該係咁搞。

      販民黃C, 又怕㾗又怕痛. 搞屎就有佢哋份.

      刪除
    3. //覺得自己最勁, 個個都要聽佢講, 跟佢嘅做法. 否則就係唔聽民意, 唔民主!

      但係投起票來,人人都只係得返自己投俾自己的一票.

      //販民黃C, 又怕㾗又怕痛. 搞屎就有佢哋份.

      最叻就係搵唔得掂出氣.

      刪除
    4. 我以癡線來評論六七暴動,也犯了非黑即白的錯誤。因六七暴動牽涉很多因素。

      刪除
    5. // 但係投起票來,人人都只係得返自己投俾自己的一票.

      我唔理, 總之就要聽我嘅, 否則就係唔民主!

      刪除
    6. //我以癡線來評論六七暴動,也犯了非黑即白的錯誤。因

      下次有機會問下舅父睇下新記有無秘密任務俾佢地先。

      //我唔理

      黃子華:「你唔理唔通我理牙?」

      刪除