2017年12月15日 星期五

與蝗妹對話

自從魔術師入院消息從沙田堂家姐的口中傳回深圳「鄉下」,蝗國的親戚便大為緊張,紛紛趕來探望(深圳堂兄堂姐及大窩口老粗堂阿哥是大伯所生,沙田堂家姐一家係二伯所生,魔術師老父最細係老三),又湯水又補品,呢樣嗰樣,對魔術師非常關心,實在令魔術師好生感激(「幸好」689當政時將一簽多行改為一周一行,眾蝗國親戚只好隔個周末周日以車輪戰方式來探望,否則魔術師無得休息都似)。
「探望潮」直至魔術師出院後依然繼續(周末想訓到自然醒都唔得,陰功!),兩位蝗國堂家姐煲埋湯來不特止,仲化身家務助理幫魔術師執屋,真係無言感激!有時諗返,魔術師好日都唔返上去,真係有啲唔好意思。
二人唔使兩粒鐘已幫魔術師搞定,非常有效率。兩位蝗國堂家姐坐定休息,呷過口茶之後,堂家姐甲便問魔術師:「介紹個女仔你識好唔好?好似今次咁,你一個人住有個照應好啲吖嘛!」
魔術師一呆,「識個女仔」係一回事,一個人在家發生意外有照應係講緊「同居」喎!
但堂家姐甲未等魔術師反應過來,便將該蝗妹的微信號傳了過來,着魔術師 add 佢做個 friend!


魔術師唯唯諾諾,本來以為可以 hea 咗過去不了了之,點知堂家姐甲竟然連日催促,唔通收咗錢?魔術師不勝其擾,唯有乖乖的將蝗妹的微訊號加了做 friend...
於是,在上個星期六晚,魔術師正在譚仔三哥吃米線的時候,蝗妹就來跟魔術師搭訕了!




嘩!俾朋友放飛機兩粒鐘?魔術師就唔會有咁嘅「低端朋友」(所以魔術師無乜朋友!),更加唔會花兩粒鐘「食住等」!魔術師腦中即時浮現起「物以類聚,人以群分」八個大字!


真奇怪,明知自己唔食得辣,卻又走去食冬蔭功,實在令人費解!



魔術師一向都係自己家務自己做架喇!有乜咁「勤力」呢?最多只能夠話唔鍾意 hea 住過日晨而已。
而在即時通訊軟件中使用語音更是踩在魔術師死穴(見舊文《我最討厭的Whatsapp功能》),事關用語音係方便發訊人,但對收訊人卻不方便:一係要用耳機,一係就就住咁將電話 speaker 對正自己耳仔嚟聽,而且又唔知對方講乜,「出唔出到街」,亦唔知搞完一輪動作之後會唔會只係聽到一串廢話;再者以魔術師日常的忙碌生活來說,亦唔係時時咁方便聽語音(整親腳栓住柺杖行走時就更唔方便)。如果係用文字表達,寫嗰個就要費力花多少少時間,但收嗰個就方便好多,用眼尾望下(如果唔係用 Face ID 的話)就知道是否緊要事,使唔使即時回覆。
魔術師覺得,溝通就係要對方「舒服地」收到訊息,而唔係只係諗住懶,只係顧住方便自己,所以如果同魔術師用即時通訊軟件傾嘢的話,用親語音都會被魔術師扣印象分。你咁得閒講嘢,倒不如直接打俾魔術師喇!
而蝗妹呢,當然就只係「傾」到晚飯為止,一於借波遁去也!

***
伸延閱讀:
我最討厭的Whatsapp功能

41 則留言:

  1. //俾朋友放飛機兩粒鐘?魔術師就唔會有咁嘅「低端朋友」(所以魔術師無乜朋友!)//
    你居然仲有朋友嚟形容呢一啲人。我試過等我表妹,半個鐘又話半個鐘,半個鐘又話半個鐘,足足等左佢兩個半三個鐘。佢嚟到嘅時候我同佢講「我咁都等你,我簡直唔係人!」

    寫繁體嘅?

    佢可能其實係一個人,根本無約人。

    最怕嗰啲根本唔識講嘢嘅人有用語音,成日「er er er er er ...」,又冇得 fast forward。Fast forward 都唔知 fast 到去咩位先入正題。13 秒有 10 秒係 er!

    回覆刪除
    回覆
    1. 斋用繁简体係分唔到係乜人,手机输入法可以仓颉出简体。亦可以按個制就跟住打的出繁體,完全無難道架~~ 我估係廣州妹,拼音出繁體就魔術師而已。

      我上大陸論壇,唔用簡體字會明顯少左好多回覆同hit rate的。

      微信溝通用語音係norm, 如同魔兄咁講係懶而已。傾多兩傾就問你視像好唔好架喇。

      魔兄的兩位堂家姐相信無收蝗妹錢,做媒人仔又係norm 黎,而且魔兄仲係鉑金王老五,超筍盤,有姐妹雲英未嫁梗係射過黎啦!

      一講介紹個女仔你識哩,其實你就要「自動腦補」那片空白,直接去到談婚論嫁的終極目標架喇。我一睇見係“Kit”一聲笑左出黎,你大鑊喇~~~

      刪除
    2. //佢嚟到嘅時候我同佢講「我咁都等你,我簡直唔係人!」

      咁你朋友有乜反應?

      //佢可能其實係一個人,根本無約人。

      如果係一個人,又話唔食得辣但又要去食辣野,玩咩?

      //Fast forward 都唔知 fast 到去咩位先入正題。13 秒有 10 秒係 er!

      真係衰過聽電話錄音。

      //我估係廣州妹,拼音出繁體就魔術師而已。

      堂家姐話蝗妹其實係港女,不過我覺得佢似收錯風。

      //微信溝通用語音係norm, 如同魔兄咁講係懶而已。傾多兩傾就問你視像好唔好架喇。

      唔怪得咁多蝗民中電騙案。

      //做媒人仔又係norm 黎

      唔做忠唔做保,唔做媒人三代好呀!

      //直接去到談婚論嫁的終極目標架喇

      D!我唔要袋住先呀!

      刪除
  2. 魔兄有冇算過流年?呢排比女圍,由公司到醫院,甚至部手機!女人缘極旺。

    回覆刪除
    回覆
    1. 紫微斗數:今年流年廉貞七殺坐夫妻宮,少見吉矅,主夫妻分離,睇怕都係鏡花水月而已 XD

      刪除
  3. 其實佢講既語音,係咪語音通話,而唔係留言?

    回覆刪除
    回覆
    1. 如果係語音通話就仲衰,我已經講咗我一面燙衫一面睇波,仲要同佢講電話?如果佢係咁嘅意思,就真係唔識大體,阻住人喎!

      刪除
  4. 魔術兄近期桃花真係旺到爆!係咪應該食住個勢上呢?

    蝗國人真係功利主義至上,連兩性關係都係咁。搵返個伴,係為咗有人照顧…咁魔術兄請兩個工人咪仲爽YY。

    我都成日俾蝗國親戚催我,話我淨係拍拖唔結婚,第時老咗點算,我都唔知點同佢地解釋。我問返佢地,我老果時花得起錢搵人照顧自己,咁咪唔洗結婚囉?佢地就會答非所問,話人始終都要結婚架,唔成家立室點得啊。實在忍受唔到呢啲條件反射式既思維,每次對話都好似同緊啲野蠻人辯論咁...

    回覆刪除
    回覆
    1. //魔術兄近期桃花真係旺到爆!係咪應該食住個勢上呢?

      桃花有分壞同好架!

      //話我淨係拍拖唔結婚,第時老咗點算

      依家啲港女,你唔使湊佢已經偷笑。

      //我老果時花得起錢搵人照顧自己

      所以我最怕嘅病就係腦退化。

      刪除
  5. 妹:你一個人住?
    是的
    妹(嘩正,有樓有XX)
    妹:你介唔介意語音

    人哋妹妹想聽玉音放送幻想吓嘛 XD

    //二人唔使兩粒鐘已幫魔術師搞定,非常有效率。
    //魔術師一向都係自己家務自己做架喇!有乜咁「勤力」呢?

    https://www.youtube.com/watch?v=ri-cAHNCbGE&t=534s

    有唔少傷巷人真喺唔識做家務的

    回覆刪除
    回覆
    1. //星期日檔案 沒有外傭的日子 //
      我睇嘅時候真想笑!既然個工人咁重要,咁勁揪,咁應該高人工囉!嫌本地嘅貴,咁咪自己做囉!外傭計劃成件根本就係欺負人家。
      有一次,實惠搬送張工作椅嚟,我地下係泊車,要上一層,佢唔肯。我自己搬。佢話「叫工人搬啦!」我答『我就係工人!』 XD XD

      刪除
    2. //我睇嘅時候真想笑!既然個工人咁重要,咁勁揪,咁應該高人工囉!

      成嗰節目就喺突出有啲傷巷人貪小便宜使人使到盡嘅心態,有一日冇咗就即死又要發牢騷

      刪除
    3. //人哋妹妹想聽玉音放送幻想吓嘛 XD

      D,唔係想整唥呻吟聲出嚟掛?

      //有唔少傷巷人真喺唔識做家務的

      我係獨仔,如果係縱慣嗰隻真係會飯來將口,衣來伸手的。

      //星期日檔案 沒有外傭的日子
      //嫌本地嘅貴,咁咪自己做囉!外傭計劃成件根本就係欺負人家。
      //成嗰節目就喺突出有啲傷巷人貪小便宜使人使到盡嘅心態,有一日冇咗就即死又要發牢騷

      返屋企睇!睇下有無得寫返篇 comment XD!

      //要上一層,佢唔肯。

      送貨前通常會問定有無樓梯,要上梯級要另外加錢。

      刪除
    4. 畀錢時 cashier 話唔使加錢。其實都唔係錢嘅問題,而係兩個大男人唔搬,我一個5尺2寸同一個工人姐姐搬有分別咩?

      刪除
    5. 可能係保險問題...一陣個 job description 唔包搬嘢, 佢走去同你搬, 一個唔小心整傷咗, 條數就唔知點計了.

      刪除
    6. 咁加錢嚟做乜?

      刪除
    7. 個 job 唔同, 搵另一個人做囉...

      刪除
  6. 上面段對話似蝗妹扮弱勢想睇下對手會唔會送上門,可惜對手係魔兄呢
    所以蝗妹既預設對白可能用唔上

    魔兄被煩的話 只需不停叫佢問題等佢自己打一大餐即可
    起碼可以順便做下screening嘛

    回覆刪除
    回覆
    1. //上面段對話似蝗妹扮弱勢想睇下對手會唔會送上門,可惜對手係魔兄呢

      扮楚楚可憐我唔受的,我要的是菲列特列加!

      //只需不停叫佢問題等佢自己打一大餐即可

      咪搞,千其唔好俾佢認為我對佢好有性趣...

      刪除
  7. 識繁體字然後認簡體字容易,唔使學。倒轉唔特登去學可能就難啲。可能個女仔多接觸港台嘢。如果一直都係講D咁無聊嘅嘢我會頂唔順。
    其實搵個伴係相向。佢照顧你,你照顧佢。幾好吖!有人疼,有人錫。
    今時今日,結婚畀唔結婚分別可能只有移民同另一個不醒人事時邊個話事作主。其他都可以用其他方法處理。
    成日都會有人問我幾時生,叫我快啲生,好好玩。我有時答「聽日生啦!」,有時答「生咗啦!」,又或者「本來生㗎啦!見到阿邊個邊個,仔都縮番入個肚啊!」⋯⋯ 反正你正正經經講佢哋都係腦閉塞。

    回覆刪除
    回覆
    1. //如果一直都係講D咁無聊嘅嘢我會頂唔順。

      無聊嘢作為 icebreaker 是可以的,但如果用語音專程要聽無聊嘢就係另一回事。

      //結婚畀唔結婚分別可能只有移民同另一個不醒人事時邊個話事作主。

      仲有就係病嗰時有人照料。

      //反正你正正經經講佢哋都係腦閉塞。

      係女人先可以夠面皮厚出呢啲無賴招數。

      刪除
    2. //仲有就係病嗰時有人照料。//
      唔結婚個伴就唔照顧你?唔係咁陰公呀?請看顧囉!

      刪除
    3. //請看顧囉!

      其實我覺得結咗婚=多咗一個知道你生活需要, 會關懷你的人, 最重要的是對對方的感情; 好似我堂家姐咁,都係親戚喇, 要佢幫我封啲嘢都甩哂轆, 執內衣褲就淨係執條內褲...你用錢請嘅看護,亦未必會很上心.

      刪除
    4. 但看護係專業,專做呢啲嘢,你堂家姐點識呢?

      刪除
    5. 執下衫呢啲小事, 唔使專業都識; 又,好似博士K請工人咁, 請個信得過的人亦唔容易.

      而且 ad hoc 出事時, 係唔會有看護的, 都係事後請. 出事時有乜即時需要都係要親人幫手.

      刪除
  8. 其實如果蝗妹係深圳大既基本上一定識繁體字,問題只係佢地用拼音定五筆定倉頡速成啫。
    我記得十幾年前幫公司北上去深圳開office見D妹妹仔上班時可以繁簡互用,問過佢地中學原來已經有學架啦,
    另外以前港資多上去開廠開office 好多人都可以繁簡互用。
    加上佢地係廣東人跟本你聽唔出有咩分別,深圳又發展得快根本同傷港差唔多...

    回覆刪除
    回覆
    1. //加上佢地係廣東人跟本你聽唔出有咩分別,深圳又發展得快根本同傷港差唔多...

      所以不如就將我城歸入深圳去喇,到時就唔使一地兩檢了!

      刪除
  9. 又wing咗,今次在深圳,留唔到鹽

    回覆刪除
  10. 人地介紹都係為你好,做人有個伴好啲
    Max

    回覆刪除
    回覆
    1. 我知呀, 所以咪「暸解」下先囉, 我都無一口回絕呀.

      刪除
  11. 看了魔术师的聊天记录终于明白了为什么一直是单身狗

    回覆刪除
    回覆
    1. 天氣寒冷,鼠輩仲出嚟四圍走?

      刪除
    2. 不要这么敏感,没有侮辱你的意思,单身狗只是口头禅,我们都是用这个词互相开玩笑的。我是说你聊天明显不是很上心,冷淡的据人以千里之外。相反女孩很主动,但这样的主动不可能坚持很长时间的,你如果一直这样肯定聊不起来。不过也可能是你对对方不感兴趣。

      刪除
    3. "單身狗"的確是近年的內地潮語,雖然我個人也不是很喜歡。

      https://wapbaike.baidu.com/item/单身狗/16528775?fr=aladdin

      刪除
    4. //“单身狗”一词发明之前,形容单身用的是“光棍”。“光棍”一词并无褒贬之意。但“单身狗”一词的发明,明显是对单身人群的嘲讽,甚至有很多人拿来自嘲。

      我又看不出單身有甚麼好自嘲(或被人挖苦)的. 我又唔係「恨女成痴」,只是緣來緣去而已,沒什麼大不了的.

      //你如果一直这样肯定聊不起来。不过也可能是你对对方不感兴趣。

      這是肯定的. 沒有火花, 很難有共同話題吧.

      刪除
    5. 哈,我都聽過有學生用「單身狗」呢個term. 就咁聽的確有啲貶意.
      又,其實魔兄有乜擇偶要求呢?醫院一眾佳麗有冇機會?

      刪除
    6. //我都聽過有學生用「單身狗」呢個term.

      你啲黃C學生竟然會用蝗 terms?

      //魔兄有乜擇偶要求呢?醫院一眾佳麗有冇機會?

      唔...唔通又要寫一篇?

      刪除
  12. //我估係廣州妹,拼音出繁體就魔術師而已

    不一定,好多廣東人都會打粵語;不過廣州人的確笨土意識比較強,好似“羊城網”就特別多“廣州笨土派”,奇怪地佢地會偏向“傷民做乜都系啱的”。

    //傾多兩傾就問你視像好唔好架喇

    語音就純粹懶,但視像就好明顯系想“了解”你多啲啦...

    //一講介紹個女仔你識哩,其實你就要「自動腦補」那片空白,直接去到談婚論嫁的終極目標架喇

    對比之下呢句歌詞特別好feel:

    用我一手一腳 爭取一個珍惜的女人...
    https://www.youtube.com/watch?v=HhXwbyDxl5c

    //其實如果蝗妹係深圳大既基本上一定識繁體字

    可能早十幾年前系,但而家除咗某啲傷民聚居區域外,港式文化在深圳已經極端弱勢,新一代深圳大既(特別是父母系外省人)都系粵語同繁體字都唔識的.

    //另外以前港資多上去開廠開office 好多人都可以繁簡互用

    以前港資廠既文檔系會用"拉“(line)、”V模“(memo)呢類特有港式term.

    //佢地係廣東人跟本你聽唔出有咩分別

    都不一定,好多廣東人既口音同我城方言好唔同,只能夠話部份人既口音不能一聽就分辨出蝗民定傷民。

    同樣地,部份傷民口音亦不能一聽就辨認出...我試過在東莞食飯隔離有兩個人用粵語傾偈,我開頭都以為系蝗民,直到佢地開始用啲港式vocab先知估錯;但又有啲傷民既口音系一聽就認到的(唔使靠用字),通常都系比較soft同懶音比較多。

    //話人始終都要結婚架,唔成家立室點得啊
    //做人有個伴好啲

    “仁”是“人”字旁一個“二”字,也就是說,至少要在二人及以上的關係中,才能對一個人下定義,比如君臣、父子、兄弟、朋友等等:
    他是所有社會角色的總和,如果將這些社會關係都抽空了,“人”就蒸發掉了。因此,中國人不傾向於認為在一些具體的人際關係背後,還有一個抽象的“人格”。
    https://weiwenku.net/d/104303432

    回覆刪除
    回覆
    1. //殺人政權係咁上下.

      即系話假酒易wing啲? XD

      刪除
    2. //廣州人的確笨土意識比較強,好似“羊城網”就特別多“廣州笨土派”,奇怪地佢地會偏向“傷民做乜都系啱的”。

      捍衛粵語,同氣連枝?

      //語音就純粹懶,但視像就好明顯系想“了解”你多啲啦...

      今個星期六,蝗妹提我着多件衫...@@

      //爭取一個珍惜的女人

      「扑」火??

      //港式文化在深圳已經極端弱勢,新一代深圳大既(特別是父母系外省人)都系粵語同繁體字都唔識的.

      但我見那些從深圳灣坐B3系列巴士來屯門的蝗民, 看我城的路牌看得頭頭是道喎!

      //又有啲傷民既口音系一聽就認到的(唔使靠用字),通常都系比較soft同懶音比較多。

      大名鼎鼎的1鴨脷洲口音呀!!

      //舉個例子,在很多農村裡,一個人到了一定的年齡,如果還沒有建立起應有的人倫關係——比如結婚——村裡很快就會有這個人“有問題”的傳言。

      西方思想是自我中心的, 我為我生存; 中國文化是顧全大局的, 人人為我, 我為人人, 所以「我」是為別人而生的.

      //即系話假酒易wing啲? XD

      茅台?

      刪除