2017年12月17日 星期日

現代父母(十六)之沒有外傭的日子

魔術師初出院之時,行動力和平衡感都未回復,拴住柺杖搭巴士搭港鐵(00066.HK)在在都需要關愛座;然而放眼所見,除了真係上了年紀和行動不便的人士之外,最愛「霸佔」關愛座的竟然不是有青,而係中剷父母連同精力過盛紮紮跳根本唔使坐的港孩,與及那些唔知做乜眼神呆滯的乜傭物傭!


***
即係咁,從職場所見,無論男定女同事生咗仔女之後,佢地個世界同目光通常都會收窄咗好多,萬事都係繞住俊小魔怪轉,個人都好似忽然變得蠢咗咁,諗嘢亦幼稚咗。有時睇下C9王國,就知啲留言係幾咁「恐怖」,魔術師真係唔敢想像平時返開工嘅人(例如美顏),忽然間要做 Full Time Mom(FTM)會係點?


該煨咯!呢位港婦唔肯同老爺住,「共享工人」,搬出嚟住村屋,但係間「蝸居」就亂成咁,玩具亂咁放好似幼稚園,諷刺的是仲放咗套5.1入門家庭裝音響組合!當兩隻小魔怪哇哇大叫的時候,難道仲有閒情睇碟聽歌?


秘書已經係夕陽行業喇!只係啲扮哂大枝嘢同時代脫節(自我感覺良好的就會話自己「日理萬機」)的中高層管理的「身份象徵」。睇呢位港婦揀個外傭都要幾個月,睇怕都係奄尖腥悶的人,諗唔開後果就係抑鬱症爆發囉!


宗教L真係有樣睇,魔術師第一個感覺就係,兩公婆個面相都係屬於賤賊唔係屬於聰明人格局,要賺錢都係搵班又天真又傻的教友笨比較容易。


印傭除了做日常家務,煮飯洗碗之外,仲要洗車打臘!難為印傭幫佢地呢對宗教L做咗14年!依家印傭退休了,自己架車自己洗(點解唔俾錢搵人洗?),叫個讀國際學校的16歲衰仔(個樣有啲似陳基全)幫手洗又唔肯。四個人食飯,但老婆洗碗要洗一個鐘,吸個麈都要兩個人做。咩學業忙唔要求仔女幫手做家務吖,兩隻港孩唔肯做又唔識做就真喇!個老公話要搞藝術,要人幫手做家務,先可以「釋放」到自己...喂,佢呢部雕刻機碎料喇,魔術師自細睇老父用更大型的雕象牙睇到大,老父幾十年咪一樣係家務照做刻照雕,呢隻地中海宗教男乜都做唔掂,應該話一家買口都係廢柴至啱!咦,阿女個樣又會咁似印傭嘅!


老公係中學教師,老婆係大公司HR主管,但係間屋就一啲都唔豪,亂過亂葬岡,仲話老婆如果要做 FTM 會影響家庭收入,睇怕呢個「老師+HR主管」的偽中剷組合都係泥足深陷的工資奴。


本地家傭玉姨,月薪$14,000,以每個月平均工作22日,每日12小時計,即係時薪$54元左右,煮兩餐湊阿仔返學放學咁,其實都唔算貴;可惜本地有青缺乏自理能力,連家傭都無能力去做,$14,000的機會不屬於佢地。


原來呢條HR主管港婦的專長是做工資奴,馬上明哂!

又,點解以上呢幾個 case 嘅屋企都係十分凌亂,一啲都唔似「塞內設計」系列介紹嗰啲咁有「品味」嘅? 
***
記得月前有個周末打八號風球,魔術師到屋企附近的麥當當買點吃的,赫然發現麥當當竟然已被大量外傭攻陷!點解大風大雨都唔留在安全的家中?答案好簡單,因為只要外傭在家,個 mum 先唔理你係咪假期,一於使人就要使到盡,屋企家務要你做也! 又,前妹頭組個退休收租老人日前傳來 whatsapp,話好離地住半山有3個港孩的兒子給兩隻賓賓撓起,夾埋唔撈咁話,於是便急 call 舊同事 refer。



最搞笑的當然是博士K,雖然佢話 reply 緊闊太J話搵工人 refer,但佢嗰句「I can do so also」真係令魔術師覺得博士K係講緊自己都可以做賓賓...

34 則留言:

  1. c'est ca la nouvelle generation de HK......Roger

    回覆刪除
  2. 朋友見酒鬼孤單 , 介紹一元朗港女/剩女. 剩女說有個2億身家的等住想搵佢做老婆, 因為佢識煮飯洗衫...但佢唔想做菲/印傭, 於是拒絕云云...酒鬼唔知也唔識點回佢好, 於是hold 住hold 住...............
    唔想講太多, 廢能事俾D高人話我自說自話發9風. 只能講一句, 故鄉真係[冇藥可醫]...立法會竟然選出那樣的小丑, 唔死就出奇....行不改名坐不改姓signe ROGER

    回覆刪除
    回覆
    1. //行不改名坐不改姓

      係咩? 我覺得你好似曾經用過唔同嘅名在偶像博客同埋臘腸新聞嗰邊留言喎!

      //廢能事俾D高人話我自說自話發9風

      Roger, 容忍有個限度。《做手術》你嚟單單打打,連來問候我的網友都串埋,我已經忍咗唔出聲;而家又再嚟尋釁滋事?

      唔怪得你第一次在《赤霞珠》中出現,嗰時你留錯言,投訴話俾人逼你刪文,睇嚟你都早有前科。

      你要自說自話, 大可自己開個網誌, 或在自己的 Facebook (我好似有你條link)寫到夠,唔該唔好再打擾我。

      我呢度唔歡迎你, 紅牌出場,以後見有留言即刪.

      刪除
  3. 「咦,阿女個樣又會咁似印傭嘅!」
    唔好咁衰啦。

    「點解以上呢幾個 case 嘅屋企都係十分凌亂」
    購物成狅?

    Conduct Road (最後cap圖) -- 干德道變「行為道」

    回覆刪除
    回覆
    1. //唔好咁衰啦。

      我第一眼睇真係分唔到邊個係外傭。

      //購物成狅?

      係買玩具愈買愈多。

      //干德道變「行為道」

      可能係 auto-correct 的問題.

      刪除
    2. //我第一眼睇真係分唔到邊個係外傭。//
      我都以為係兩個姐姐,直至到你話其中一個係阿女。XD XD

      刪除
  4. 網誌管理員已經移除這則留言。

    回覆刪除
  5. 網誌管理員已經移除這則留言。

    回覆刪除
  6. 氣度跟標少還差一點點.....

    回覆刪除
    回覆
    1. 每個人都有自己的準則;我早前已對 Roger 多番容忍,不能説我事先毫無警告。

      標少容忍馬鹿搞事是標少的事;再說,就算標少要刪馬鹿留言,我相信亦無旁人會反對。

      刪除
    2. 不是早前又封鎖了馬鹿了嗎?

      刪除
    3. 標少的容忍能力比我高得多了,馬鹿都在標少那𥚃混了好幾年了。

      刪除
    4. 馬鹿啲嘢我喺睇得明嘅 XD

      刪除
  7. 今日睇到一篇蝗文,幾對應呢一篇:

    http://finance.sina.com.cn/chanjing/gsnews/2017-12-17/doc-ifyptkyk4929118.shtml

    回覆刪除
    回覆
    1. //2、千万别让老婆赋闲在家,谨慎生二胎。

      婚姻的一大作用是抵御风险,所以不要对婚姻进行自我阉割。有孩子了该让老人帮忙让老人帮忙,该请保姆请保姆,不要牺牲另一半的事业(至少是工作),否则这就意味着你把家庭所有的重担都扛到你自己身上,你想想你拿什么为你40岁之后4个老人+2个大人+孩子的生活负责。

      如果老婆赋闲,不要忘记交社保。

      而且我真的不理解为什么IT圈那么喜欢生二胎,坦白讲通信互联网很多都是穷孩子出身,你们的上一辈明明没什么家底,你们属于一旦没工作最容易被打垮的那一部分中产阶级,却偏偏要给自己加最多的压力。//

      作者有所不知,生仔呃like都可以用來炫耀的.

      //3、尽早理财,谨慎投资。

      很多人的现状是有工作的时候闷头工作根本不管理财的事儿,一没工作了一着急就开始胡乱投资,指望靠投资翻本,这是完全错误的,很多人的投资水平根本没到你们能把投资当作工作来做的地步,钱扔出去基本就是打水漂。//

      所以乜sir才咁好生意呢!

      //买点茅台腾讯也是好的。

      哈哈!

      刪除
  8. 一個二個講到自己乜乜管理層好很忙,但就係管理唔到自己屋企囉!

    回覆刪除
    回覆
    1. 管理層都只係會手指指,但家務卻不會因為有人手指指而完成的。

      刪除
  9. 我屋苑呢到成日都見到啲工人日日都洗車㗎!但係架車好少開。特登買架車比工人洗。XD XD

    回覆刪除
    回覆
    1. 照計外傭合約應該唔包洗車? 睇怕又係主人欺負工人的案例。

      刪除
    2. 名都有得你講啦!Helper,唔係 housekeeper。坐係廳睇電視,都要叫工人姐姐浸水囉!殘廢咗!

      刪除
    3. 其實我成日都唔明班傷港夫婦有乜咁忙.

      刪除
  10. //現代父母(十六)之沒有外傭的日子

    原來魔兄有現袋父母呢嗰系列

    //咦,阿女個樣又會咁似印傭嘅

    我睇到呢度時,就即刻回帶睇番嗰工人做咗幾耐嗰女又幾多歲,結果喺失望嘅 XD XD

    //四個人食飯,但老婆洗碗要洗一個鐘,

    洗碗用一個小時,真喺好搞笑,計埋洗煲抹檯抹爐灶都唔使喇!

    //吸個麈都要兩個人做

    連床褥都要吸,喺咪有潔癖,好似某天王嘅老婆咁,哈又咁啱又喺請唔到工人。。

    //照計外傭合約應該唔包洗車? 睇怕又係主人欺負工人的案例。

    的確,屋企以外喺唔包嘅,如果工人冇所謂就當然喇,不過有意外保險點claim呢?

    //又,前妹頭組個退休收租老人日前傳來 whatsapp

    點解要指定賓傭,喺唔喺歧視例如印傭 XD,咁挑剔就難怪請唔到喇。

    //3個港孩的兒子給兩隻賓賓撓起,夾埋唔撈咁話

    賓賓頂唔順三隻港孩? XD

    //本地家傭玉姨,月薪$14,000,以每個月平均工作22日,每日12小時計,即係時薪$54元左右

    睇完嗰節目唯一得着就喺呢嗰資訊。真喺唔喺太貴。如果唔喺天天嚟,七千幾咁都濟得過。

    //原來呢條HR主管港婦的專長是做工資奴,馬上明哂

    佢老公變面嗰樣可圈可點。

    回覆刪除
    回覆
    1. //原來魔兄有現袋父母呢嗰系列

      舊blog沿用過來的.

      //就即刻回帶睇番嗰工人做咗幾耐嗰女又幾多歲,結果喺失望嘅 XD XD

      Me too...

      //連床褥都要吸

      怕有塵蟎會哎人掛?

      //有意外保險點claim呢?

      呢個係重點.

      //點解要指定賓傭

      英文好啲.

      //如果唔喺天天嚟,七千幾咁都濟得過。

      一個星期來兩次都得喇!

      //佢老公變面嗰樣可圈可點。

      同 Daisy 姐鴨仔團嗰集有得揮:
      http://magician__yang.mysinablog.com/index.php?op=ViewArticle&articleId=12612336

      刪除
    2. //Me too...

      唔喺工人#metoo XD

      //同 Daisy 姐鴨仔團嗰集有得揮

      好耐都冇見Daisy姐蒲頭,唔知仲喺唔喺咁DRY嘅樣 XD 當年嗰怒插港女潮就咁就過咗喇!而家都冇人對呢啲話題有性趣了。

      刪除
    3. //當年嗰怒插港女潮就咁就過咗喇!

      佢依家應該專注出書做下show之類, 佢在人言報個專欄我都好少睇了.

      刪除
  11. “//照計外傭合約應該唔包洗車? 睇怕又係主人欺負工人的案例。//
    的確,屋企以外喺唔包嘅,如果工人冇所謂就當然喇,不過有意外保險點claim呢?”

    合約內可包括洗車, 清洗僱主自用的車(不包括公司用車)也可以家務的一部份。只是不能做司機。

    回覆刪除
    回覆
    1. 我都喺N年前從親戚聽返來的,又知多一點點鳥。仲有好似唔可以打通宵叫煮消夜之類,因為過咗工作時間...

      刪除
    2. //清洗僱主自用的車(不包括公司用車)也可以家務的一部份。

      原來如此, 合約有寫當然就可以做.

      //仲有好似唔可以打通宵叫煮消夜之類,因為過咗工作時間...

      如果唔係24x7,叫個外人係屋企訓為乜?

      刪除
  12. 香港人真係廢到爆,自己頭家攪唔掂想港獨
    跟住仲成日笑9人做奴隸,原來因為自己想做皇帝皇后,400呎屋仔請個工人用,3分鍾都拖完地啦

    回覆刪除
    回覆
    1. //原來因為自己想做皇帝皇后,400呎屋仔請個工人用,3分鍾都拖完地啦

      納米樓做樓奴就有! 兩公婆去咗返工, 間屋就俾工人嘆住嚟住.

      歡迎新讀者!

      //寫BLOG十年 不經不覺得都老了,雖然現在不流行寫BLOG,但我還是會繼續寫。 我也會看其他人的Blog,我自己對某些Blog很抗拒。 有一些是收了錢寫Blog,這個牌子好用,那個牌子也好用。 有一些人只會講好用,不好用,我完全不知道點樣唔好用,點樣好用。 有一些人只是copy官方的介紹。 我從來都不會講一樣產品很雷和很伏。//

      哈哈, 我嘅「理性消費」系列一定唔會係鳝稿.

      刪除
    2. 失禮晒,我為左保持形象好少用自己ACC留言,點知仲講埋粗口TIM,多謝回覆,多謝交流交流,比我學下野

      刪除
    3. //點知仲講埋粗口TIM

      小事喇, 歡迎交流!

      刪除