2017年12月19日 星期二

新聞雜評(一百七十九)


1. 哈哈,防狼器!朱仔佢怕被女食蕉逆痴漢揸袋袋乎?
朱凱廸立會內抗議及用防狼器被逐 更新:2017/12/15 16:06

立法會繼續討論修改議事規則的議程即將進入表決,較早時陳志全曾企圖以鐵鍊將自己鎖在座位,被保安抬離會議廳。
陳志全未趕及以鐵鍊鎖自己於座位上時,保安已將他抬離會議廳,較早前朱凱廸亦同樣在會議舉行期間叫口號抗議,並以鐵鍊將自己鎖在座位上,保安要用鉗剪開鐵鍊,才把他抬離會議廳。十二名提決議案和修訂案的議員已逐一再次發言,即將進入表決時,民主派議員不滿抗議。
最後邵家臻及張超雄被主席梁君彥趕離會議廳,會議亦要暫停。
2. 又出鐵鍊!當年朱仔綁自己係皇舌碼頭,好打得奶媽一樣未驚過!依家朱仔女細老婆嫰(阿女朱不遷5歲,要讀小學喇!),綁自己響垃圾會張椅度,以示自己「戀棧權位」,戲份交足(陳基金就失敗喇!鐵鍊都未綁好就俾眾食蕉挾走咗),各位新界西選民(包括魔術師)識造喇!
3. 忽然諗起,金大俠嘅《連城訣》中,有一角色戚長發,外號「鐵鎖橫江」,意即手段利害,叫人上不得也下不得。朱仔今次用鐵鏈將自己綁在椅上,大可自封名號「鐵鎖垃圾」,叫食蕉們行不得也哥哥;而朱仔就連任有望,可以改名「豬腸粉朱長發」了!
***
民主300+開會定人大選舉推薦名單 2017/12/16 13:09

港區全國人大換屆選舉下星期二舉行,民主 300+ 早上開會,定出推薦名單,呼籲民主派選民投票,但認為以他們只有二百多張選票,相信很難將個別候選人「拖下馬」。
今屆港區人大選舉有四十九名候選人,將會選出三十六名人大代表。據了解民主派的推薦名單,不包括被視為人大常委熱門的前民建聯主席譚耀宗,消息指民主派不希望他高票當選。另外不在名單上的還有陳曼琪、林新強、鄭耀棠、吳秋北、王敏剛等。而高教界選委王凱峰,民主派指曾經表達反佔中的立場,亦不在推薦名單內。
4. 睇見割包皮皮笑肉不笑個樣真係好好笑。被祝福嘅唔投,以免佢高票當選;反過佔中的唔投,意識形態唔對口味。咁仲做乜叫自己做「民主300+」呢?民主係包容多元的意識型態同埋政見,包括共產主意;我城呢班所謂「民煮派」,不如叫自己做「反共派」仲合適喇!
5. 又真係奇奇怪怪,呢班「賤郎300+」講乜鬼「拖人下馬」呢?「拖下馬」的意思係上咗馬俾你拖返落嚟;但係依家又無得投反對票倒扣分數,你唔投人最多人地就係唔夠票選唔上,咁唔叫做「拖下馬」喎?
***
工展會開纙 更新:2017/12/16 19:32

一連二十四天的工展會在維園開鑼,繼續有商戶推出一元產品吸引顧客。行政長官林鄭月娥亦有去「掃貨」。
一年一度一窩蜂,為的是一元商品。六十多歲的蘇先生通宵睡在紙皮上,排隊二十多個小時,成功搶到一部「一元洗碗機」。而黃先生則買到一部電視賣「八元一吋」,即是四百元買到五十吋電視。
即使不是一元,同樣大排長龍,好像二百八十八元的鮑魚福袋。下星期便到冬至,在一些蔘茸海味商舖,也有不少人趁特價買便宜貨品,擠進去試食後才考慮買不買也行。
民以食為天,特首逛工展會也要「搵食」,結果花三千六百九十八元購買臘腸、火腿,亦到蝦子麵攤檔。她買了禮盒指要送人,前後花了五千多元
6. 在魔術師的印象中,洗碗機係要駁好來去水喉,好似魔術師屋企個廚房咁,通常在裝潢廚房前就要預定位置。鬼整乜依家的洗碗機可以迷你得咁緊要?呢位以$1買到洗碗機的蝙蝠俠,究竟會係自用定係投機倒把,轉售圖利?
7. 魔術師都幾唔鐘意呢類美其名為「工展會」,實質係散貨場的展銷活動。雖則話價位貼地,啱哂一般普羅大眾;但唔好唔記得,平嘢無好,好嘢無平,呢部疑似係我城品牌的電視機,千祈唔好係蝗國製造嘅就好...如果唔係,學咸蟲大哥話齋:「蝗國製的電視機,是會爆炸的!」

***
伸延閱讀:
維基百科:朱凱廸
康迪斯

31 則留言:

  1. //平嘢無好,好嘢無平//

    用"性價比"會比較客觀


    //呢部疑似係我城品牌的電視機,千祈唔好係蝗國製造嘅就好//

    唔係疑似,直頭係我城品牌的電視機,

    https://www.facebook.com/pg/contexhk/about/?ref=page_internal
    About
    CONTEX是香港本地品牌。

    Awards
    1. ISO9001:2000質量管理體系認證

    2. ISO14001:2004環境管理體系認證

    3. CE、UL、FCC等多項國際安規、環保認證

    4. 世博會TV指定供應商

    5. Sony的合作夥伴和指定代工廠

    6. 彩迅慈善榮譽


    //千祈唔好係蝗國製造嘅就好...如果唔係,學咸蟲大哥話齋:「蝗國製的電視機,是會爆炸的!」//

    咸蟲大哥亂噏你都信,唔係嘛!今時已不同往日,Made in China 在很多領域係保證平、靚、正,你 out la!

    手機為例,華為、小米、Vivo等等聲勢凌厲...三星Note7爆電池後元氣大傷,iPhone新機銷情也未如理想

    5G競賽爭霸 華為技冠全球
    http://www.chinatimes.com/newspapers/20171003000744-260301

    iPhone X跌到咁?微博傳「全球第一摔」短片 前後玻璃全碎裂
    https://www.hk01.com/%E7%86%B1%E8%A9%B1/130600/iPhone-X%E8%B7%8C%E5%88%B0%E5%92%81-%E5%BE%AE%E5%8D%9A%E5%82%B3-%E5%85%A8%E7%90%83%E7%AC%AC%E4%B8%80%E6%91%94-%E7%9F%AD%E7%89%87-%E5%89%8D%E5%BE%8C%E7%8E%BB%E7%92%83%E5%85%A8%E7%A2%8E%E8%A3%82

    中国稀土科技获突破,一举终结日本20年垄断,握紧美日致命软肋
    http://www.sohu.com/a/210943206_619988

    以前中國一高端材料常被日本「卡脖子」,現在年產千噸將日本甩下(預期高端炭纖很快大幅降價)
    https://kknews.cc/zh-hk/military/9j4m4rj.html

    他用一项中国制造,突破德国、日本垄断,气坏印度、荷兰人....(管彤贤,他在59岁的时候开始下海创业,成立了上海振华港机有限公司)
    http://wemedia.ifeng.com/39517577/wemedia.shtml

    回覆刪除
    回覆
    1. //以免佢高票當選;反過佔中的唔投//
      直頭真情流露,豁出去!

      //「反共派」//
      「反叛派」

      洗碗機,我想要。
      我亦都想要部為華。主要係當相機。我依然會用 iPhone,不過我從來唔追新款。

      刪除
    2. 我都等緊紅米5plus.
      這一兩年內地手機產品線異常齊全,$1000-6000各種價位應有盡有,而且影相聽歌功能完備,CPU配置永遠比同價位對手強一點,韓國台灣品牌不單中國市場,連歐洲市場都被打殘, Iphone有brand value無咁慘,不過好日子也差不多了。

      刪除
    3. http://sina.com.hk/news/article/20170904/5/45/2/%E6%9C%AC%E5%B9%B4%E9%9B%BB%E8%A6%96%E5%B8%82%E5%A0%B4%E5%88%86%E6%9E%90%E5%8F%8A%E9%A0%90%E6%B8%AC-7870912.html

      客觀嚟講,蝗國電視機已經搶晒第三世界國家既市場份額,相信非洲東歐應該大部份人都用蝗國電視;南歐的話,意大利、西班牙呢類“窮國”應該都走唔甩。

      泡菜電視仲頂得住高端市場(蝗國機同泡菜機就好似農村包圍城市),不過皇國機就已接近覆滅,得返sony撐住(Sharp已經被富智康收購,成為旗下子公司),而海信亦於今年收購咗東芝。

      以皇民近年在消費電子的回塘速度,我並唔睇好sony仲可以在電視機市場長期撐落去。

      舊年買台海信,個sales話自從贊助16年歐國杯後,多咗好多人買海信,似乎傷民中的隱藏大中華膠都唔少也。

      傷港牌子既電視當然都係蝗國產...不過傷牌最大問題系:拓展市場非常不力,部VDIGI除咗笨土外(尤其茶餐廳)幾乎在海外寂寂無聞。乜傷民唔系好有國際視野既咩?

      //Iphone有brand value無咁慘,不過好日子也差不多了

      iPhone最把炮系佢維持住個封閉系統,即系班蝗國互聯網大佬成日所講的“生態”,點都會對用家有stickiness;不過的確品牌效應近兩三年都弱了不少,當年齋靠幫蝗同事買iPhone4可以一年換幾百蚊信用卡優惠既日子已經不復返了 XD

      手機的話我都諗住出年換部新款華為。

      刪除
    4. //直頭真情流露,豁出去!

      比建制派邋要建制

      //洗碗機,我想要。

      但係都要清咗啲餸頭餸尾先, 無可能就咁隊入去洗架!

      //$1000-6000各種價位應有盡有,而且影相聽歌功能完備,CPU配置永遠比同價位對手強一點,韓國台灣品牌不單中國市場,連歐洲市場都被打殘

      自從當年國產機有雙卡功能開始, 我就已經發現「大國掘起」了.

      //泡菜電視仲頂得住高端市場

      其實我唔係好明, LG 同三叔以易壞見稱, 口碑同sony真伙差一大截.

      //我並唔睇好sony仲可以在電視機市場長期撐落去。

      有一段時期 sony 電視都話唔係好搵到錢, panasonic 就更慘.

      //拓展市場非常不力,部VDIGI除咗笨土外(尤其茶餐廳)

      仲好講, N年前我第一部機頂盒就係 VDIGI,不過發現佢嘅錄影功能實在太虧,無兩個星期即刻轉買 MagicTV (都係笨土品牌),起碼用到好幾年先壞, 然後upgrade,一直沿用至今.

      //不過的確品牌效應近兩三年都弱了

      最近 ITunes 12.7.2 墥 High Sierra 死,我都係受害者:
      https://discussions.apple.com/thread/8190058

      刪除
    5. //但係都要清咗啲餸頭餸尾先, 無可能就咁隊入去洗架!

      就喺呢點我就覺得洗碗機有啲攞嚟做,既然都要清啲殘渣,索性洗埋佢啦。不過亦有人話洗碗機乾淨啲尤其喺玻璃唔會有水印咁。

      //自從當年國產機有雙卡功能開始

      呢嗰氛唇真喺好多老外同事都想要。

      //iPhone最把炮系佢維持住個封閉系統

      用開蘋果電腦,一set過哎乜哎物,又真喺唔喺咁想用其他系統嘅產品。

      //我並唔睇好sony仲可以在電視機市場長期撐落去

      我最近先知索尼幾年前已經冇做電腦將VAIO賣咗出去鳥!我仲有部N年前嘅VAIO都仲用得吓!

      刪除
    6. //既然都要清啲殘渣,索性洗埋佢啦。

      其實我都係咁. 少少嘅自己洗算數.

      //用開蘋果電腦,一set過哎乜哎物,又真喺唔喺咁想用其他系統嘅產品。

      蘋果好在佢樣樣嘢的配搭都可以做到無縫銜接,唔使花太多時間設定.

      //我仲有部N年前嘅VAIO都仲用得吓!

      Sony 啲嘢真係好耐用! 股價仲升得唔錯添!

      刪除
  2. //陳志全未趕及以鐵鍊鎖自己於座位上時,保安已將他抬離會議廳

    嘩!睇吓佢俾眾壯男攬住抱起時HI到死嘅高潮樣,都唔知邊嗰蝕底咗囉 XD

    //又出鐵鍊!當年朱仔綁自己係皇舌碼頭,好打得奶媽一樣未驚過!依家朱仔女細老婆嫰(阿女朱不遷5歲

    咁又上到報喇!實質有咩效果就話之你啦。再生嗰喺仔不如叫朱鐵練 XD

    //鬼整乜依家的洗碗機可以迷你得咁緊要?

    傷巷多納米樓呱?一嗰鐘洗碗嗰個港媽應該去排吓嘛。

    回覆刪除
    回覆
    1. //睇吓佢俾眾壯男攬住抱起時HI到死嘅高潮樣

      唔通保安抬起佢時有人「因為禮貌」,用手搣佢pat pat?

      //再生嗰喺仔不如叫朱鐵練 XD

      叫「朱不剪」好啲:不剪布,不剪鐵鍊...

      //一嗰鐘洗碗嗰個港媽應該去排吓嘛。

      第日請到工人, 無理由要益佢唔使做.

      刪除
  3. //朱凱廸以鐵鍊將自己鎖在座位上//

    you can chain my body, you can torture my soul...XD

    //高教界選委王凱峰,民主派指曾經表達反佔中的立場,亦不在推薦名單內。//

    DQ 可恥,政治打壓可恥

    回覆刪除
    回覆
    1. //you can chain my body, you can torture my soul...XD

      好鬼SM XD

      //DQ 可恥,政治打壓可恥

      信報 2017年12月18日

      余錦賢 香港脈搏

      泛民王凱峰被自己人DQ
      新一屆港區人大代表明日揭盅,繼早前建制派流傳一份「不可投票名單」,民主300+上周六開會商討投票策略後,亦草擬了一份13人的「不可投票名單」,鼓勵陣營中人按照同樣的剔除法投票。

      具有泛民背景的參選人最終僅得2人成功入閘。不過,據悉本身為高教界選委的王凱峰竟率先被民主300+「DQ」,至於基督教選委林亨利則「有得留低」。前律師會會長林新強已同時被建制和泛民列入「不可投票名單」。

      民主派過去在港區人大選舉的投票策略,是投予「必贏」及「必輸」的參選人,再投予幾個瀕臨落選邊緣,但立場較中間或可接受者,估計今屆可以左右的名額約5至6人。據了解,民主300+上周六研議採取剔除法,剔出13個無論如何也無法接受的參選人,可謂泛民版本的「不可投票名單」。

      榜上有名的除了陳曼琪、吳秋北等反佔中大旗手,譚耀宗亦因被視為全國人大常委熱門人選,泛民不希望他高票當選而遭列入「篩走」名單之上。另鄭耀棠、王敏剛、林新強、吳亮星、陳振彬及陳亨利等也名列榜上。陳亨利乃福建幫僑領陳守仁之子,他曾與譚惠珠等人發起「敬言仁基金」,為「七警」籌款。

      不過,名單中較令人意外的要數王凱峰。他是民主300+成員,更獲得民主黨前主席何俊仁提名。王凱峰接受查詢時坦言,對被泛民DQ感到驚訝,強調自己過去立場、行事是徹頭徹尾的非建制派,倘只以他個人不支持以違法手段爭取真普選而被DQ,泛民口中的「民主」尺度實在比建制更建制,希望他們秉持「只要不是西環支持的,就是非建制」的原則投票。

      有民主300+中人形容,大部分選委在WhatsApp群組對選舉反應冷淡,亦無興趣商討投票策略;而負責草擬名單的成員為免建制派太早取得名單而提早配票,故決定留待今日才正式向泛民選委公布該份「不可投票名單」。

      有圈中人指出,不少建制派參選人看中民主派坐擁200多票,足以左右排名最後幾人得票情況,遂向民主派埋手拉票,當中包括林新強。惟林接受查詢時否認曾向泛民拉票,說只是向泛民中人稱,倘泛民有座談會,他願意出席而已。不過,他最終仍逃不過被泛民DQ的命運。

      刪除
    2. //但係都要清咗啲餸頭餸尾先, 無可能就咁隊入去洗架!//
      我知。我食完收碗筷嘅時候都已經清晒啲渣㗎啦!如果係碟頭飯就自己洗啦!唔使餐餐用嘅!
      洗衫嘅時候都要將啲褲呀褸呀拉返拉鍊,牛仔褲要反轉,懶衫要用網袋袋好,大把準備功夫啦!但係我唔會因為咁而落手洗囉!

      刪除
    3. //而負責草擬名單的成員為免建制派太早取得名單而提早配票,故決定留待今日才正式向泛民選委公布該份「不可投票名單」。//

      係唔係「掌心雷」? 泛民選委果然係忠於人民忠於黨的投票機器。

      刪除
    4. //如果係碟頭飯就自己洗啦!唔使餐餐用嘅!

      Me too!

      //洗衫嘅時候都要將啲褲呀褸呀拉返拉鍊,牛仔褲要反轉,懶衫要用網袋袋好,大把準備功夫啦!但係我唔會因為咁而落手洗囉!

      睇怕上次嗰對教友夫婦真係會唔識的。

      //係唔係「掌心雷」? 泛民選委果然係忠於人民忠於黨的投票機器。

      夢熊大師假假地都同689反咗面,販民咁都唔配票,實在太 poor guy!

      刪除
  4. 部迷你洗碗機係睇就好美好,因為唔使預來去水位(水係自己倒入去,可以駁自來水,不過無謂啦;去水係一條喉掂到sink 盤OK),又可以洗埋生果、用水用電都唔多,而且唔算太阻訂... 但係用起上嚟呢,就... 首先你要買洗碗粉(「乸」清D油,所以咁乾淨),然後基本上只限tableware放得落,據聞煲等等最大係28cm casserole,港女煲不能機洗,最難洗的焗盤同鑊放唔落... 換言之:一、二人家庭煮個麵用細煲10隻以內就OK,真係煮大茶飯如我者,只能望機輕嘆...理智消費下,我用同一個位放部蒸爐/廚師機好過囉...

    要洗哂我要洗的,其實只能用大機,但就算廚房唔細(老實我廚房真係唔細),基於來去水煤氣抽油煙機等設置,係冇得恨的... :(

    回覆刪除
    回覆
    1. 洗焗盤簡易法:用 baking soda 醃佢 10分鐘 (or longer if necessary),正常洗。攪掂。
      懶人用焗爐法:全部用錫紙包住,焗完揼咗佢!洗都唔使洗!

      刪除
    2. 我而家大部份時間都係用錫紙(唔講環保喇,用咁多水同清潔劑一樣咁大傷害!),但如果扮air fryer用要放烤架就唔用得了...

      早排永安見到有隻sponge叫金鋼砂,未敢用落焗盤到,因為真係乜都洗得好淨我驚coating都冇埋... :P

      Baking soda 加醋我都有咁玩,舊爐千年漬都清到一半,不過味度真係唔好聞... 換咗爐就錫住用囉...

      刪除
    3. //首先你要買洗碗粉

      我屋企部洗碗碟機用呢兩隻:

      亮碟 - 洗碗機強效洗滌粉劑-檸檬味

      亮碟漂洗剂光亮剂

      //要洗哂我要洗的,其實只能用大機
      //基於來去水煤氣抽油煙機等設置

      主要係來去水走位, 你無叫靚太設計師諗埋咩?

      //Baking soda 加醋

      等我試下幫我個pan清下啲陳年油積先!

      刪除
    4. 就咁 baking soda 得㗎啦!通渠先 baking soda + white vinegar。
      但千奇米攪錯 baking powder。要橙色盒,有個手瓜嘅 baking soda。
      Baking powder 重可以癖臭,放一盒係雪櫃,包細細包放入鞋,重可以用嚟做磨砂、浸浴,皮膚滑滑!胃痛冇胃藥放一茶羹落一杯水飲,可解胃酸。加少少水落 baking soda 製成漿糊咁嘅狀態洗氧化首飾,即刻變閃令令!
      White vinegar 放一湯羹落去平時嘅洗衣粉度同衫一齊洗,何辟汗臭。一盆水浸過花灑頭,加少少 white vinegar,浸10分鐘,水銹自動甩晒!
      錫紙可以鋦佢十次八次多先至丟。

      刪除
    5. 寫錯更正:廦臭係 baking soda。

      刪除
    6. //洗碗碟機用呢兩隻//
      有乜唔同?

      刪除
    7. //千奇米攪錯 baking powder
      //Baking powder 重可以癖臭
      //寫錯更正

      哈哈!

      //通渠先 baking soda + white vinegar。

      最近主廁個馬桶去水慢, 但我又唔會有嘢塞住(便便無可能咁大舊)...
      跟住無耐見到管理處在樓下圍了一個範圍, 搞咗幾日, 去水就通返了!
      好在無諗住搵通渠佬咋!

      //加少少水落 baking soda 製成漿糊咁嘅狀態洗氧化首飾,即刻變閃令令!

      我有兩個銀幣氧化咗, 又可以試下了!

      //有乜唔同?

      粉狀用來洗, 液體個樽可以令啲碗碟閃令令.

      刪除
    8. //跟住無耐見到管理處在樓下圍了一個範圍, 搞咗幾日, 去水就通返了

      之前舊居試過沖得慢之後冇幾耐樓下爆晒出嚟,真喺蔚為奇觀。之後聽管理處話有"姐姐"掉M巾落去喎!

      刪除
    9. //有"姐姐"掉M巾落去喎!

      嘩!生番嚟㗎?

      刪除
  5. 冇用切雞師,我呢種樓你搵100個都係咁 suggest... 無謂嘥錢... 同埋上面講咗,utilities喉管位不容許我裝... 勁灰... 其實洗衣機上面可以放個西門子六套的,不過權衡之下我放咗蒸焗爐... 人多開飯真係勁好用...

    @C 小的上次洗爐用了類似方法: https://www.davidwolfe.com/water-baking-soda-vinegar-oven/
    :)

    回覆刪除
    回覆
    1. //人多開飯真係勁好用...

      咪話我話, 你大少好快就唔返屋企食飯鳥!

      刪除
    2. 錯咗,屋企飯太美好... 一星期只有一日出去拍拖+食晚飯,另一日係出咗去拍拖都返嚟食!

      刪除
    3. //會一齊入房玩電腦嗎?

      https://youtu.be/GNpGUXs2miE?t=4m20s

      刪除
    4. 嘩!港產片之王連MV都咁熟!!

      刪除