2017年12月3日 星期日

跛咗都要出部 iPhone X

魔術師部 iPhone 6+ 已經用咗好幾年,內置電池已經死下死下,叉極都叉唔起,本來諗住捱到 iPhone X 出場,便去出返部機。魔術師身為數碼通(00315.HK)的長期用戶兼股東,當然就係跟返佢地訂貨喇!點知就當跣脚受傷入院無耐,薯乜通便叫魔術師去攞機!激鬼氣,真係蜑家雞見水!
於是出院無耐,休息一陣,夜晚黑便 limping to buy iPhone X(256GB Sliver)!


今次薯乜通多咗個「真‧無限數據」計劃,只係根據公平使用原則調較 priority,再無需要買 top-up data plan;陰功,魔術師就係在醫院用手機上網,買多咗成$100 data!
(圖片來源 :超貼心計劃 - 帶機上台計劃 | SmarTone, retrieved on 3 Dec 2017
機就買咗,但係到依家魔術師都未曾有時間 setup 部機,同埋未知個 Face ID 好唔好用。不過 gut feeling 就係,本來指紋鎖就已經係非常方便,輕按一下就可以解鎖同埋 Apple Pay,依家要好似照鏡咁先可以解鎖,感覺上會唔會柒咗啲?
而更搞笑的是大貓這封提醒客戶小心使用 Face ID 的電郵:


如您有同卵雙胞胎的兄弟姐妹或樣貌相近的兄弟姐妹,請不要於Apple Pay 上使用Face ID ;及如您是青少年,因您的臉部特徵可能尚未完全發育,請不要於Apple Pay 上使用Face ID。

唔係話大貓講得唔啱,但係寫成咁,給人的感覺總是怪怪的,實在太過 skeptical 喇!
又,魔術師之前部 iPhone 6+ 之可以用咁耐都唔壞,主要就係用咗個極硬塑膠機殼,否則跌咗N次,乜都跳跌散喇!今次魔術師都唔例外,都係要買返個硬膠保護殼:

10 則留言:

  1. 救命工具,pok 都要 pok 去買!

    回覆刪除
    回覆
    1. 今次救命三寶係:電子門鎖、大班椅、同iPhone!

      刪除
    2. 點解每一篇理性消費我都有性趣嘅!我嘅哎瘋六都開始唔掂,每次更新都死咗啲啲咁!我都喺鐘意以前用手指㩒住粒的去開機,一起身迷迷糊糊咁仲要照鏡咁照?

      刪除
    3. 睇嚟哎瘋六註定係今年玩完!

      今日 set 好咗部機喇, 無咗個 Home 掣係有少少唔慣, 但好快都適應到. 問題係以前可以伸手就 unlock, 依家就要拎住部機正面望先得, 「用眼尾稍下」呢枝歌仔就無得唱了.

      刪除
    4. 硬喺覺得每次更新都喺慢性落毒喺啲舊型號度,校啱每年聖誕前就壞.

      少左粒的有樣好,少一樣嘢壞. 我嘅哎瘋五就喺粒的噤得多壞咗,要搞嗰虛擬的出嚟,無啦啦嗰屏幕就多咗嗰大黑提lin喇 XD

      刪除
    5. //少左粒的有樣好,少一樣嘢壞.

      咁又係, 少隻香爐少隻鬼...不過我又從未試過撳壞粒「的」XD

      刪除
    6. 艾瘋七粒制已經金剛不壞,八都係

      刪除
  2. 點解魔術兄唔去換電呢~?二三百蚊,都好耐用
    之前幫自己部後備機5S換電,部機當堂精神咗

    我覺得FACE ID係倒退,就算要裝FACE ID,都可以保留TOUCH ID架唧... 好似之前LG啲機咁係機背裝返個指紋解鎖咪得,又唔會阻到個MON啲位..

    回覆刪除
    回覆
    1. 唔換電喇,俾個藉口自己有錢便任性 XD

      用Face ID login banking app 同埋 IB key 都好快,暫時未算太差。

      Apple 要逼人轉用 Face ID,就唔可以心軟留返條尾保留指紋鎖,以免俾人以為自己都對Face ID 無信心。

      刪除