2018年2月21日 星期三

無限刮腳屋

住呢間屋,真係要好似足球員咁在腳脛戴 pad 先得(34:35—48:00)!
樓盤傳真 2018/02/03 2018/02/03 23:02

新世界為 25 至 35 歲的年輕人推出低首期、低供款之首置計劃,首期 7.5% 、44 萬元上車,但相關利息負擔特重,當中五年禁售禁租期,限制了升跌市時止賺止蝕的自由,又是否切合年輕人需要?
香港三面環海,新界海景租盤比比皆是,然而貴價貨色總集中在東面,新界西北如青龍頭、掃管笏往往落後,除了配套遜色,還跟景觀質素有關。
清水灣傲瀧,低密度住宅,車位比例超出一比一,供應充裕,新世界只容許三房以上單位有車位認購權,營造罕有感。樓盤位置吊腳,結果車位售價 160 至 220 萬元,但只售出首批推售車位的三成,有價無量。
十八年樓齡的北角豪廷峰,當年已有奇則,屋苑開則戶戶獨立互不相連,但高層由兩個單位組成,形成 "U" 形間隔,設計要如何配合?
戶主一家兩大一細另加工人乙名,阿囡得三歲大。唔使問呢類家庭個世界都係繞轉隻港孩轉(左上、右上、左中、右中)。豪廷峰1至27樓係一層六伙(左下),但到本案位處28樓以上,卻是由畫面下方兩個單位打通而成,故成為U字型(右下):

今次肥仔設計C的主題係學《小丑回魂(IT)》玩「懸浮(float)」。一入門口,就係升起咗的鞋櫃,中間嗰層用來擺無謂嘢,底層雲石造型嘅鞋櫃雖然有燈槽滲光,但睇落去尖角都甚為鋒利,唔單只大人上五寸下五寸要小心,阿囡走出廳隨時撼穿頭(左上)。窗台造櫃增加收納空間,仲要加滲燈慌死光害唔夠咁(右上)。飯廳餐枱長1.8米,又係玩懸浮,只得一個支點(左下);吧枱上有個位同埋有插蘇(右下),女記者話只要戶主放上電磁爐,便可以一邊做鐵板小炒皇一邊宴請朋友,也不怕油煙大:

設計C將原來主人套廁縮細,偷位增大衣帽間,滿足女戶主的扮靚慾(左上、右上)。主人房大床又有滲燈懸浮(左中上),不過戶主千祈唔好跳上床否則好易被床架刮傷腳背。電視機底部從浴窒偷位,整個個凹位用來收藏電線(右中上)。暗門之後係化妝間(左中下、右中下);再行入去係浴室(唔知啲隔離衣帽間啲衫怕唔怕濕氣重),內有洗手盤,馬桶同企缸(左下)。個櫃又係玩懸浮,啲暗位特別難清潔,容易發霉(右下):

設計C將原來已被打通的超大原主人房還原,一間俾阿囡訓,一間係備用BB房(即係準備生多個,左上)。行入走廊,左手邊有畫框俾阿囡掛畫作(右上),右轉入備用BB房,非常齋無乜嘢睇(左中),床尾係趟門(右中),拉開就可以同女記者亙聯亙通;另外港孩仲可以玩「捐狗窿」穿越兩間房(左下),不過成日烏低腰爬來爬去唔知會唔會影響發育。阿囡間房就多圓角同軟墊以防墥親(右下),咁講法呢兩位怪獸嘉獎應該唔准阿囡出廳:

由於「工人姐姐」唔需要住得咁好,所以設計C將原工人房拆去,改為閣仔工人床及工人衣櫃(左上、右上)。由女房走廊行出去,拉開玻璃趟門(左中)就係遊戲區,貼牆有櫃放玩具(右中)。轉個身就係有滲燈效果的樓梯級,俾工人姐姐躝上佢張床;工人姐姐從床尾向下望仲可以見到自己專用的馬桶(左下、右下)。訓覺千祈唔好睡得太熟,要唔好唔記得通往遊戲區的趟門是可以看通的:

設計C擴大了原貯物室1,封了原客廁的門;結果客廁門要改到對住客房(左上、右上),不過反正客房都係俾戶主父母上來幫手湊孫過夜用,設計樸素平實(左中),就算客房門對正廁所都無所謂喇!反而客廁裝潢算唔錯,唔會太 over(右中)。廚房門係玻璃門,唔知合唔合防火規例,不過就肯定可以望穿遊戲區同埋工人床(左下)。廚房裝潢又係咁,最緊要係有蒸焗爐:

最後設計C將原貯物室2的門拆去,改為暗門(左上、右上)。客廳滲燈效果可依戶主心情轉變顏色(左中、右中),暗門則可通往貯物室1及2(左下、右下):

***
伸延閱讀:
【女傭的床.三】合約寫獨立房變1.1米儲物櫃 菲傭自覺活得像狗「有一間獨立睡房」,來自菲律賓的外傭Aileen看到僱傭合約這樣寫,就在合約上簽字。正高興找到好僱主,但到了香港後,Aileen睡的卻只是一個有趟門的儲物櫃。儲物櫃只有1.1米長,0.5米闊,身形高大的Aileen睡覺時只可以把雙腳V字形頂向櫃頂,或屈成一團,「我覺得我好像一隻動物,像一隻小狗、白鴿」。
獨立睡房變成儲物櫃,貨不對辦,Aileen只能無奈接受,在儲物櫃瞓足一年。根據外勞事工中心公布的調查,超過四成受訪外傭都沒有獨立房間,當中九成外傭需共用房間或睡在客廳,也有至少8個人像Aileen這樣睡在儲物櫃。睡儲物櫃的家傭人數雖然不高,但箇中辛酸並不是冷冰冰數字可解釋的。
Aileen的僱主家有3間房,一間是僱主夫婦房間,一間是兒子房,還有一間是儲物房。但僱主並沒有在儲物房內放置床舖給Aileen休息,反而在天花位置建了一個儲物櫃,Aileen出入都要爬梯,有一次還發生意外。「有一次我凌晨2時起床,踏不到樓梯,整個人掉到地下」,事後她才知道是僱主在儲物房取東西時,搬開了樓梯,又忘記放回原位。
患哮喘 長期瞓儲物櫃呼吸困難
住在儲物櫃除了危險叢生,還缺乏私隱。因為僱主把電腦放在儲物房,所以男僱主經常在房間用電腦,遇上這些情況,女僱主要求Aileen必須關上儲物櫃門,困在箱子。儲物櫃內沒有窗戶,空氣也不流通,Aileen患有哮喘,長期困在儲物櫃內作息,也令她難以呼吸,「我曾經不舒服去醫院,但到了醫院,好好躺一下,吃一點藥,很快就好了。」
除了儲物櫃,Aileen還睡過廁所天花位置的床位。Aileen說,有時候僱主一家外出,她就要去僱主父母家服務,雖然父母家有四個房間,部分更是空置,但她並不能睡房間,只可以睡廁所床位。Aileen開口問僱主可否睡空置的房間,僱主指著廁所天花:「去你的地方,那裡才是你的地方」。
她特意設計一個儲物櫃、廁所天花給工人住,這是歧視!
菲律賓外傭Aileen
空間不足是藉口 實為歧視!
在僱主家工作了一年,Aileen每晚只有1個半小時睡得好,她曾告知僱主,「我睡得不好,很難呼吸」。僱主雖然說,「有一日我們買新屋,你會住得好一點」。但Aileen認為空間不足只是藉口,「她兒子的房間可以用雙層床,但她不願意,她特意設計一個儲物櫃、廁所天花給工人住,這是歧視!」
人權組織:瞓儲物櫃係當外傭唔係人
根據經濟、社會與文化權利國際公約第11條及相關詮譯文件,人人都有權享受適當之衣食住,安全、和平和有尊嚴地居住。香港人權監察總幹事羅沃啟批評瞓儲物櫃的做法是漠視人的尊嚴和健康,「當佢唔係人,櫃本身就唔係用作居住用途,唔比得人瞓」。他又批評儲物櫃櫃長只有1.1米,「根本瞓唔直,至起碼張床要超過人的高度」。他建議勞工處和入境處訂明外傭床舖的基本尺寸和高度,只有合乎標準才批准聘請外傭,以保障外傭基本權益。
也許你可以為你的幫工,而非為你的衣服或動物,設計一個居住的地方。
菲律賓女傭Aileen
外傭:你非為動物設計居所
根據勞工處的標準僱傭合約,僱主應給予傭工合適及有合理私隱的住宿地方。僱主需在僱傭合約寫上傭工居住地方的面積及睡眠安排,包括是否需要與小孩同住或分隔開的地方面積大小。勞工處表示,如僱主未能根據合約,免費為外傭提供合適和有合理私隱的住宿地方,日後申請僱用外傭時,可能會被拒絕。
Aileen在僱主一家移民加拿大後已離職,她想對前僱主說:「感謝你令我有能力睡在你的儲藏櫃內,我以前從沒想像過我能做到......但下一次也許你可以為你的幫工,而非為你的衣服或動物,設計一個居住的地方。」

8 則留言:

  1. "Aileen睡的卻只是一個有趟門的儲物櫃。儲物櫃只有1.1米長,0.5米闊"

    WTF!

    回覆刪除
    回覆
    1. 好似本案戶主,住千呎豪宅,用百幾萬裝潢,但工人姐姐睡床卻是凌空,不佔地面空間,極盡刻薄能事。

      傷民仲好意思向國際投訴,話俾殺人政權打壓人權喎!

      刪除
  2. //但到本案位處28樓以上,卻是由畫面下方兩個單位打通而成,故成為U字型
    我又有風水問題喇,咁嘅奇則,喺唔喺已經冇咗個中宮呢?今年好似飛九紫添

    //仲要加滲燈慌死光害唔夠咁
    成間屋到處都喺呢啲滲燈,好低俗,仲要搞埋變色。

    //電視機底部從浴窒偷位,整個個凹位用來收藏電線
    又冇啲嘢都要搵啲嚟搞。

    //另外港孩仲可以玩「捐狗窿」穿越兩間房(左下)
    嗰BB半夜呱呱嘈時嗰家姐唔使瞓喇。

    //由於「工人姐姐」唔需要住得咁好,所以設計C將原工人房拆去,改為閣仔工人床及工人衣櫃(左上、右上)。
    DKLM,千四尺嘅屋都要咁刻薄,原本有房都夾硬變冇房。成屋光璨璨,夜晚唔使瞓,就好似X共折磨啲正字犯咁。

    咁又使咗一百八十幾萬喇!

    回覆刪除
    回覆
    1. //喺唔喺已經冇咗個中宮呢?今年好似飛九紫添

      對,係無咗中宮,巽離都缺角(假設U字型座向咁睇),不利大女同二女。

      //成間屋到處都喺呢啲滲燈,好低俗,仲要搞埋變色。

      土豪 feel

      //千四尺嘅屋都要咁刻薄,原本有房都夾硬變冇房。
      //咁又使咗一百八十幾萬喇!

      呢位肥仔係城中著名設計C來的,你知佢點解可以咁肥喇!

      刪除
  3. //「有一次我凌晨2時起床,踏不到樓梯,整個人掉到地下」,事後她才知道是僱主在儲物房取東西時,搬開了樓梯,又忘記放回原位。/Aileen開口問僱主可否睡空置的房間,僱主指著廁所天花:「去你的地方,那裡才是你的地方」。

    其實個戶主係咪畜牲嚟架,真係當個工人唔係人,我諗賺返嚟都錢都唔荒見得光。

    //住呢間屋,真係要好似足球員咁在腳脛戴 pad 先得
    周圍都係利角,一見到就唔舒服

    回覆刪除
    回覆
    1. //周圍都係利角,一見到就唔舒服

      同感。

      //其實個戶主係咪畜牲嚟架,真係當個工人唔係人,我諗賺返嚟都錢都唔荒見得光。

      其實中慘傷民都係「窮得只剩下錢」,唔識尊重別人,亦完全無良心可言。

      刪除
  4. 騎呢當品味,核突當有型。
    侮辱當率直,無知係潮流。

    回覆刪除