2018年2月3日 星期六

城市論壇論 Plan A(2018年1月28日)

成個節目,唔係疊聲嗌交大混戰,就係講到無雷公咁遠,同主題完全無關,魔術師好不容易先搵到三幾個值得討論的 topics,仲要東拉西扯亂過乜,要引述都係適可而止算了:
城市論壇:自決立場被拒選 裁定對錯怎計算(What are the reasons for ruling "Democratic self-determination" as inconsist

RTHK 香港電台
Published on Jan 28, 2018
SUBSCRIBE 216K
台上講者:
周 庭 香港眾志常委
Agnes Chow Ting Member, Demosistō
劉炳章 基本法推廣督導委員會委員
Lau Ping-cheung Member, Basic Law Promotion Steering Committee
何君堯 立法會議員
Junius Ho Kwan-yiu Member, LegCo
郭榮鏗 立法會議員
Dennis Kwok Wing-hang
Member, Legco
維多利亞公園 (12-1300直播)
主持: 蘇敬恆



1. 有關狀棍搖的三合會論
查實狀棍搖係對周挺講:「如果你係宣佈(魔:宣稱?)自己係三合會的話,你唔好話你有言論自由...我想話嘅係言論自由有佢嘅界限咁解...」(11:05—11:18),結果後來就俾郭大狀講到變成「人地唔同意佢嘅政見嘅就將人比喻為黑社會、三合會」(43:15—43:18)。固之然狀棍搖的比喻不恰當(自稱三合會係刑事,傷港JJ的自決主張並不犯法),但郭大狀完全曲解狀棍搖的意思,跡近老屈,似乎就更無恥了。
2. 有關違反基本法
狀棍搖的三合會論來自反駁周挺。周小妹謂777曾經公開話唔同意《基本法》107條「量入為出」,點解自決涉嫌違反第1條就不可以討論呢?我城不是有言論自由嗎?
明顯當時777的意思係宏觀咁去睇傷港經濟,經濟唔好時有赤字,有盈餘時洗多啲;而唔係死咕咕鐵板一板咁微觀地逐年逐年咁計死數「量入為出」;但如果係自決,即使周小妹將傷巷JJ的綱領以「自主命運、前途」來作為解讀,依然係「宏觀地」不合《基本法》。禁止你參選,係因為你嘅政治主張令你不合資格(當選人要宣誓擁護特衰正苦及《基本法》),而唔係要壓制你嘅言論。學689以至777話齋,「不存在雙重標準」囉!
監生將言論自由拉埋嚟講,其實係偷換概念,呢個係黃C早期的手法。魔術師成日都話,初期黃C的歪理是很「高級」的,沒有清澈的思考能力很難將之識破,所以黃C才能大行其道將連歪理都講唔掂的建制派殺個屁滾尿流...當然,後期黃C漸趨笨土,講歪理的能力同時也一落千丈,那時後話了。
3. 有關剝奪周小妹的...
周小妹話如果選民唔同意佢入垃圾會,應該用選票去表達意見,但現在是政權先篩選走一些不合心意的人選,所以係剝奪了自己的被選舉權及選民的選舉權及自由意志(40:38—41:10)。事實係你嘅言行與及政治聯繫令你自己唔合資格,唔等於剝奪被選舉權。例如痴瘋仔早年也是因為未夠年齡而「不夠資格」參選,難道又是剝奪痴瘋仔的被選舉權與及其 fans 的選舉權及自由意志?
至於話留返俾選民以選票決定周小妹能否當選...喂,選民投票可以有各種理由,鍾意你口才好又得,年輕貌美又得,同意你政綱都得,但選民卻無權去以選票決定你是否「合乎資格」參選喎!又偷換概念?
4. 有關選舉主任有無能力作政治審查
既然當年DQ得琦天梁,今日同樣道理都可以DQ你周挺,為何會質疑選舉主任沒有權力去作「政治審查」呢?垃圾會是政治角力場,參選垃圾會當然是「政治活動」;選舉主任既然負責去「決定候選人是否獲有效提名」,咁當然會去做「政治審查」,咁又有乜問題呢?劉抦啫話「你唔服咪去打官司、選舉呈請、司法覆核囉!」講得啱呀!狀棍搖話「法庭可以解決政治問題」都無講錯喎!如果唔係,販民做乜咁 buy 司法覆核呢?
第541D章 《選舉管理委員會(選舉程序)(立法會)規例》16.選舉主任須決定候選人是否獲有效提名
(1)選舉主任在接獲任何提名表格後,必須在切實可行範圍內盡快決定有關候選人是否獲有效提名。
(2)如第10或11條(視何者適用而定)以及《立法會條例》(第542章)第37、39及40條的規定已獲遵從,則除非有以下情況,否則有關候選人的提名屬有效 —— (2004年第84號法律公告)
(a)選舉主任決定有關提名表格無效;或
(b)該候選人退出而不再是有關選舉的候選人。
(3)在不損害《立法會條例》(第542章)第37、39及40條的原則下,選舉主任可並只可基於以下理由而決定某項提名無效 ——
(a)在提名表格上簽署為提名人而其資格是符合《立法會(提名所需的選舉按金及簽署人)規例》(第542章,附屬法例C)所訂的以提名人身分簽署提名表格的資格的人,不足訂明數目;
(b)提名表格並未按本規例的規定填妥或簽署;
(c)選舉主任信納根據《立法會條例》(第542章),候選人並無資格獲提名為候選人或喪失該資格;
(d)如屬關乎某選區或界別的提名表格,候選人在同一選舉中,已在另一地方選區或另一功能界別中獲提名,而選舉主任信納該候選人並未在該另一選區或另一功能界別的選舉中退選; (2004年第84號法律公告)
(e)候選人沒有繳存適當的按金;或
(f)選舉主任信納候選人已去世。
(4)在本條中,訂明數目 (prescribed number)指在顧及有關提名表格是就哪一地方選區或功能界別而呈交後,根據《立法會(提名所需的選舉按金及簽署人)規例》(第542章,附屬法例C)須在該提名表格上以提名人身分簽署的人的人數。 (2004年第84號法律公告;2011年第73號法律公告)
5. 傷巷JJ的立場
傷巷JJ自稱不提倡巷蜀,但又話「獨立是一個選項」;咁如果「民主自決」之後,傷民都贊成巷蜀,咁傷巷JJ是否又會精神分裂咁去「推動巷蜀」?如果佢地只係推動「民主自決」,而唔「自決後的選項」,咁傷巷JJ同一個民調機構有乜分別?
台下有中四級的女同學心水清,識得提出同一個問題,問周小妹是否自相矛盾(31:54—32:30)。

周小妹嘅回應就係話傷巷JJ並不主張巷蜀,而係主張「民主自決」,重點在於民主,每一個人都有權去決定社會的未來;「我地嘅未來不應由中國共產黨去決定,我地嘅未來應該係自己去決定,呢個就係『民主自決』最重要的一個主張。」(41:16—41:36)。周小妹基本上就係無答到「自相矛盾」的問題,只係 hea 咗過去,仲要再一次重申傷巷JJ係不認同老共統治,即係唔會「擁護《基本法》和保證效忠香港特別行政區」囉!
選舉主任真係無屈你喎!

***
伸延閱讀:
《基本法》全文及相關文件
林鄭質疑量入為出 倡用儲備 指擁護基本法毋須「條條同意」 個人不認同107條公共財政(明報 2016年8月13日)
【周庭被DQ】選舉主任解釋決定:周庭不擁護《基本法》不效忠香港(香港01 2018年1月27日)
標少:一Q打死
丙申六君子

26 則留言:

  1. 死火,我真系連回應都諗唔到,黃C真系面臨上頭後的撤退效應了,水準回塘的咁緊要...

    回覆刪除
    回覆
    1. 呢一篇我都寫得好沮喪,以前debug黃C論述都仲有啲挑戰性,依家笨土的水平其實同何君堯佢地差不多,BB班式的歪理實在不值一提提。

      刪除
    2. 訓醒咗清醒啲,加埋唔使睇住盜指冧,嘗試寫下。

      (其實呢啲城市亂壇我只會睇魔兄字面描述,片段通常唔睇的,因為我信得過魔兄也。)

      //狀棍搖

      居然無咩特別出醜。除了對方水平太低外,狀生似乎已經成功搵到自己"激進建制派"定位,其他人要學下...先此聲明,話明激進,即係激進言論並不扣分(例如"殺無赦"),理據不通才扣。

      //人地唔同意佢嘅政見嘅就將人比喻為黑社會、三合會

      如果佢話"將自決政見比喻成自稱黑社會"係講得通的,魔兄亦如此評述; 但話比喻成黑社會係因為"狀棍唔同意對方政見",實在有如潑婦罵街。

      以前黃C偷換概念是很高階的,基本好似寫software咁層層layer遞進,例如滑坡就每步只滑少少; 好似咁"明張目膽"地亂換,似乎真係回塘了。

      //點解自決涉嫌違反第1條就不可以討論呢?我城不是有言論自由嗎?

      你周後庭而家咪討論緊囉!

      將"選舉資格"與"言論自由"混為一談,又一回塘明證。當然,後庭妹從來未證明叻過,亦無塘可回。

      //所以係剝奪了自己的被選舉權及選民的選舉權及自由意志

      基本法第一條已經講明所有中國公民皆無自由意志決定"香港是否中國不可分離的一部份".

      //識得提出同一個問題,問周小妹是否自相矛盾

      雖然JJ有巷蜀選項就死硬,但當初做戲做全套,應該加埋以下自決選項:

      2047年後,香港行"一國一制",細項仲分
      - 香港仍為直轄中央以下的行政區
      - 香港併入其他當時存在的直轄行政區,包括但不限於廣東省,亦可以是無雷公咁遠的黑龍江省,或現在不存在但幻想中的深圳直轄市...etc

      然後話自己無既定立場,只要是公投結果就會支持並全力推動...blablabla。

      ps 一國两制指資本主義及社會主義,基本法話只限必須維持五十年,所以討論2047年後改變是不違反基本法的.

      刪除
    3. //先此聲明,話明激進,即係激進言論並不扣分(例如"殺無赦"),理據不通才扣。

      郭大狀都有話何君堯自己可以講「殺無赦」,但唔俾周庭講「民主自決」係雙重標準...不過郭的argument水準實在太低,真係連駁都嫌廢事.

      //以前黃C偷換概念是很高階的,基本好似寫software咁層層layer遞進,例如滑坡就每步只滑少少; 好似咁"明張目膽"地亂換,似乎真係回塘了。

      我總係懷疑以前黃C啲歪理係有專業寫手幫佢地寫的.

      //後庭妹從來未證明叻過,亦無塘可回。

      哈哈. 同銀河唯一基奧特有得揮.

      //話自己無既定立場,只要是公投結果就會支持並全力推動...

      我總係覺得做得政黨,就一定要有立場,只唔係只係做一包專門用嚟開苞的罐頭刀.

      刪除
  2. 「民主自決」其中一個選項係巷瀆,咁咪就係支持巷瀆囉!亞媽係女人咁簡單。
    好多時佢哋茅咩道理時就會摟肽引導大家討論第二啲嘢。好似怎大普通話普通豁免試咁。又話母語,又話冇用,甚至咩消滅文化,咩鞏固統治。九唔答八!考個豁免試香港母語就會變㗎啦?讀個入門普通話就滅族啦?更冇用佢都係國家語言,唔鐘意咪入怎大囉!個個國家都會想鞏固統治㗎啦!唔通會鐘意好似中東咁,周時冇日畀美國攪㗎咩!都唔知乜 Q point!跟著又扯到去叫人考廣東話。又話入美國大學都要考母語。喂,英語咁啱係佢主要用嘅語言啫,其實人哋考英語係因為 medium of instruction 係英語呀!低能!又唔係移民,做乜要考廣東話?係咪黐咗線?如果覺得考母語咁緊要,認識國家語言都緊要㗎喎。做乜唔考?知唔知自己噏乜㗎呢?
    嗱,明明 voters 想 vote 你,你走去做埋啲嘢等人 DQ 你,咁係邊個剝奪想 vote 你嘅權呢?咪你囉!你問下油糧吖!重好意思講。咁有個儍佬想侵侵做香港議員,唔畀侵侵參選就係剝奪儍佬 vote 侵侵��喎?神經病!

    回覆刪除
    回覆
    1. //「民主自決」其中一個選項係巷瀆,咁咪就係支持巷瀆囉!亞媽係女人咁簡單。

      唔係. 佢地係將個責任交俾選民, 選民支持嘅佢就支持(即係JJ只係選民的扯線木偶);所以選民話佢阿媽係男人,佢地都會認同.

      //更冇用佢都係國家語言
      //如果覺得考母語咁緊要,認識國家語言都緊要㗎喎。做乜唔考?知唔知自己噏乜㗎呢?

      笨土是「天然獨」,不承認蝗國是佢地的「國家」.

      //人哋考英語係因為 medium of instruction 係英語呀!

      佢地就會話怎大的 medium of instruction 不是蝗話, 點解仲要考呢?

      //咁有個儍佬想侵侵做香港議員,唔畀侵侵參選就係剝奪儍佬 vote 侵侵喎?

      傻佬引入外國勢力可恥!

      刪除
  3. //佢地係將個責任交俾選民//
    選民想乜 L 佢都支持,選民想巷瀆佢都支持嘛!咁咪即係支持巷瀆囉!
    個入閘條件冇話支持選民想嘅嘢就唔 dq 得嘛!

    //medium of instruction 唔係蝗話//
    所以咪就係九唔搭八囉!學校都冇話學蝗語係同 medium of instruction 有關。Next.

    //點解重要考?//
    因為想豁免上普通話堂吖嘛!佢哋係咪老人痴呆?

    回覆刪除
    回覆
    1. //選民想巷瀆佢都支持嘛!咁咪即係支持巷瀆囉

      你呢句好有黃C feel.

      //因為想豁免上普通話堂吖嘛!

      呢個先係終極目標.

      刪除
    2. 乜 feel 都改變唔到佢根本係咁諗既事實。又唔見佢假設公投結果係選民願意袋住先嘅話佢哋全力支持政府?

      刪除
    3. 「全力支持政府」唔係一個可以俾選民㨂的選項。

      咁即係選項經過篩選喇!

      刪除
  4. JJ立場應該係最值得講吓,可惜殺無捨等冇追落去。
    其實亦都可以詳細問吓點解JJ唔支持巷蜀,聽吓佢哋點樣踩巷蜀嗰班都好丫。講都唔講吓即喺其實都唔喺咁反對啦!
    用黑社會譬喻會容易情緒化同埋有其他聯想,倒不如話有一嗰人重病想跳樓,JJ走去話我哋唔"提倡"跳樓(亦都唔會落力去SELL點解唔好跳樓),但喺你真喺想跳樓,我喺唔會阻止你嘅亦都唔會打999,因為跳樓都喺重病人自決下"一個選項"。

    周小妹妹搞咁多嘢到最後又被DQ又冇米籍又冇得被提名諾獎去威威攞報紙頭版,真喺三失呀 XD

    回覆刪除
    回覆
    1. //其實亦都可以詳細問吓點解JJ唔支持巷蜀,聽吓佢哋點樣踩巷蜀嗰班都好丫。

      呢個問題好夠挑戰性喎!

      //JJ走去話我哋唔"提倡"跳樓(亦都唔會落力去SELL點解唔好跳樓),但喺你真喺想跳樓,我喺唔會阻止你嘅亦都唔會打999,因為跳樓都喺重病人自決下"一個選項"。

      呢個 concept 係早前興「以武抗暴」經常見到,大致上就係「我唔贊成暴力, 但係有人要暴力我亦唔會阻止」.

      //冇得被提名諾獎去威威

      呢個我諗緊有無嘢好寫...

      刪除
    2. //呢個我諗緊有無嘢好寫...

      臘腸話證明傷港係什麼民主自由抗爭橋頭堡先好笑,打飛機唔使打到咁出面哇?

      刪除
    3. 劉波波如果冇諾獎,佢都未必被人治得咁慘。
      同理,呢三散人政治本錢已回塘之制,老美就幫佢地打枝針,方便日後要進一步渣取之時,都可以渣多兩滴。
      當一個和平獎得主用8年時間都閂唔到一個政治犯監獄,就証明左呢d 獎根本就係口惠而實不至的政治表態。

      刪除
    4. //臘腸話證明傷港係什麼民主自由抗爭橋頭堡先好笑,打飛機唔使打到咁出面哇?

      今次唔關臘腸事, 臘腸只係「提供一個平台」去轉載嗰三條友的飛機文. XD

      //劉波波如果冇諾獎,佢都未必被人治得咁慘。

      以前話要陷害他人,就鼓勵佢地辦報辦雜誌;依家...

      //當一個和平獎得主用8年時間都閂唔到一個政治犯監獄,就証明左呢d 獎根本就係口惠而實不至的政治表態。

      我啱啱睇咗篇SCMP 話諾獎有如耍馬戲,都幾好笑...下星期寫...
      http://www.scmp.com/news/hong-kong/article/2131885/nobel-peace-prize-was-always-joke-now-its-total-circus

      刪除
    5. 呢個呢?
      侯漢廷:共產黨沒有無聊到發給美國犯人個【和平獎】
      https://youtu.be/cPZZFHlrD3o

      刪除
    6. //共產黨沒有無聊到發給美國犯人個【和平獎】

      搞乜鬼, 一開個 youtube, iPhone 個siri 聽到條友講嘢, 即刻問我發生乜嘢事!

      刪除
    7. //siri 聽到條友講嘢, 即刻問我發生乜嘢事!

      美帝偷聽緊邊個唔妥黃C呀.

      刪除
    8. 我從來唔開 Siri,唔知會咁攪鬼喎! XD XD

      刪除
    9. //唔妥黃C

      竟然有呆民唔妥黃C,怪唔得李小妹流亡後無哂聲氣喇!

      //唔開Siri

      低智能家居

      刪除
  5. 如果俾三個細路,等於告訴世人炸藥和平獎已經淪為美帝嘉許自己人的政治荷蘭水蓋,和那個什麼孔子獎是一路貨色。
    如果我係習帝,還真想瑞典佬頒俾佢三個,以後少樣野要跟。

    回覆刪除
    回覆
    1. 最怕班黃C見習帝唔出聲就當佢病貓,日日拎住個獎出嚟串串貢,到時就咬佢地唔入。

      刪除
    2. 所以我覺得對付佢哋嘅方法最好都係唔好俾佢哋曝光咁多,totally ignored。好似對付頑童一樣。但係嗰啲傳媒都係頑童囉!

      刪除
    3. //係嗰啲傳媒都係頑童囉!

      頑童吖嗱! 打你 pat pat!

      刪除
    4. 老蘭溝洋腸? XD XD

      刪除