2019年10月14日 星期一

世界是你們的,也是我們的,但是歸根結底是你們的

觀塘一名警員被人用利器割傷頸部更新:2019/10/13 23:43

一名警員在觀塘執勤期間,被人用利器割傷頸部,送院時清醒,在旺角亦有警員被襲擊。警方指期間有人試圖搶奪警員長槍。
防暴警察下午五時半到觀塘港鐵站,有人懷疑用利器?傷警員頸部。慢鏡看多次,一批警員正走往觀塘站,右邊一名戴眼鏡的黑衣男子,伸出利器。該警員立即上前制服他,捉他到一旁。
見到該警員之後按住頸部,制服上有血漬。警方證實,警員當時正處理一宗刑事毀壞案,被人以利器從後割頸,送往聯合醫院救治。送院時清醒,警方當場拘捕兩人,又指必定全力追究。
旺角雅蘭中心外,亦有人拍到防暴警員被襲擊,當時警員捉住一個黑衣人。看多一次,突然有人凌空飛踢他。另外兩人上前,一人揮拳、另一個就揮棍。其中一人穿短袖黑衫及藍色短褲,似想搶走警員物件,但不成功。警員自行站起來起身,拿起橙柄長槍。警方之後指,該男子當時是想搶警員的長槍。警員之後趕到,制服至少三人。消息指,其中兩個就是涉案的人。
另外在沙田好運中心對出的鄉事會路,下午近五時有警車起火,燒到車尾。警方證實當時有警車駛經源禾路,懷疑有人從好運中心擲燃燒彈,無人受傷。

1. 魔術師乜都唔睇,先睇拉燈網:只見關於刺客(刺客名叫許添力,見伸延閱讀)一事,最先就係唔信(搵唔返條 thread,疑似被「冷處理」掉(見《[嚴重文宣策略]手足觀塘傷警斷正一定要冷處理!!!!!》)),然後就係諗計以黃化陪審團來救人(見《想唔想救割狗手足?即刻同我死入嚟!》);而在《[突發]示威者為救人凌空飛腳,持槍警員被擊倒!!》中一眾拉燈仔則大呼「振奮人心」、「好治癒」。我城正苦其實真係要諗下係乜嘢令到我城呢個算係安穩的地方產生出咁多極端恐怖、滿口歪理的有青?係教育、道德倫理文化、家庭、經濟架構、討論區、傳霉、定係AV網站?
2. 又或者,係殺人政權在我城的治權根本就不被「傷巷人」認可?是以有青口號和文宣都係下下以「傷巷人」自居?殺人政權有無想過自己點解咁乞「傷巷人」憎?點解自己幾十年來做過嘅事不斷被「傷巷人」掛在口邊唔原諒你?

3. 不如咁喇,777就再次發動《緊急法》,用來設立《公投法》,公投4大訴求(成立毒辣調查痿員會、撤回暴動定性、釋放義士、實行真.雙普選),再加埋最新的「解散警隊」,讓傷民逐項投票 Yes or No,投完巷唔巷爆無人知,不過就要學米國咁接受現實。投票議題並無「巷蜀」成份,照計唔會受殺人政權反制卦?
***
多區商場商舖被破壞防暴警作拘捕更新:2019/10/13 20:37

多區商場商舖被破壞,防暴警察入商場拘捕。
下午二時多,一批黑衣人跑入荃灣福來邨,警員之後跑去路德圍追截,將一名男子按在地上,他被帶上一輛白色小巴,另一批聚集在沙咀道球場的人就行到荃灣廣場,地庫的元氣壽司及美心快餐店一早已拉閘,他們就在門外「撳飛」取籌,用傘遮擋,又用鐵鎚打爛派籌機,零件外露,「快閃」五分鐘就離開。防暴警察趕到,在商場出面制服至少三人,亦從商場內帶走一名穿黑衣的人。
到四時,大批防暴警察到附近的沙咀道及大河道交界布防,亦曾走上荃新天地一期外的天橋,有市民指罵,警員準備登上警車時,有人在天橋向他們擲磚頭及雨傘,警員隨即向橋上發射催淚彈,警車再開多槍開走時,在白煙中離開。
港九新界多個商場都有人破壞,將軍澳 PopCorn ,美心的食肆、餅店再次成為攻擊目標,優品 360 都是,有人一度將 Starbucks 的梳化扔下樓,將軍澳站拉左閘,有人繼續用桌椅封住,亦封了電梯,防暴警察數分鐘後衝入商場,在 Starbucks 外制服至少三人,一名灰色恤衫被帶走的男子,消息指他是將軍澳醫院的張姓內科醫生。
太古城下午亦有大批人聚集,Starbucks 已經拉閘,有人繼續搖晃,美心集團的食店有人不斷點餐、但無付款,另一間食店亦有人不斷撳籌,近三時半有人走出商場,用路旁的石柱和雪糕筒在太古灣道堵路。近海天閣,有一名操普通話的男子走出馬路,跟在場的人口角,期間他懷疑拿出一把餐刀,防暴警察到場、帶了他上警車。
九龍灣德福廣場元氣壽司被噴漆,中移動被扑爛屏幕,商場外,附近一間中銀分行門口有人噴漆,一批人聚集在優品 360 外面,見到有長者光顧,未有入內。
4. 見圖,班拉燈仔真係好似中學生搞活動咁喎!又話出生率低要殺校?正苦一定係呃人!如果唔係,點會有咁多有青走出來勇武?
5. 查實何搵C可以在聯合國會議中發言,人地「美心伍女士」(其實跟美心集團管理層無關係)又係在聯合國會議中發言,點解何搵C就得,人地伍女士就唔得呢?係咪到傷巷立國(見拉燈網《係咪要去到當眾槍殺,香港人先會醒》)後:

拉燈仔要將所有 Business Registration 申請審核過之後才可以放行呢?(見《【緊急】革命成功關鍵:金融戰線》)。
***
大埔晚上有人聚集防暴警察拘多人更新:2019/10/13 22:35

大埔晚上有人聚集,防暴警察拘捕多人,有人在通往大埔超級城的天橋上聚集,部份人蒙面,有人向警員叫囂,九時半後防暴警察舉藍旗警告,一度衝上天橋追趕聚集的人,警員追落地面,將多人按在地上,用索帶綁手及帶走,有警員不斷要求記者離開,商場平台有人用雷射筆照射警員,亦有人懷疑高空擲物,警員舉槍示警,一名穿黃背心、手持攝影機的人,被警員搜身後獲放行,他指自己是拍攝紀錄片,又引述警員說要有記協發出的記者證,才可以穿記者背心採訪。
大埔下午已經有人堵路,又向警察放蟑螂。
大埔超級城下午有人破壞店舖,防暴警員去到門口,被保安員要求離開,他們守在門口與市民口角,在安邦路,有雜物從高處跌下來,警員上平台截查兩人,其中一人被搜到有,黑衣、索帶、防毒面罩,之後被帶走,而在地面警員舉藍旗,之後衝前,一名男子被多名警員拉著有警員揮動警棍,多人被按在地上,警員重組防線後,有人擲了一袋蟑螂,附近太和路被堵塞。警員約四時,沿太和路推進,清理水馬路障,黑衣人之後破壞附近店舖灌水入中銀,破壞容海恩的議員辦事處、汀角路政府合署、工聯會辦事處等亦是目標,防暴警察到廣福里驅散,在運頭坊停車場制服一人,多人被帶走。

6. 「大埔下午已經有人堵路,又向警察放蟑螂。」魔術師成日都話有青其實好有創意,不過唔肯面對競爭,所以無將呢啲「創意」用在正途上,好似「曱甴(黑衣軍)放曱甴」咁,自嘲得來亦帶有黑色幽默,又唔係乜嘢殺人力武器,呢類「快樂抗爭」咪幾好,總好過做破壞王打爛哂唔同政見的團體的店舖和辦公室,用恐怖手段來滅聲!
***
伸延閱讀:
多個港鐵站再有設施遭受破壞關閉更新:2019/10/13 20:38

多個港鐵站再有設施遭受破壞要關閉,輕鐵全線暫停。
一批穿黑衣、蒙面的人下午在屯門三聖輕鐵站敲打閉路電視及八達通機,廣告牌亦碎裂、滿地玻璃碎,數分鐘後離開,屯門石排站亦有人破壞車站設施及交通燈,警員趕到、進入路軌範圍追截,將一人按在地上,另一人就在青雲路被警員按在地上。在屯門兆麟政府綜合大樓,有人向閉路電視噴漆,之後拉扯大樓鐵閘,沿扶手電梯進入大樓,用鐵鎚敲碎玻璃,電梯的扶手帶鬆脫。
而在東鐵線沙田站,下午二時許,有雜物堆在往紅磡方向的其中一條路軌上面,當中包括商場清潔工人用的手推車、紙皮箱、垃圾膠袋及膠樽等,由於這條是後備路軌,當時的列車服務未受影響。上到車站大堂,有職員落閘,關閉通往商場的出入閘機,亦有穿黑衣、蒙面的人嘗試按動鐵閘的開關,敲打已被圍封的閉路電視。
下午五時有人轉到新城市廣場華為的專門店,用鎚仔和鐵筆打爛店內的陳列品和宣傳海報,又拆毀招牌,之後轉到旁邊的優品 360 推翻貨架,貨物散落一地,美心旗下的潮庭酒家亦被人撬開捲閘,打爛玻璃門,店內桌椅都被推翻,有人再破壞沙田站的設施,有人噴滅火筒、隨即離開,警員進入沙田站,沙田站其後關閉。
馬鞍山線沙田圍站下午約四時亦關閉,站內的出入閘機及售票機再有損毀,職員在大閘張貼關站的通告。
觀塘線觀塘站亦拉閘關閉,大堂地面留有噴漆,之後有蒙面的人來到,打開雨傘、搖動鐵閘,又指罵站內警員,一批防暴警察到天橋驅散,有人懷疑襲擊警員後,引發一輪混亂,之後多名警員將一人壓在地上,附近的人與警員理論,雙方推撞,警員施放胡椒噴霧,之後退回地面上車離開。
拉燈網:【屌你老母】又有女手足被捕時被摸胸

143 則留言:

  1. 金融戰線係正路,不過唔係呢班垃圾可以做到,打金融戰係索羅斯級數先做到。
    之後4點,都係小學雞行為。
    有種佔領埋港奸所。

    回覆刪除
    回覆
    1. 金融方面都叫盡晒力,提錢同換外幣。
      不過唔知影相呃like後,有冇入返入銀行or一個唔覺意洗晒呢。

      刪除
    2. 班有青以為裝修鋪面令到人地做唔到生意便是「金融戰線」, 天真得幾可愛.

      刪除
    3. 唔天真又真係呃唔到佢哋喎.....

      刪除
  2. //《【緊急】革命成功關鍵:金融戰線》
    //裝修好重要,因為可以癱瘓佢地運作,包括中旅社、三中商,但係中環個邊啲中資企業總部,應該要特別留意一下,
    淘寶呢順豐呢, 又唔去封殺XD

    //有人擲了一袋蟑螂
    想知邊度有一袋袋曱甴。。不能否認真喺有啲創意嘅。

    //係咪到傷巷立國(見拉燈網《係咪要去到當眾槍殺,香港人先會醒》
    仲有人會傻到諗埋呢啲類似南海開油田嘅嘢?

    回覆刪除
    回覆
    1. 依個仲有創意啦,不過會威脅任何人生命
      有青自創投石機

      刪除
    2. 投石機係一千年前既"創意", 而且成功品會用上唔少物理知識
      呢款純人力既, 除佐能量損耗無任何意義, 仲衰過用手掟
      所以你話讀書幾咁重要
      唔讀書邊有前途架

      -- Dogdogchi

      刪除
    3. //呢款純人力既, 除佐能量損耗無任何意義, 仲衰過用手掟

      根本「投」唔遠。無鬼用,乜都係家家酒形式。

      我記得有一部「投石機」係用瑜珈用的彈性膠帶去做「丫叉」發射,咁樣威力應該大啲。

      //唔讀書邊有前途架

      有青就是不學無術。

      刪除
    4. nothing to lose 嘛, 個腦點會有嘢呢?!

      刪除
  3. //不如咁喇,777就再次發動《緊急法》,用來設立《公投法》,公投4大訴求
    其實可唔可以公投是否同意停左個「運動」去?我覺得依家支持暴徒既人根本就唔多,好多人都只係驚左佢地而已。

    回覆刪除
    回覆
    1. //我覺得依家支持暴徒既人根本就唔多,好多人都只係驚左佢地而已。

      200萬+1 去咗邊?唔通都係勝利球迷,見勢色不對,口講唔割蓆但個心一早割咗?

      刪除
    2. //200萬+1 去咗邊?

      我親戚咪早期嗰200萬去支持,一見佢哋圍堵税局都割席咗。早期發現,末期冇得醫。

      刪除
    3. //早期發現,末期冇得醫。

      恭喜!

      刪除
  4. 公投只是另一種災難,看下英國的公投搞到脫歐。直到現在都未斷尾。

    對反對派的我主你民理論,公投輸了是殺人政權和港豬的錯,都是會升級暴力。

    回覆刪除
    回覆
    1. 差包剪拓啦不如.差贏就可以做皇帝,日理萬姬.

      不過公投都好. 唔啱自己心水, 又可以嚟過, 直到得出自己想要嘅結果, 先認嗰個係真嘅結果. 幾好啊.

      第一個公投嘅題目係:
      1) 首褲嘅財產, 要拎幾多出嚟, 俾大家分:
      全部/所有/一切/百份百/其他:

      刪除
    2. //對反對派的我主你民理論,公投輸了是殺人政權和港豬的錯,都是會升級暴力。

      點睇都有部分訴求可以贏(例如調查會、重啟政改),一般人可能會收貨。
      最衰就係有青今次的心態係一定要贏盡,呢個真係難處理。

      //首褲嘅財產, 要拎幾多出嚟, 俾大家分

      其實有青都係想分身家 XD

      刪除
    3. 包剪揼幾好呀。
      不嚴密既計算,只要連贏廿三場就可以做香港首長
      簡直係民主獨裁以外既另一出路(笑)

      刪除
    4. //簡直係民主獨裁以外既另一出路(笑)

      原來公投的終極進化版就係猜拳! XD

      刪除
    5. // 原來公投的終極進化版就係猜拳! XD

      其實真係威㗎, 可以大叫"阿媽, 我有咗啦!"

      // 其實有青都係想分身家 XD
      好幾年前, 有啲年青人係旺角叫咪, 我一聽, 頂你, 咪即係共人哋啲產. 其實佢哋好多都唔知自己做緊乜, 支持緊啲乜.....

      刪除
    6. //旺角叫咪, 我一聽, 頂你, 咪即係共人哋啲產. 其實佢哋好多都唔知自己做緊乜, 支持緊啲乜.....

      我真係好想知道,公投「解散警隊」會投到乜嘢出嚟。

      又其實班200萬+1知唔知道有啲政治口號如果真係落實,會好大鑊?

      刪除
    7. ///又其實班200萬+1知唔知道有啲政治口號如果真係落實,會好大鑊?//

      唔知, 唔想知, 亦唔駛知

      反正大陸唔會俾 - 駛乜驚, 阿爺系大廳

      佢地深心裏其實係當佐阿爺係安全網,

      當然佢地會有個自高身價既解釋:阿爺無佐香港唔得//香港亂阿爺玩完//大陸人對香港都神往//高官成副身家放晒系香港

      --Dogdogchi

      刪除
    8. //佢地深心裏其實係當佐阿爺係安全網

      佢地成日以為自己係金叵蘿,阿爺點都錫住唔俾我城死。

      刪除
  5. //有人擲了一袋蟑螂

    叫你曱甴就擲一袋曱甴,叫你老鼠咪擲袋老鼠出嚟

    回覆刪除
    回覆
    1. 有青俾人叫佢地做曱甴,看不到希望,於是便自暴自棄起來。XD

      刪除
    2. 聽睇咗 小丑 Joker套戲啲人講好嚇人,似有青?

      刪除
    3. 我通常唔睇首輪電影,要等出碟再煲。

      刪除
  6. 大波妹可能恃住自己有大Bumper,所以點撞都唔驚黑警卦!嘻嘻!

    回覆刪除
  7. //想知邊度有一袋袋曱甴。。不能否認真喺有啲創意嘅。//

    我就覺得好弱智,
    人地笑你,你拎泥玩,說明你唔介意,係一種常用淡化污名既公關手段,
    內地明星吳亦凡,俾網民笑佢系綜藝節目中亂RAP大碗面,之後佢直接出佐首"大碗面"泥自嘲,贏得網友唔少掌聲

    問題係曱甴本質就係俾人憎惡
    豬狗老鼠都可以洗白, 甚至有廣受歡迎既卡通化作品
    唯獨曱甴係有本事引起人心中原始既憎厭, 真正雖無過犯, 面目可憎 - 卡通化就無, 漫畫化就有一本火星異種

    掟向警察就笑O者
    如果唔小心系自己陣型度走佐2—3隻出泥
    就自己友都雞飛狗跳
    自己人都怕,人見人憎,點兜

    --Dogdogchi

    回覆刪除
    回覆
    1. 漫畫都有出過蟑螂娘架XD

      刪除
    2. 其實我覺得如果把他們比做曱甴,曱甴們也可能會覺得自己被侮辱了。曱甴們:「神」創造出我們是這樣的,不是我們可以選擇或改變的﹗我們雖無過犯,耐何我們天生面目可憎,所以不受歡迎,也只好躱在黑暗中,為生存偷偷覓食。但明明我們世世代代都沒有做過任何傷天害理的事情,不受歡迎也算了,何以這樣侮辱我們的曱甴格?就算是曱甴也有尊嚴的﹗

      刪除
    3. 叫佢地曱甴都影衰咗曱甴
      曱甴喺生態圈有佢地嘅價值
      呢班垃圾係拎去循環製造都嫌佢污糟

      刪除
    4. //人地笑你,你拎泥玩,說明你唔介意,係一種常用淡化污名既公關手段

      nothing to lose 嘛,自嘲又算得是甚麼?

      //明明我們世世代代都沒有做過任何傷天害理的事情,不受歡迎也算了,何以這樣侮辱我們的曱甴格?

      曱甴會傳播病菌 XD

      //呢班垃圾係拎去循環製造都嫌佢污糟

      「他們還是小孩」

      刪除
    5. 甲由生命力強横喎....佢哋算吧啦.

      刪除
  8. //大波妹可能恃住自己有大Bumper,所以點撞都唔驚黑警卦!嘻嘻!…/

    我兜
    因為女暴徒只能由女警處理, 而唔係成日有女警在場,
    當有女警在場時, 就要先配合女警制服女暴徒, 以免其影響整個行動

    --Dogdogchi

    回覆刪除
    回覆
    1. 女警唔係時時在場,要調配。緊急情況下男警都要出手。

      今次呢件事唔知會唔會搞到警隊無新血,遲幾年會青黃不接。

      刪除
    2. //搞到警隊無新血

      睇下炳強哥有冇力,中共會吾會喺示威後,頒發個人獎項,見到依家警察合拍咗捉人,似有獎攞兩份分咁。

      刪除
    3. 感覺上警隊士氣好似好返啲。可能已經慣咗班有青的示威模式。

      刪除
    4. 今日記招二哥講完,心都定啲。

      刪除
    5. 團結加策略真係好緊要。

      刪除
    6. 只要加多些人工,我相信有青都可能吊轉槍頭加入高牆的一方xddd

      刪除
    7. 愛美神飛彈原來係咁用嘅. 我成日以為係射出去嘅添.

      刪除
    8. //二哥噏咗乜?

      一開場播一輪罪證,又不停三句吾埋稱呼暴徒、罪犯、暴徒、罪犯,好似知道班混蛋會質佢哋now車長啲嘢咪塞咗一大咋屎畀佢哋睇咗先,二哥講嘢語氣肯定,又有策略,又用其他政府部門車掩護成功捉人,又話乜可行辦法都會諗都會試,又話你哋針對警方行為只會令我們更團結,話招募其他部門員工協助踏浪行動,見最近有批藍背心維持秩序都OK。
      聽完心都定埋,好似有個啪咗海狗丸猛男與你同在。

      刪除
    9. >今次呢件事唔知會唔會搞到警隊無新血,遲幾年會青黃不接。

      只要每日150優先精壯的,薪高糧準,又送樓養老,大把人又肯屈就,怕乜

      刪除
  9. 尋日死人蘋果仲歌頌個 起飛腳踢防暴警既體 封佢做武士勇救手足 真係畀蘋果害死年青人

    啲相啲位立眼真係好似個克警踩住示威者個頭
    另外張似隻手摸住個胸咁,望真係女警來。

    回覆刪除
    回覆

    1. //畀蘋果害死年青人

      可惜無人同佢「裝修」。

      //好似個克警踩住示威者個頭

      好易有錯覺。其實隻腳係在犯人個頭隔離。

      //另外張似隻手摸住個胸咁,望真係女警來。

      我初頭都無留意係女警 XC

      刪除
  10. 暴力已經進化到無法無天的地步了。
    這些人作的業,不知道可以怎樣使他們償還?
    靠法庭裁決?十個才拉到一個,更何況法治並不公平,也不可靠。
    票債票償?早幾天才有人提出讓泛民大勝一場,讓他們不能再繼續有破壞無建設。
    夾錢登報章讉責?讉責其實不過是弱者的所為,是戰敗者的哀號,是推卸責任的盾牌而已。
    政府、警隊的表現,總是如此克制,克制得像坐視暴徒破壞,叫商戶市民好自為之一樣。

    作為受暴動影響生計的市民,我沒有高官每月定時定候準時出糧,沒有警員加班的額外收入。
    只有東湊西借,捉襟見肘的生活,只有拖欠租金,隨時無家可歸的不安。
    你們的克制與不作為,到底是文明理性的表現,還是對我們的殘酷無情?
    政府,我已經沒有再耗下去的耐性了,換你是我,該自行上街制暴,還是自行上街開源?

    回覆刪除
    回覆
    1. 你的遭遇我深表同情,咁有冇乜好提議

      刪除
    2. //沒有高官每月定時定候準時出糧,沒有警員加班的額外收入//
      //你們的克制與不作為,到底是文明理性的表現,還是對我們的殘酷無情?//
      //我已經沒有再耗下去的耐性了//

      聞到乜事啦, 梗係要政府做野

      香港唔係100%既獨裁社會, 200萬+1人既意見都要尊重既

      雙方都有自己既底線, 兩面傾唔埋攔, 唯有係咁拖住

      結果, 就要等是但一邊無力再堅持, 先會分出勝負

      有人無錢, 200萬+1人大把, 有排拖

      --Dogdogchi

      刪除
    3. //作為受暴動影響生計的市民,我沒有高官每月定時定候準時出糧,沒有警員加班的額外收入。
      只有東湊西借,捉襟見肘的生活,只有拖欠租金,隨時無家可歸的不安。
      你們的克制與不作為,到底是文明理性的表現,還是對我們的殘酷無情?//

      感同身受。我每更放工都要上網睇吓班有青攻擊邊度,再繞道避開佢地,否則隨時返唔到屋企休息。有時不禁會想,為何我地呢啲奉錢守法我市民要咁折墮。

      //聞到乜事啦, 梗係要政府做野

      唔係「有事梗係屌咗政府先」,而係政府、警隊係要守護市民的人身安全,保障財產;現在黑衣軍肆意攻打不同攻見的市民、商店、議員,又設下路障搜車,儼如地下執法者,這種情況只會發生在第三世界由軍閥統治的地方,而不是自稱跟紐約倫敦齊名的我城。縱容暴徒犯罪,這一定是政府與警隊的失職。

      如果警隊無經驗處理這些事項,可否問道於蟶國顧問?如果警力不足以平亂,777是否應考慮尋求武警/老解協助?

      刪除
    4. //縱容暴徒犯罪,這一定是政府與警隊的失職

      叮一聲諗起句成語,「賞不勸謂之止善,罰不懲謂之縱惡」

      蟶國顧問即係邊度?777話都會考慮尋求中共商量。

      刪除
    5. 蝗國應該有唔少實戰/學術官員可提供「止亂制暴」心得, 777可以請益意見, 去蕪存菁, 再improvise 睇下點用落我城. 聽意見可用可不用,唔算係殺人政權無視一國兩制.

      刪除
    6. 我覺得殺人政權對傷港高官已經冇晒心機,由殺人政權角度出發,今次已經變成一個好機會,近距離觀察顏色革命係點搞,包括點做文宣,點搵代言人做搞手等等,汲取經驗,一可防範於未然,二來可以用同一招搞散台灣。

      刪除
    7. 我城呢幾年的存在價值好似只係做反面教材。

      刪除
    8. 「心戰」試驗場,畢竟共產主義的中國在民主地區打心戰相比西方真是bb班。

      雖然警方做法有問題,但相比其他暴亂地區,法國,委內瑞拉,印尼,伊拉克,烏克蘭和厄瓜多爾持續多日仍然保持零死亡是非常高質。

      或者世界各地警方面對暴亂都是天下烏鴉一樣黑,但相比暴徒。他們的惡只是小惡,暴徒才是大惡。

      刪除
    9. 我們港豬廢中要習慣兩套秩序長期並存了

      外出就餐要習慣門口突然進來一群蒙面黑衣砸完商鋪遞給自己一張紙巾。走出餐廳要習慣街口飛過几枚汽油彈要識得自己騰挪躲避。要研究多重交通路線如何能隨時變換不遲到OT完能回到家......我們要進化,去適應亂世,繼續好好生活。

      刪除
    10. 國際政情關係,大陸冇可能直接派人落嚟。但係,警察全身護甲,人手散彈槍,同全隊裝甲車,大陸應該支援香港。仲有網絡電子上嘅軍事等級支援亦都重要。但係依家仍然一樣都見唔到。

      刪除
    11. 裝備的支援只是細枝末節,主要還是港府自己能硬起來。

      醫管局又被北京點名。本來應該是港府自己做,都是港府不做要阿爺做,會讓黃絲更加恐中。

      刪除
    12. //To2019年10月15日 下午12:41
      ...大陸應該支援香港//

      香港政府有無叫救命, 開口要阿幫先?

      無, 中央"幫手", 都會係中央干預香港施政

      //醫管局又被北京點名//

      阿爺出口術表達下個人意見, 唔算干政

      --Dogdogchi

      刪除
    13. //雖然警方做法有問題,但相比其他暴亂地區,法國,委內瑞拉,印尼,伊拉克,烏克蘭和厄瓜多爾持續多日仍然保持零死亡是非常高質。

      搞到要同第三世界比較,真係傷害了廣大傷民的「民族感情」呀。

      //我們要進化,去適應亂世,繼續好好生活。

      聽說曱甴的生命力最強,最能適應環境,就算核戰都能活下去 XD

      //但係依家仍然一樣都見唔到。

      That's why 我對警隊好失望。太平盛世就無問題,一到「亂世」就見到好多嘢都唔係好專業。

      //本來應該是港府自己做,都是港府不做要阿爺做,會讓黃絲更加恐中。

      無論係正苦又好,警隊又好,與其埋怨被黃C用假新聞抹黑,不如先反省下點解自己一俾人抹黑就咁多人信,仲要信埋啲荒誕不經的指控。人地亂篤都篤得死你,咁你自己真係有問題囉。

      //中央"幫手", 都會係中央干預香港施政
      //阿爺出口術表達下個人意見, 唔算干政

      可以藉口搞交流會、分享會通水。

      刪除
    14. //醫管局又被北京點名

      有冇link分享

      刪除
    15. https://www.bastillepost.com/hongkong/article/5249443

      刪除
    16. Thanks.
      都係既,依D“和理非”最乞人憎,醫管局仲講乜慰問關心,剛上場的管理層一上埸即刻聯名支持政府和警隊反暴力,可能佢見“和理非”啦,所以“和理非”最奸狡。
      阿爺都好密切注視事態發展,之前見過有渠道送資料上去。

      刪除
    17. //本應救死扶傷的醫生參與暴力活動已讓人扼腕歎息
      //警方指出警員曾兩次警告停止叫囂及離開,但對方拒絕聽從,最後將他拘捕,事後證實是一名政府醫生。

      如果只係叫囂,又未至於係「參與暴力活動」嘅。官媒咁講就唔係報導緊事實喇。

      不過,就係呢種「和理非」最乞人憎,以小惡去掩護大惡,就算捉到又唔係重罪,革命成功佢又有份,革命失敗佢又可以返屋企變臉,真係無得輸。

      刪除
    18. // 阿爺出口術表達下個人意見, 唔算干政

      民主自由人士話, 除咗阿爺之外, 任何人都可以表達意見. 而表達不同意見嘅, 就會歸類為豬!!!
      明白無!?

      刪除
    19. //無論係正苦又好,警隊又好,與其埋怨被黃C用假新聞抹黑,不如先反省下點解自己一俾人抹黑就咁多人信,仲要信埋啲荒誕不經的指控。人地亂篤都篤得死你,咁你自己真係有問題囉。

      我認為與其說是自身問題,不如說是沒有管好傳媒和教育界之過。容忍他們以歧視、侮辱抺黑國家,甚至縱容政府官媒變成反政府喉舌,任由偏頗言論薪火相傳二十幾年之後,還有多少民眾能明辨是非?

      刪除
    20. //表達不同意見嘅, 就會歸類為豬!!!

      「唔出聲無人話你豬」

      //我認為與其說是自身問題,不如說是沒有管好傳媒和教育界之過。
      //任由偏頗言論薪火相傳二十幾年之後,還有多少民眾能明辨是非?

      其實都係自身的問題。明知毒果、臘腸、黃師等人都唯恐天下不亂,人人反政府,而政府卻20幾年來都無作為,你話係咪自己攞嚟衰?

      刪除
  11. D有青比黑警扑一棍就喊晒口話要譴責
    點搞革命,點搞抗爭呀?

    回覆刪除
  12. 割頸可唔可以告謀殺..
    天理不容..

    回覆刪除
    回覆
    1. 「藝士只是在行正義」

      應該都有200萬+1支持刺客。

      刪除
    2. 看了刺殺警員這個中學生的背景,家姐是旺角暴動犯,真的很擔心香港會出現以學生為主的日本赤軍。

      刪除
    3. 要睇埋佢地父母係乜水,可能係革命黨世家出身 XD

      刪除
  13. 回覆
    1. 拉燈仔最叻就係人云亦云,不斷起哄。

      刪除
  14. 現在香港納粹蒙面黑衣軍,急需一條人命去繼續做他們的圖騰和精神支柱。

    所以當跳海自殺的女生,學校cctv無法給出他們要求的結果,就開始發狂破壞學校。

    回覆刪除
    回覆
    1. 拉燈仔又話死咗好多人嘅?831呀,浮屍呀嗰啲。唔係心虛到連「死者」姓名都無,家屬又個個收晒掩口費唔出聲下話?

      其實所有非自然死亡(包括自殺)的個案都會排死因庭, 唔係任班黑警噏的.

      刪除
    2. 831呀,浮屍呀嗰啲。唔係心虛到連「死者」姓名都無,家屬又個個收晒掩口費唔出聲下話?
      --------------------------
      黃C紅著眼呲牙咧嘴地回應
      1。死者家人/朋友/學校/公司全部被滅口了 或
      2。死者家人/朋友/學校/公司唔敢報警唔敢報傳媒包括臘腸毒果驚被警方算賬 或
      3。死者失學失業失家人朋友
      反正就係
      黑.警.殺.左.好.多.義.士! 哼!

      刪除
    3. 個浮屍又生安警察姦殺棄屍大海,只見蘋果吹全裸女屍,見有片不過吾知係咪嗰個。

      膽小勿入

      刪除
    4. 依家女死者家人畀班示威者在傷口灑塩,摷料摷到要差佬認先停咁。

      刪除
    5. 其實浸咗幾日,啲衫甩咗又乜出奇?同埋屍體會發脹,儘快火化亦係正常。

      刪除

    6. Anonymous2019年10月15日 下午9:02 請留意版規:

      (香港時間2019年8月3日下午6時20分生效)
      另外,作為負責任的網主,如果網友留言包含 link 及/或 video 的話,魔術師會先行 fact check;但此等做法會令魔術師工作量大增,故希望一眾網友如有 link 及/或 video 分享,請先行節錄重點。如魔術師發現有某些網友經常不負責任地留下無 substance 的留言或 reference,魔術師有權直接將違規留言刪除,毋需事先警告,敬請自重。

      刪除
    7. // 學校cctv無法給出他們要求的結果

      其實有可能根本就無佢哋所謂嘅片斷.

      刪除
    8. 嘩好黑暗呀,即喺好似傷巷良心陳方開針嗰大佬疑似對待彭楚盈案咁?甩咗個頭死因庭都話只喺死於不幸咁?XD

      刪除
    9. https://zh.wikipedia.org/wiki/彭楚盈

      //1999年被人發現於方曼生的物業中身首異處,估計死去4年。
      //2006年3月,死因庭陪審團退庭商議約4小時後,一致裁定彭楚盈「死於不幸或意外」,極有可能由於濫用藥物、或嘔吐窒息致死。

      可能因為皮肉腐爛搞到甩咗個頭啫...(良心究竟去咗邊?)

      刪除
  15. 其實班垃圾只係想共產而已

    回覆刪除
    回覆
    1. 鬼叫我城的前任財爺是守財奴,儲儲埋埋咁多錢,實多人打主意。

      刪除
    2. // 其實班垃圾只係想共產而已

      打住資本主義,但行共產主義. 而且唔知自己行緊....哈哈....有咩嚟形容佢哋呢?行C走肉?

      刪除
    3. //有咩嚟形容佢哋呢?行C走肉?

      精神分裂

      刪除
  16. //鬼叫我城的前任財爺是守財奴,儲儲埋埋咁多錢,實多人打主意。//

    前任財爺係薯片叔喎, 萬民擁戴喎, 佢做既野一定係為國為民, 唔會有錯既

    -- Dogdogchi

    回覆刪除
    回覆
    1. 諗住自己上莊時駛, 點知飛蛾出來撲火

      刪除
    2. 唔通薯片叔先無幕後大佬?

      刪除
  17. 其實黃屍係好需要全世界關注,特別係洋腸,無奈英、法、西都有“港式”示威搶fo,而且洋腸黑警以勇武行為鼓勵同行大大力打,小氣黃屍玻璃心碎到一地都係。

    回覆刪除
    回覆
    1. 有青唯有欺負走得了人走不了店的黨鐵和美心... -_-

      刪除
  18. 【逃犯條例】蔡維邦撰文:應譴責非法行為 大律師公會卻沉默
    https://www.hk01.com/article/386165

    終於有個講返人話既律師

    回覆刪除
    回覆
    1. 換你是幕後大佬想叫停暴徒,你覺得突然一齊全線轉口風好,還是搵個人出嚟吹雞扮良心好呢?

      Anyway,無論如何,支持止亂制暴的聲音,哪怕是出自人渣黎老闆之口。

      刪除
    2. //最終或嚴重衝擊香港獨特但愈益不穩的有限度自治體制。

      呢句可圈可點。

      //支持止亂制暴的聲音,哪怕是出自人渣黎老闆之口。

      「不應因人廢言」

      刪除
  19. 37歲地盤工被捕 涉發放「被拘留者虐打致死」流言
    Too little, too late。等流言滿天飛了四個月、愈傳愈感染市民仇警時才拘捕一個人,真是難以致信。
    施政報告也沒具體措施止亂,這個政府想怎樣?

    回覆刪除
    回覆
    1. //據悉,被捕地盤工並非社運人士,鮮有活躍於近期的反修例運動中。

      咁即係明玩有青的花生友?

      //施政報告也沒具體措施止亂,這個政府想怎樣?

      唔係吖!逼哂班「香港人」做樓奴,到時仲敢搞搞震玩攬炒?

      刪除
  20. 收到朋友未證實的消息,民陣和國難五金準備開片

    回覆刪除
    回覆
    1. 乜叫國難五金?

      刪除
    2. //國難五金

      Google 大把料。基本上「國難五金」係暴徒的裝備供應商,睇拉燈網話佢地以$10一個頭盔賣俾班有青。

      //民陣和國難五金準備開片
      //累低咗喺地下有血。

      【岑子杰遇襲】民陣:岑子杰遭五漢鐵槌襲擊 倒臥馬路半身染血

      刪除
    3. 【岑子杰遇襲】民陣:岑子杰遭五漢鐵槌襲擊 倒臥馬路半身染血
      ------------------------
      1。振奮人心
      2。好治癒
      3。點解用錘仔唔用大錘姐~~~
      4。一定係義士做嘅 驚20號唔夠人嘛
      5。送院仲清醒 扮嗮魚蝦蟹
      6。獅鳥 屎尿 獅鳥 屎尿!

      睇得拉燈網多嘅後遺症

      刪除
    4. 前幾日國難五金老闆被人毆

      國難五金老闆屌過幾次民陣濫用捐款

      刪除
    5. 上去國難五金fb話罷工,勸佢哋吾好搞美心話連西餅都冇得食。呢單迫真過震乳,香港政治都好恐怖。

      刪除
    6. 岑子杰上白車第一句話 五大訴求缺一不可

      群眾演員也是演員

      刪除
    7. 莫非是就是有社團老大喜歡吃西餅,美心是他有了錢第一次吃到的西餅,現在因此無比煩躁,call 錘手。

      刪除
    8. 基佬即係基佬,被扑都要擺番個靓pose被人睇。
      我覺得好假。

      刪除
    9. 扑能short咗定喇。好多網民都吾信問佢係咪偽旗行動又話咁識揀件紅色衫著。

      刪除
    10. //香港政治都好恐怖。

      我覺得係我城的民主派都好恐怖就真.

      //美心是他有了錢第一次吃到的西餅,現在因此無比煩躁

      美心西餅、快餐、壽司大把整好咗啲食物因為曱甴攻擊提早收鋪賣唔去, 浪費哂啲食材!

      //基佬即係基佬,被扑都要擺番個靓pose被人睇。
      //好多網民都吾信問佢係咪偽旗行動又話咁識揀件紅色衫著。

      好似好多人唔係好順呀岑哥仔咁. 點解會咁嘅?

      刪除
    11. 我最不順是林卓廷和朱凱迪

      至少岑哥不用我出糧

      刪除
    12. 睇過有篇報導話岑哥仔中學時,有個肥妹同學有好大浸體味,冇同學肯同佢坐,岑哥仔話佢捱義氣同佢坐咗成年,真係吾話得。
      國難五金嗰老細問網民選長毛好定岑哥仔,啲網民叫佢揀長毛。咁多人吾順佢可能見佢初初冒起,就玩到咁寸卦,似兩邊黨派都吾妥佢。

      刪除
    13. //睇過有篇報導話岑哥仔中學時
      係咪真報導,定係文宣?
      //肥妹同學有好大浸體味
      呢味嘢好難講,有啲人鍾意㗎。
      我唔妥佢,第一就係佢虚偽,第二就係佢個造型。

      刪除
    14. 睇唔順眼,梗係獅鳥。販民都唔割蓆,即係佢地都覺得無問題喇!

      刪除
    15. //係咪真報導,定係文宣?

      應該真報導,佢親口講,佢講完又冇話會對佢加分既,只會覺佢僻好奇特,不過吾知係咪咁樣,從此對女性已再沒有幻想和渴望了。
      不割蓆、不篤灰可能係販民班友一貫口號,我見國難五金老細都喺fb罷工就嗌呢D口號出來,似吾似掩耳盜鈴。

      刪除
    16. //睇過有篇報導話岑哥仔中學時,有個肥妹同學有好大浸體味,冇同學肯同佢坐,岑哥仔話佢捱義氣同佢坐咗成年,真係吾話得。//

      結果係真既, 原因就唔一定
      以我個人中學時既經驗,
      班裏面總有幾個奇奇怪怪/唔受歡迎既同學仔
      一般都係少少被排擠,
      最後只好圍爐取暖坐埋一堆

      -- Dogdogchi

      刪除
    17. //班裏面總有幾個奇奇怪怪/唔受歡迎既同學仔
      一般都係少少被排擠,//

      我都係架。鬼叫自己讀書成績好,又乖又聽話,老師又錫我,所以便會受「有青」排擠。

      刪除
  21. 每次大遊行前岑生都俾人扑濕,真係好巧合!
    經過今次大暴亂,香港出左好多最佳新演員、影帝影后,睇黎唔食政治飯入演藝界都揾到食!

    呢一兩星期發現左個新媒體新唐人電視台,開親手機谷歌主頁就彈佢D新聞出黎。搜尋過係美國既華人媒體,查實關我地香港乜事!?日日彈出黎,報導似足大X元。

    回覆刪除
    回覆
    1. //新唐人電視

      存在咗好幾年的了. 可能你平日唔多睇新聞?

      刪除
    2. //新唐人電視

      存在咗好幾年的了. 真係好大妓院 feel 的. 可能你平日唔多睇新聞?

      刪除
    3. 多數開yahoo睇,貪佢咩報紙都有,同埋有好多精警留言睇XD

      但Google搜尋主頁(手機版)我都有用,一向只見到香港的一堆傳媒,有時都見有台灣的,但唐人呢個的確最近先出現係果一頁,我仲以為係新嘢添。都唔知係咪之前㩒過入台灣某份報紙既連結先咁樣,其實唔係好想見到呢個台既報導,標題誇張,好毒。

      刪除
    4. 呢間直頭係大妓院電視版.

      刪除
    5. 以前常用 Google news 睇新聞。自六月初起,發現黃媒報導泛濫,超過一半都是立腸,毒果,自由時報等,連自訂的block list也失效,背後是什麼原因心中有數,自此改用yahoo news 算了

      刪除
    6. 新唐人電視台好多年啦,和大妓院都是邪教法輪功的媒體,十幾年都重有錢營運,你話無外國政府資助都無人信

      刪除
    7. 講起法輪功,其實呢4個月都見過好幾次暴徒響牆上面噴“天滅中共”...
      台灣佬響傷港講普通話難道又唔驚俾人私了...XD

      刪除
    8. //用 Google news 睇新聞
      //改用yahoo news

      哈,我 old school 到只睇有線同埋人言報。

      //其實呢4個月都見過好幾次暴徒響牆上面噴“天滅中共”...

      我覺得係班有青怕寫錯字,唯有照抄人地。

      刪除
  22. 蔡的師傅駱果然不甘寂寞出來寫文章

    居然說警方使用過度武力,吾等只嫌警察太過溫柔

    居然說警署內毆打十分普遍,按照香港法治精神,大律師說話要有證據,他提供不到證據警隊應該告他誹謗,不過卸膊盧應該沒這個擔當。

    眾目睽睽之下暴徒瘋狂襲警被槍擊,居然還要質疑。

    這種大律師,正是香港沉淪之推手。只譴責暴力當然無濟於事,需要的是盡快以法律制裁暴徒,推動緊急法下制定辱警罪和簡易快速暴動罪法庭,以雷霆之勢止暴。對暴徒的仁慈,就是在對普通市民犯罪。

    回覆刪除
    回覆
    1. 所謂西方國家慣例,正好看看英國西班牙怎麼對付暴力示威。

      刪除
    2. 有條片港鐵載著一大班警察抗暴,一路出班市民一路影一路用粗口鬧又話黑社會又呢樣嗰樣,如果在美國一早槍斃咗啦。美國警察個個大大舊,女人都同你撻生魚。今日睇到警察爭取同雅居樂以優惠價團購打造香港城,配套完善比退休公務員住,襯水爭取多啲福利。

      刪除
    3. 看了小姑娘媽媽出來說女兒思覺失調的殘酷回憶,我心裡非常痛苦和酸楚。

      我自己是家族遺傳的問題,隨著年紀增大,大腦分泌的一種血清素越來越少,現在需要一直依靠藥物來維持正常工作和生活。在確診和開始服藥之前那半年,從正常人突然變作重度抑鬱的經歷,是不堪回憶的。現在小姑娘媽媽的傷疤,就這麼被血淋淋撕開......

      刪除
    4. 呢場運動真係好殘酷,有部分人抑鬱潛伏內在而不自知,就襯一啲刺激觸發而爆發出來,叫acute depression,你情況一定要表達出來,少啲接觸負面事情,雖然旁人講什麼也幫助不大,重要在於有人聆聽,接觸多啲快樂樂觀既人,魔術師常伴你左右。
      班仆街真係好能衰,喺人哋老母個傷口灑腐蝕性液體,最後都要講聲多謝TVB。

      刪除
    5. //這種大律師,正是香港沉淪之推手。只譴責暴力當然無濟於事,需要的是盡快以法律制裁暴徒,推動緊急法下制定辱警罪和簡易快速暴動罪法庭,以雷霆之勢止暴。對暴徒的仁慈,就是在對普通市民犯罪。

      巷豬可能天真到以為洋人真係會「主持公道」?

      //正好看看英國西班牙怎麼對付暴力示威。

      正是。

      //今日睇到警察爭取同雅居樂以優惠價團購打造香港城,配套完善比退休公務員住,襯水爭取多啲福利。

      咦?唔知道有咁嘅事添!

      //思覺失調
      //你情況一定要表達出來,少啲接觸負面事情,雖然旁人講什麼也幫助不大,重要在於有人聆聽,接觸多啲快樂樂觀既人,魔術師常伴你左右。

      多多嚟住, 睇吓水電貓, 好治癒的。

      //班仆街真係好能衰,喺人哋老母個傷口灑腐蝕性液體

      班有青又攏祭壇,話要幫小妹妹報仇(我在FB見到,唔記得 cap 圖),呢班人先係思覺失調就真。

      刪除
    6. 我就當自己好似高血壓要吃降壓藥,糖尿病要打胰島素那樣,是生理疾病咯

      刪除
    7. 是的,與病同行,將疾病當成是自己身體的一部分,情緒便可以輕鬆得多,壓力也少得多。

      共勉之(我唔用「Samuel 兄加油」喇)。

      刪除
  23. 在下CD rom, 但突然好想回下呢個:
    "我城正苦其實真係要諗下係乜嘢令到我城呢個算係安穩的地方產生出咁多極端恐怖、滿口歪理的有青?係教育、道德倫理文化、家庭、經濟架構、討論區、傳霉、定係AV網站?"
    我覺得係因為樓價不斷高加上大陸人中下3個level溝淡香港人, 新一代打工10k+,對未無希望, 一附nothing to lose的自毀心態, 政府宜家仲要整個政策出來谷樓價。真心覺得主力搞事的可能只係1,000-2,000, 搞完就閃, 然後俾人拉的大部份都係呢班俾人冼左來又唔識走的。

    唔知有乜方法可以多D人割蓆, 大陸一直做野太dirty搞到宜家勇武有乜過左份, 一係話黑警, 一係就係大陸都咁咁做野,再加埋群眾壓力, 合理化唔割蓆。或者推個租管, 再整個獨立調查委員會,睇下會唔會多D和理非夠膽割

    回覆刪除
    回覆
    1. //新一代打工10k+

      我96年剛畢業第一份工是10K, 9月入職, 做了4個, 加人工至13K. 表面上好似廿幾年入職點無加過人工, 但其實跟大學生 supply 大增不無關係.

      //對未無希望, 一附nothing to lose的自毀心態

      月尾影評會寫吓呢個 point

      //大陸一直做野太dirty搞到宜家勇武有乜過左份

      殺人政權自恃國情關係,有自己的辦事方式, 外界覺得你 dirty, 他們也不以為忤, 仲要自我感覺良好. 所謂「做人無公關就食得屎」, 真係唔知幾時殺人政櫂先會覺得一些迎合西方的形象工程是一些「必要的惡」.

      刪除
    2. 人民素質怪怪,收到親戚大陸手信明明喺大陸出產既食物,包裝袋會印有澳門特產/台灣手信,你哋冇嘢呀,正宗都吾認同身份。

      刪除