懲深對話未能講

（幕開）
（夜。）
（某豪宅的睡房裡。）
（一男一女蓋着薄被，同枕而眠。）
（忽然，薄被底下出現一些起伏。）
（男子驚醒，半住起來，順手按着床頭燈。）
男子：老婆！你又做乜呀！
（男子掀開薄被，只見女子捉住男子的左手，按在自己胸脯上。）
女子：老公，你可唔可以幫我 check 吓心跳？我怕我心律不正。
男子：（抽回左手，沒好氣地）你痴線咩？我又唔係醫生！呢度又無義務急救員，搵鬼同你 check 心跳！
女子：（含住一泡眼淚）但...但係人地個心真係揦住揦住吖馬！
男子：（擰轉身，拉過被單，背對女子）你個對話會都完咗幾日喇！你最多都只係被人問吓有無良心，同埋圍咗幾粒鐘啫。你可以無穿無爛咁走返出嚟，又無人叫你做 free lunch 天使，仲驚乜鬼？
女子：（挨着男子又的肩膀，啜泣起來）嗚嗚！那些天使，都是樣貌娟好的青春少艾，我人老珠黃，又如何能比？只是...只是...我這樣放下身段，還是得不到他們的體諒...我好恨！真的好恨！（唱）
「原諒話也不講半句
此刻生命在凝聚
過去你曾尋過　某段失去了的聲音
落日遠去　人期望　留住青春的一剎
風雨思念　置身夢裡　總會有唏噓
如果他朝此生得可與你
那管生命是無奈
過去也曾盡訴　往日心裡愛的聲音
就像隔世人期望　重拾當天的一切
此世短暫　轉身步過進肅剎了的空間
只求望一望　讓愛火永遠的高燒
青春請你歸來　再伴我一會」

男子：（睡意正濃）咁...咁佢地嘅聲音，你都已經聽到喇！你又有無採納佢地嘅意見呢？
女子：（掹搖男子的肩膀）有呀有呀！你睇！
（女子坐起身來，按着床頭燈，從床頭櫃取過眼鏡戴上，再拿起枱頭的平板電腦。）
女子：嗱！我終於的起心肝，在拉燈網開了個帳戶，每日花十五分鐘去睇...
男子：(打了個呵欠)咁...咁你又睇到啲乜呢？
女子：我...我睇到好多粗口囉！唔得，我一定要捉教育局局長返嚟照肺！
男子：（不耐煩地）依家啲年青人係咁架喇！語文能力偏低。你仲睇到啲乜呢？
女子：仲有教人整汽油彈嗰啲囉！同埋要本市自治囉！由爺爺到一哥的三萬手足都係仇家、敵人囉！我真係諗都唔敢諗！如果呢啲就係本市年青人的聲音，咁我就真係好離地，同個世界完全 disconnect 呀！（唱）

「從前未會想　感覺是雙方
你若燃亮我　我亦要懂得釋放
過去每日同路往　不懂珍惜那些境況
這晚我獨來獨往　卻是太後悔浪費共對時光
你這剎那在何方　我有說話未曾講
如何能連繫上　與你再相伴在旁
愛意要是沒迴響　世界與我又何干
原來仍然是你　叫我永不斷自強　如晨光」
男子：（差不多睡着）你終於都知道，最終大佬就係你阿爺喇咩？咁...咁你仲暸唔暸解到係乜嘢原因叫本市一代年輕人不惜犯法坐監都要抗爭？
女子：（怯懦地）我...我點知喎！
男子：（沒好氣）你話你睇完拉燈網，其實即係無睇到。依家班後生，已經衣食無憂，佢哋要追求的，是更高層次的滿足感。馬屎撈金字塔你無理由唔知掛？
女子：（猛搖男子的肩膀）老公老公！我斬係唔明呀！班後生衣食無憂，係咪都係靠父幹母幹？咁點解佢哋又咁鍾意笑人地要幹車返工嘅？點解佢哋又要攪炒嘅？攪炒咗父母都失業，又點能夠再衣食無憂呢？點解...（唱）
「無記性 無耳性 口多多〔BABY〕
何時才能期望一一改過
有了過錯 我再試過 可不可〔可不可〕
爸爸媽媽 從前亦也犯錯多
我怕上課 更怕那家課
最怕計算 答案有差錯
明日到底會像怎麼
問題天天都多」

男子：（撥開女子的手，不耐煩地）咪咁多點解，嘈住我訓喇！我都係老人家，點答你喎！呢啲問題，你咪留返下次對話會問返班後生轉頭囉！
女子：（從後緊緊抱住男子）老公！我怕無下次對話會喇！
男子：（不斷掙扎）你好放手喇吓！
女子：（將頭埋在男子的背肌）嗚嗚！依家個中學生傷得咁重，我依家連屋企門口都唔敢出，仲話搞對話會？
男子：（繼續掙扎）咁你都唔使捉住我止暴制亂架！（唱）
「世事混亂似靜未靜　站在那死角令我恨難平
誰情願寸地都給你霸領　只有再拼拼著活命
拼著活命退是沒命　命運你休再偽作淚盈盈
我那可屈膝恭恭也敬敬
天生我志氣傲絕對不需你同情
生原是一匹賭注　要勇氣來做決定
賭正顯我真本性　你聽那刺激歡呼聲
勝負未定決未認命　但令我憂憤是以後前程
我到底樓身於千變世界　心中寸寸願望有一天會達成
不管我勝或負但有血腥來做證」

女子：（從後熊抱男子，伸手到他胯下）老公，你係話件事係會以流血解決？我唔要坦克轆豬呀！
男子：（猛地推開女子，坐起身來）老婆，你幾十歲人就咪再發姣喇！你再係咁，我真係會同你離婚架！
女子：（大訝）吓？點解呀老公？我知我做咗呢個位幾年，一事無成，但唔通就抵唔住我地一齊幾十年，齊上齊落嘅盟誓？
男子：（嘆氣）唉，老婆，我都唔想架！（合唱）
「男：真的好想　精於某事情　好想好好的打拼
女：可惜得到只有劣評　沒有半粒星
男：真的不想　早給你定形　笑我那麼的拼命
女：幾年來毫無成績
男：地位未有躍升」

女子：（靠在男子胸膛上）老公，咁你有乜嘢苦衷呀！
男子：（沒好氣）你話就話有上拉燈網，但睇嘢都睇唔入腦！依家人地話「禍必及妻兒」，命仔尤關，逼不得已我都要同你離婚，兩個仔跟我，以後你唔使用埋我個姓喇！到時你就真係無嘢可以再輸，又搵唔到繼任人，你準備連任都得喇！
（女子慘叫一聲，口吐白沬，昏倒在床上。）
（幕下）
＊＊＊
伸延閱讀：
換到千般恨
睡前對話

中槍學生手術後情況轉為穩定 更新：2019/10/02 11:22

昨天荃灣衝突中被警員近距離開槍打中的中五學生，目前情況穩定。警務處處長盧偉聰認為，警員當時迫於無奈開槍，做法合理合法。
警方在各區合共拘捕約一百八十人，二十五名警員受傷。警方指，警員多次被示威者包圍襲擊，其中在荃灣沙咀道、大河道、油麻地，以及黃大仙，合共開了六發實彈。其中在荃灣中槍的十八歲中五學生，被警員近距離開槍打中，手術後無生命危險，情況由危殆轉為穩定。警務處處長盧偉聰認為警員當時迫於無奈開槍，做法合理合法。
一群人將一名防暴警察圍在地下，慢鏡看到另一名男子同時用鐵通打向警員，警員向他胸口開槍，發射實彈。雙方距離只有一、兩個身位，該名男子立刻倒地，原本被圍的警員站起來歸隊。另一名警員舉槍，制服多一人，有人隨即投擲汽油彈。該名男子躺在地下，胸口流血，當時他仍然有意識。
警方確認下午四時許，在荃灣卓明大廈對開發射實彈。事發約十分鐘後，多名防暴警察繼續圍著他急救，掀開衣服，看到心口有傷口，仍然流血，要戴氧氣罩呼吸。救護員到場，為他戴上頸箍，抬上救護車送院。醫院消息指，他左肺被打穿、胸腔積血，但心臟和主要血管無事、有意識，子彈碎片離心臟只有三厘米，晚上完成手術，取出碎片，暫時無生命危險。
該名學生的家屬早上到伊利沙伯醫院深切治療部探望，受傷學生手術後無生命危險，情況由危殆轉為穩定，有警員進入病房內。

防暴警察於沙田多次施放催淚彈 更新：2019/10/01 18:39

沙田有人遊行，警方多次在市中心放催淚彈。
下午近三時，防暴警察在源禾路施放多枚催淚彈，有人拾起催淚彈擲向警方防線，現場煙霧瀰漫，但示威者未有散去跡象，雙方隔著沙田鄉事會路對峙。
半小時後有人在好運中心的平台，用大型丫叉將磚頭彈向警方防線，防暴警察數分鐘後還擊，向平台位置施放多枚催淚彈驅散在場人士，警方在之後半小時內，不斷向示威者施放催淚彈，示威者向大會堂方向後退。
到近五時，速龍小隊突然由大會堂附近的沙田公園跑出來驅散示威者，跟已在源禾路的警員包抄示威者，有人跑上好運中心行人天橋向警方投擲燃燒彈，速龍尾隨追到沙田中心天橋，有警員以胡椒球彈槍指向民居，警方之後再向沙田正街推進，到了近希爾頓中心，不斷施放催淚彈驅散人群，示威者後退到近紅十字會外近獅子山隧道公路投擲汽油彈還擊時，一名教大編委被擲中著火，有人就繼續製造汽油彈跟警員對峙。

林鄭於灣仔伊館舉行首場社區對話更新：2019/09/27 02:06

反修例風波下，行政長官林鄭月娥展開首場社區對話，她承認過去與市民 disconnect，令人感覺政府一意孤行，現在是想尋求改變。
對話會晚上約九時半結束，參與的市民約十分鐘後經伊館愛群道門口離開。玻璃門後有警員戒備，在愛群道聚集的人仍然未散去，堵塞伊館停車場出口。特首和官員的座駕仍然停泊在停車場內。