2019年10月18日 星期五

輸淨包膠2019(2nd edition)

施政報告提出放寬首置按揭上限

行政長官林鄭月娥首次以視像發表施政報告,林鄭月娥在立法會,兩次嘗試宣讀報告都被議員打斷,最後改以視像發表。
報告聚焦房屋土地問題,特別是協助首置人士上車,包括放寬首置按揭。樓價 800 萬元以下可按九成,又推出第二個首置盤,並表明會運用《收回土地條例》收回三類土地,用來建公營房屋及首置盤。
紓困措施方面,交通津貼會加碼,下年度會發放兩次 N 無津貼,多條公路隧道豁免收費。房屋政策,她開宗明義訂立一個新目標。林鄭月娥認為,房屋問題是部分民怨的根源。她宣布放寬首置人士買樓按揭,樓價 800 萬元以下,都可以按九成。
林鄭月娥認為,房屋是香港當前最嚴峻的民生問題與部分民怨的根源,其中一道藥方,是協助上車。首次置業人士,現時買 400 萬元或以下的單位,可以承按到九成,政府會放寬按揭保險計劃, 800 萬元樓都可以按九成。若果做八成按揭,樓價上限就由 600 萬元放寬到 1,000 萬元,自用樓換樓都適用。
新措施即時生效,以一層 800 萬元的樓為例,原本首期要付 320 萬元,現在可以按九成,首期只需 80 萬元,減了 75% 。但按揭額提高了,每個月就要供多些,以二十五年期計,每月供款由原先約 21,000 元,大增到近 32,000 元。消息一出,新樓盤的示範單位外就聽到兩種聲音。
林鄭月娥表示,香港樓市敏感,即時有反應無可避免。她又指新措施下,買家仍然要通過壓力測試,何時入市,要自己認真考慮。

1. 根據以往經驗,樓價400萬和600萬分9成按(上車盤最底線)同8城按(住得人的上車盤/換樓盤最底線)的分水嶺,二手業主都睇住呢兩條分界線去叫價,好多時唔夠400萬、600萬都監生咁叫上去,總之係下手買手借到錢就去到盡:
(圖片來源:香港按揭證券有限公司 > 按揭保險計劃, retrieved on 17 Oct 2019)
睇返金管局個說明,先知道原來用新計劃加多槓桿是要加按揭保費的。金管同按證兩個表可以互相補足:
(圖片來源:香港金融管理局 > 按揭保險計劃的修訂 2019年10月16日, retrieved on 17 Oct 2019)

依家條線提高咗到800萬(9成按)、1,000萬(8成按),咁班無良業主唔使人提都知點做喇!就算唔換樓嘅業主,一樣可能會受惠於樓價估值上升,又多咗水位(謝快活谷小子指正,2nd edition 更正如下)「加按套現」了(見乜sir《施政報告後樓市何從? #1929》)
2. 當然,針無兩頭利,業主可以俾少啲首期,就等於欠款多咗,小業主便要一生做樓奴。一旦有青「攬炒」成功,我城經濟大幅下滑,樓市回落;樓奴又隨時無生意做無工返,便更容易變負資產,到時家破人亡,燒炭可期。故此,做得樓奴便想我城穩定,唔會去搞抗爭了!唔通「逼人買樓」先係777「止暴制亂」的絕招?
以下係魔術師根據自己的理解計出來的 scenario analysis,可以比較下在不同樓價下樓奴所需要的首期、供款、與及工資壓測的轉變 — 最「So」的,當然是800萬樓喇!(2nd edition: 更正圖表手民之誤)
***
施政報告推出多項紓困措施更新:2019/10/16 17:28

行政長官林鄭月娥發表《施政報告》,施政報告推出多項紓困措施,包括由下年一月起,上調交通津貼的資助率及上限,下年度亦會發放兩次 N 無津貼,在職家庭津貼金額亦會全面調高。
每日乘車上班上學,負擔有望減輕多一點,「公共交通費用補貼計劃」明年一月起會加碼,超出 400 元的交通費,會由現時補貼 25% 增加至三分一,上限亦會由 300 元加到 400 元,涵蓋的交通工具無改變,預計 250 多萬人受惠,撥款增加到 31 億元。
停了數年沒發放的「 N 無津貼」,下年度會先後發放兩次,合資格的非公屋、非綜援低收入人士,一人住戶可獲 4,500 元,二至五人以上,就有 9,000 元至 15,500 元不等,最快明年七月推出。當局早前預計 10 萬個住戶受惠,要花約 11 億元,跟過往一樣由關愛基金發放。亦會研究如何支援,包括輪候公屋人士的恆常現金津貼計劃,希望可以在 2020 年底前完成。
正領取綜援的亦會受惠,多年無大幅調整的租金津貼上限建議上調,加得最多是一人家庭,加 27% 至 2,400 元,二人、六人或以上家庭,就加至 4,200 元和 7,400 元。為了鼓勵綜援受助人就業,豁免計算的入息會多了,受助人可以全數「落袋」的薪金,由原本首 800 元加到 1,200 元,入息金額的豁免上限都大幅上調六成,由最高豁免 2,500 元加至 4,000 元。
在職家庭津貼金額亦全面調高,與工時掛鉤的住戶津貼由 16.7% 加至 25% ,兒童津貼大幅增加 40% ,預計最快明年第二季實施。舉例一個有兩名兒童的四人家庭,可領取的最高金額將由現時每月 3,200 元,增加至每月 4,200 元,增幅超過三成。
還有中、小學及幼稚園學生,人人有份的學習津貼, 2020 至 21 學年起,每年恆常都會有 2,500 元,預計全港大約有九十萬名學生受惠。
3. 魔術師有個習慣,就係張八達通主要都係用來搭車,儘量唔用來買嘢;而用來自動增值的信用卡亦一樣,都係只用來增值過數,唔會用來碌卡買嘢。基本上每個月找卡數千零蚊就係魔術師每個月的交通費,折合返現在每月可以拎到160—180蚊正苦補貼不等。以平均可領補貼$170計算,新計劃下魔術師將會拎到$192(= 0.3x170/0.25),多咗都唔夠去黑心MX食個 tea。
***
政府將加快發展三條新鐵路2019/10/16 17:29

行政長官林鄭月娥發表《施政報告》,在交通、醫療方面的措施亦有著墨。
本港的交通網絡會進一步擴展,未來一年,港鐵會規劃和設計東涌線延線、屯門南延線及北環線,配合房屋發展。 2021 年底啟用的將軍澳藍田隧道,及下年底通車的屯門至赤鱲角連接路,政府建議豁免收費。青嶼幹線及將軍澳隧道都會豁免,未計及兩條新隧道的隧道費,政府估計每年少收 7.5 億元,每年約有 7,000 萬車次受惠。
政府又會將補貼營運成本的離島渡輪航線,由六條增至十四條,每年開支約 2.6 億元,亦會用十年分兩階段,為十一條航線買四十七艘新船。
基層醫療方面,預期本屆政府任期內另外六個地區亦成立康健中心,其餘十一區設立屬過渡性質的地區康健站,除了已開放的葵青區康健中心,其餘十七區已定選址。
4. 哎呀!黨鐵又在屯門起新線路,只會惹來更多曱甴騷擾。話時話,唔知到時地盤佬開緊工揼石仔,班有青義士夠唔夠膽去搞亂檔唔俾條鐵路完工呢?
(圖片來源:中華人民共和國香港特別行政區 行政長官2019年施政報告 > 重點, retrieved on 17 Oct 2019)

5. 吓,教育方面就係得咁多?無講點樣加強同學仔國民身分認同,又無講點樣整治黃師(同埋反骨電台)。放寬樓按都係只能治標唔咁治本,唔從娃娃抓起,咁樣好難真・止暴制亂架喎!
***
伸延閱讀:
乜sir:施政報告後樓市何從? #1929


(圖片來源:香港金融管理局 > 在 2017 年 5 月 19 日開始適用的物業按揭貸款按揭成數及「供款與入息比率」上限, retrieved on 17 Oct 2019)
信報 2019年10月17日
二手業主紛加價封盤政府宣布放寬首次置業人士按揭保險計劃的樓價上限,二手物業即時有反應,原先劈價求售的業主群起加價及封盤,大圍區更即日錄得多達30個業主大幅調高叫價5%至10%,其中一個500萬元的兩房單位,即日加價50萬元,最新叫價550萬元高市價一成。
金獅花園嗌高市價一成
利嘉閣地產市務經理古向嘉說,大圍區約200個住宅放盤,昨先後有兩成(約40個)業主加價及封盤,當中加價盤佔約30個,加幅約5%至10%,普遍屬叫價500萬至800萬元單位,包括金獅花園2期F座金滿閣中層5室,原則單位一房改兩房,實用面積321方呎,最新叫價550萬元,較市價高一成。
美聯物業首席高級營業經理陳少鴻也表示,馬鞍山同日有8個二手放盤加價,屬於叫價1000萬元以內的單位,加幅5%至9%,其中馬鞍山中心3座中層G室兩房,實用面積381方呎,原開價600萬元,「雖然早前一度被客壓到550萬元」,但業主昨日趁放寬樓按的消息進一步調高叫價50萬元(8.3%),至650萬元。陳少鴻直言,新措施長線定必刺激樓價向上,二手業主自然心雄,料加價個案陸續有來。
香港置業高級客戶經理譚征指出,九龍灣淘大花園及德福花園亦醞釀加價潮,淘大花園I座中層一個兩房戶,實用面積378方呎,原開價600萬元,即日上調10萬元,「業主聲言有客願付610萬元都要考慮」。
美聯物業住宅部行政總裁布少明稱,放寬樓按對二手樓交投絕對屬正面消息,昨日有不少業主加價,相信僅屬提價潮的開端,「之後會陸續反映,可能有更多加價(個案)」,他認為措施有助樓價穩步上升,但並非「爆上」。


73 則留言:

  1. 政府收入好大部份來自賣地,凸搜呢份輸淨報告是否向金主獻媚、派定心丸?

    如果內亂持續經濟都唔會好,資產價格高企又會引發滯脹?


    婆娘

    回覆刪除
    回覆
    1. 吾明點解政府只係默守成規,一直都係派錢、起樓、減税呢啲措施著手,其實供應咁多房屋係比人炒多過住,我識啲人坐底揸兩至三間屋收租,截咗人頭先為上策,收緊政策,真係好多人係覺得香港好喺到攞福利,一有身份証剩係入公立醫院都平到震。
      我姨媽先講香港政府好過港英政府,有生果金收。

      刪除
    2. //如果內亂持續經濟都唔會好,資產價格高企又會引發滯脹?

      經濟崩潰的話, 樓價都會獨力難支. 新一代樓奴隨時要燒炭, 真係變相「放棄新一代人」.

      //我姨媽先講香港政府好過港英政府,有生果金收。

      本來想下篇寫下公司嘢, 兼講下對港人身分有人漏夜趕科埸...但今日段皇爺又搞事, 無得唔寫... 公司嘢又要暫緩下.

      刪除
  2. 其實放寛到借9成是不足夠,再加埋可以供樓40年。由現在2019年計供40年肯定好過供30年,確保香港更能平穩渡過2047年第二次回歸。

    回覆刪除
    回覆
    1. 最擔心呢個情況樓按會代代相傳,似足日本,工作致過勞死,聽講日資公司老闆係最鬼孤寒,咁搞法全部吾係豬都係牛或者馬,冇乜創意發揮,係咪後生仔調轉,佢做老闆,啲老嘢為奴為婢。

      刪除
    2. 僱傭兵同事L 溝掂咗公司長工港女J, 打算結婚, 話先租樓住先. 睇怕年方30幾的L佢都有排要做工資奴了...

      刪除
  3. 現在發生的各種事件讓大眾對針對11月區選的建制候選人的各種恐嚇襲擊失去聚焦。而這種以街頭暴力大規模有系統干涉選舉的事情,上一次是納粹灰杉軍。希特勒是通過選舉上台的。

    對於這種對民主選舉的破壞和操控,政府和建制完全沒有應對之策。

    回覆刪除
    回覆
    1. 今個星期六嗰場人道毁滅集會似又搞大鑊嘢,夜媽媽集結,今晚又話面具人鏈,岑就喺廠洗底預備參選。

      刪除
    2. 果然在黑色恐怖下,民陣的分裂主義候選人居然能被選舉主任認可有效,政府一邊說止暴制亂,一邊先恐怖主義分裂主義投降

      刪除
    3. //民陣的分裂主義候選人居然能被選舉主任認可有效

      想問你指邊位?

      又咁講. 區議會選舉都算是乎合販民的真普選定義(公民提名, 最簡單易明的單議席單票制), 如果無好明顯的證據, 選舉主任都不宜拒絕申請人入閘. 而且,我都成日提出, 建制派蛇齋黨班人成日都hea 住贏, 搞到成班都係尸位素餐的豬隊友, 係時候要俾啲挑戰佢地.

      至於如果販民在區議會大捷後可以壯大選特首的勢力, 同樣道理我都覺得可以接受. 成日以怪獸家長式的思想話販民呢樣唔得嗰樣唔得, 不如就真打一次. 如果巷豬係要逼殺人政櫂放棄自己的話, 也是打死無怨.

      刪除
    4. 所有八字經的候選人,包括民陣的,都是分裂主義恐怖分子,鼓動暴力

      刪除
    5. 我聽過岑哥仔訪問話佢哋覺得政府拖咁耐吾做嘢或做成咁,咪試下咁樣揚行吾行得通,話咁樣揚可能行得通喎。
      我覺得兩派其實都係為咗香港為咗人民,不過方法不同,冇話對錯,但咁暴就一定吾係為咗香港好,係另有目的。

      刪除
    6. //咪試下咁樣揚行吾行得通,話咁樣揚可能行得通喎

      咩叫「咁樣揚」?

      //咁暴就一定吾係為咗香港好,係另有目的。

      個目的係乜? 可唔可以寫明白啲?

      //所有八字經的候選人,包括民陣的,都是分裂主義恐怖分子,鼓動暴力

      雖然我地心中明白「光復香港 時代革命」其實係搞巷蜀, 但無可否認八字真言是不明不白,沒有明確意義的, 的確可以有好多玩弄「語言偽術」的空間.

      其實, 自由是可貴的, 但社會愈自由, 法例愈蜜鬆, 則可給「有心人」途走的灰色地帶就愈多; 如何不濫用自由以致攬炒,那就靠人們的「自律」; 而要有「自律」,則民智需要回歸理性. 刻下我城的人民質素, 離「理性」相差很遠.


      信報 2019年10月16日

      黃之鋒覆函支持自決前途
      張秀賢答選舉主任 革命非推翻政權
      區議會選舉提名期明日結束,多名民主派參選人陸續回覆選舉主任電郵,解釋他們過去的言論及立場。由於「確認書」制度首次延伸至區選,令外界關注有參選人在反修例風波中提到的「光復香港 時代革命」口號,會否成為取消資格(即DQ)的原因。

      出選南區海怡西選區的香港眾志秘書長黃之鋒回覆選舉主任時重申,參選與香港眾志身份無關,他從未主張香港獨立,而他支持的「自決前途」須於中國主權下進行,且不代表具有法律約束力,只是表達港人意願。

      林正軒政綱提光復 無被DQ

      可是,參選九龍城樂民選區的林正軒昨在Facebook說,即使他在選舉政綱表明「光復香港 時代革命」及「願榮光歸香港」,仍收到選舉主任的來信確認提名有效。他在本月亦曾上載一張手持「光復香港 時代革命」黑旗的照片。

      黃之鋒在政治聯繫一欄填上「民主派」,選舉主任要求他解釋與香港眾志的關係。黃之鋒昨在Facebook上載回覆選舉主任的信件全文【表】,稱眾志已轉型不再是政黨,故他不以此名義參選。他又批評選舉主任政治審查,對方要求他解釋「如何不違背關於擁護《基本法》及確認書」是假定他違反要求,把舉證責任轉嫁到他身上。

      黃:非代表眾志 不主張港獨

      他形容,政府以言論篩選候選人的技巧「出神入化」,強調「我有權參選,政府無權篩選」。

      不少泛民參選人亦收到選舉主任的電郵,要求他們解釋提及「光復香港 時代革命」的意思。參選元朗元龍選區的張秀賢解釋,要把香港「光復」回舊日面貌,以及在這個時代必定要透過大型的變革,才可以令香港繼續向前。

      張秀賢補充,「革命」不應解讀為「一種流血並推翻政權的行動」,例如「工業革命」只是一種層面的大變革;他重申不支持港獨,並質疑若單憑一句政治口號而無視候選人政治主張,或進行政治篩選,會令政府進一步喪失民心。他期望選舉主任以智慧作出判斷,「不要讓香港墮進『攬炒』深淵」。

      在沙田沙角選區爭取連任的陳兆陽,因分享寫有「光復香港 時代革命」口號的圖片,而收到選舉主任的電郵要求解釋。陳兆陽回覆指圖片不是由他設計,不知道原創人的原意,他分享只是想引起校友關注母校的聯校人鏈活動。由於他可能會被DQ,要作兩手準備,他將偕同地區拍檔張婉盈收集選民簽名報名參選。

      另外,在2015年區議會選舉曾與民建聯周浩鼎對壘、最終高票落敗的王進洋,昨天也報名參選。他解釋,延至昨日才報名是因為早前文件未準備妥當,他不擔心會成為被DQ的高危人士,親中報章對他的指控都是誣衊,強調自己不支持港獨。

      刪除
    7. //他形容,政府以言論篩選候選人的技巧「出神入化」,強調「我有權參選,政府無權篩選」。

      咪畀佢做下係咪得把口囉,洗出真功夫。一參選同自己黨割蓆。承認阿爺同時又要香港自治係會好啲。

      刪除
    8. 咩叫「咁樣揚」?
      個目的係乜? 可唔可以寫明白啲?
      **************

      係想講咁L樣。
      目的係港蜀,見到佢哋嗰啲訴求根本吾係訴求,係詐騙、行騙、要脅、脅持、騎劫等。

      刪除
    9. 之前還睇到河童wiki講類似,吾得就行港蜀係唯一出路,現在嗰句天滅咗了。

      刪除
    10. //咪畀佢做下係咪得把口囉,洗出真功夫。一參選同自己黨割蓆。承認阿爺同時又要香港自治係會好啲。
      //目的係港蜀,見到佢哋嗰啲訴求根本吾係訴求,係詐騙、行騙、要脅、脅持、騎劫等。

      傷民好犯賤的。明知行唔通嘅嘢(由巷蜀到四大訴求再到解散警隊),你唔俾佢地做,佢地就係要做、係要發爛渣;好嘞,到你俾佢做,佢做到一劈C咁,又怪你唔制止佢。我覺得對付呢啲刁民,一定要俾佢地嘗吓自己選擇出來的苦果先得嘅。

      刪除
    11. 他們上台可以分完吾等辛勤多年累積的財政積蓄,然後聯匯脫鉤百業蕭條,掠奪完民間的財富,留一個爛攤子一起熬

      刪除
  4. 要看看政府dq到幾多人,雖則今次泛民懂得應付dq呢招不會有咁大功效。

    選舉當日隨時暴力橫行令人不敢投票,這我才是擔心的。

    回覆刪除
    回覆
    1. 如果有實力的正義候選人被嚇倒不敢參選

      如果選舉主任公然讓恐怖分子入圍

      在選舉日之前,政府已經輸給了黑色恐怖

      刪除
    2. //選舉當日隨時暴力橫行令人不敢投票,這我才是擔心的。

      到投票日如果有暴力事件的話, 正苦可以話選舉公平性受影響而撤銷甚至整個選舉都要延期.

      //如果有實力的正義候選人被嚇倒不敢參選

      遺憾的是, 呢個比較難舉證. 否則成場選舉可以即時作廢.

      刪除
    3. //選舉當日隨時暴力橫行令人不敢投票,這我才是擔心的。

      如果真係要投票咪著件黑衣去投票。當天有暴力而引致傷亡,政府要負責任。

      刪除
    4. //當天有暴力而引致傷亡,政府要負責任。

      正苦的難處係唔可以先發制人, 未發生的事你去 assume 呢樣嗰樣好易俾人話你踐踏自由, 白色恐怖; 到有事發生時又會俾人怪罪話無預見能力. 警方又唔能夠在各個票站派便衣standby, 真係好難做架.

      刪除
  5. 香港梗局咁多樓,
    即係一個蛋糕, 呢邊食多D, 自然有人食少D,
    點搞, 都係系條原來既上唔上到車分界線移高D或者移低D
    受影響既, 都係分界線前後既小部份人
    對大局無影響

    只有移山填海, 發展新市鎮
    然後最有可能受惠既人反得最大力
    政府仲有乜可以講有乜可以做

    --Dogdogchi

    回覆刪除
    回覆
    1. //只有移山填海, 發展新市鎮
      //然後最有可能受惠既人反得最大力

      不如俾班有青自行建設「明日大愚」算了...

      刪除
  6. 新造按揭先有得套現, 已有業主除非通過買賣否則不能"按爆"間樓, 其實推新一代入去樓市才是主菜, 不過對於本來只有100幾萬首期的朋友仔, 有能力將射程由6M 樓上推到8M任至10M

    觀乎昨天反價約5%左右,是否德政? 人言人殊

    回覆刪除
    回覆
    1. //新造按揭先有得套現, 已有業主除非通過買賣否則不能"按爆"間樓

      謝指正。

      理論上唔得,但乜 sir 已經教緊人老公賣俾老婆左手交右手「按爆」。

      https://homebloggerhk.com/95980/

      刪除
    2. 見有人教到按爆出嚟,好似舊錢吾洗還咁,份工吾驚人哋會炒咁。聽足晒啲都high risk

      刪除
    3. 冚家按,不過都要過到壓測o既。


      婆娘

      刪除
    4. //見有人教到按爆出嚟,好似舊錢吾洗還咁,份工吾驚人哋會炒咁。

      乜sir 的理論係租出去, 供租相抵即是要有青幫手還樓按. 到將來還完按揭(不停加按根本就無「還完」的一天), 租金就是淨袋. 幾十年後就好似依家班拎住層舊樓收租徬徨無依的有老咁.

      刪除
    5. 乜L sir 仲要教你唔夠錢Cover的話 可以用佢的飛雞大炮餐去幫浦吓添~~

      刪除
    6. 阿乜sir 不嬲都好識做生意架喇。

      刪除
    7. 你哋指嗰個乜sir指A/B?
      B又好似吾係,睇到佢18年訪問//今天做老師的比從前要兼顧多許多非教學工作,而且合約只得一年,教師變相年年揾工。XSir不禁感嘆:「當一個只有一年合約的老師向同學說要有夢想、社會有好多機會時,老師自己都冇機會,社會對佢咁殘酷,我不知他說這些道理時可以說得幾深刻。」//

      吾知係咪大學老師心有不甘,所以轉嫁落學生度叫佢追夢。

      如果指A,佢團購大陸樓都做埋,集資翻新工厦。

      刪除
    8. //你哋指嗰個乜sir指A/B?

      「不敗的魔術師2019年10月18日 上午10:47」連link 都有埋,仲要問?

      刪除
    9. 睇咗條link,吾識佢添。

      刪除
    10. 可以用本blog 網頁版的 search box 查找 「乜 sir」.

      刪除
  7. 發展商同樣受惠啦,本身啲呼吸plan因應樓價下跌
    來不及"自製"入息轉按到正常銀行
    依家HKMC主動跳出接火棒,發展商真正財息兼收

    回覆刪除
    回覆
    1. //本身啲呼吸plan因應樓價下跌
      //來不及"自製"入息轉按到正常銀行

      係喎! 唔記得咗呢班味吸苦主添... 佢地就真係幾乎睇唔到希望喇.

      刪除
    2. 有充足既兩年時間去比佢地學習"如何有正確的入息文件"
      再加上hkmc今次既助攻
      肯定呢批轉按會係"極其優質"既資產啦

      刪除
    3. HKMC不嬲有,優惠好過發展商二按,發展商二按食水深,之前政府收緊所以HKMC遵守,但發展商都梗度到個貸款畀到你上車,只要你有份工。
      我同事傾話以前康怡花園一間廿十幾萬,但息率要成+幾厘。

      刪除
    4. 按保不嬲都有轉按不過得80%
      之前點解要有呼吸plan而且首兩年P-之後P+2%
      係因為比兩年班"阿基米德"學點"正確入息"
      等佢地兩年後可以成功轉按 "重新做人"
      同時風險都轉價比銀行

      但樓市下行時,假如hkmc同金管唔放鬆規管
      班物理學金根本就永不超生
      1)發展商有呆壞帳風險
      2)物理學家硬食P+2%

      今次hkmc出黎用免壓測再加5% dti 加90%按出黎接火棒
      其實即係代客買樓,發展由原來樓市下行時30年收款期
      立即變左2年收款期
      而銀行界(如若承接)就即係接左一班本來兩年前自己拒絕既客人
      出事既時候,本來製造泡沫既發展商早就已經全身而退啦

      刪除
    5. //"如何有正確的入息文件"

      如果「入息文件」只係 creative accounting 下的產物, 而唔係真正創造出來的現金流, 咁始終都有爆煲的一日.

      //等佢地兩年後可以成功轉按 "重新做人"
      //同時風險都轉價比銀行
      //其實即係代客買樓,發展由原來樓市下行時30年收款期
      //立即變左2年收款期
      //而銀行界(如若承接)就即係接左一班本來兩年前自己拒絕既客人

      銀行 的 customer base 大了, 照計 cross sales 總會增加, 利好業績. 同時樓市下行業主爆煲的風險由HKMC 食, 銀行樓按的的 risk exposure 不變.

      HKMC 如果奶嘢, 照計會由特衰正苦包底(grandfathering?), 再唔係就將呢啲「次按」打包成債劵賣返俾基金同散戶, 結果便由傷民大眾與及投資者「分散」了風險, 成為「集體不負責制」.

      刪除
    6. 的確係會變左槓桿者既風險由大眾承受
      但至於銀行樓按既方面,雖然hkmc包底risk exposure不變
      但由於cash rebate同deposit linked既存在
      普遍銀行都冇錢賺,純做service 或者有都係極微利
      咁樣做完萬一call loan,捐失既信譽都係由銀行承受呢

      刪除
    7. //但樓市下行時,假如hkmc同金管唔放鬆規管
      班物理學金根本就永不超生
      1)發展商有呆壞帳風險
      2)物理學家硬食P+2%

      唔係太明,呼吸plan發展商唔係都有條款,好似銀行咁唔還錢就收樓? 發展商點解會有bad debt 風險?

      刪除
    8. 樓市下行時,發展商收番樓番黎做銀主盤就代表要以最新既低價賣出
      咁佢當年以$X 賣出物業既時候並冇收到任何首期
      依家即係做特價,再者收番件貨番黎都有成本

      刪除
  8. 我們以為樓市最大隱憂是「呼吸plan」。
    當市民與「呼吸plan」緣盡,樓市升幅又不足以提供首期,就快活無比了。九成按揭正好求求這批孩子。<==現在社會風氣是無論歲數多少皆稱小孩,我沒用錯稱謂吧?

    回覆刪除
    回覆
    1. //現在社會風氣是無論歲數多少皆稱小孩,我沒用錯稱謂吧?

      我睇完段皇爺封信, 果然就是「暴徙小學」思維. 容後再寫.

      刪除
    2. 魔術師指段皇爺係咪校長?原先諗住佢咁有腰骨睇你捱得幾耐,原來又係受軟吾受硬,反暴力既人大多有同情心既。其實佢出得嚟好遲,係班學生逼佢出嚟先出嚟,有警察把柄就腰直啲囉。

      刪除
    3. //魔術師指段皇爺係咪校長

      係.

      //反暴力既人大多有同情心既

      有同情心還有同情心, 濫情歸濫情. 二者不可混淆.

      //有警察把柄就腰直啲囉

      佢都係聽有青一面之詞, 有鬼實質證據咩.

      刪除
    4. //我睇完段皇爺封信, 果然就是「暴徙小學」思維. 容後再寫//
      看畢段皇爺封水蛇春咁長既信,都只係話正苦同克警有錯。學生有無錯?無講過(可能已經唔敢講)。總之段皇爺有愛同責任保護係禁室情深款款望住佢(可能同時用刀仔行住佢)既學生囉~~~
      還是沙皇時代的中大最令人懷念。

      刪除
    5. 睇泥段皇爺係想求放生。如果我係段皇爺明知班有種吾啱時,我會事先向政府和警隊懇求原諒,是逼不得已而譴責他們,是希望盡快重獲自由唯一可行之辦法,政府吾比我譴責或譴責咗我都吾會死,我吾譴責政府就會畀佢哋有種吊起來私刑,血洗中大。

      刪除
    6. 所以先話段狗根本就冇腰骨

      刪除
    7. //政府吾比我譴責或譴責咗我都吾會死,我吾譴責政府就會畀佢哋有種吊起來私刑,血洗中大。

      總之就係有青喊住咁脅逼段皇爺喇.

      //還是沙皇時代的中大最令人懷念。

      我都係覺得沙皇最有guts.

      刪除
  9. 林鄭一邊推九成按揭,一邊增加土地供應,似係想製造新一代負資產。不過佢2022無望連任,爆煲都係下手嘅事了。

    回覆刪除
    回覆
    1. //不過佢2022無望連任,爆煲都係下手嘅事了。

      侵侵都係一樣. 有得換屆的政府都係咁.

      刪除
    2. 侵侵上任初期,我好吾鍾意佢,覺得佢種族歧視,大蝦細來欺壓中國,成日喺Twitter發文,咁我慢慢開始覺得佢個人係傻傻哋,但係都唔係冇計傾,之前啲人成日話社運係有外國支持,我吾信㗎,後來多咗時間睇新聞,而今次社運啲人物蒲晒上水啦,真係有組織啦。侵侵佢哋都想彈劾。

      刪除
    3. 侵侵的套路其實開始可以預見. 基本上以往美帝總統, 都會自顧身份, 講話點都會諗過度過, 一言九鼎, 好少話反來覆去;不過侵侵以生意人傾deal 手法治國, 不斷玩 negotiation, 三朝唔埋五日就改口, 基本上同佢交手唔可以太認真, 同埋幾時都要留返幾手退路俾自己.

      刪除
  10. 困咗接近幾個月,今日出去商場行,都好多物品做減價優惠,sales好和藹,同之前只顧服務自遊行態度明顯好咗,電話收WhatsApp通知新貨或通知優惠,之前從未試過,其實可以話你知,香港人和內地人買嘢係有分別的,香港人撲鎚買嘢好爽快,自遊行試好耐左問右問吾識既人意見。不過希望大家都可以放下分化,今日有單被斬派傳單青年,好恐怖。

    回覆刪除
    回覆
    1. //不過希望大家都可以放下分化,今日有單被斬派傳單青年,好恐怖。

      成件事係由71勇武派攻打垃圾會,成功逼令777暫緩條例開始。勇武派自始立下軍功,販民和理非不敢與之割蓆,同時互相利用。幾個月下來,「臨時政府」的軍方勢力愈趨龐大,裝修獅鳥橫行,文官系統為望的販民與和理非更是不敢吭聲,搖旗吶喊的聲音也不知是真心還是假意。始終在反對派系內,對勇武派沒人制衡的力量(黑警還有監警會),無人駕駛之下導致暴力情況蔓延。

      都係嗰句,要班勇武收手,唯有所有販民與和理非(200萬+1)與之割蓆,方可將這些恐怖分子孤立再殲滅。

      刪除
    2. 其實不需要勇武收手,只要政府有擔當有勇氣,緊急法組合拳,圍剿幾千黑衣恐怖分子關十年以上,就可以打垮暴力

      刪除
    3. //圍剿幾千黑衣恐怖分子關十年以上

      呢個仲要法庭判決.

      //只要政府有擔當有勇氣

      政府有嘢好輸, 唔夠膽攬炒的.

      刪除
    4. 令暴徒聲勢壯大因素之一,係蘆葦蔥嘅不作為,同埋政府各部門嘅不合作運動。

      你睇吓英國,西班牙,智利,當地政府係幾咁果段...

      刪除
    5. //係蘆葦蔥嘅不作為,同埋政府各部門嘅不合作運動。

      有可能他們也是革命份子之一

      刪除
    6. //蘆葦蔥

      佢都臨退休咯, 使乜同你搏呢?

      刪除
    7. 佢本來舊年都退休啦,延任一年諗住hea做,點知整罎咁既嘢俾佢,真唔好彩。

      今日睇到呆灣有關佳仔既回應,真正不知所謂,垃圾都不足以形容。
      明明係通緝犯,自首/投案都唔俾,司馬昭之心現在路人皆知。民x黨執政一日,唔會再去呆灣,真係死左都唔知咩事。

      最可笑係,睇呢幾日既fb,竟然冇任何一個“有良知、為公義”既黃c講一句說話,亦冇人去拜祭下真正被殺害既受害人。

      刪除
    8. //唔會再去呆灣

      之前日日用開佢哋出既美麗日記面膜,依家吾鬼用,用韓國面膜,覺得菜英文好能狗。

      //冇人去拜祭下真正被殺害既受害人

      睇啲報導個女仔好水性楊花,踏幾船送頂綠帽畀佳仔,依家啲少女好主動,啲少男情竇初開,一下火遮眼動殺機,可能黃C反而同情佳仔卦。

      刪除
    9. //佢都臨退休咯, 使乜同你搏呢?

      做騷又好、收買人心又好。
      維尼唔會虧待佢

      婆娘

      刪除
    10. //今日睇到呆灣有關佳仔既回應,真正不知所謂,垃圾都不足以形容。
      明明係通緝犯,自首/投案都唔俾,司馬昭之心現在路人皆知。民x黨執政一日,唔會再去呆灣,真係死左都唔知咩事。//

      奈何呆灣是好多傷民的樂土.

      //依家啲少女好主動,啲少男情竇初開,一下火遮眼動殺機,可能黃C反而同情佳仔卦。

      哈哈, 可以睇吓陳怡講養囡:

      自由西、天使,是如何鍊成的?為什麼女要富養|陳怡 ChanYee



      //維尼唔會虧待佢

      都要過下冷河, 等777退下來升咗做國家級領導先, 再俾前一哥延後利益. 呢啲叫長幼有序.

      刪除
    11. //可能黃C反而同情佳仔卦。
      咁又係喎!

      刪除
    12. //奈何呆灣是好多傷民的樂土
      岩岩見有網友提起先記得,台灣唔止民x黨垃圾,醫護都唔掂,SARS時跳窗走佬事件,又歧視我城遊客。
      真係唔明傷民點解咁犯賤!

      刪除
    13. //真係唔明傷民點解咁犯賤!

      政治行先就係咁.

      刪除
  11. Excel表1000萬那行是不是錯了,8成是800萬不是720萬。

    回覆刪除
    回覆
    1. 想不到發文多日還有日逐格 Excel drill 我。是的,手民之誤,已更正。也多謝指教。

      刪除