2019年11月13日 星期三

斷之火魔法師

(幕開)
(夜。)
(小山上有個露天停車場,停了一輛跑車。)
(跑車不停在搖晃,搖了好一會,才靜止下來。)
(再等了幾分鐘,車頭燈亮起,引擎發動。)
(車子從停車位駛出,正欲加油往出口駛去。)
(忽然,「嘭!」的一聲。)
(車子頓時慢慢停下。)
(司機位的車門打開,一名髮線只有稍微後移、踏入初老階段的男子,走下車來檢視。)
男子:死火,爆咗軚添!
(車子前座乘客位的車窗給絞下來,一名少女探頭出外。)
少女:爸爸,咁換軚要換幾耐架?
爸爸:(口窒窒)應...應該半粒鐘左右喇...不過...
少女:(疑惑地)不過乜呀?
爸爸:(無奈地)不過我無後備軚呀!
少女:(甜甜一笑)咁我 call 烏巴囉!
(少女拿着手機按了一會。)
少女:(疑惑地)咦?無車應機嘅?
(這時山腳傳來巨大的爆炸聲,火光熊熊。)
爸爸:(嘆了一口氣)唉,咁嘅事勢,點會有車肯入嚟吖!
少女:(樂觀地)咁都好吖!可以繼續同爸爸看月光!(唱)
「Yeah 山頂之中車廂之中跟他坐着看月光
Mm 不想歸家可惜不便這樣照直講
我卻怪他不解痴醉眼波
他終於開車不知錯
那架跑車偏偏死火死火捉弄他跟我
夜幕令修車師父通通收工
推車也沒法入廠
深宵之中的士司機
不願進入這地方
Woh 車廂中我唱歌 祇盼車子機件穿破
永遠死火死火死火死火鎖着他跟我」

爸爸:(懊惱地)阿雪,依家學校搞成咁,你仲咁好心情唱歌...
阿雪:(柔聲地)爸爸,唔使擔心喎!
(這時車道上傳來車聲,有車子正在駛上山來。)
(不久,一輛房車駛爸爸的跑車旁停下。)
(兩名金髮青年從車中跳出來。)
(阿雪也跳下跑車,跟金髮青年們逐個抱抱。)
金毛甲:(親了一口)阿雪!
阿雪:(氣定神閒)手足們,爸爸爆了車軚,車尾箱又無後備軚...你地幫手車埋我地落山喇!
金毛乙:(義氣地)阿雪叫到,梗無問題喇!可能係中咗我地測試完用剩啲釘啫!車尾箱係咪擺咗嘢?來,我來幫爸爸拎行李。
(金髮青年走向跑車的車尾,提出一個行李箱。)
爸爸:(氣急敗壞)喂...喂...
阿雪:(驚診地)吓?點解有行李箱嘅?爸爸,你唔係諗住要着草下話?(唱)
「草鞋是船 爸爸是帆 故國的叮嚀不敢忘
強忍無奈小別的悲愴 信誓旦旦又將啟航 啟航
船兒行到澎湖彎 多了媽媽來操槳
深情款款撐起疲憊的帆 又衝破了許多風浪」

爸爸:(奇怪地)阿雪,你點解會識講蝗話嘅?
阿雪:爸爸,呢啲唔係蝗話,係國語。我地成班手足,一早有準備逃亡到彼岸,當然要入鄉隨俗,學定人地的語言喇!唔通好似每日150咁,個個鄉音不改咩?
爸爸:(乘機從金毛手中取回行李箱)我點會諗住着草呢?我...我打算落山腳,同手足們一齊奮鬥,打地鋪徹夜守護我校!
阿雪:(擔心地)爸爸,你係銀駛族,前線對你嚟講太危險喇!班 PoPo 會亂咬人,走失咗我怕搵唔返你呀!(唱)
「落雨不怕
落雪也不怕
就算寒冷大風雪落下
能夠見到他
可以日日見到他面
任何大風雪也不怕
我要我要找我爸爸
去到哪裡也要找我爸爸
我的好爸爸沒找到
若你見到他就勸他回家」

(忽然,阿雪和金髮青年的手機響了起來。)
阿雪:(驚訝地)吓!?PoPo 出水炮車噴顏色水?
爸爸:(大喜)好咯!我地終於升格做藍大喇!
阿雪:(怒啤了爸爸一眼)唔得,爸爸、手足們,我地要馬上落山腳幫拖!
(金髮青年從車尾箱取出幾個汽油彈,遞給爸爸。)
金毛:(感動地)爸爸,雖然你係權貴,但都仲咁撐我地,真係令人感動。來來來,現在升你為火魔法師,一齊去守護我校!(唱)
「曾盡力埋藏傲氣 看見你卻已渾入了炸藥味
迷亂地完全無道理 踢爆了理智盡換上炸藥味
OH.... 玩火的你 YEAH....
OH.... 多麼的可鄙
分分鐘似野火賣弄艷魅
滴著熱血 插碎玻璃 心中都是妒忌
又在做戲 以愛的魚餌 不知羞 在獻魅
You Give Love A Bad Name」

爸爸:(接過汽油彈,有點猶疑)真係要掟呀?我怕我年老力衰,掟錯咗落啲手足度就弊。
阿雪:(柔聲安慰)爸爸,咁你咪睇準先掟囉!就算掟錯咗,都無人會怪你。我地可以懶落班喬裝狗度架嘛!最緊要係你有心!
爸爸:(口窒窒)但...但...我真係好驚呀!可唔可以唔掟呀?我唔想被人話我校窩藏罪犯!咁我會身敗名裂架...
(金髮青年忽然打開手中的汽油彈,向爸爸身上潑上液體。)
爸爸:(大驚)哇!
金毛:(惡狠狠地)爸爸,你咪再托手踭喇吓!你德高望重,應該知道篤我地灰有乜後果架吓?(唱)
「誰令我總似犯了罪
誰象判官找到根據
每次判決我都有罪
其實我不過踏我路
行為共標準有一套
世界卻說這種態度
It's a It's a It's a
It's a sin
It's a sin
別亂動舊日概念
別做夢亂做實驗
別大嚷舊了要變
別叛逆自定路線
It's a sin!
誰令我出世便顧慮
從來未敢多說一句
誰怕會給判罪
也試過多次
盡量靜默接受
無奈漸沒意義
漸漸另覓宇宙
難再次去相信
舊步伐舊價值
但又被判罪
而內疚感覺
象劊子手不肯走
誰令我總似犯了罪
如問舊標準對不對
世界會判我心有罪
It's a It's a It's a
It's a sin」

爸爸:(滿頭大汗)大家冷靜啲先!依家唔係立投名狀。你地都識我話德高望重,不如我去同警方談判吖!
阿雪:(疑惑地)乜依家係談判嘅時候咩?
爸爸:(用力拍了自己心口幾下)我有信心說服警方。如果唔成功,最多就係硬食催淚彈嘅啫!來來來,我地馬上出發。
阿雪:(跟爸爸來個 give me five)好,咁爸爸你就去交涉,我地在旁守護。PoPo 一有異動,我地就掟返佢地轉頭!
(眾人跳上汽車,絕塵而去。)
(幕下)
***
伸延閱讀:
縮骨校長俏天使

中大爆發嚴重衝突警方施放催淚彈2019/11/12 23:23

多區衝突持續到入夜,多處都有人破壞縱火,中大是衝突焦點,防暴警察由下午到夜晚施放多輪催淚彈,示威者擲汽油彈和燒雜物,雙方對峙多個小時,校長段崇智和前校長沈祖堯都嘗試斡旋。另外黑衣人在多處縱火,上水港鐵站亦有列車被擲汽油彈,有人破門入又一城商場縱火,亦有警車被燒。
段崇智傍晚現身校園,當時衝突已持續數小時,他與警方交涉了半小時,回來與學生交代,學生要求警方保證釋放被補學生,段崇智在學生包圍下去到二號橋,守在橋口的警員舉起橙旗警告,段崇智沒有再前進,突然間警方向山坡上發射至少兩下催淚彈,山上有人擲回燃燒彈,眾人爭相走避,情況非常混亂,火愈燒愈猛,有人不斷向火堆投擲雜物,多次爆炸,有人發射煙花炮,多人受傷,有人懷疑頭部被催淚彈射中,一度失去知覺,多名急救員為他做心肺復蘇。
副校長吳基培戴著防毒面具九時許到二號橋,「開咪」向警方表示,已經與指揮官溝通過,要求警方停止施放催淚彈,學生就會退,但催淚彈未有停過。數鐘後、水炮車到場,駛到二號橋對面,向橋上發藍色水炮,人群後退,水炮車直接駛上橋再開水炮,防暴警察向前推進,並在近中大的位置列陣,有人向防線投擲燃燒彈,警察即時再發射催淚彈,更亭著火焚燒,水炮車救火。
前校長沈祖堯晚上十時多到達二號橋,學生為他戴上頭盔和防毒面罩,他之後又去到運動場,這裡整晚都是臨時急救站。
馬鞍山男子遭點火燒傷情況危殆2019/11/11 15:45

在馬鞍山有男子與人爭執後,被人點火燒傷,目前在深切治療部救治,情況危殆。
下午近一時,在馬鞍山鞍駿街連接馬鞍山公園及海柏花園的行人天橋上,一名綠衣男子與人口角,期間被人淋潑液體,男子整個人著火,天橋上都有火頭,男子被扶到一旁。火熄滅後,男人站在附近等候救援,其後送入威爾斯親王醫院救治,消息指他有三成多皮膚燒傷,屬二級燒傷,面部、胸部及雙手均受傷。
警方先後向中大和理大施放催淚彈2019/11/11 15:48

香港中文大學及理工大學早上分別有人在附近堵路,警方在兩間大學施放催淚彈。
中大崇基門外,大埔公路馬料水段,有黑衣人用雜物堵路,中大二號橋近吐露港公路附近,亦有黑衣人用磚頭堵路,防暴警察同黑衣人對峙,有人擲燃燒彈,有警員向傘陣發胡椒球彈。
近十二時在中大俗稱「四條柱」的門口,有黑衣人築傘陣,與防暴警察對峙,防暴警察擲出催淚彈,再有多名警員發射催淚彈,之後上車離開,黑衣人隨後再搬出鐵欄等堵塞大埔公路。
理工大學外早上七時多,紅隧往港島方向有人放雜物,行車受阻,有人從天橋扔膠椅,防暴警察一度入理工大學,向聚集的人舉防暴槍,一名女子被捕,有人向警員擲燃燒彈,警員後退至天橋,雙方對峙。
近中午十二時,防暴警察再舉黑旗,由天橋多次遠距離向校園發射催淚彈,校園內有黑衣人部份戴上裝備,有人用滅火筒,現場煙霧彌漫,之後有人將燃燒彈擲向校園內雜物,火光熊熊,冒出大量濃煙。
下午二時多,在中大近研究生宿舍,有黑衣人向警察防線投擲多個燃燒彈,防暴警察發射多發催淚彈,然後衝入校園內制服多人,將兩人壓在地上,見到有人臉上有血,防暴警察將他們在地上拖行,現場消息指,被捕的包括中大學生。

107 則留言:

  1. 大學同中學校入面大把生化武器,係咪要銷毀武器庫先?
    化學系同醫科,物理系應冇原子弹既。

    回覆刪除
    回覆
    1. //物理系應冇原子弹既

      我係未正名「暴大」的物理系畢業生, 實驗室裡面無原子彈, 但有液態氮(Termination 2)...

      刪除
    2. 今日下午now新聞台都live影住暴大學附入面、馬路地面等有好多一箱箱既"擬似"汽油彈,點解唔可以拎正牌入去搜?咁既情況應該連手令/搜查令都唔需要啦。

      之後仲live影住有幾個黑衣人喺大學站向一架停左既列車車箱入面掟汽油彈/縱火(係,車箱入面應該無人,駛唔駛多謝班黑衣人手下留情?),之後又喺月台旁一間屋仔(應該係工具房之類)掟汽油彈/縱火,之後關門打爤個鎖頭位。跟住聽到咩呢,就係攝影師收order叫佢燱機轉場!

      完全唔L明到底政府係想點,拖到自然死亡?我怕係700萬=(200萬+1)既死晒先喎。

      刪除
    3. 聽到事態真係嚴重,吾明啲人仲戇霎霎,大規模行動搜捕啦,仲等。

      刪除
    4. //咁既情況應該連手令/搜查令都唔需要啦。

      揸正嚟做, 拘捕唔使搜查令, 調查就要; 所以尋日係最好機會入校園拉人.

      //完全唔L明到底政府係想點,拖到自然死亡?我怕係700萬=(200萬+1)既死晒先喎。

      社會上仲有好多黃C, 今日我個物理系 whatsappn 校友 group 已經成串係有關良知, 守護暴大等幫親不幫理的留言.

      刪除
    5. //今日我個物理系 whatsappn 校友 group 已經成串係有關良知, 守護暴大等幫親不幫理的留言.//

      我個whatsappn校友 group, 12號下午有黃C校友post中大校園黑煙相,指責警察侵入校園, 令母校烽煙四起. 隨即有其他校友post多張近鏡相片,指出黑煙是由於有人在校內焚燒雜物和汽車引發的.事不離實, 黃C校友收聲. 其他校友亦再沒講這話題了.

      一中(暴)大校友

      刪除
    6. 伸延閱讀:

      https://www.facebook.com/waihung.wong.666/posts/10218517552823930

      https://www.facebook.com/waihung.wong.666/posts/10218516770204365

      刪除
    7. 魔兄都有睇教授facebook?睇到呢位「叫人勇武」派比人插,心都涼晒。

      又,好耐冇見摩摩,甚念.

      刪除
    8. 小心一看我個whatsapp校友group,post 相反證黃C校友的校友原來都是住在大埔的.他們正是2號橋上暴行的受害人,所以有不同意見。據他們說,昨天大埔區無巴士,無火車,連銀行也無開門。好似淪陷的孤島。

      2019年11月13日 下午11:23的一中(暴)大校友

      刪除
    9. //好耐冇見摩摩,甚念.

      #MeToo

      //他們正是2號橋上暴行的受害人,所以有不同意見。

      段爸又和稀泥了.

      刪除
    10. 今日同個自稱偏黃既好朋友(可以用兄弟嚟形容)討論,佢話源頭係政府強推修例導致今時今日既局面,而當時犯法(係指初初D人衝警察防線、破壞立會大樓之類)既人被拉又得唔到特赦,情況先愈來愈嚴重,講咩「割蓆」都無用,一開始已經講左唔會割,根本已經返唔到轉頭,亦指出當時政府如果肯放晒D人就無事。

      即使我搵返wiki同scmp既timeline俾佢睇事情既發生次序同經過(差D就要將電子版香港法例同立法程序cap圖俾佢睇埋),佢仍然認為係政府唔聽「民意」在先,而無視政策咨詢期(2月份)只收到4.5K份意見書(3K贊成,1.4K反對),班「反修例人士」係突然喺6月初由石頭爆出嚟仲要齊齊覺醒既,足足有「一百幾十萬」之多。

      講到最後我都唔知自己仲可以講D咩野好,只好承認宗教同政治呢2個話題係社交禁忌。

      刪除
    11. 當初黃C最主要係話20天的諮詢期太短, 與及繞過草案委員會的橫蠻舉動. 我覺得前者可議, 但後者正苦的確蝕章.

      維基百科: 2019年逃犯及刑事事宜相互法律協助法例(修訂)條例草案

      刪除
    12. 20日短?夠佢地去一轉歐洲八國旅行有餘啦。
      繞過草案委員會,係,但都係喺政府立法既法定程序/權力嚟喎,何況都仲要過立法會。

      如果要講香港政府做事甩漏亂鳩嚟既,呢單都唔係第一單,亦肯定唔會係最後一單。咁佢地係咪想推翻呢個政府?之但係佢地又唔敢呀。

      根本係班反修例人士原先都唔知唔理修例呢回事,直到有人用無限想像力將逃犯條例放大到無事無幹都會俾大陸捉返去槍斃,加上D人一向都恐共/仇共,同埋有攪手吹雞做左個勢出嚟,而天然呆而又完全唔萌既香港政府高官們以為過左海就係神仙,先將個雪球越滾越大。

      刪除
    13. //20日短?夠佢地去一轉歐洲八國旅行有餘啦。

      佢地將20日諮詢期compare with 個乜鬼貓狗保護條例, 都話諮詢期有幾個月咁話

      //咁佢地係咪想推翻呢個政府?之但係佢地又唔敢呀。

      佢地係想推翻呢個政府, 不承認老共的管治, 但係又唔敢單挑老解. 真係矛盾又無奈.

      //根本係班反修例人士原先都唔知唔理修例呢回事,直到有人用無限想像力將逃犯條例放大到無事無幹都會俾大陸捉返去槍斃,加上D人一向都恐共/仇共,同埋有攪手吹雞做左個勢出嚟,而天然呆而又完全唔萌既香港政府高官們以為過左海就係神仙,先將個雪球越滾越大。//

      咁多個月來我都係咁寫.

      刪除
    14. 修例既起因(當住係先啦)疑犯陳同佳4月判監到10月就刑滿出嚟,如果要咨詢幾個月唔通大家想睇住個殺人疑犯大街大巷咁行嚟行去?不過算啦,個疑犯而家咪一樣無穿無爛...

      刪除
    15. //如果要咨詢幾個月唔通大家想睇住個殺人疑犯大街大巷咁行嚟行去?

      Be pragmatic 來說, 在呢個情況下咨詢期要縮短, 但係正苦在呢方面的解說嚴重不足, 傷民又喜歡「教條化」的程序公義, 特事特辦特別容易落人口實.

      刪除
  2. 羊學喬受BBC訪問,比個主持問到口都震埋。道理講唔過,即變人肉複讀機。同上德國之聲條女一個水平。
    真係要比貶民贏一次,咁巷人先會知佢地比對家更無能。

    燒豬頭

    回覆刪除
    回覆
    1. //真係要比貶民贏一次,咁巷人先會知佢地比對家更無能。

      我一早都係咁話.

      //道理講唔過

      今日日月神報社論竟然識叫唔好, 有線新聞都訪問咗幾位唔認同黑衣軍的打工仔(無得返工), 唔通想轉風向?

      社評:升級暴力危及無辜 為求「攬炒」不顧後果社評:升級暴力危及無辜 為求「攬炒」不顧後果

      刪除
    2. 向暴力說不,幾時都唔會太遲。

      燒豬頭

      刪除
    3. 呆灣菜菜子上場亂搞4年
      又如何
      將意識形態衝突價值強化
      支持者(恐共者)含淚含血含丁都投返俾民賤黨

      -- Dogdogchi

      刪除
    4. 真係唔夠痴瘋呢個一路最前線嘅勁
      痴瘋受訪,一句犯法自然有警察拉,我地都會繼續抗爭
      就解決晒所有質疑

      刪除
    5. // 今日日月神報社論竟然識叫唔好

      明報社論一貫親政府喎。

      路黑山高錫人夜...正啊!

      刪除
    6. // 明報社論一貫親政府喎。

      日月報係讀書人嘅平果日報......咪玩啦....

      刪除
    7. 佢社論同新聞係兩回事嚟。總编控制唔到下面啲記者。

      刪除
    8. 田鴨式教育好累事,只會塞晒資訊知識入腦,部分人士失去思考能力。剛剛和屋企人講開,佢畀張相來大大句寫住,「仲幫林鄭的人要上天堂」,我反駁佢,你認為如果你畀人誤會係狗就打一身或同佢理論佢所為而燒成火人有4成燒傷時,你都去支持佢哋?依家已經吾係支吾支持政府,正常有良心既人都吾應該支持暴大咁搞法,依家係佢哋令到他人恐懼而被迫停乜停物。佢澄清話吾支持暴力邊個犯法要拉要查,話警察濫捕,如果濫捕又點會捉完又咁多人冇事,佢哋夠薑就吾蒙面,而家係呢頭捉後面出,佢又絕吾提暴大所為,要選擇性接收。

      刪除
    9. //痴瘋受訪,一句犯法自然有警察拉,我地都會繼續抗爭

      咁又係, 犯了法便坐監, 一買一賣啫.

      //將意識形態衝突價值強化

      今日我啲物理系校友又良知上身了.

      //正常有良心既人都吾應該支持暴大咁搞法,依家係佢哋令到他人恐懼而被迫停乜停物

      佢地最常用的藉口就係「是你教我和平理性無用的」... 問題係和平理性又好, 暴力又好, 同政府依唔依從你意見, 你嘅訴求又合唔合理, 並無必然關係.

      刪除
    10. //路黑山高錫人夜...正啊!

      錫埋春袋 XD

      刪除
    11. Are you sure you watched the right clip? It has Chinese subtitle in case you don't understand by just listening. I don't see when "口都震埋" happens.
      https://www.youtube.com/watch?v=S2tnk1XH-s4

      刪除
    12. //羊學喬受BBC訪問,比個主持問到口都震埋。
      //燒豬頭

      我不知道燒豬頭所指的是哪一條片. That's why I am not commenting what he said.

      不過好多黃C「道理講唔過,即變人肉複讀機」呢樣係真的.

      刪除
    13. 相信是N個月前BBC Hardtalk這個訪問:
      https://youtu.be/S2tnk1XH-s4

      刪除
  3. 中大學生完全失控,冇信用可言。警方答應徹退,佢哋仲掟嘢仲想掟死警方。

    回覆刪除
    回覆
    1. //佢哋仲掟嘢仲想掟死警方。

      仇警吖嘛! 梗係要置對方於死地而後快.

      刪除
    2. 可惜你係新聞同FB上, 只係見到警察無信用可言.....

      刪除
    3. 聽講話,黑記聽暴徒order做嘢,熄機就熄機

      刪除
    4. //可惜你係新聞同FB上, 只係見到警察無信用可言

      我見到FB更無信用喎!

      刪除
    5. 大家打緊爛仔交啫,冇所謂啦。

      刪除
    6. 啱啱睇到,有個女的想返屋企,即刻被打,毫不留手。旁邊的黑記只在旁觀,黑記暴徒跟本同出一轍

      https://www.youtube.com/watch?v=A6F2u8Km49E&list=PLm6yb4WWJEbGKs4R7ERiQJYf2Boy065Ah&index=34&t=0s

      刪除
    7. 我真係好憤恨呀,不只暴徒,還有所謂和理非這些推班後生去死的人!!!

      刪除
    8. 有啲黑記係無間道,吾係點得嚟咁多片你睇,講聲多謝嚟吾切啦。

      刪除
    9. 都吾知衰乜係咁打,似內地女士

      刪除
    10. 咩內地女士,有對白架! 女的之前是暴徒一分子,宜家想退出返屋企唔做"天使",班暴徒要執行家法

      刪除
    11. //旁邊的黑記只在旁觀

      又咁,睇非洲大草原弱肉強食獅子搏(暴)兔,攝製隊都係只可遠觀,不能出手的。

      //女的之前是暴徒一分子,宜家想退出返屋企唔做"天使",班暴徒要執行家法

      我聽唔到女的有這樣的對白喎。

      刪除
  4. 回覆
    1. 係,好L嬲好L滾。
      到底仲要忍幾耐?

      刪除
    2. //我以暴大為恥.//
      暴大自取其辱,快啲燒埋碧秋樓,全香港network、server即死亡!
      我地張暴大畢業證書,如果唔轉工的話,應該唔使再攞出黎獻世。

      刪除
    3. //如果唔轉工的話,應該唔使再攞出黎獻世。

      我退休算!

      刪除
    4. 明明記得李天命先生退休前幾年中大課堂或其他講座也座無虛席的!我未出世他已開始知名受歡迎了,多年來中大受他薰陶過的學生應該不少吧?那麼李先生多年積極推廣教授,希望更多人掌握正確思考方式的努力白費了?

      刪除
    5. 差不多間間大學都成為據點,以八大為恥差唔多

      刪除
    6. //那麼李先生多年積極推廣教授,希望更多人掌握正確思考方式的努力白費了?

      不是不能掌握正確思考方式, 而係故意漠視, 刻意講歪理去催眠自己.

      //差不多間間大學都成為據點,以八大為恥差唔多

      正苦可不可以將各大學 downgrade,不能頒授學士學位資格?

      刪除
    7. downgrade 各大學。

      歡迎北大清華交通國內大學在香港建立分校

      索性推動埋國內學歷香港認可,融合大灣區xdddd

      刪除
    8. //歡迎北大清華交通國內大學在香港建立分校

      起埋孔子學院 XD

      刪除
  5. 如果喺條街兩三小時都返吾到工,對吾住我吾會返,冇咁好耐性。

    回覆刪除

  6. 中大一批內地生乘坐水警輪撤離校園

    13.11.2019 14:24

    冇左班NDS幫手做論文, D教獸應開始騰雞。


    耳屎

    回覆刪除
    回覆
    1. 哈哈, 學旺角街頭個濕九講屍話齋

      依家個學生仲瞓緊係醫院, 可能下一秒就死(呢句我幫佢加, 佢既文宣唔夠盡咯)

      還有心情掛住D論文嗎

      -- Dogdogchi

      刪除
    2. 論文系個終生教席KPI 喎。


      耳屎

      刪除
    3. //中大一批內地生乘坐水警輪撤離校園

      港版戰狼2

      //還有心情掛住D論文嗎
      //論文系個終生教席KPI 喎

      論文重要定係人命重要? 教席重要定係人命重要? 終生教席都係要返工啫! 乜教獸你好鍾意返工咩?

      刪除
    4. 佢哋就覺得後生重要㗎咋,老少少都討厭,你見有冇人提個老坑被私了燒了,佢哋一傷無限放大,我最睇吾過眼佢哋傷害平民百姓,佢哋尋日高空擲物落吐露港行車線,有車輛駛過,喺旺角架的士駛過又掟汽油彈,路軌放雜物會令到車卡越軌,佢哋有冇common sense㗎,真係造成大傷亡,老老實實,佢哋同警察喺郊野公園決戰好過。

      刪除
    5. //路軌放雜物會令到車卡越軌

      點只咁簡單!

      【11.12‧元朗】輕鐵路軌遭水泥加磚塊填平 站內設備被破壞

      //佢哋同警察喺郊野公園決戰好過

      又放催淚彈, 郊野公園邊陲唔使起樓了 XD

      刪除
    6. // 乜教獸你好鍾意返工咩?

      香梘賤台嗰D啫, 問人點解係都要返工?! DLS, 咁都問? 搵食囉.

      刪除
    7. 問人果個自己咪返緊工囉,精神分裂?

      刪除
    8. //搵食囉.

      「我地要追求的是更崇高的理想」

      //問人果個自己咪返緊工囉,精神分裂?

      佢地返工有使命感的, 不是工資奴!

      刪除
  7. 岩岩睇緊utube now直播,班有青放火燒旺角莎莎(唔知又邊度得罪佢地),點知火勢失控勁大火,就來燒上樓上,黑記即刻將鏡頭移去第二度唔俾睇,影住班友行行企企砌路障。

    尋日係怡和街又係,樓上住客要落樓疏散。遲早有人中招。

    第日有青同黑記必須一齊清算。

    回覆刪除
    回覆
    1. 莎莎應該關招呼自遊行事。翠華劈爛我又唔知點解。

      刪除
    2. 話你紅底咪紅底囉,打左先,再諗原因啦,大把人幫佢地抹屁股

      刪除
    3. 這種情況只會不斷加劇,現在的情況就是暴徒打了雞血一樣,不斷向前衝,其實之前拿美心吉野家出氣只不過是藉口,那有暴動不打砸搶燒,大家外出都要小心,都法律不能懲治他們時,他們只會越來越有持無恐,什麼事都做得出。

      刪除
    4. //翠華劈爛我又唔知點解。
      //話你紅底咪紅底囉

      翠華都係 focus on 蝗民生意.

      //法律不能懲治他們時,他們只會越來越有持無恐,什麼事都做得出。

      驅散根本唔係辦法. 唯有政府倒台, 由殺人政權接管, 再無巷中邊界, 武警捉到有青直接送中, 傷民要恨就恨殺人政權.

      刪除
    5. //黑記即刻將鏡頭移去第二度唔俾睇

      RTHK都係咁,尋晚有件指揮官除口罩指揮暴徒,RTHK立即擰開影空氣

      刪除
    6. 呢 d 就係國際準備既編採自由

      西鬼國家玩到出神入化

      係香蕉華人待西以寬, 律華以嚴

      -- Dogdogchi

      刪除
    7. //待西以寬, 律華以嚴

      笑咗!

      刪除
  8. 所謂治亂世用重典,政府高官依家乜叉都唔做淨係識得出嚟遣責有鬼用咩,真係藍C黃C都覺得政府高官無能.不如大家集思廣益,睇下仲有乜可以做:
    1 所有學校停課直至暴亂受控
    2 實行宵禁(例如晚上十時開始)
    3 所有紀律部隊和輔警加入抗暴並加聘人手
    4 將某些營舍或喜靈洲改建為臨時拘留所
    5 關閉所有大學宿舍
    6 18歲以下青少年參與暴動父母須受刑責
    7 政府加強宣傳暴動罪的後果
    8 撥款幫助受影響商舖和失業的人
    9 加強警察裝備和每個執勤警員均佩備攝錄機,並每個現場均有拍攝者同行(費事只有黑記講晒)

    Brainstorm下都好

    回覆刪除
    回覆
    1. 強勢拘捕
      緊急法唔審就立即監禁
      同大陸監倉買位
      大不了咪送200萬零1減3人上去

      不過算把la
      水炮車得3架
      音波炮買咗唔敢用
      其實用音波炮清橋
      3分鐘就攪掂

      刪除
    2. 警察隨身攝影機係雙刃劍,因為九成警察唔會100%跟警例,亦都冇可能跟足,警例寫得太完美,照跟要加倍人手同時間,而呢樣嘢警察9成99時間都冇。

      刪除
    3. 3.聽你話,今日實行咗

      一批懲教署人員被委任為特務警察,增警方人手及力量

      刪除
    4. 其實根源就係200萬+1(甚至更多)人不承認中共對香港的管治權的正當性, 其他行為上(由佔中至魚蛋至反修例暴亂)都係表象, 所有止暴制亂的方法都只係治標不治本.

      刪除
    5. // 其實根源就係200萬+1(甚至更多)人不承認中共對香港的管治權的正當性, 其他行為上(由佔中至魚蛋至反修例暴亂)都係表象, 所有止暴制亂的方法都只係治標不治本.

      啱呀。

      或者話,佢哋可以接受八九十年代sell嗰套「港人治港」,但唔接受北京「實質管治權」。事實上,回歸頭十年,當回歸嘅影響只係等於掛五星紅旗嘅時候,香港人不知幾愛國。大學生社運嘅重頭戲係保釣、反對美帝炸中國大使館...

      咁都可以理解嘅。而家香港人做官都係要顧全大陸,但香港人又唔可以加入全國性嘅官制,形同二等公民,衝突是必然的。港英時期都係咁?但一來當年冇民主化承諾,二來就算假設而家仲係殖民地,隨著經濟發展放緩,都會有類似嘅反政府運動(不過英國佬讓步嘅機會率多啲;都無咗咁多地方,唔爭在嘛)。

      刪除
    6. 再加多句。兩鐵用車就很能說明問題了。七十年代買英國火車,到回歸前後公平招標分別買日本、韓國火車,到而家買大陸火車。

      支持抗爭嘅香港人根本唔懷念英國佬。佢哋懷念係回歸前後,英國「下定旗」,北京未想介入,香港人(之中嘅上流人士)真係好似可以做決定嘅時代。對於佢哋嚟講,呢個先係落實「一國兩制,港人治港」;對於習近平時代嘅中央政府,呢個係「隱性港獨」。

      問題係,兩個睇法其實都係啱嘅.... 唉。

      刪除
    7. //佢哋可以接受八九十年代sell嗰套「港人治港」,但唔接受北京「實質管治權」。
      //佢哋懷念係回歸前後,英國「下定旗」,北京未想介入,香港人(之中嘅上流人士)真係好似可以做決定嘅時代。對於佢哋嚟講,呢個先係落實「一國兩制,港人治港」;對於習近平時代嘅中央政府,呢個係「隱性港獨」。

      即係話, 平時港督其實係橡皮圖章, 實質治港機關係兩會(不需民選也可), 有啲似君主立憲.

      刪除
    8. 9.原來美國都做緊,係怕身上陀着太多嘢,我們警察舉步更艱難。

      為防止搞事和碰瓷,美國警察將在衣服中掛上隨身攝錄機

      刪除
  9. 10 停止連登、telegram、Facebook等推動暴動的網站運作
    11 海關加強搜查截斷暴動裝備來源
    12 裝造汽油彈的材料必須用身份證登記和提供用途才能購買
    13 清除所有路上的單車,用水泥地或痴死地磚,街上不再放垃圾桶,減少一切地面可以用來做路障的物件

    回覆刪除
    回覆
    1. 好老實講,閣下所提出的方法對現今政府是不行的。大家都要明白,香港就算無二百萬加一人是支持暴徒,但一百幾十萬人就一定有,唔信看看facebook,看看律政司犯低級錯誤,看看blog主的校友黃維基星期二fullgear入中大,黃媒。他們可能不是大多,但絶對不是小數。對付他們需要的意志同決心,在抱住打工仔心態的高官是缺乏的。所以有一樣野黃藍是connect的,就是大家都想林鄭同班癈柴高官快的仆街死。

      刪除
    2. 死嘢,幾有建樹喎
      1.視乎情況,有排咪有排都停
      9.呢樣誇張啲
      13.如果往後路政署仲用地磚舖砌,他們一定是合謀策劃革命,垃圾桶好多國家地方冇擺咁多喺街,啲人好自律,真係袋住先之後先扔,包括我自己,返到香港吾係喇,我會喺巴士上攝喺座位隙間,見到好多地盤阿叔隨處咳吐,佢哋個動作一想你就會知即閃。

      刪除
    3. //對付他們需要的意志同決心,在抱住打工仔心態的高官是缺乏的。所以有一樣野黃藍是connect的,就是大家都想林鄭同班癈柴高官快的仆街死。

      根本班工資奴膠官就唔肯 own the problem - 不過, 正如我在棲上的回覆,「不承認中共對香港的管治權的正當性」才是問題的根源的話, problem owner 就是殺人政權...當然, 佢地會話「對香港的管治權的正當性」經已在現實中實踐出來, 特衰膠官如果convince 唔到200萬+1接受現實, 咁就要諗辦法點樣叫佢地唔好搞破壞 - 以往係搵錢, 但依家當錢已搵夠呢?

      刪除
    4. 個方向其實轉了,唔係搵錢,而是供樓不限港樓或內地樓。即是製造一個罩門令有青或中產不能胡來。
      對年輕人始終靠惡交流最易理解,誰大誰惡誰正確!

      刪除
    5. 咁又係, 一講錢班有青又感到失敗感了!

      刪除
    6. 百歲磚/環保地磚原意係環保,整地下管道時可以唔浪費咁多物料,唔使鑽地,用水泥封嘅話,其實啲磚嘅功用已經廢左..
      黃黑好浪費地球資源...

      刪除
    7. //黃黑好浪費地球資源.

      佢地斬樹枝做路障添喇.

      刪除
  10. 剛見到有網上圖片,元朗有人組織東江縱隊,打擊黑衣人 。魔術師應該好高興。

    回覆刪除
    回覆
    1. 可能為上水食環署清潔工報仇,個伯伯昏迷緊,話腦幹死亡,好慘,條片啲市民好㷫擊退黑衣人,好想cry,let me cry cry 你不要向後望,留下崩潰的我跌撞 從此跌進絕望。

      刪除
    2. //魔術師應該好高興。

      唔係喎. 我完全唔希望民間要自行組織自衛隊抵抗黑衣軍. It simply implies that PoPo is not doing their job.

      刪除
    3. 暴兔就係想睇內戰,互相廝殺!!吾好畀佢得逞。

      刪除
    4. 記得帶頭盔,個上水阿伯死咗喇。

      刪除
    5. 好難捉到兇徒, 毫無疑點咁入到誤殺罪就更難.

      刪除
  11. 解散警隊,直接由軍隊接管.
    抓到的暴徒,全部送去國內以叛國罪處理.
    奪去國藉,送去美國做難民

    回覆刪除
  12. https://news.rthk.hk/rthk/ch/component/k2/1492170-20191114.htm

    火燒前園?

    回覆刪除
    回覆
    1. 假髮人放人咪話你好人, 判刑就話你係衰人. 班有青根本毫無道義可言, 隨時反轉豬肚.

      刪除
  13. 切水,切電,切網络,封出入口唔比運送物資。打仗咁打,難道想佢地念般若心經?

    回覆刪除
    回覆
    1. 哈, 有拉燈仔話要在中環主要商廈附近的電訊商沙井搞破壞, 斷人網絡咁話.

      刪除
    2. //中環主要商廈附近的電訊商沙井搞破壞, 斷人網絡咁話//

      係D無知嘍囉先會講呢番說話

      中環好多大老闆系度做緊生意, 唔可能只係搞到中資, 搞唔到其他資本

      我唔猜測動機, 只係從暴民行動觀察: 暴民人人都搞, 係唔搞大老闆

      -- Dogdogchi

      刪除
    3. //中環好多大老闆系度做緊生意, 唔可能只係搞到中資, 搞唔到其他資本

      拉燈仔應該係想進行無差別攻擊.

      刪除
    4. //拉燈仔應該係想進行無差別攻擊.//

      從佢地一貫既行事作風,係會搞唔成

      Wait and see

      -- Dogdogchi

      刪除