2019年11月17日 星期日

思辨練習之跟大學校長們抬槓

尋日見到呢篇九大校長的公開聲明,睇完即時眼火爆,身為大學校長竟然公然推卸責任,偷換概念,混淆視聽,真係要打尖D完呢九位大哥先再D段爸爸:
【逃犯條例】九大校長聲明:困局非大學造成 政治僵局需政府化解

反修例風波持續,本周起演變成黑衣人佔領大學,港大、理大、城大、浸大和中大都充斥示威者,受到嚴重破壞。八間本地資助大學及香港公開大學校長今晚(15日)就香港時局發聯合聲明,直言目前極其複雜而艱難的困局,並非由大學造成,亦無法透過大學紀律程序來解決。
聲明形容當前的社會紛爭,已令大學校園化身成政治角力場所,期望大學可化解危機是不切實際,對「政府的回應至今未能有效化解危機」感遺憾,促政府牽頭化解此政治僵局,恢復公共秩序和社會的安定。
指校內有毒化學品遭拿走 師生憂安全
香港大學校長張翔、中文大學校長段崇智、科技大學校長史維、城市大學校長郭位、浸會大學校長錢大康、教育大學校長張仁良、理工大學校長滕錦光、嶺南大學校長鄭國漢及公開大學校長黃玉山,今日晚上(15日)就香港時局發聲明。
聲明形容香港正處於四分五裂局面,社會團體、政黨,以至家庭、朋友間存極大分歧,而過去一周暴力和對立情況進一步升級,部分大學已被示威者控制、校園內有毒化學品遭拿走,令教職員及同學因擔憂其自身安全而離校,他們形容這些事件對大學造成最根本挑戰,重申不論任何政治觀點均不能成為肆意破壞財物,威脅他人安全,甚至使用暴力的理據。
指無法透過大學紀律程序解決困局
聲明亦形容,當前社會紛爭已令大學校園化身成政治角力場所,任何大學可化解這場危機的期望都是不切實際的。聲明指出,「這些極其複雜而艱難的困局,並非由大學造成,亦無法透過大學紀律程序來解決」,批評「政府的回應至今未能有效化解危機」,他們就此感遺憾,又認為現時困局反映整個香港社會存在分歧,促政府牽頭聯合各界,以迅速及具體的行動化解此政治僵局,以恢復公共秩序和社會的安定。
聲明末段呼籲社會各界共同努力,將和平與秩序帶回香港。
「大學校長關於香港目前時局的聲明」全文-2019-11-15
香港目前正處於四分五裂的局面,不同社會團體、政黨,以至家庭及朋友之間均存在極大的分歧。過去一星期,本港出現的暴力和對立情況進一步升級﹕某些大學已被示威者所控制、校園內有毒的化學品遭拿走、教職員與同學因擔憂其自身安全而離開校園。這些事件正對大學造成最根本的挑戰。
任何政治觀點,都不能成為肆意破壞財物,威脅他人安全以至使用暴力的理據。令人遺憾的是,當前的社會紛爭,已令大學校園化身成政治角力的場所,而政府的回應至今未能有效化解危機。任何認為大學可以化解這場危機的期望是不切實際的,因為這些極其複雜而艱難的困局,並非由大學造成,亦無法透過大學紀律程序來解決。這些困局反映的是整個香港社會的分歧,政府必須牽頭聯合社會各界,以迅速和具體的行動來化解這一政治僵局,以恢復公共秩序和社會的安定。
香港是我們的家。我們呼籲社會各界共同努力,將和平與秩序帶回香港。
香港城市大學校長郭位教授
香港浸會大學校長錢大康教授
嶺南大學校長鄭國漢教授
香港中文大學校長段崇智教授
香港教育大學校長張仁良教授
香港理工大學校長滕錦光教授
香港科技大學校長史維教授
香港公開大學校長黃玉山教授
香港大學校長張翔教授
(按大學英文字母次序排列)
1. 政府必須牽頭聯合社會各界,以迅速和具體的行動來化解這一政治僵局,以恢復公共秩序和社會的安定
同意化解政治政治僵局是政府的責任;但無論是止暴制亂也好,甚至再退一萬步「回應(其語境是「答應」)」五大訴求也好,無論用哪一種方法去「化解這一政治僵局」,都是將來式。魔術師認為,現在校長們需要出來交待的,是有關「校園管理」與及「跟政府、警方、和暴徒之間的關係」,是過去式及現在式。
2. 某些大學已被示威者所控制、校園內有毒的化學品遭拿走、教職員與同學因擔憂其自身安全而離開校園。...任何政治觀點,都不能成為肆意破壞財物,威脅他人安全以至使用暴力的理據。...任何認為大學可以化解這場危機的期望是不切實際的,因為這些極其複雜而艱難的困局,並非由大學造成,亦無法透過大學紀律程序來解決。
大學校園雖然不是「法外之地」,但基本歸大學校方管理,而「某些大學已被示威者所控制、校園內有毒的化學品遭拿走、教職員與同學因擔憂其自身安全」正正就係「校園管理」的問題,「九大校長聯合聲明」將問題扭曲變成「政府需要解決政治紛爭」,絕對是偷換概念之舉。
現在第一個問題係,我城各大學校園均為開放式,除教學大樓、教職員辦公室、學生宿舍、院系學會辦公室等「私人重地」之外,外人可以自由進出。由於校外人士行為(包括前任教職員、舊生校友等)並不受「大學紀律程序」約束,那就請問若然有校外人士在校園內進行違法活動(包括製造攻擊性武器、爆竊破壞校園設施、攻擊校園外的市民、堵塞破壞校園外的交通設施、通衢大道等),對社會運作、公眾安全作出滋擾危害,大學校方將如何處置?會否報警查辦?會否容許警方進入校園內執法?若果校方一不報警、二不配合警方執法、三又不能約制校外人士所作所為,那麼校方管理層就絕對欠受影響的公眾及我城社會一個交待。
講完有關校外人士的問題,第二個問題當然就係關於校內人士(包括現任教職員、及現時在校內就讀的學生)。同樣,校內人士在校園內進行違法活動(包括製造攻擊性武器、爆竊破壞校園設施、攻擊校園外的市民、堵塞破壞校園外的交通設施、通衢大道等),對社會運作、公眾安全作出滋擾危害,大學校方將如何處置?會否報警查辦?會否容許警方進入校園內執法?若果校方一不報警、二不配合警方執法、三又無能力約制校內人士所作所為,那麼校方管理層除了欠對受影響的公眾及我城社會一個交待,事後又會否運用「大學紀律程序來解決」違規的校內人士?
第三個問題,即使在「和平時期」,校園保安由大學校方負責管理。但以暴大來說,忽然出現大量燃燒彈等攻擊性武器,相信是有校內人士一早準備好。各大學校方是否需要保證教學大樓、教職員辦公室、學生宿舍、院系學會辦公室等「私人重地」並無藏有此等危害公眾安全的武器?如果是無能力保證的話,那就請將校園的管理權交給有能力管好校園治安的組織管理(例如成立有執法能力的校園警察);如果是無企圖去保證的話,那就是否等於包庇縱容校內人士化身暴徒?是「不能也」抑或是「不為也」,總得有個說法;否則,若然無任何制約方案,所謂「任何政治觀點,都『不能』成為肆意破壞財物,威脅他人安全以至使用暴力的理據」中的「不能」,也只淪為只靠大家自律的「空談」。
***
段爸的公開信,真是一個狐假虎威的故事:
中大校長段崇智教授公開信
香港中文大學校長段崇智教授作出以下呼籲 :
過去幾天,大家從新聞中看到很多發生在中大校園的事件,社會各界,尤其是中大校友都十分關注。大學認為有需要和大家清楚交待事件的始末及現況。
11月11日星期一,有人從大學連接科學園出入口附近的二號天橋上向吐露港公路投擲雜物,意圖堵塞道路。大學對此等危害人命的不負責任行為,予以強烈譴責。據我們了解,當天警方駐守天橋,是為了防止再有人向路面投擲雜物,以確保駕駛人士及市民安全,讓道路可開通。二號天橋的位置雖然在中大範圍內,但地契上指明該橋屬於政府用地,政府當局有權通行。
翌日我曾經到現場,希望協調警方及示威者達成協議,當時警方表示若示威者不再從橋上拋下雜物,警方便會退出二號橋。校方將此建議轉達示威者, 可惜不被接納,隨後雙方再次爆發激烈衝突。警方最終依據大學的建議撤離校園,可惜二號橋再被示威者佔據,其後示威者更封鎖了可直接通往二號橋的大學東面出入口。
11月13日星期三,蒙面示威者繼續從二號橋投擲雜物,吐露港公路因此不能安全通行,須繼續全面封閉。大學強烈譴責此等不負責任的行為,並對數以十萬計的市民及道路使用者造成嚴重不便,致以深切的歉意。
過去數天,有為數過千的蒙面人士因應網上號召來到中大,我們相信當中大部分並非中大學生,場面極度混亂。之後校園發生了更多違法事件,包括縱火、掘起大量磚塊、大學的校巴及工作車輛被盜用、教學樓、宿舍及餐廳被毀壞或佔據。有人更從校外運輸物資入大學以大量製造汽油彈。大學實驗室內部分危險品及易燃品亦被盜去,這些物品可被用作製作爆炸品或對人身造成嚴重傷害。對於大學被利用為進行以上違法行為的場所,對公眾安全構成嚴重威脅,我們極度遺憾。而校園遭受的大規模破壞,估計復修需時以月計。
自星期三開始,大學的主要出入口亦被蒙面示威者佔據,校園內外均被大量障礙物堵塞,任何車輛不得進入,包括消防及救護車。所有進出大學的人士須向蒙面示威者展示身份證明,隨身物品及電話亦遭搜查才可放行。此舉嚴重侵犯大學成員的出入自由,造成恐慌。我們的校園已遭受包括外來人士的蒙面示威者佔領,情況完全失控及不可接受。
我知道很多中大人及其他持份者看到校園滿目瘡痍,都十分心痛及難過,強烈希望大學可以盡快回復秩序及安寧,重建美麗的校園。鑑於校園內外的情緒一直升溫,在評估風險後,大學以校園內所有員生的安全為大前提,決定提前終止學期,同時盡力協助校內的員生離開校園。
由於大學的運作已受到嚴重影響,我在此要求所有外來人士即時離開中大。 大學是求學問的地方,而不是解決政治紛爭,甚至是製造武器、使用武力的戰場。假如大學不能繼續履行其基本使命及任務,我們須尋求相關政府部門協助,以解除當前的危機。
因應校園目前的緊急狀況及安全隱憂,我們呼籲少部分仍然留在校園的成員盡早離開,直至校園回復安全及秩序,讓我們的同事可以展開清理及修復工作。只有大家同心協力,中大才可以走出陰霾。
段崇智校長
二零一九年十一月十五日
3. 有人從大學連接科學園出入口附近的二號天橋上向吐露港公路投擲雜物,意圖堵塞道路。大學對此等危害人命的不負責任行為,予以強烈譴責。...二號天橋的位置雖然在中大範圍內,但地契上指明該橋屬於政府用地,政府當局有權通行。
大學「予以強烈譴責」的,是「危害人命的不負責任行為」,至於作出該等行為的是暴大校內人士,抑或是校外人,不得而知;但「二號天橋的位置雖然在中大範圍內」,暴大校園屬校方管理,校方無能力處理就應該報警求助,配合警方執法;而唔係對「不知是來自校內或校外或兩者皆有」的暴徒百般包容,甚至跟警方談判,企圖息事寧人,後果就係暴徒可以全身而退。
4. 蒙面示威者繼續從二號橋投擲雜物,吐露港公路因此不能安全通行,須繼續全面封閉。大學強烈譴責此等不負責任的行為,並對數以十萬計的市民及道路使用者造成嚴重不便,致以深切的歉意。
段爸作為暴大的最高負責人,應該對校方管理校園不善而道歉,而不是替「蒙面示威者」向「數以十萬計的市民及道路使用者」道歉。
5. 過去數天,有為數過千的蒙面人士因應網上號召來到中大,我們相信當中大部分並非中大學生,場面極度混亂。
請問段爸根據甚麼「相信」當中大部分並非暴大學生?
6. 校園發生了更多違法事件...我們的校園已遭受包括外來人士的蒙面示威者佔領,情況完全失控及不可接受。...決定提前終止學期,同時盡力協助校內的員生離開校園...要求所有外來人士即時離開中大。...我們呼籲少部分仍然留在校園的成員盡早離開,直至校園回復安全及秩序,讓我們的同事可以展開清理及修復工作。
重申一次,校園內亦發生嚴重違法事件,倘若情況已惡化至校方無能力有效地管理校園運作,校方為何不報警處理,而係出公開信想「私了」,息事寧人,這是甚麼意思?是想包庇暴徒、提供機會給暴徒全身而退嗎?
7. 如大學不能繼續履行其基本使命及任務,我們須尋求相關政府部門協助,以解除當前的危機。
評論前先看一看暴大網頁:
香港中文大學的願景和發展
我們的使命
在各個學科領域,全面綜合地進行教學與研究,提供公共服務,致力於保存、創造、應用及傳播知識,以滿足香港、全中國,以至世界各地人民的需要,並為人類的福祉作出貢獻。
我們的願景
努力成為香港、全國及國際公認的第一流研究型綜合大學,並使我校建立於雙語及跨文化傳統的學生教育、學術成果及社會貢獻,均保持在卓越水平。
校訓
校訓為「博文約禮」。知識深廣謂之博文,遵守禮儀謂之約禮。「博文約禮」為孔子之主要教育規訓,其言載於《論語》:「子曰:君子博學於文,約之以禮,亦可以弗畔矣夫。」本校教育方針為德智並重,故採「博文約禮」為校訓。

校徽
本校以中國神話中之「鳳」為校徽,蓋自漢代以來,鳳即被視為「南方之鳥」,且素為高貴、美麗、忠耿及莊嚴之象徵。以紫與金為校色,取意在紫色象徵熱誠與忠耿,金色象徵堅毅與果敢。
以暴大生近年的所作所為,「跨文化傳統的學生教育」、「遵守禮儀謂之約禮」皆無從說起;所謂「德智並重」,一來失德,二來智亦與「知識深廣謂之博文」一樣,同為狡辯造謠之用。不過,對巷蜀之「熱誠與忠耿」、「堅毅與果敢」卻是無人能及。
8. 校園回復安全及秩序,讓我們的同事可以展開清理及修復工作
最終「校園回復安全及秩序,讓我們的同事可以展開清理及修復工作」,並非來自段爸的呼籲,而是因為暴徒間的內鬥,甚至係因為「因革命而一起,因洗碗而分開」。

所謂無大台,在抗爭搞破壞層面,短時間糾結聚眾生事,大家懷着同一個目的行動,的確可以有效地叫政府疲於奔命;但係黑衣軍亦只能停留於要求萬惡的巷共政權做嘢,而唔係自行「建國」:要「建國」,則肯定需要一個大台去訂立一套社會契約、一套法律、一些規條要大家去遵守(例如拉燈仔有情緒就可以,PoPo 有情緒就唔得呢個想法就好有問題),如果人人自己顧自己,違反了共識卻又不能割蓆,這個「無大台社會」(其實係無政府主義)肯定不可行。最簡單的例子,就係黑衣軍 be water 快閃生事後,市面狼藉一片,還不是靠萬惡的巷共政權屬下的各部門、外判工等善後?沒有了萬惡的巷共政權這個大台,靠你班連碗都唔識或懶得洗的有青建國(建國是要能令社會運作,而唔係俾機會暴青在錯誤中學習成長),咁搞法真係食得X!留下軟墊拍AV就差唔多!
有中大學生及職員自發清潔磚頭2019/11/16 18:26

有中大學生及職員下午自發用掃帚將磚頭掃到路邊,開通其中一條車路。有中大職員檢查校巴及中大的車輛,其中一架校巴發現有一箱汽油彈。中大指部分校巴損毀嚴重,維修檢查需時,正聯絡其他校巴公司為員工在復工後提供有限度的校巴穿梭服務。又指相關部門已巡查校園,評估風險及安排人手清理主要出入口的障礙物,必要時會尋求消防或相關部門,協助處理危險品,並會評估各書院、學系及實驗室的破壞情況及修復安排。
***
最後,魔術師以某位網友呢份深情對白,並附上點唱歌曲作結:
繼馬鞍山國建國後一小時後因熄冷氣而亡國後,中大國亦於建國數日後因冇人煮飯冇人洗廁所而亡國。
之前一日仲實牙實齒話如果政府唔答應條件,就會行動升級;點知一個屈尾拾就內訌淆底be water(笠水)。
為左逃避責任而蒙面呀,冇大台呀,結果連邊個係自己友都要拗一餐,連做決議都失敗卻又走去學人講民主。
平時經常好型咁鬧政府廢,點知一到自己揸庄就廢到連幾日都捱唔住。其實從一開始件事就係一場鬧劇,一堆連登友妄言囈語,所以就算點討論結果都會只得一個,只係冇諗過過程如斯具戲劇性。
繼續唔割蓆支持班智障冇所謂,不過就唔駛週街同人講嘅

***
伸延閱讀:
[爆post重開] 唔該想知中大發生咩事就入嚟
我係一個中大人,長期住喺宿舍,見到禁多熱門po講中大我覺得有需要開個po講一講入面嘅情況
11.11 朝早,有人喺二橋揼單車落去東鐵路軌,成功塞到地鐵,再揼嘢落去塞吐露港公路,原意係想快閃,令北區嘅人出唔到市區,達成三罷,有宿舍嘅人日日落去揼一次,班狗就要日日防住我地,唔該唔好問我點知的。
之後因為有狗衝入中大,就開始咗中大家園保衛戰,老實講,如果無非中大嘅人入嚟,條橋絕對係唔會推得贏,我會話當晚推橋,有超過一半嘅都唔係中大,其實我地好感激你地入嚟幫我地推贏咗5個月以嚟第一次贏嘅陣地戰,你問我點解會贏,我會話主要有三點,第一,我地有明顯目標,趕班狗出中大,第二,非常充足嘅物資,多到要大叫太多前線,要企鬆啲,第三,地理位置好。同一般嘅陣地戰有好大嘅唔同地方,所以我地先贏到。
我無刻意嘅去分咩人係中大人,咩人係非中大人,我全部都當係手足,但係有一樣嘢我好想講,我地好感激你地入嚟支援中大,但係唔好以為你幫我地推完條橋,條橋就你話事,想點就點,而家行英雄主意咩,唔該你蒙面令到做咩都唔洗負責任,但係可唔可以同時有翻唔領功,batman係我心目中最好嘅蒙面型像。
我最後15號離開咗中大,如果叫我地散水撚嘅人指點一下我迷津,你解到嘅,我而家即刻仆翻中大。
1) 點解吐露港公路會直接同三罷掛鉤?11.11塞咗公路,塞咗火車,點解晏就可以有人可以喺中環開花?塞一條公路有咩用,老實講,當日我寧願你唔好入中大,去塞主要幹道,效果唔係會更好咩,我地cu易守難攻,幫你地引開曬啲狗,就算守唔到,你地佔曬其他主要幹道,我會話以大局嚟講係值得。
2) 點解無端端由中大家園保衛戰變咗佔領2.0?我地嘅原意係想快閃,日日堵路,等班狗要守我地,浪費狗力,變咗我地守班狗:o)浪費我地手足嘅力
3) 雖然我知好un耳,但係都要講,中大係好需要民意,無民意就無物資,中大禁偏僻無物資一個禮拜都唔洗就玩完,所以我係非常唔同意你地13號主動出擊而唔係防守,你話要幫翻出面救趙,你諗諗吐露港公路原本就塞咗,嗰陣無狗,你出去fing下就係圍魏,你出去係只係等班狗可以出師有名打中大。
4)垃圾問題,題外話,我好想知邊條genius諗喺中大範圍入面起road block,令到喺中大入面搬物資要人手搬。中大block 曬對外嘅路即係中大無垃圾車入到中大,三日就話得,你長遠落去始終要撤,好易爆疫症。5) 內部問題,就算咩事都無發生,內鬥都會令中大收皮,呢幾日中大係一個無政府嘅三不管地帶,新宿差啲俾人裝修,仲有好多安全問題,例如唔撚識揸車又要玩,出咗事無人負到責,如果有人錯手,飲醉酒殺咗人點算?私了咗佢咩。6) 仲有,中大真係同其他地方唔同,佢係一個學校,每年都有好多高學歷嘅人畢業,亦有好多稀有藏書,買唔翻嘅樂器,唔係話而家香港打仗,邊度都要打。如果你地想死守,將中大變要塞,我會話地勢係好適合,但係地理位置一啲都唔適合,你要去攻下一個點,至少要行1個鐘,仲要攻完,好容易俾人block 後路,進退兩難。
最後,因為我覺得咁樣長遠落去都係會收皮,不如我而家就走,希望你地唔好以氣用事,話禁難得打咗條橋,放咗好唔抵,求下你地諗翻咩叫大局為重,咩叫be water。
唔好留低一個散水撚俾我又唔應我上面啲問題,因為cu同機場係有好撚大分別,唔好相提並論。
【中大保衛戰】前暴大學生會反思文章整合
尋晚凌晨四點鐘見到前中大學生會「星火」幹事係facebook寫左篇文講點解尋晚中大人會撤,分享左上黎但因為太夜無人睇,咁啱剛才見到前會長又打左篇反思文,決定一併post上黎,等手足知發生咩事,希望大家幫手置頂#yup##yup##yup#
不要分化,只要反思
第一篇文來源:前中大學生會「星火」外務秘書 Facebook
我所認識嘅中大學生都幾乎好無奈咁離去,仲有啲手足堅決留守,勸都勸唔掂,有好多人問中大前幾日打得咁好,點解突然話要全撤,我覺得係下列幾個原因,試下拋下磚,有錯請指正:
(同意請share俾外面手足知發生咩事,希望其他大學唔好重蹈覆轍)
近因
1. 三點鐘記招
三位手足突然凌晨三點鐘喺二橋開記招,要釋出善意、希望政府唔好取消區議會選舉,結果係其他手足唔同意,因為要堅持五大訴求,而非政治選舉,激嬲部分手足話要撤,而有份參與記招決策嘅人又話俾人割蓆*
其實我朝早收到消息,除咗鄭姓前新民黨,有人話有位中大女講師一直幫手足度稿,唔知係咪呢位老師提出保區選一事,如果係唔好怪哂手足住,有待FC2. 校方傳出引爆炸彈消息
中大人之間瘋傳一個消息,話某高層收到前線同學通知,二橋會失守,有人call街外人士引警察入校園再引爆炸彈,要求同學盡快離開中大校園;之後仲有消息話其他出入口都有炸彈,又有好多學系書院叫人走,所以好多中大同學係恐慌之中唯有一一撤離,又擔心真係炸哂遲早無物資搞唔掂(炸彈唔係最大問題,問題係炸中大各出入口後,大家怕會斷物資線),唔想走個啲見到手足走左咁多覺得守唔住,試過勸人一齊走,勸左好耐最後無辦法之下決定棄城而去
遠因
3. 校園出現內部分歧
一邊廂,有啲非中大手足覺得自己俾人排、俾CUSU割蓆,點解要自己開全民大會、覺得自己係condom;另一邊廂,有部分中大人覺得好多非中大手足破壞緊校園,毫無軍紀,例如亂爆建築物、當mario kart咁揸車結果今日有中大人同前線傾個時,大家敵意高到係俾人攞住支棒球棍指住就開拖咁款,又有手足踩上學生會指罵幹事,遑論有人提出燒CUSU一事。中大手足間無信任基礎,好難理性溝通地做決策,加上炸彈恐慌,令好多中大人決定離開4. 矛盾背後:手足互相發洩情緒
承接第三點,長佔大家出現好多指罵、責備,講真呢幾日搞到咁有啲情緒好正常,但當我地同手足溝通,真係唔好一有唔同意就話要火魔,大家都係自己人,大家都捱左五個月,有咩想法咪大家一齊傾一齊拆,唔啱傾咪自己去做,唔使仇視其他手足呀真係...
舉個例子,例如中大全民大會,學生會只係想知中大人呢刻點諗再配合行動,始終CUSU係要同中大學生交代,但俾好多人屌圍爐,其實好多中大人個時都話唔會掉低中大外手足,中大人會一齊同大家守住個城;又有人成日話我地有hall訓,其實球場都有中大人訓架,同埋有好多返左hall都無得訓要整野架。
中大外手足,我地真係好感激你地1112幫拖,但另一方面見到校園內好多唔需要拆嘅設施俾人破壞,或者校園內無哂紀律變得危險,咁因為中大人真係好鐘意中大,身份認同好強,覺得屋企俾人搞亂咗,然後可能大家有情緒就開始互罵...
咁當大家個關係咁差時,仲點一齊諗點守點攻,例如炸橋甚至炸埋其他入口等策略係咪真係要實行之類...? 都唔好話係咪要傾下實行與否,在大家有咁多誤會情況下,部分人係連向手足FC係咪有呢啲策略都做唔到,逼於無奈,有好多中大人選擇自行離去
反思
中大保衛戰為街頭抗爭打下一支強心針,同時加速香港人權民主法案通過,無疑係一場漂亮嘅戰役,但係有危就有機,反之亦然,今次中大風波基本上係證明左「無大台」同「長期佔領」難以相容:
1. 佔領區決策難以有共識
無大台下長期佔領係一種會出現好多問題嘅抗爭模式,人與人之間需要長時間相處,會比起流水社運出現更多摩擦同衝突,大家係好難會有共識,朝早夜晚唔同手足輪更,又會有人出出入入佔領區,仲要中大地形大過佔旺佔中咁多,啲人散開哂,導致有啲決定成為一種假共識,例如三點鐘記招風波
2. 無大台下佔領難維持軍紀
我地無人去訂立啲明確規條,叫大家有咩應該做唔應該做,無大台下我地唯有信各位手足自律,而且都無組織有能力去訂立規條並說服所有手足跟從(包括中大學生會),唔跟我地又唔可以割自己友,陷入兩難,結果因為有好多意外係校園發生,大家誤會越踩越深
最後想講,中大人真係無當大家係condom,只係中間出現太多誤會同摩擦啦,同時都係因為長佔而衍生嘅問題嚟。但總而言之,今次中大一役帶出一個好重要嘅信息:放棄長期佔領、堅持流水社運。該守則守、該撤則撤,希望今次唔會帶嚟反效果,汲取教訓,要贏!
第二篇:前中大學生會 「星火」會長 Facebook
【慎防分化滲透 中大內亂真相】
(請廣傳:評論中大前,求求大家成篇睇完)
(TLDR:真前線勇武手足唔駛嬲,破壞中大既係鬼同假勇武,係佢地用你地既名招搖撞騙搞分化)
連日來中大內亂問題都深深困擾著手足,中大人深感家園被騎劫,唔少外援手足就感到被排擠當CONDOM。但事實既真相係點呢?
(先黎利申:中大校友,打足兩日戰役,非最前線,星期三下午至星期四離場休整,星期五再度回校)
1)究竟中大呢幾日有咩「內亂」發生會令到中大人咁嬲?
A)出現不少不明所以甚至對手足不利的破壞,例如懸空的「賤橋」橋邊玻璃被打碎,可令人失足墮下;(據現場義務醫療隊稱)本來可用作打針場所及有大量醫療器材的保健處被爆;地圖及路牌畀塗黑,令外援在校園內無指示可依......
B)本來爆校巴及其他車原意在作路障,但由星期三停戰開始,有大量校巴、大學的貨VAN甚至教職員的私家車被「爆」並在校園內行駛。起初駕駛者以提供FA服務及運送物資為旨,情況大致良好;但後來現場手足發現愈來愈多車被爆,不少人甚至是無牌/停牌駕駛,更有人在爆教職員私家車後留下「你架車好好揸」既紙條。中大山路極其崎嶇奇怪,部分路段入夜後更是非常黯黑,遑論戰後路面情況相當混亂,當中大的職業司機平日都必需小心翼翼時,我們卻發現部分人竟然在校園山路高速飛車,以致連日出現多宗交通意外及撞車事故,部分人需送院治理。C)有部分人完全失控脫序不可理喻,不斷用武力威脅他人。當12號晚副校長吳基培與一眾大學高層包括書院院長和學院院長前往二橋與手足商討保安組接管二橋方案時,已有人大聲向副校恫嚇「再講燒撚埋你」;有人報稱在校園內險遭校巴撞倒,事後不單司機沒有向他道歉,他更遭人搜身;更甚者,當中大學生會代表在不同地方和手足溝通時,竟多次遭人以棒球棍及其他武器指嚇(本人昨日亦在四條柱外親身被人用棒球棍指住頭部),又威脅會燒中大學生會會室及「炸撚左中大」佢。其餘個別宿舍在拒絕部分人入內洗澡後亦遭人恫嚇「爆左佢」、零星口角毆鬥等傳聞難分真假,亦不絕於耳。2)破壞中大唔跟規矩既就一定係外援?中大人就一定冇錯?
絕對唔係。據我了解,駕駛校巴的人當中也有中大同學,而嘗試阻止失控行為和維持校園徒序的也有外援手足。我上文所述險遭校巴撞倒的也是外援。我必須說得非常清楚:問題在於「行為」,而不在於「身份」。過去三天的討論一直圍繞在中大人VS非中大,造成嚴重分化對立,絕對是被五毛打手及鬼帶了風向。
有部分人指責中大同學「緊張條橋塊玻璃多過前線手足人命」,而事實上爆橋帶來的高空墜下危險、以及飛車、武力恫嚇等等行為,是對不分中大與否所有現場手足都帶來極大威脅。我們要整頓的,是這些威脅或傷害到在場手足的行為,而不是基於身分的成見,更不是「非中大人」。我重申,問題在於「行為」,而不在於「身份」。過去三天的討論一直圍繞在中大人VS非中大,造成嚴重分化對立,絕對是被五毛打手及鬼帶了風向。
3)中大手足冇撚上前線,勇武前線外援畀大家當CONDOM?
絕對不是。整場中大戰役,由星期日晚開始準備,到星期一爆發,星期三清晨落幕,由最早開始以中大為基地在吐露港發動堵路的中大手足打足三天,就算沒有被捕或中彈受傷,基本上也已經筋疲力盡。以我自己及身邊的一群中大校友為例,在星期三清晨停火並且留守至中午後,基本上已經身心俱疲,不少都回家休整、更換衣物及裝備。其後港大、浸大、理大相繼傳出戰報,不少手足選擇奔援或在附近開花,同時中大對外交通極其困難,以致沒有回中大接防,這也是不爭的事實,我希望在此能夠得到大家體諒。而在星期五急報連連,記者會弄得全城風雨後,不少中大人聞訊都有趕回中大支援,我自己便literally「翻越」已被燒成廢墟的大學站爬入中大。
4)[慎入]究竟呢班周圍搗亂既係咩人?
「中大人」嘉年華?不是。
「外援前線」?都不是。
鬼?一定有。
中大人連日對自己校園內亂的反感,被人帶風向至針對「非中大人」;而前線勇武手足一聽到,便覺得被罵的是自己被當CONDOM。但事實上在各個出入口路障「揸旗指揮」兇人恫嚇,在校園內飛車破壞的,又是不是真如他們自稱的所謂「勇武前線」呢?我上段對中大手足去留的分析,其實也完全適用於外援前線勇武手足。在星期三清晨停火並且留守至中午後,就算沒有被捕或中彈受傷,外援的精銳勇武手足頂在最前線長時間奮鬥,基本上要比起我這種後排要遠為筋疲力盡,不少都回家休整、更換衣物及裝備。其後港大、浸大、理大相繼傳出戰報,奔援或在附近開花才是他們的最自然選擇。不是中大人的外援並無「守住屋企」的使命考量,在無警察即時威脅時回中大重演佔領區困局對他們而言是更不合理。
昨晚當中大矛盾加劇時,我也找到一個看到網上分化評論後狂罵被人當CONDOM的精銳勇武朋友,也證實他整隊小隊根本一早已撤出中大,其他幾隊相熟的勇武手足也回報一樣。所以,究竟,留在中大「也文也武」,兇人恫嚇、飛車破壞,周圍大叫「中大人當我地CONDOM」,甚至上網在TG、FB不斷屌的自稱「勇武前線」是甚麼人呢?由14到19,在過去六個月的抗爭中,我從未見過有人會拿著棒球棍在圍圈討論行動時指著其他手足。我從未見過有人四周大聲高呼自己是勇武前線,然後指在場其他人甚麼都沒做過沒資格出聲。(Come On,香港人面皮薄過紙,最多都只會話自己前線返黎,點會咁樣自稱呀?)我從未見過有人無差別裝修。(還記得每當我地裝修錯舖,都會在現場噴SORRY嗎?)我從未見過在討論有分歧時會威脅「燒撚埋你」。我從未見過人「借車」,而「借車」後不是幫助手足,而是高速飛車。結論:他們或許是鬼,也或只是一群嚴重缺乏軍紀和尊重「抗爭流氓」,在此我真的不敢斷定。如果是鬼,就證明了一個固定的佔領區實在太易滲透,還不如流水開花好;如果是抗爭流氓,事實上在14佔領區後期也見到不少。這群人要不一開始就是帶著「威、型」或「嘉年華」的精神來「參與抗爭」,就是在虛幻的指揮權力前無限自我膨脹,最終各種脫序失控,自以為是,在無人糾正下演變成「抗爭流氓」,是無法避免的悲劇。5)在柒事中學習成長 在遺憾中自我修正
在佔領區,平靜時鬆懈的氣氛和戒備時緊張的精神不斷交織,非常容易孕育出極端的情緒。再加上長期守備的疲累、據點日常後勤雜務的煩瑣,一旦出現鬼或「抗爭流氓」,內亂和對立可謂一觸即發。今次中大之役帶出了兩個非常明確的訊息:一)在目前情形下佔領絕不可取,應繼續保持流水開花作戰;二)無大台不代表無軍紀,軍紀不嚴明的軍隊只會是一支不斷爆發內亂的軍隊。
最後再次多謝所有在中大之役中死身護校的手足,不論學生與否、中大與否,大家展現出了一方有難、八方支援的高尚情操,在世界的學運史上寫下了大學成功勇抗軍警入侵的光輝戰例。在明天,希望沒有人再執著於中大人VS非中大人的假矛盾:歷史只會記住,香港人VS軍政府,而香港人在中大取得了一場關鍵勝利。

142 則留言:

  1. 魔兄,估唔到暴大國可以係三日內自我解體,我真係一額汗。不過我對影勢依然唔樂觀,見上面的中大人文章,可以將歪理寫咁有條理,比林鄭的說話要高幾班,就可見他們不會短時間完結,下一次必定又有更大的部署。

    回覆刪除
    回覆
    1. 大學生最多時間, 巷蜀論述比較清晰不足為奇. 問題在於呢班人的基本信念, 無大台即無軍紀, 有人違反了共識也因為不割蓆而難以處理, 呢種「部落」形式的運作, 就好似當年蒙古游牧民族一樣, 只能在小圈子內實行, 團體大極有限 - 除非出了個成吉思汗的「大台」出來統一各族, 才可能展現強勢.

      刪除
  2. 重點係我覺得中大並唔係真正領袖, 後面係邊個先係key. 好似6 7 小道消息就係靠周恩來得毛澤東同意後叫停

    回覆刪除
    回覆
    1. //重點係我覺得中大並唔係真正領袖

      我也有同感。九間大學附近最頻繁汽油彈強攻啲好大機會,教大高度懷疑,懷疑旺角有個竇。我感覺吾似刹停,似讓人鬆懈,來個偷襲珍珠港都未定,務求造成大量平民死傷。

      刪除
    2. 根據拉燈網, 佢地話星期一至五至係「春袋」, 星期六日放假, 股市又唔開, 搞嚟無意思咁話。

      我都建議大家多啲睇拉燈網, 真係會明白件事多好多的。

      刪除
    3. //我都建議大家多啲睇拉燈網, 真係會明白件事多好多的。

      我旨意你睇完出嚟講。

      刪除
    4. //我旨意你睇完出嚟講。

      我從來唔解議大家做伸手黨, 食二手飯.

      刪除
    5. // 我從來唔解議大家做伸手黨, 食二手飯.

      飲緊嘢架, 大佬....差啲噴哂出嚟....

      中大唔係大台, 不係想做大台. 領導各大專院校. 可惜, 要問下保你大同埋巷大.

      佢哋思路其實好清晰, 好有條理, 經過咁多年, 咁多學啫嘅解說, 點會唔通透. 不過, 條路歪咗.

      刪除
    6. //佢哋思路其實好清晰, 好有條理, 經過咁多年, 咁多學啫嘅解說, 點會唔通透. 不過, 條路歪咗.

      大學學生會最好都係做返冷氣軍師、文宣組等等.

      刪除
    7. 魔兄之二手飯論,其實也是得啖笑

      報紙新聞也是記者採訪後寫的,難道看新聞也是二手飯,所以該申請個記者證自行採訪?

      刪除
    8. //魔兄之二手飯論,其實也是得啖笑

      呢位匿名的叉能廚才是得啖笑吧。

      原文係「我都建議大家多啲睇拉燈網, 真係會明白件事多好多的。」網友回應係「我旨意你睇完出嚟講。」,讀拉燈網涉不涉及專業團體運作?拉燈網的文字是否艱澀到要有專業資格才能理解?

      「不做伸手黨,不食二手飯」的意思,就是在切實可行的情況下靠自己去理解,去實踐,而唔係旨意人地服侍你。記者做採訪是專業, 醫生睇症是專業,化驗所做驗證也是專業,要每個人都去現場做採訪, 學識睇心電圖, 睇化驗報告並非切實可行之事;再退一萬步, 我們最多能夠做的, 就是相信靠得住的專家去講解。

      明乎此,就知以「看新聞也是二手飯」是偷換概念,無事生非之言。

      刪除
  3. 呢班校長應該要俾人公然鬧爆先啱

    回覆刪除
    回覆
    1. //校方管理層除了欠對受影響的公眾及我城社會一個交待,事後又會否運用「大學紀律程序來解決」違規的校內人士?

      絕對要,絕對要開記招直播交待事情,成班校長用2封信草草想了事,學校情況吾係一朝一日做成,一定有人包庇及協助,要徹查事件,不過,我覺得有機會搜證進行中,引晒啲鬼出嚟。講都吾通,出嚟都吾出嚟就求其打2封信塞落市民個口就算,講都吾通。

      刪除
    2. 其實中大校長同意(容許?)係中大發生咁多嘢(破壞整武器等),佢係晤係有刑責呢?就算無,都要引咎辭職掛?我真係晤明佢點解可以咁厚臉皮。

      刪除
    3. //成班校長用2封信草草想了事,學校情況吾係一朝一日做成,一定有人包庇及協助,要徹查事件

      獨立調查痿員會查唔查大學校長先?

      //佢係晤係有刑責呢?

      我認為兩睇。都係分過去式同埋現在式。

      過去式即係預備發動攻擊時期。校長可以話教職員、學生都係成年人,佢地要將易燃物品等材料運入教職員辦公室、學生宿舍、系會學會辦公室等,校方保安組無能力預先知悉,查緝違法用品是警方的責任,警方有懷疑需要向法庭申請授查令方可進入校園調查。

      魔術師希望段爸能夠清楚指明「因為涉事同學(甚至教師)係成年人,校方無能力亦無責任管束其在校內的行為;而且校方對藏有攻擊性武器一事,事先並不知情,所以看不出包括校長等校方管理層需要負上刑責」。

      至於現在式,當然在係在鏡頭前見到「蒙面示威者」在校園內的各種違法活動。由於校方沒有配合警方執法,更千方百計拖延,想平息事件讓違法份子撤退,按道理作為最高負責人的校長理應該可以被控「阻差辦公」吧?況且,校長要「保護學生」,那麼校外人呢?抑或是進了暴大校園,就受你段爸庇蔭?

      刪除
    4. 總之一句到尾,全部校長戇鳩鳩

      刪除
    5. 我相信背後tum我地成班學生去送人頭的一定唔係校長咁Low level, 應該係高好多的

      刪除
    6. //tum我地成班學生去送人頭的一定唔係校長咁Low level

      乜有人氹學生去送人頭咩? 拉燈仔話班勇武係都要打陣地戰喎!

      刪除
    7. //拉燈仔話班勇武係都要打陣地戰喎
      呢樣我諗極都唔明,明明班義士打游擊先係發揮最大優勢,因乜解究要以短擊長同克警打陣地陣? 暴大攻防戰打到上癮乎?

      刪除
    8. //暴大攻防戰打到上癮乎?

      似係. 覺得好似打緊食雞咁.

      你睇臘腸呢篇《【特寫】戰火中的大學校園 示威者們的意志考驗》 就知, 各大學學生覺得PoPo唔來攻係睇唔起佢地, 藍大好似想要搦戰添!

      刪除
  4. 多謝你魔兄,呢篇文罵得真爽快!替我們一吐憋鬱了足足五個月的烏氣!

    再加上臨睡前剛看到 毒果記者慘中汽油彈慘叫兼發出CLS之聲,睇怕今晚真係會開心到訓唔著。

    回覆刪除
    回覆
    1. 「毒果記者慘中汽油彈慘叫兼發出CLS之聲」
      核爆都不割蓆,區區汽油彈算甚麼?黑記還鬧「手足」,不怕被「私了」?:D

      刪除
    2. 中大人分「抗爭流氓」和「鬼」,十足當年柴大姐革命半途走佬後,在訪問講「他們和我不同」,革命就算冇大台但都有分等級啦。衰嘢,誤殺誤中咪鬧晒落抗爭流氓和鬼咪過到骨囉,段爸教既。

      刪除
    3. //「毒果記者慘中汽油彈慘叫兼發出CLS之聲」

      個汽油彈一定係黑警掟的!

      //誤殺誤中咪鬧晒落抗爭流氓和鬼咪過到骨囉,段爸教既。

      入到校園的都是同路人,都是手足。
      不過如果你地做嘢唔合暴大意,就會 define 你地係鬼. 「核爆都唔割」係對手足而言, 並不包括鬼.

      刪除
  5. 同場再加映如魔兄所言的,才子維穩味濃到令人驚訝的發言,替解放軍出動背書,狠狠地刮了攻民黨垃圾會已完一大巴,明天的太陽是否會從西面升起? LOL

    回覆刪除
    回覆
    1. 上星期五呢集《光明頂》我有聽.

      講起老解就要睇大公:

      話你知\「八連」「雪楓」 反恐精英
      2019-11-17 04:23:42
      昨日自發清除路障的駐軍官兵中,部分人身穿寫有「特戰八連」和「雪楓特戰營」的服裝。「八連」和「雪楓」與威震四海的「天狼突擊隊」密切相關,「他們敢飛檐走壁,敢入刀山火海,他們就是中國特種兵。」

        「天狼突擊隊」隸屬管轄區域包括新疆、西藏在內的西部戰區,是中國西北地區首屈一指的反恐特戰分隊,肩負快速反應作戰和反恐任務。這個特種大隊的前身──「雪楓團」具有光榮而悠久的歷史,由名將彭雪楓在抗日戰爭中創建,走出過百餘位將軍和數以千計的共和國英模。

        2000年,「雪楓團」以「試看天下誰能敵」的特種作戰連八連為依託,成立了團隊歷史上第一支反恐特戰分隊。如今,八連有一個響亮的名字──「天狼突擊隊」。

      刪除
    2. //「天狼突擊隊」

      來頭吾小嘢喎。咁好似屈就咗佢哋清路障

      刪除
    3. 人地當做吓義工, 無相干嘅.

      刪除
    4. 那些部隊名頭, 不是給你和我看的, 是給對家操盤的看的
      阿爺表示:"我開始認真了, 再玩下去就會另一種方式"掃街""

      刪除
    5. 最憎係有班係facebook度叫D學生唔駛驚, 因為大陸對日本, 台灣, 印度都係得把口
      好明顯個文宣係扮弱智, 水班入世未深ge小朋友,發神經將自己同國家比,台灣係咪背後搞手都好值得懷疑了

      刪除
    6. //阿爺表示:"我開始認真了, 再玩下去就會另一種方式"掃街""

      阿習前幾日真係好啲嬲.

      //好明顯個文宣係扮弱智, 水班入世未深ge小朋友,發神經將自己同國家比

      睇拉燈網, 班友真係覺得自己才是被欺負的人, 就知成班都係小朋友. 你地可以搞罷工, 但要罷都係要市民真心參與; 依家班港豬仲咁想返工, 你要以堵塞交通來逼人返唔到工, 當然就係擾亂公安; 警方來驅散你就以汽油彈還擊, 點都唔到警方提升武力掛?

      【特寫】戰火中的大學校園 示威者們的意志考驗

      阿謙說,理工大學佔據非常良好的地理位置,盡佔紅磡海底隧道,和尖東重要的交通樞紐,對「三罷」、增加政府管治成本能起十分重要的作用,所以一定要堵塞,一定要守著。

      「想喺繁忙時段(將紅隧)塞到死一死先,因為真係好唔想佢哋(市民)返工。」

      刪除
    7. 早抖,明天早啲起身返工。

      刪除
    8. 我想講,佢地阻緊嘅唔會只係返工嘅人,好多返工嘅人俾人阻,最多遲到,甚至唔返,home office...
      而果班要定時去醫院覆診嘅人,有長期病患嘅人,要人探嘅人,要探人嘅人,行動不便嘅人,...有人等好耐(以“日”論)先有醫生睇;有人睇完醫生返唔到屋企,無小巴,無巴士,行唔到遠,被迫等的士,但幾個鐘都未上到車;有人去唔到覆診;有人見唔到親人最後一面;有人等唔到親人黎就離開左世界;...
      可能有人會話:太子都有人死左,仲有俾警察捉完被打被強姦被殺被失縱,所以我地要反抗要抗爭要公義要民主,所以我地要阻路要阻社會運作,我地無阻救護車,阻止人救人嘅係警察,周同學就係咁死左,如果救護車過到去,可能仲救得返...

      刪除
    9. 我兩前年就係大約呢個時候(11月下旬)整傷腳. 萬一親戚帶唔到必需品來探我, 我都幾麻煩.

      刪除
    10. //萬一親戚帶唔到必需品來探我

      咁你就揾返個伴侶照顧你啦,陰公。

      刪除
    11. 如果我去咗溫囡, 呢個blog 就要摺埋了 XD

      刪除
    12. //去咗溫囡, 呢個blog 就要摺埋了

      開多個blog用嚟釣女

      刪除
    13. //如果我去咗溫囡, 呢個blog 就要摺埋了 XD

      即係魔兄鐘意啲要令你摺blog嘅囡囡?(偷笑)

      刪除
    14. 潘驢鄧小閒, 「閒」好重要架!

      刪除
  6. 我自己不會太講什麼黃藍立場.

    事件發生到這地步, 看到很多喜歡用'因果論'的無賴, 推開自身責任, 好像段校長, 可把事件說成'因有外部人士入侵才出事', 諸如此類的膠論 (當人白痴? 外部人士可輕易找到校內化學實驗室取走化學燃料?)

    然後所有校長一起推諉責任, 說'因為政府的問題, 所以校內才有暴徒無法無天'

    有社交平台, 很多人說'因為有異見人士出聲, 所以才會比黑衣人打與放火燒, 其實可以理解'

    '因為政府殘暴, 所以黑衣人才會出街破壞機場, 公路等, 其實可以理解, 同情他們, 他們沒其他辦法, 才什麼方法也試'

    '因為警暴, 所以黑衣人暴力反抗. 所以可以了解'

    用'因果論'的無賴很多. 不能盡錄.

    回覆刪除
    回覆
    1. 這些因果論都是綁匪邏輯: 因為事主不交贖金,所以綁匪撕票, 其實可以理解.

      再推下去:
      因為清潔工伯伯行出來拍攝, 所以才被磚塊擊中頭部死去.

      假如這些「解說」是成立的話, 那些黑衣軍的謠言就不成立了:

      因為這六位不知名的義士在831出現在太子站,所以才會被黑警打死, 其實可以理解.
      因為義士是女的,所以才會被黑警強姦, 其實可以理解.
      因為義士是男的,所以才會被黑警雞姦, 其實可以理解.

      再胡混下去,可以話:
      因為伯伯呼吸了幾十年,所以他死了.

      最後:
      因為魔術師從FB 見到 這些「因果論」廣為 MBA 跟物理系等「讀過書」的人接受, 所以才會寫多一篇「思辨練習」, 其實可以理解.

      刪除
    2. 一個二個丁蟹上身,你話「香港人」幾低能?
      老實講,香港人唔止唔配民主,連自稱核心價值的法治,都唔配!

      刪除
    3. 我記得有位中剷港媽前同事(現轉職做保險及補習社)在FB 講過因果論, 但頭先 search 佢FB 又見唔到, so sad...

      刪除
  7. 暴大國既將外來勢力人士既目的無限放大,同心合力抗爭,勝利,建國,混亂,人民出走,亡國,一片廢墟既暴大再由未走人仕同外來勢力收拾殘局既過程,完全係香港今次事件既縮影。
    以史為鑑呀,香港人

    回覆刪除
    回覆
    1. 真互的縮影.... 1星期完美演譯

      刪除
    2. //暴大國既將外來勢力人士既目的無限放大,同心合力抗爭,勝利,建國,混亂,人民出走,亡國,一片廢墟既暴大再由未走人仕同外來勢力收拾殘局既過程,完全係香港今次事件既縮影。

      暴大國的護照呢?

      刪除
    3. 理大衝突中有人嗌咪「綠色衫同黑色衫不知明人士你哋用緊不合規格武器,今日有美國眾議院人監察住」,旁述記者又話警方聽到都稍微停止釋放催淚彈,其實講完呢句今朝係冇咁多汽油彈釋放出就真。

      刪除
  8. //而香港人在中大取得了一場關鍵勝利

    明明輸,明明笠草都演繹到羸能咗,仲要大包圍嗡香港人。革命文宣你係得既。

    回覆刪除
    回覆
    1. 所以我唔明點會話「年青人都感到絕望,看不到未來」。依照以上講法,年青人都好正能量架!

      刪除
  9. 回覆
    1. 哈哈, 今早保你大學生呼籲,話會以最低武力驅散拆路障的市民.

      其實一早要有飛虎隊神槍手戒備.

      警察傳媒聯絡隊警長小腿中箭受傷2019/11/17 15:11
      一名警方傳媒聯絡隊警長在理工大學外中箭受傷,警方向在場人士警告不要再用弓箭,否則會用致命武器。
      一名警察傳媒聯絡隊隊員下午約二時,在距離理大三十米近九龍玫瑰堂位置,被箭射中左邊小腿受傷流血,目前清醒,已送往廣華醫院治理,他中箭後現場警員廣播,警告在場的人不要再用弓箭射警員,否則會用致命武器,警方指當時附近有大批傳媒採訪,攻擊行為對在場所有人,構成嚴重生命威脅,警方嚴厲譴責,現正驅散及拘捕,由於局勢急劇惡化,警方再次呼籲市民不要前往理大一帶。

      刪除
    2. 香港中箭...一語成讖。

      「警告在場的人不要再用弓箭射警員,否則會用致命武器」
      講完這句一秒後神槍手可做嘢。

      刪除
    3. 我啲朋友話點都要返工吾想畀佢哋得逞,情況惡化落去,似有大規模平民百姓傷亡。

      刪除
    4. //精靈王子

      搵班有青同 Orlando Bloom 比, 想創佢地個心.

      刪除
  10. 各大校長公開表示人想無敵的無恥程度,就是沒有最無恥,只有更無恥!!!

    回覆刪除
    回覆
    1. 我的高學歷校友又好buy段爸喎!

      刪除
    2. 魔術師同你一陣線既係咪吾多

      刪除
    3. 人呢,樣樣掂的唔多,高學歷只代表會考試,並不一定分析能力高,所謂高分低能,殖民地有意培養高學歷的填鴨更係不爭的事實⋯⋯

      刪除
    4. 以我真人 FB 同 Whatsapp來說:

      暴大物理系(學士)校友多是黃師
      暴大MBA校友多是悲天憫人的中剷黃
      暴大新聞系企業傳訊(碩士)校友亦多是悲天憫人的中剷黃, 又或是傾向妓者黃
      保你大IT(碩士)校友就比較少聯絡
      現公司前同事多是悲天憫人的中剷黃
      僱傭兵前同事多是有青黃
      呢班黃C多數都係仇警派, 沒有撐恐怖活動的言論.
      中學校友反而多是撐警藍(可能同公共屋村大,知道咩叫黑社會有關)


      刪除
  11. 其實我都有諗過 曾鈺成倡議政府考慮兩種特赦 ,不過可能大家已經心中有數巷蜀的套路,覺得他們就算答應特赦佢哋都吾會停係咪。

    回覆刪除
    回覆
    1. //第一種是特赦罪行較輕的示威者,犯重罪則不能特赦; 第二種是行政長官宣佈特赦,但必須止暴,她可以定下一個日期,期限後仍參與暴力活動的,將無法特赦。

      就算係要特赦, 都要審咗罪成才可以特赦, 否則不如話罪行較輕的不如索性唔告唔上庭 - 但後者的「行政手段」,有青未必領情, 反而會話警方濫捕, 根本無證據入罪.

      //特赦只會鼓吹暴力,但曾鈺成不認同此論。

      呢個係重點. 以有青的表現, 佢地只會得寸進尺. 如果將有青定性為恐怖份子的話, never negotiate 是唯一的出路. 誰叫有青(與及販民的不割蓆) 已經走過了 point of no return 呢?

      刪除
    2. 都未過堂講咩特乜L赦

      刪除
    3. //都未過堂講咩特乜L赦

      咪係! 條豬肉成都弗弗地.

      刪除
    4. 原本想睇下有無咩諮詢可以反對特赦,然後見到二月嘅新聞..

      國際特赦組織充斥欺凌文化 管理層集體請辭

      政府唔企硬特赦嘅話,後果可以好嚴重,以後仲點管治?況且佢地要求嘅特赦唔係特赦被定暴動罪果啲咩?而家係想特赦所有同示威相關嘅,比較輕嘅罪?咁即係實施誰大誰惡誰正確?

      刪除
    5. //咁即係實施誰大誰惡誰正確?

      呢樣一向係佢地核心價值,仲有一條叫輸打贏要

      刪除
    6. 點解好似次次黃黑唔得民心又或者士氣差時就會發生類似嘅事?
      唔知曾生嘅爆內幕同特赦論目的何在呢?

      刪除
    7. //況且佢地要求嘅特赦唔係特赦被定暴動罪果啲咩?而家係想特赦所有同示威相關嘅,比較輕嘅罪?

      五大訴求之一係不追究所有義士; 豬肉成的 counter proposal 是赦免罪行較輕的, 又或者係索性定死線.

      //仲有一條叫輸打贏要

      拉燈仔(尤其是非大學生搞巷蜀嗰型)的論述不嬲都充滿矛盾; 大學學生會嗰班人理論會較好, 但叫佢地去勇武未必夠力水.

      刪除
    8. 其實林鄭由宣布蒙面法開始,便應同時留有生路給罪名較輕的年輕人,只要他們不再參與及停止暴力行為,便可放生。

      正所謂圍城必闕,這既是兵法的運用,也是減少年輕人進一步參與暴亂的方法。

      刪除
    9. 賽烈士兄,拉左就唔到林鄚話放就放,香港是司法獨立的。想特赦只在判刑之後。

      刪除
    10. Yau兄,只是覺得政府一直用死力打,有時要適當用一些懷柔手段及策略,這些黃c有些或者因洗濕左個頭,唔玩落去唔得,因怕被秋後算賬。

      讓出一條活路,可能可更有效心理上瓦解,比起趕狗入窮巷,背水一戰,魚死網破,不戰而屈人之兵才是上策。

      刪除
    11. 無可否認,政府高層由其是林鄭和張建宗確實極廢,除了口口聲聲讉責外,毫無建樹。兩個人講野無黎神氣,文字不精錬,無POINT,連讉責都無力,我從來沒有見過如此無能之人。律政司也是,最應該解釋法律的人唔知去左邊。

      港府高層除了推前線警員去博命,我真的看不到他們在幹什麼。飯民就更加唔講,一路堅持和主導唔割蓆,正是香港暴力不斷的源頭。

      刪除
    12. //賽烈士 : 便應同時留有生路給罪名較輕的年輕人//

      警察拉人從來都係非常無效率, 100個暴徒都拉唔到1,2 個
      我唔明仲要點留有生路, 點迫暴徒狗急跳牆

      企系暴徒立場, 又無斬甩人個頭, 個個都咁輕罪名, 都係暴政既莫需有, 全部都要放生先合理
      而且, 推三幾個最做到野既義士去死, 唔係咁無雷呀?!
      齊上齊落, 一個都不能少, 要死一齊死

      你可能係好心, 但唔見得暴徒會令你情
      用理D搞分化, 拉一派打一派 既赤共統戰手段, 隨時俾人屠版

      --Dogdogchi

      刪除
    13. //警察拉人從來都係非常無效率, 100個暴徒都拉唔到1,2 個

      問題係可能只係拉1-2%,入哂罪恐怕要坐爆監倉, 或者會在監獄內聚眾生事.

      //讓出一條活路,可能可更有效心理上瓦解,比起趕狗入窮巷,背水一戰,魚死網破,不戰而屈人之兵才是上策。

      就算是可以特赦, 都要先判刑; 如果係唔撿控的話, 反而會被人話警方濫捕. 又, 就算係特赦,都只能係較輕控罪, 只此一次, 日後再犯, 任何控罪不論輕重都要即時釘.

      刪除
    14. // 呢樣一向係佢地核心價值,仲有一條叫輸打贏要

      仲有寛己嚴人.

      刪除
  12. 感謝魔術師呢篇文 睇到校長們的公開聲明 我都眼火爆 但係卻沒有能力條理清楚地言述我點解爆眼火 =__=
    想問 校長是學校的最高領導人嗎 抑或係校董會?
    睇左幾次校長們與學生的公開對話 感覺佢地都係軟弱無奈卸脖委屈一味跪拜暴徒的咀臉 所以校園變成戰場係一定會的 但係 如果換作你我是校長的話 能夠對d暴徒學生強硬起來嗎 估計未叫到克警入校園執法 自己經已被溶左 唔好提仲有咁多黃尸教師/大學管理層

    回覆刪除
    回覆
    1. //校長是學校的最高領導人嗎 抑或係校董會?

      校長係CEO (executive the strategy/plan to achieve goals and objectives), 校董會係 Chairman/Board of Directors (set goals and objectives)

      //如果換作你我是校長的話 能夠對d暴徒學生強硬起來嗎 估計未叫到克警入校園執法 自己經已被溶左 唔好提仲有咁多黃尸教師/大學管理層

      當場想方法先安撫,不妨先答應暴生訴求; 返屋企馬上出公開信話剛才的決定係受威嚇下講的,唔算數, 即時辭職, 兼執拾細軟着草, 報警話要求保護, 擔心人身安全.

      刪除
    2. 其實段爸封信都好陰濕,話外來流氓偷竊毀壞,佢得罪外來流氓都吾好得好多,宜家估計段爸應該同啲仔女傾緊,希望商討同外來流氓割蓆,外來抗爭流氓知道後吾妥中大人,又發生另一內戰。

      刪除
    3. //宜家估計段爸應該同啲仔女傾緊,希望商討同外來流氓割蓆,外來抗爭流氓知道後吾妥中大人,又發生另一內戰。

      我quote 嗰兩段拉燈文已經題示校內人與校外人有內訌. 校內人視校園為家, 看不過眼校園設施受外來勇武破壞, 完全係「我城受蝗民侵佔」的翻版.

      刪除
    4. 認識某位長輩 身為上市公司主席 股權過50% 一樣唔係佢話嗮事 許多決策都時前在董事會上嘈來嘈去。。。
      anyway 聲明出左來 校長就係箭靶 搞到學校變戰場 校長責無旁貸

      刪除
    5. //anyway 聲明出左來 校長就係箭靶 搞到學校變戰場 校長責無旁貸

      理大校長好少出聲, 低調啲好.

      刪除
  13. 用牙籤撐住隻眼睇緊live
    希望克警繼續保持克制唔好輕易實彈還擊 曱甴都係一條命

    回覆刪除
    回覆
    1. 其實我覺得今晚裝甲車被狂徒用連環火魔法燒車時已經可以開槍...

      刪除
  14. 搞咁耐理大沒有被攻入,警方主力搞圍城戰。

    斷糧戰術,逼他們餓到出來投降。

    回覆刪除
    回覆
    1. 斷糧無咁易, 大學內有 canteen、超市、便利店, 糧食唔係問題.

      不過班人被困在校園內, 又無大台統率, 易內訌就真.

      睇拉燈網見到好多 desperate 的 post, 當初班勇武裝修私了其他無反抗能力的市民商鋪, 又可有想過今日?

      刪除
    2. 理大沒有超市

      糧食應該比想像中小

      剛剛看了警方播放友誼之光寸緊理大,心中覺得痛快。

      理大有如四面楚軍一樣,等待投降。

      刪除
    3. //理大沒有超市

      oops sorry, 我記錯了.

      呢個又係笑咗. 理大學生會傻的嗎? 咩叫唔俾學生走? 俾你「離開」的意思, 就是投降被捕, 你地將「回應」變成「答應」都係一樣啫.

      理大學生會籲各界說服警讓學生離開2019/11/18 02:29
      理大學生會會長指,警方封鎖理大各個出口,被困校園的學生陷入恐慌,呼籲校友及社會各界人士說服警方容許學生離開。

      刪除
    4. 圍而不攻係百利而無一害

      呢種"無人島"既生存環境係會出現好多問題
      比如弱者無人保護, 奸未必敢, 俾人抽下水就避免唔到
      比如決策問題, 邊個做決策, 點做決策? 唔通開個FB 群組投票咩
      決策完, 比如女仔去煮飯先算, 一餐兩餐可能玩玩下就過佐, 長期就唔WORK, 女仔唔去煮又點? 有無威迫/利誘?

      最後一定係不攻自破, 以香港人既驕生慣養, 曱甴追求既自由意志, 一個星期都頂唔順, 暴大三日?
      用現實泥消磨曱甴既鬥志, 比強壓好得多

      警察又何必要攻呢

      -- Dogdogchi

      刪除
    5. //呼籲校友及社會各界人士說服警方容許學生離開。//

      即係五大訴求中最講唔通既撤銷所有被捕暴徒既控罪?

      .....加油, 我支持, 睇多陣戲

      --Dogdogchi

      刪除
    6. 食唔係問題. 疴先係. XDDD...
      又係唔記得帶姐姐一齊抗爭....
      和你乜.... 快啲係去洗屎坑啦!! 又話支持?! 工你又照返, 屎你又唔洗?! 人血饅頭唔係咁食架. 福齋!

      刪除
    7. // 圍而不攻係百利而無一害

      無錯! 一陣有咩損傷, 又乜乜七七, 又"小孩論"上身. 打親啲大保貝就唔好啦....一陣喊點算, 無奶嘴喎.

      刪除
    8. 警方唔急於攻是因為理大一早已經可以隨時拿下。現在警方用理大作為誘餌拘捕4方8面外圍援軍

      刪除
    9. 下一間大學吾知邊間

      刪除
    10. // 比如女仔去煮飯先算, 一餐兩餐可能玩玩下就過佐, 長期就唔WORK, 女仔唔去煮又點?

      「今生只嫁前線爸」

      //最後一定係不攻自破, 以香港人既驕生慣養, 曱甴追求既自由意志, 一個星期都頂唔順, 暴大三日?
      用現實泥消磨曱甴既鬥志, 比強壓好得多
      //又係唔記得帶姐姐一齊抗爭.

      呢個劇本萬試萬靈. 佔中嗰時班人都係用公廁,用街上的垃圾桶, 唔使自己洗、自己倒垃圾的.

      //現在警方用理大作為誘餌拘捕4方8面外圍援軍

      鬼叫班有青咁醉心於「一方有難,八方來援」咩?

      刪除
    11. // 圍而不攻係百利而無一害

      我擔心警察被反包圍
      真係再有幾十萬人出嚟掩護幾千衝擊防線
      就又俾佢地救走

      可能要組織反反包圍
      呢個係何生出場嘅時候

      刪除
    12. //食唔係問題. 疴先係.
      //佔中嗰時班人都係用公廁,用街上的垃圾桶, 唔使自己洗、自己倒垃圾的.

      佢地真係好難頂,俾佢地祝福過嘅廁所,係成地濕,唔沖廁,垃圾出現係垃圾筒以外地方,大便出現係馬桶以外地方...好討厭

      刪除
    13. //垃圾出現係垃圾筒以外地方,大便出現係馬桶以外地方...好討厭

      咁似蝗民的所作所為嘅?

      刪除
    14. “唔可以咁話我地架,啲便便都仲係廁所範圍,無係街!”
      (無辜樣)
      設計對白

      刪除
    15. 「二號橋都係暴大範圍」...

      刪除
    16. // 咁似蝗民的所作所為嘅?

      我哋有用紙巾CUM住架.

      我係門口放低咗2蚊架.

      上一手整到咁, 我係無辜架.

      刪除
    17. 「擺低錢叫清潔工搞掂佢!」
      「清潔工俾你掟死咗喇!」

      刪除
  15. 我覺得下面文章講得幾啱:

    我個堂哥住廣州,是獵頭公司管理階層,佢地內地人都好關心香港情況,我地都有討論過中央出手呢個問題:

    佢話中央政府唔會直接出手,以中國現在的軍力,平亂好簡單,100%必搞惦,但中國唔會,要做一早做o左,原因係因為唔想破壞一國兩制,一國兩制訂明是港人治港,所以都俾返林鄭搞。
    林鄭係一定聽中央話,所以林鄭的按兵不動一定是中央的意思。
    現在最新的情況是是社會嚴重分裂,多處地方破壞,反共的人十分仇恨內地,若現在用緊急法當然可以制亂,但會埋下比2014更深更大的仇中情緒,無助根治仇恨情緒及社會撕裂問題。

    所以唯一可以做係全力支持林鄭撐住香港,支持警察止亂,會用間接方法如提供裝備,內地無限資金托市(所以大暴動但都守住26000,聽說金主25000喪沽期指),點都撐林鄭撐到底,外交上繼續同美國談判,通常見到談判順利個期,暴亂就少d。

    香港係好慘,夾在中間,普通市民現在唯一可以做的只是忍。

    林鄭去見黑衣人,開論壇同市民傾,都係想緩和雙方仇恨。

    你問我我當然係覺得好有問題,但我睇得到中國唔行動,背後包含著很多原因,重點真係唔會俾美國像64一樣再一次趁機制裁中國,內地有14億人,唔會為了一個香港賭上14億人口的人民幸福及經濟命脈,輸唔起。

    究竟是暴政還是暴亂,讓N年後的歷史去評價。

    是非只在時勢,公道不在人心。

    香港18萬公務員中科級以上近一萬人左右,而科級以上人員的子女中學畢業後均免費保送到英國及美國以至歐洲等西方國家上大學。

    而在香港逾5個月的混亂期間,據報,西方國家明白地警告香港特區官員,無論誰打壓這場運動,1/首先凍結他們在英國����、美國����及歐洲��������等國的海外資產;2/第二取消其護照,禁止他們前往歐美等國;3/第三更狠,是徹底射向特區官員腹中那塊肉,就是不再簽證給他們的子女前往歐美����������������等國家上大學!
    所以,香港亂局為這麼長時間,很多有外國護照的官員没有發聲音,公務員群體集體沉默,部份警察執法不力,這便是根本原因。
    ��外力的部署多有步驟啊。香港越高级的公务员与外国厉害关系越大,这就决定了他们行为的取向。被人抓住了要害啊,这是一种制度安排的漏洞,实在是没辙。

    昨日聽芒向,佢有個緊急呼籲,叫我地正常人盡量過正常生活,對不正常人最大的抵禦就係過返正常生活,不受他們影響,佢地要製造恐慌我地偏要正正常常(安全情況下當然)。
    我地正常人要撐住,過正正常常生活,唔好俾班人渣畜牲得逞。������

    回覆刪除
    回覆
    1. //西方國家明白地警告香港特區官員,無論誰打壓這場運動

      成篇文似係俾蝗民睇的懶人包, 以上講的正正是人權法案, nothing new to 「香港人」.

      //對不正常人最大的抵禦就係過返正常生活,不受他們影響,佢地要製造恐慌我地偏要正正常常(安全情況下當然)。

      我今天都是 work from home, 返工無問題, 係擔心放工無路返屋企.

      刪除
    2. //香港18萬公務員中科級以上近一萬人左右,而科級以上人員的子女中學畢業後均免費保送到英國及美國以至歐洲等西方國家上大學。

      只有舊制公務員先有仔女免費海外升學,新制無的

      刪除
  16. //據報,西方國家明白地警告香港特區官員,無論誰打壓這場運動,1/首先凍結他們在英國����、美國����及歐洲��������等國的海外資產;2/第二取消其護照,禁止他們前往歐美等國;3/第三更狠,是徹底射向特區官員腹中那塊肉,就是不再簽證給他們的子女前往歐美����������������等國家上大學!
    所以,香港亂局為這麼長時間,很多有外國護照的官員没有發聲音,公務員群體集體沉默,部份警察執法不力,這便是根本原因。//

    我就唔建議吹呢D, 因為美帝贏梗
    美帝太多"非物質文化價值"可以傷害你/鼓勵你, 根本就唔駛搞明面既動作都可以搞到你
    比如, 中上流社會好多小圈子組織, 小圈子組織故意冷落你, 已經傷害佐你

    我朋友問我, 學生係唔係收錢?

    我答佢100%無,
    美帝隨便就放到"非物質文化價值"去鼓勵班學生
    外國民主領袖/CNN記者FOLLOW 佢個 TWITTER, 留兩個字
    報導時引用某領袖既講話/文章
    TIMES 約學生做個訪問, 甚或只係街頭訪問,
    學生放上FB, 呃返一萬幾千LIKE, 對學生泥講就係人生巔峰啦

    駛乜俾錢咁低莊

    --Dogdogchi

    回覆刪除
    回覆
    1. 學生梗係冇資格收錢啦,講兩句你地就會「自發」做呢樣做果樣,你肯做免費勞工點會有人俾錢你?

      唔好以為冇收錢清高啲,冇收錢係最蠢果班...

      刪除
    2. // 唔好以為冇收錢清高啲,冇收錢係最蠢果班...

      出錢又出力, 但又上唔到報嗰啲和你乜先係最低能嗰層人.

      刪除
    3. //香港18萬公務員中科級以上近一萬人左右,而科級以上人員的子女中學畢業後均免費保送到英國及美國以至歐洲等西方國家上大學。

      呢段資料錯咗。公務員子女去外國包中小學唔包大學。

      刪除
    4. //呢段資料錯咗。公務員子女去外國包中小學唔包大學。

      我好鬼怕啲懶人包有意無意引述出錯, 讀者未必有閒去 fact check,如果讀者係蝗民的話, 誤信了謠言反而會加深誤會。

      //外國民主領袖/CNN記者FOLLOW 佢個 TWITTER, 留兩個字
      報導時引用某領袖既講話/文章
      TIMES 約學生做個訪問, 甚或只係街頭訪問,
      學生放上FB, 呃返一萬幾千LIKE, 對學生泥講就係人生巔峰啦//
      //學生梗係冇資格收錢啦,講兩句你地就會「自發」做呢樣做果樣

      出口術讚下你就興奮到上天,真係幼稚病。想當年我同美顏講,你話公司政策要 control cost,加人工似有若無我都算,反正成間公司都係咁;不過你可唔可以 adjust 吓我個 title, 適當地反映返我做緊嘅嘢? 改 title 唔使錢喇掛?

      結果由於改title 呢樣唔使錢的事佢地都唔做, 所以我被分手也無 hard feeling.

      //出錢又出力, 但又上唔到報嗰啲和你乜先係最低能嗰層人.

      這就是被人賣了也要幫手數錢的豬

      刪除
    5. // 這就是被人賣了也要幫手數錢的豬

      人哋走嗰時, 仲要哭哭啼啼咁. "多啲寫信返嚟啊...."

      刪除
    6. 「在獄中多啲寫信返嚟啊...」

      刪除
  17. 黃C文宣偷換概念的又一例證:

    厭了藍絲的唸經式質問,直接集中回應。

    堵路阻礙市民,對嗎?不對。
    街上縱火爆舖,對嗎?不對。
    擲汽油彈與磚頭,對嗎?不對。
    遇上對家挑釁就武力私了,對嗎?不對。
    放火燒人,對嗎?一定不對。

    我們每天都被質疑所謂違法行為對不對,廢話,在正常文明社會裡當然都不對-問題是我們活在的社會壓根不正常啊。

    你問問街頭任何一個年輕人,他寧願上班賺錢課金買遊戲,還是罷工上街食子彈?做「對」的行為會受認同,做「不對」的行為要承擔後果,為甚麼他們要選擇後者?貪好玩嗎?要押上性命來玩的遊戲,你會體驗試試嗎?

    我最討厭的一種藍絲邏輯質問,就是揪住抗爭者的一部分行為來質疑整場運動的初衷。誰不知道圍毆市民是不對的?但為甚麼當藍絲市民出手傷人時,報警會招來警察拘捕傷者而不是傷人者?為甚麼警察可以與持刀黑幫勾肩搭背?為甚麼示威者傷人是企圖謀殺,藍絲傷人是普通襲擊?

    談行為對不對很輕易也很廉價,還請你解答得了法治不公的問題後,才再來質詢我們為何怎樣怎樣。

    人命犧牲了,你有在乎過嗎?每日每夜都有墮樓浮屍案,你有關心過?開車撞人的司機能收幾十萬安家費,警員犯法沒有後果,要不就休有薪假處理,被催淚彈打中頭的少年仍在病床上垂危,多少被捕者與純粹路過的街坊都被打到頭破血流、手腳骨折,你有留過一絲慈悲或憐憫?

    路障影響了你幾天上班的路程,但你的冷漠影響了一整代人的未來。

    政府漠視百萬人民意,對嗎?
    問責團隊不問責,對嗎?
    警察勾結黑社會,對嗎?
    警察濫權濫捕,對嗎?
    警察成功制服示威者後仍行私刑,對嗎?
    警員擎槍指嚇上班市民,對嗎?
    黑幫斬人無後果,對嗎?
    《緊急法》違反法治程序公義,對嗎?
    解放軍違《駐軍法》,對嗎?
    警方動用生化武器轟炸校園及全港各區,對嗎?
    你高舉著反暴力的旗幟,支持警察殺人,對嗎?

    你他媽的根本解答不了,憑甚麼問我哪種行為對不對?

    「以卵擊石,在高大堅硬的牆和雞蛋之間,我永遠站在雞蛋那方。無論高牆是多麼正確,雞蛋是多麼地錯誤,我永遠站在雞蛋這邊。」-日本文學作家村上春樹。

    講完。

    回覆刪除
    回覆
    1. //黃C文宣偷換概念的又一例證:

      也煩請閣下指出引文「偷換概念」之處, 令到閣下的指控 complete.

      刪除
    2. //日本文學作家村上春樹。

      佢嗰幾句係真係可以講完,仲洗多講。

      刪除
    3. 政府漠視百萬人民意,對嗎?[百萬人?成疑]
      問責團隊不問責,對嗎?[勉強算你啱]
      警察勾結黑社會,對嗎?[沒證據的指控]
      警察濫權濫捕,對嗎?[又來沒證據的指控]
      警察成功制服示威者後仍行私刑,對嗎?[又勉強當你啱]
      警員擎槍指嚇上班市民,對嗎?[沒前因後果?]
      黑幫斬人無後果,對嗎?[大家一樣,打和]
      《緊急法》違反法治程序公義,對嗎?[完全合法]
      解放軍違《駐軍法》,對嗎?[完全合法]
      警方動用生化武器轟炸校園及全港各區,對嗎?[扭曲事實]
      你高舉著反暴力的旗幟,支持警察殺人,對嗎?[打稻草人]

      以上咁多條,幾乎全部都係捏造事實,無事生非,對嗎?

      刪除
    4. > 黑幫斬人無後果,對嗎?[大家一樣,打和]

      CD-ROM兄,呢句我反對。明顯斬人的人都已經落Charge,相反,放火燒人和用磚擊中清潔工的人仍然逍遙法外!!

      刪除
    5. //村上春樹

      原文

      //不過,請容我在這裡向你們傳達一個非常私人的訊息。這是我創作時永遠牢記在心的話語。我從未將這句話真正行諸文字或貼在牆壁,而是刻劃在我心靈深處的牆上。這句話是這樣的:

      「以卵擊石,在高大堅硬的牆和雞蛋之間,我永遠站在雞蛋那方。」

      無論高牆是多麼正確,雞蛋是多麼地錯誤,我永遠站在雞蛋這邊。

      誰是誰非,自有他人、時間、歷史來定論。但若小說家無論何種原因,寫出站在高牆這方的作品,這作品豈有任何價值可言?//

      村上係以小說家創作作品的角度來講呢句話, 各位是在寫小說嗎? 難道法官又可以咁講「無論犯人有幾錯, 我都站在犯人那邊」?

      //以上咁多條,幾乎全部都係捏造事實,無事生非,對嗎?
      //明顯斬人的人都已經落Charge,相反,放火燒人和用磚擊中清潔工的人仍然逍遙法外!!

      謝謝 CD-ROM 和 Yau 補充. 呢類黃C文宣其實只要用腦想一想就知道有問題,偏偏社會人好多人為了捍衛自己的立場, 從前講過的話(核爆都唔割), 而拒絕思考.

      刪除
    6. 最慘係唔信佢地果套「論述」的,看不到國王新衣的,就被佢地扣上各種帽子
      最扺死係佢地夠膽以文革為喻,話低學歷的藍絲+黑警集團在逼害知識分子...

      刪除
    7. 把口響人地度, 佢係要亂噏廿七都無辦法.

      刪除
  18. //黃C文宣偷換概念的又一例證://

    講理念就O岩,

    我想搵人答下我班曱甴既目標係乜? 獨立? 建國? 大陸影響力遠離香港?

    目標達成既可能性有幾大? 反正都係無限低接近零

    依家既手段係唔係可以達成目標? NO, 錯晒, 最多幾十個警察要坐牢, 而政府發多D福利俾其他警察, 林鄭都坐得穩如泰山, 赤共就更痛都唔痛

    不如祈禱支爆算啦, 相比依家既行動都實際吖, 又唔影響人, 我精神上支持埋曱甴又點話

    -Dogdogchi

    回覆刪除
    回覆
    1. Project proposal 的最基本, current issues, assumptions, proposed solution, benefit, cost, timeline, risk, 等等, 暴青乜都無, 都唔明點解咁多高學歷人士撐.

      刪除
  19. //高院今(18日)頒下判辭,裁定《緊急法》賦權特首會同行政會議,在任何危害公安情況訂立規例方面,不符合《基本法》的規定。至於《緊急法》關乎緊急情況是否合憲,法庭不作裁定。
    //至於《禁蒙面法》,高院裁定《禁蒙面法》部分規定,對基本權利所施加的限制,超乎為達致目的之合理所需,不符合「相稱性驗證標準」。

    唔知即係點,係咪即係禁蒙面法唔用得?

    回覆刪除
    回覆
    1. 要睇詳細判詞才能下決定, 看《禁蒙面法》邊一部分規定違憲,才可以下定論.

      我反而想知道《禁蒙面法》是否劣政司有份 draft,做乜又甩甩漏漏可以俾假法人捉到痛腳。

      刪除
    2. 暫時睇新聞有兩條
      一係話基本法冇授權特首
      呢個易攪,釋法就係

      下一個話緊急蒙面違反人權法
      呢個先麻煩
      人權法自通過以來廢咗警察大部份權力
      釋法都好難一舖過overrule佢
      退出又政治上唔可能

      刪除
    3. 好多地方有 Anti-mask law擺喺度,啲人要違法冇計,喺美國示威一蒙面即刻捉,你蒙面即係代表你有用意想犯案。即塔洗講。

      刪除
    4. 可能係人地國家對於人權法有不同的解釋?

      刪除
  20. 真係警察捉人,法官放人?

    回覆刪除
    回覆
    1. 最大風險仍然係法庭嗰關
      想入去嗰班告暴動真係睇官心情
      入面班人其實話有人暴力阻止佢走,就會變成疑點歸被告,又放
      緊急法已經被高院質疑

      如果法庭唔肯放手,要玩到盡
      只可能係14條全國性法律
      由港警送人返大陸審嘅真送中

      刪除
    2. 警方捉咗四千幾人,實則吾知有冇啲重犯

      刪除
    3. 咁講,如果我係PoPo,我都只會盡我本份,使用適當武力拘捕有青,不要落人口實;之後假法人點判,唔到我理。就算放人,亦唔係我嘅 concern.

      刪除
  21. 今次理工大學令我想起國共內戰時長春圍城。國軍尚能堅持近半年,黃黑可能只可堅持數日。:D

    警察終於有些好的戰略了。成敗在此一舉,希望貫徹方針,不要退讓姑息或中緩兵之計去談判了。宜將剩勇追窮寇,不可沽名學霸王。

    回覆刪除
    回覆
    1. //不要退讓姑息或中緩兵之計去談判了

      絕不可以心軟. 暴青是反社會人格, 不會念你手下留情的.

      刪除
    2. 無咗蒙面法,黃絲又出動。

      刪除
  22. 支持香港警察,用恰當武力拘捕犯法人仕,亦要用恰當武力保護自己!

    回覆刪除
  23. whatsapp收到“眾籌修復中大校園”(新亞書院紫霞樓)fb post嘅截圖...

    //警民衝突導致多名學生受傷

    難道受傷嘅只有學生?

    //衝突中及其後數天....原本環境幽美的中大校園變得滿目瘡痍和危險

    難道只關警“民”衝突事?唔講下有人校內放火堵路起牆之類?

    唔知又有幾多人捐幾多錢呢..唔知啲錢又會點用呢..

    回覆刪除
  24. //whatsapp收到“眾籌修復中大校園”(新亞書院紫霞樓)fb post嘅截圖...//

    我本身係理大出泥

    作為毫不尊重民主精神既人
    我覺得佢地200萬+1人+校長支持燒
    O米200萬+1人+校長搞掂佢

    因為呢班"師弟"發傻, 校長狼狽為奸
    我背負佐個暴校出泥既罪名, 已經SUFFER 佐
    有冤無路訴
    仲要我夾錢, 二次傷害呀

    --Dogdogchi

    回覆刪除