2020年8月15日 星期六

唔使覆的讀者來信:抗疫的故事

讀者日前來信話有小感冒,於是便「半推半就」咁(?)經私家醫生做咗檢測;無幾日已經再 follow up 話已有湔試結果,證實係陰性,認真可喜可賀。畢竟無論係新年定係生日祝福,最緊要都係身體健康啫。
《抗疫的故事》
因為屋企同一棟大廈有三個確診,而我又有少少頭痛喉嚨痛,因應公司要求,去就近診所做一做深喉測試。星期六早上10點打電話預約,當日中午12點就有位。
慢慢由屋企散步到去診所只需要20+分鐘,沿途道路清靜,綠樹花草宜人。這一區的確好住,靜中帶旺,交通方便,沒過多人流。除咗一次在我回家途中,一堆蒙面黑暴靑,因為要躲避警察的追截,向我的位置(某屋苑入口),狅奔直衝而來,把我的心臟嚇到加一倍速跳動了30秒;以及另一次向窗外望,見到馬路中央燒垃圾冒出濃黑煙之外;就再沒有其他令人擔心的事情發生過。當然,年輕人在附近馬路製造人鏈,嗌下口號;區議員辦公室被破壞塗污;人行天橋變成連儂牆;罷工日返工途中被年輕人問候......等等,這一類低暴力的事件可以忽略不計。
診所門口外登著招工廣告,話全線加薪5.26%,比較了一下不同工種的工資:保安8小時工作,月薪由14031至17733,與非病房行政助理一樣,相對來講真係一個最輕鬆嘅工作。病房行政助理人工起薪高少少,同樣17733封頂,雖然和私人機構相比有差距,但勝在不用加班,如果屋企就住在附近,自己搵自己洗,都夠用,而且還可以參與三年晉升計劃。我諗起有朋友在醫院COVID病房做行政助理,唔知佢有冇特別津貼呢?醫院抗疫期間有免費宿舍俾佢住,宿舍個夜景都唔錯。
住院病人服務助理係一份辛苦工,搬搬抬抬病人,容易令到手和腰受傷,對體力有一定要求,所以起薪點最高。
市道不好,仍然有招聘,對社會係一件好事,希望可以幫到在搵工的人啦。
我一入到診所,見到有很多不同類型,不同裝備的工作人員站在大堂,工作人員多,但似乎不是太熟習流程,只係探熱和分流,沒有叫我用消毒液消毒雙手就放了我入診所,這和我陪伴母親去慣的另一診所有差距。
見到醫生,把情況如實告知,醫生也熟門熟路,不到1分鐘就搞掂。我也不需要醫生開藥,因為返屋企飲豆豉苦瓜湯,熱飲後出一身汗感冒就會好。另外用了5分鐘時間到姑娘那裏拿了裝深喉唾液的膠樽,就走得啦。測試免費的,只係交了$50診金,星期一早上九點幾交唾液樣本,三個工作天內就有結果。這樣的價錢和速度,我覺得好感恩。我同事住在天水圍,天水圍大部分醫生都要收診金650,連同測試費用共收1700,還要等兩三個禮拜才有結果。
因為入診所時沒有消毒雙手,走嘅時候自然也忘記了,幸好返到屋企樓下商場有消毒液供應。
在商場買了一個面罩,給阿媽買餸用;因為她老人家堅持要自己去買餸,不允許我代勞。
只好教導阿媽,不要入去狹窄和擠迫的街市,去馬路邊嘅菜檔買菜,空氣比較流通,她老人家食素,暫時不入街市也沒有問題。為了減少接觸風險,老人家用膠袋,請對方把找回來嘅錢放入膠袋中,幾個膠袋輪流用,COVID 病毒在紙幣和硬幣上四天自然會死亡。
1. 除咗一次在我回家途中,一堆蒙面黑暴靑,因為要躲避警察的追截,向我的位置(某屋苑入口),狅奔直衝而來,把我的心臟嚇到加一倍速跳動了30秒
其實讀者額頭又無鑿住「藍C」兩個字,只要唔去發揮正義感叉能廚班黑暴靑,佢地都唔會無故找人麻煩。有時做人就係要咁,要「張弛有道」,能屈能伸,甚至叫返聲「傷巷人加油/抗爭/報仇」,幫佢地集氣之餘又未至於煽惑,最好就俾個膽佢地單挑老解,豈非快事一件?
2. 仍然有招聘,對社會係一件好事,希望可以幫到在搵工的人啦。
非病房行政助理可能識英文就得,但相信住院病人服務助理就應該要受過相關訓練先做到,移動病人唔係單靠蠻力就得。甚至病房行政助理可能都要受訓,唔夠人唔通可以坐係度做大爺咩?
3. 工作人員多,但似乎不是太熟習流程,只係探熱和分流
近年傷民做嘢真係愈來愈 hea。被邊緣化,絕望看不到前景,根本就係我城的宿命,有青的出現只係將事情加速推行而已。
4. 幸好返到屋企樓下商場有消毒液供應。
應該問黃C區蟻員拎返一兩樽搓手液返屋企睇門口喇!
5. COVID 病毒在紙幣和硬幣上四天自然會死亡。
用電子錢包就最好。
6. 星期一早上九點幾交唾液樣本,三個工作天內就有結果。
唔知健康碼係點玩法?HK01有一套解說,臘腸又有臘腸嘅恐懼,搞到好亂(見伸延閱讀)。係咪做咗檢測,證實陰性就有健康碼,有效期N日,有碼就有得開P飯聚?甚至乎連續陰性會有得「升呢」?想要續期就再去做檢測,直至有疫苗為止?就算有疫苗都唔知有效期幾耐,係咪到期又要再續?咁講法不如將所有疫苗針都加入健康碼,由出世都開始每人一份,即係將變成「電子針紙」,咁咪仲好!
***
伸延閱讀:
建制派力推「香港健康碼」 醫學專家指無科學根據「假安全」 人權專家斥如中國「社會信用系統」
2020/8/13 — 22:32

多個建制派政黨月前曾要求政府落實粵港澳三地健康碼,方便三地市民來往。政府當時一度指正在探討,但後來第三波疫情爆發,粵、澳兩地陸續收緊對來自香港人士的入境限制,健康碼亦石沉大海。惟本周三 (12 日) 建制派政府與行政長官林鄭月娥會面後,透露可以在「普及社區檢測」推行的同時,讓獲陰性結果的人士,獲取「香港健康碼」,持健康碼人士可獲放寬部分防疫措施。但不論醫學界人士,以至理應可藉此獲益的飲食界,均表示不同意建議,甚至有醫生斥「唔好做啲有害防疫嘅嘢」。醫管局員工陣線及人權監察亦分別批評,指政府不應利用疫情作社會操控,甚至建立類似中國的「社會信用系統」。
事實上,建制派這次的意見,政府亦未必受落。政府在今晚發稿解釋「普及社區檢測」,當中便特別提到,接受檢測的人士,不會獲發健康碼。
******
疫情衝擊經濟,當中又以飲食業等最受影響。經民聯及民建聯昨日 (12 日) 與林鄭月娥會面,會後兩黨透露,已建議政府在進行普及檢測時,向陰性結果人士派發健康碼,持健康碼人士便可獲放寬部分措施。民建聯主席李慧琼便提到,「是否可以放寬擁有健康碼的市民去某些食肆、商場或公共設施?」她更指,政府已答應考慮。
醫生:無科學證據 反有害防疫
消息一出,隨即引來熱議,不論是醫學專業人士,或本應能由此受益的飲食界,皆明言反對。「呢個病,流行病學嘅特色就係潛伏期唔定,而且一過潛伏期,傳播性就會突然升高。咁如果市民檢測時無事,之後先病發咁點?」呼吸系統科專科醫生梁子超直言,以健康碼作防疫措施「無任何科學證據」,「唔係咩政見嘅人推出嚟,係本身在科學上不可接受。」
他又指,若市民獲發健康碼,然後「以為自己無事,去打邊爐、去食肆,發生超級傳播邊個負責?」他認為這只不過是「假安全感」,而且會增加額外風險,「要做有利防疫嘅嘢,唔好做有害防疫嘅嘢。」
梁子超說,本身健康碼可以是讓一小部分人,在需要入境時提供「額外保證」,但在入境後同樣要受規管,「同埋係當地疫情受控,先可以咁做。」
香港醫學會會長蔡堅則認為,政府若要推行健康碼,須配合全民檢測。他解釋,若健康碼要發揮作用,至少要每星期接受檢測,才能確保對病毒呈陰性。蔡堅指,若不能做好配套,健康碼只會淪為「有錢人的活動」。
飲食界:爆發第四波邊個負責?
醫學界以外,飲食界人士亦表明反對建議。香港中小企食店聯盟召集人林瑞華批評「政府完全唔知個社會發生咩事」、「離地」。他指,業界自年初已多次向政府表示,要封關抗疫,但政府一直漠視。他又說,自己接觸過的食肆都反對健康碼,「一陣啲食客以為自己真係無事,萬一咁樣爆發第四波疫情,邊個負責?」他強調「措施完全幫唔到業界」。
除了被批評沒有效果,甚至可能令疫情反彈外,更有人直指健康碼「有陰謀」。醫管局員工陣線副主席羅卓堯認為,《港區國安法》下,香港人已對政府失去信心,「所有 footprint 佢都可以拎嚟用」,「即使民主社會都一樣會有咁嘅 debate ,畀人掃一掃就知道你行蹤,都會覺得唔安全。」人權監察總幹事羅沃啟亦表示,若香港真的推行健康碼,將代表部分市民「被分類」,「例如政府服務,可能有啲市民用唔到,但本身政府服務係畀全部市民使用。」他又指,若真的有這情況,已接近中國的「社會信用系統」。

建制派的建議引來社會反彈,政府亦似乎「割席」。政府晚上發稿,解釋「普及社區檢測計劃」時,稿中特別「澄清」,指「不存在接受檢測人士持陰性檢測結果會獲發健康碼,甚或可在特定時段到指定地方活動」,又提及「健康碼」是為準備粵港澳三地通關之用,「目前尚未推出」。
【新冠肺炎.懶人包】一文了解「健康碼」:疫情下的健康追蹤系統

撰文:許祺安 2020-07-31 20:45 最後更新日期:2020-08-01 09:14
本港新冠肺炎第三波疫情嚴峻,累計確診數字突破三千宗,仍不斷上升。政府原本打算7月初推出「健康碼」,逐步恢復粵港兩地交流,但在疫情反覆下已變得遙遙無期。
「健康碼」是「健康身份」的認證,也是疫情下的一個特殊產物,以下就通過Q&A的形式,讓讀者全面了解這個健康追蹤系統的功用和模式。
Q1:健康碼是甚麼?
港版健康碼又稱為「港康碼」,持有健康碼的人士往返粵港澳三地時,可獲豁免 14 日隔離檢疫。每個健康碼有效期為 7 日,過期需再次申請才能獲豁免檢疫。
在內地,健康碼是手機APP上的「綠碼、紅碼、黃碼」三色動態碼,由各地政府運營的後台系統根據用戶自主申報和防疫大數據自動審核生成,作為疫情時期的數字化健康證明,憑碼通行公交地鐵、社區、辦公場所、商場超市、機場車站等場所。一旦在某個場所接觸到感染者,綠碼就會變成黃色或紅色,需要採取隔離措施。
內地在二月就推出了「健康碼系統」,是最早推行此類健康追蹤監控系統的地方之一。2月11日,浙江杭州率先利用支付寶推出健康碼,兩周後健康碼在浙江、四川、重慶、上海等7個省市推廣覆蓋。除支付寶外,一些省份也在微信平台推出防疫健康碼。
為了能夠跨省互認,國家政務服務平台2月29日推出「防疫健康信息碼」,各省按照統一的數據格式標準和內容要求,向全國一體化平台匯聚本地區防疫健康信息,實現基礎數據和技術標準的互認共享。此後浙江針對境外返回人士,還推出了健康碼國際版。
Q2:為甚麼需要「健康碼」?
健康碼是疫情下促進人員有序流動的數字化管理工具。簡單理解,健康碼就是用來區分「健康」和「有機會感染」的人群,因此內地將它按低風險、中風險和高風險分類,持有「綠碼」的低風險地區人員可以有序出行,免受檢疫隔離等強制措施「打擾」,不需要被「一刀切」。
對政府來說,健康碼系統可以平衡疫情防控和恢復經濟社會活動相關政策。對公眾來說,免去反覆填表申報。填報一次個人健康狀況,既可適用各場所檢驗,也可掌握自身風險情況。
結合本港情況,自「封關」後,除部分獲豁免人士外,無論是從內地入境香港,抑或是從香港入境內地,都需要14天強制檢疫隔離。食物及衞生局局長陳肇始此前介紹,因粵港澳三地政府不能夠無條件開放關口,故「健康碼」屬一個工具,讓三地在聯防聯控的機制有秩序開關。
特別是對於跨境家庭來說,部分家庭成員需返回內地生活,但卻在港工作,不能接受隔離期。他們都希望政府能盡快推出健康碼,放寬通關限制,可早日與家人團聚。
Q3:如何申請健康碼?
市民需前往政府認可的醫療機構,自費接受新冠病毒檢測。如結果呈陰性,相關機構會將資料上載至醫管局資料庫,市民便可於衞生署網站取得屬於自己的「港康碼」,再藉此申領其他地區的「健康碼」。申請人需填寫電子表格,待驗證完畢後,該電子表格便會轉換成「粵康碼」或「澳康碼」。
Q4:港版健康碼進展如何?
立法會內務委員會早前舉行特別會議,討論「健康碼」及防疫措施。政務司司長張建宗於 7 月 15 日提到,就粵港澳「健康碼」互認安排,三地政府已跟差不多完成商討,原本 7 月初已準備就緒公布,但當時疫情成為最大障礙,有待疫情穩定後,才進一步推動有關安排,以逐步恢復粵澳人員往來香港。
Q5:甚麼時候適合推行健康碼?
港版健康碼有關政策一直未有落實時間表,此前不少人都批評港府效率太低,「每次都說正在溝通研究,卻永遠沒有溝通出結果」、「次次都話盡快,一次一次的期待,一次一次的失望」。
回顧「健康碼」在各地推行的時間,杭州2月11日率先推出本地健康碼時,該市當時已連續6日新增確診病例人數降至個位數。
至於此前的新冠肺炎「重災區」湖北省,該省自3月10日起開始湖北健康碼發放工作,當日湖北省新增確診病例有13宗。及至3月28日,湖北健康碼已經可以和湖南、江西、廣西、廣東、浙江、江蘇等省份的多個城市健康碼互通互認,當日湖北省的新增確診病例為零、疑似病例數和集中隔離人數也為零。
在香港鄰近地區粵澳方面,澳門及珠海於5月11日起,開始互通核酸檢測結果,並互相認同健康碼。當時廣東省自4月26日起,已連續十多日無新增確診病例,也無新增無症狀感染者。而澳門自4月8日起,當時已經連續三十多日無新增確診病例。
及至7月15日,從粵澳口岸入境廣東省的市民,可在粵港澳大灣區省內9市活動,不再實行集中隔離14日醫學觀察。7月29日,粵澳全面通關,從澳門入境廣東免14日隔離擴大至全省。
Q6:市民對健康碼有哪些憂慮?
首先是不少市民擔心會否洩漏私隱,有人更害怕「資料被轉交至內地」。陳肇始就強調,系統只會收集申請者的基本個人資料和核酸檢測結果,作申請「香港健康碼」的用途。開發過程以保障個人私隱為前提,轉碼程序亦須由申請人明確提出及同意,電腦系統與流動裝置在傳送數據時會作加密處理,以確保安全。
其二是健康碼的準確度。過去內地多個城市都曾出現過持綠碼的外省輸入案例。醫學會傳染病顧問委員會主席梁子超就曾指出,檢測並非百分百準確,檢測者病毒含量多少,處於甚麼階段均會影響最後的結果,不排除假陰性的可能。
Q7:香港推行健康碼的困難有哪些?
如果要完全發揮「健康碼」的效用,必須增加檢測數目使其更加普及。不少專家也多次強調擴大及加快檢測對防疫非常重要,惟香港受限於檢測成本昂貴和人手缺乏的情況下,大規模病毒檢測能力不足。
截至7月19日,政府列出15間獲政府認可醫療檢測機構的名單中,已經在網站上列明價錢的病毒核酸測試服務,最便宜為985元,最貴為3200元。如今本港疫情愈趨嚴峻,不論平貴,相關服務都是僧多粥少、預約爆滿。
Q8:疫情過後「健康碼」會否繼續升級?
健康碼被譽為內地抗疫期間的「功臣」,在疫情逐步得到控制後,個人保護的考量開始成了其是否持續運作的爭論出點。5月下旬,最先推出「健康碼」的杭州市就計劃升級健康碼,通過集成電子病歷、健康體檢、生活方式管理的相數據,將用戶的健康指標和健康碼顏色相聯繫,建立個人健康指數排行榜。
不過,將健康碼常態化利用的探索隨即亦引起侵犯公眾私隱的爭議。全國人大代表、中央網信辦原副主任任賢良認為,為了防止疫情傳播,公眾讓渡了一部分個人權利,但這種讓渡是有邊界和時限的,在疫情結束,有部門應當對所收集的個人資料進行封存、銷毀。

52 則留言:

  1. //證實係陰性

    無事就好:)

    //經民聯及民建聯昨日 (12 日) 與林鄭月娥會面,會後兩黨透露,已建議政府在進行普及檢測時,向陰性結果人士派發健康碼,持健康碼人士便可獲放寬部分措施。

    以傷民咁鐘意聚會又咁自律嘅作風,籲唔聽,連用埋法律黎禁都可以唔理,如果推健康碼,都幾大可能第四波,甚至第三波未完又爆,建制可唔可以搵次俾啲有建設性啲嘅建議..第三波都未完仲係日日死人,咁急做咩?多人有事會攪到啲長者出街買餸都好高風險,我城好多長者都無後生代勞架!做義工都見好多有多後代都係獨居或雙居或老人院,就算老人院唔使買餸,職員或探訪者係街黎,只要市面疫情一日未控制好,風險都唔會低啦,而家都見唔少case啦..持續零或個位數確診一排先推就話啫,而家咁嘅時候,明知個病毒傳染性咁高,我城又人口密度咁高,仲係度催健康碼好離地..專心啲做好防疫咋咋臨斷晒啲傳播鏈,使憂食肆無生意咩..懶到剩係識抄,又唔理適唔適合都照抄,對佢地好反感!

    -Z

    回覆刪除
    回覆
    1. 反對嘅人講到好似推咗健康碼之後就完全放任有碼人士周圍搞,其實可以放寬一啲唔使放哂㗎。相反,冇碼嘅就加強限制,咁我会覺得健康碼係有用嘅。不過一定要用大數據,唔可以好似依家有人提議嘅每個人自己去掃二维碼:一路行一路掃咪好唔得閒?如果剩係掃食肆又太過“冇用”啦。

      刪除
    2. //啲長者出街買餸都好高風險

      在有青眼中, 廢中廢老的性命是 expendable 的. 年青人才是未來.

      //知個病毒傳染性咁高,我城又人口密度咁高

      其實呢個講法有啲矛盾. 傳染性高, 人口密集, 但抽查高風險群組, 成萬個樣本只搵到十幾廿人確診, 個 percentage 似乎又低咗啲.

      //一定要用大數據

      問題你數據點嚟? 天眼+人面辨識? 呢樣嘢我自己都有保留, 其他傷民就更唔在講. 你睇吓智慧燈柱被拉倒就知. 見以下中尉的留言討論.

      刪除
    3. //一定要用大數據

      其實我漏咗结論。结論就係香港人抵死,做唔到㗎喇。

      刪除
    4. 「抵」唔「抵」死, 要視乎個 proposal 係乜, 同埋執行細節.

      例如智慧燈柱, 又唔係人面辨識, 個人覺得無問題, 我城被黑暴拖後腿, 並唔關正苦事, 傷民就是抵死; 相反, 「全日禁堂食」, 明顯就係正苦太離地 (陳焗腸就正苦唔知咁多人要返工), 呢個就係正苦抵死.

      專訪陳肇始談抗疫措施:當我們全日禁堂食 才發現很多人還要上班 2020/08/11 16:21
      【有線新聞】內地專家來港豁免註冊,那批專家化驗師資歷,未必跟香港專家對等,是誰決定豁免?第三波疫情下,很多防疫措施收緊,全日禁堂食實施兩天急急撤回,身為推行的政府官員有何感受?繼續跟食衞局局長陳肇始傾下。

      刪除
    5. //其實我漏咗结論。结論就係香港人抵死,做唔到㗎喇。

      其實都唔可以咁講既
      放觀世界,都有好多國家地區唔駛健康碼.確診人數都唔多
      而且香港其實都唔係太差

      //明顯就係正苦太離地 (陳焗腸就正苦唔知咁多人要返工)

      真心膠,唉

      刪除
    6. //反對嘅人講到好似推咗健康碼之後就完全放任有碼人士周圍搞,其實可以放寬一啲唔使放哂㗎

      問題係我城應該執行唔到..

      //其實呢個講法有啲矛盾. 傳染性高, 人口密集, 但抽查高風險群組, 成萬個樣本只搵到十幾廿人確診, 個 percentage 似乎又低咗啲.

      我覺得係關啲人有戴好口罩同洗手事

      //一定要用大數據
      //我都唔贊成。尤其是以特衰正苦對資訊科技的步伐,由呢班廢官部門去掌管個人行蹤,唔俾人 hack 爆先奇。

      健康碼要有效牽涉太多私隱問題,應該好多傷民接受唔到,同埋我對正苦it handle咁多敏感資料都信心不大,唔想俾資料..

      -Z

      刪除
    7. //都有好多國家地區唔駛健康碼.確診人數都唔多
      //我對正苦it handle咁多敏感資料都信心不大,唔想俾資料..

      蝗國正苦的雷霆手段,雖然有效但有時會過猶不及, more than enough,又真係唔係人人可以接受到。

      //真心膠
      //問題係我城應該執行唔到..

      呢個正苦就係廢在唔只定唔到策略,就連執行都咁多甩漏。呢個先係最大的問題。

      刪除
    8. //年青人才是未來

      反而老共唔係依啲思維,見人大個個年紀有返咁上下先坐到依啲位,傷巷現在各行各業滲透著廢中廢老要讓位,廢青就明爭暗鬥面和心不和。依啲咪叫自求多福,分分鐘出賣你嗰個就係最老友嗰個。

      刪除
    9. //出街買餸都好高風險

      早上街市人頭湧湧人山人海,個個買餸煮飯食,係真係危險,錢過錢。

      刪除
    10. //廢青就明爭暗鬥面和心不和。依啲咪叫自求多福,分分鐘出賣你嗰個就係最老友嗰個。

      有青最嚮往的就是鬥爭.

      //錢過錢

      好似話八達通手續費貴, 又唔係即時過賬, 仲有傷民好興用公司名義逃稅避稅, 唔想有電子足跡俾人查到(講到凹都係一個「貪」字), 都係電子錢包唔興旺的原因.

      刪除
    11. //仲有傷民好興用公司名義逃稅避稅

      前排先見有教投資嘅人教逃稅避稅方法,唔知會唔會愈黎愈多咁嘅人..

      -Z

      刪除
    12. //教投資嘅人教逃稅避稅方法

      乜sir? XD

      刪除
    13. 唔係也,油管拍片果啲

      -Z

      刪除
    14. 查哥? 我 cap 唔到佢啲youtube 廣告... 如果 cap 到的話, 會寫返篇拎嚟笑吓.

      刪除
  2. 以我既理解內地既健康碼係如果你係十四日內冇到過有確診既地區,冇接觸過確診人仕就可以維持綠色碼,如果到過有確診地區或接觸過確診人仕就會轉黃轉紅,要隔離同檢驗成陰性先可以轉返綠。
    (即係好似呢次爆發最初係爆慈雲山,咁慈雲山住同去過既所有人都會變紅)
    疫情嚴重時,所有店舖,屋苑或小區出入口都有保安check住(而家仲有冇就要得閒問下國內同事先) ,所以如果冇綠碼,基本上邊度都去唔到。
    (之前有睇過一篇報道,有逃犯因為登錄唔健康碼,無法生活,只有自首。)
    中國健康碼既成功,係如鄉民所擔心,需要全面監查行蹤,出入自由所有地方既受控同全員強制參加先至有可能。
    以香港地方咁細,人口密集同會四圍移動既情況下,應該全港一半人以上都係紅碼,要即時禁足,隔離同檢驗。以香港既法制同民情黎睇,即係冇可能實施。
    都係留返用黎中港澳三地之間移動時用啦。起碼去得國內既人,都會自願接受健康碼既監控。

    回覆刪除
    回覆
    1. //中國健康碼既成功,係如鄉民所擔心,需要全面監查行蹤,出入自由所有地方既受控同全員強制參加先至有可能。

      如果要追蹤個人行蹤,咁就牽涉到私隱問題。畢竟一般人生活,都有可能有唔犯法但想 keep it to myself 的行為,由廢老在屯門公園俾利是到上樓撳鐘仔再到老蘭用 pat pat 打完招呼再 my place or your place 都係一些「私人行為」,正苦無權作出「過度監視」。至於何謂「過度」?例如店舖內的CCTV只係有來紀錄店面活動,無法 identify 每個人的資訊,呢個就係「合適」監視的例子,也就是說若果正苦要得到的資料是 more than enough 去達至想要的效果,那就有問題。

      //有保安check住

      有數據都要有執法才是. 蝗國有城管, 但以傷民的反叛性格, 黑警都備受攻擊, 一般保安點執行到小區管理?如果黃色區蟻員肯出面,方可希望「市民」會俾返少少薄面。

      //內地既健康碼係如果你係十四日內冇到過有確診既地區,冇接觸過確診人仕就可以維持綠色碼,如果到過有確診地區或接觸過確診人仕就會轉黃轉紅,要隔離同檢驗成陰性先可以//

      「如果到過有確診地區或接觸過確診人仕就會轉黃轉紅,要隔離同檢驗成陰性先可以」呢個就係蝗國奉行的「寧枉勿縱」的思維,跟我城「寧縱勿枉」是完全180度相反。也就是說,如果我住的屋苑有一個住客確診,成個屋苑都要被封鎖,這會對整個屋苑的住客唔公平。如果我到過一間有確診個案的餐廳食嘢,如果係強制定期做檢測,連繽幾次無事就可以變返綠,咁我無異議,但一刀切要我被隔離14日那就有點過份。一個半個人影響未必咁顯著,但如果全城都係咁就會衍生出好多行政問題。

      //即係好似呢次爆發最初係爆慈雲山,咁慈雲山住同去過既所有人都會變紅

      以慈雲山為例,咁恐怕地鐵及其沿線屋苑都要被封鎖,這就不成比例了。

      //以香港既法制同民情黎睇,即係冇可能實施。

      我都唔贊成。尤其是以特衰正苦對資訊科技的步伐,由呢班廢官部門去掌管個人行蹤,唔俾人 hack 爆先奇。

      刪除
    2. //牽涉到私隱問題
      //一般保安點執行到小區管理

      係,真係完全冇人權可言.
      今日深圳好似有確診者,網上有該名確診者呢星期邊日幾時幾分幾秒係邊上左邊架公車係邊落車既行程流傳.
      所以我認為健康碼只可能係中國內成功推行.政府千奇唔好發傻係香港內推行
      當然如果要去國內,就一定需要配合國內申請健康碼啦

      //蝗國奉行的「寧枉勿縱」的思維
      //如果我住的屋苑有一個住客確診,成個屋苑都要被封鎖,這會對整個屋苑的住客唔公平

      而家好似好少少,有市場既雞翼驗出有病毒,大慨有一千多人有接觸需要做檢驗.
      我估驗完冇事應該唔駛隔離呱.

      //我都唔贊成。尤其是以特衰正苦對資訊科技的步伐,由呢班廢官部門去掌管個人行蹤,唔俾人 hack 爆先奇。

      同感

      刪除
    3. 求其諗下都覺得唔work,所以對提議嘅人好反感,唔知佢地有無輕輕諗過下先講..
      過關用我都覺得無問題,但城內用根本無可能..

      -Z

      刪除
    4. //今日深圳好似有確診者,網上有該名確診者呢星期邊日幾時幾分幾秒係邊上左邊架公車係邊落車既行程流傳.

      that's crazy, 簡直係正苦的起底行為。

      //求其諗下都覺得唔work,所以對提議嘅人好反感,唔知佢地有無輕輕諗過下先講..

      「諗 work 唔 work,點執行係正苦嘅責任。」

      刪除
    5. 健康碼實在冇用,對抗疫有害係啱,有啲人種染完又染,惹完又惹加嘛,班友隱形。

      依家去啲食肆度度檢測體温都唔同,麥當當嚇死我,行埋對住架機叫一叫,畀佢嚇親,有啲用手掌嘟,企喺度檢測最好,人手對額頭接觸好緊密。

      刪除
    6. //有啲人種染完又染,惹完又惹加嘛,班友隱形。

      健康碼應該係紀錄咗你最近期檢測無事的資訊, 有檢測已經可以搵到唔少周圍播毒(「惹完又惹」)的隱形病人, 點解無用呢? 至於「染完又染」, 乜唔係有抗體, 醫好就唔會好染病嘅咩?

      刪除
    7. 染完又染係我想表達病毒可以變種咗再染上,即係一型有抗體唔代表二型有,是世界末日之想法。

      刪除
    8. //即係一型有抗體唔代表二型有

      流感都係咁, 不停變種.

      刪除
    9. //「染完又染」

      之前都見過新聞話外國有呢啲case,quote專家話短時間內多感染就會變種得快,惡性循環咁,果排仲講到隻病毒變到好古惑又會驗到假陰性又會復陽,好恐怖咁..

      -Z

      刪除
    10. 遲早都會好似流感咁, 唔同種就打唔同疫苗, 又或者要研發混合疫苗, 都係要時間先搞到.

      刪除
    11. 我覺得呢啲傳染病,有病徵嘅乖乖地隔離好返先周圍去,斷到傳染鏈,人人做好清潔同個人衛生,個病毒繁殖唔到就可以無事,但返工沿途同公司都係會見有病徵嘅人,同事仲唔睇醫生,仲會周圍吹水同掂人,都幾驚,攪到好唔想on site,除口罩飲水食晏都心慌慌好心急咁,好彩而家個個戴口罩,果啲人都戴,以前附近啲人病,我戴佢地唔戴,而家無咁尷尬

      -Z

      刪除
    12. 我無乜口水花, 係傾向唔戴的.

      刪除
  3. //「電子針紙」

    呢個好!例如乙肝針幾時打過,幾時到期,要不要打加強針,等等......一目了然,唔使擔找不到之前的記錄。

    回覆刪除
    回覆
    1. 其實HA都有唔少 app 在 app store 同 google play 上架, 由預約覆診到排隊攞蘗都有, 之不過好似係「各有各做」, 缺乏整合而已. 相信呢啲都係正苦部門的通病吧.

      刪除
    2. //幾時到期

      疫苗好似無話幾時到期,有啲人有抗體耐啲,有啲人快啲失效,要知仲有無效可能都係要身體檢查時驗埋先知
      同埋變左種嘅話疫曲成效都會降低

      -Z

      刪除
    3. 咁搞法個疫情只會沒完沒了。

      刪除
    4. //..一目了然,唔使擔找不到之前的記錄。
      我仲有保留細嗰一出世就有嘅打針卡,已經有啲甩皮甩骨

      //同埋變左種嘅話疫曲成效都會降低
      好似每年流感都要打唔同嘅疫苗--個疫情咁廣泛,洋腸到而家都喺抗拒口罩一堆人互噴口水,又死都要出國旅行(原來米腸都有類似咩橘子之流),應該唔會消失...

      刪除
    5. 陳笑恥點會唔知咁多人出去食飯呀!明明話當初唔禁全日就係要顧慮班打工仔無地方午膳先唔一刀切噃,而家陳焗腸一句咁講,成個局被人代表晒諗嘢都係咁白痴,我係佢同事都想嘔血。

      我都覺得健康碼好難實行,雖然傷民好習慣用飛卜、WhatsApp 出賣個資俾尾國企業,但要鉅細無遺咁將所有行蹤俾政府,難免心生顧忌。

      就算啲連鎖大集團跟住做要健康碼先俾入,啲小店有無跟都唔知啦。又如果識別到大量人士有機會有接觸被患者傳染(如上述慈雲山case),咁呢啲人係咩碼,又咩情況下唔俾入去啲公共場所、又點情況係要隔離?

      香港密成咁,你點可能封晒啲人?就算要封住成座大廈住客,啲區蟻員又個個反正苦,又有啲業主立案法團麻麻煩煩,佢地會配合幫手睇啲人居家隔離咩?

      就算要搞都冇可能將大陸果套全抄跟住執行吧!

      刪除
    6. 馬交健康碼也主要是申報為主,出入部份場所先要出示健康碼,呢個做法就比追蹤GPS易接受好多。
      然後其實可以交俾啲食肆同商場自己決定要唔要用健康碼識別啲人,畢竟有人出左事又去過佢地舖,佢地都要消毒,幾日做唔到生意。

      我諗傷港正苦應該都有諗住行呢套,但就要等大量檢測結果再決定點安排。而家啲數字暫時都唔低,做完檢核測都好難知會唔會轉頭被隱形患者傳染。

      ————

      澳門發展了自己的健康碼叫「澳康碼」,澳門人在澳門用「澳康碼」,返廣東轉用內地的「粵康碼」。「澳康碼」可說是一個溫和版的健康碼,不用掃碼追蹤個人行動軌跡,私隱度高。「澳康碼」顯示綠碼只是自我聲明無病徵、無外遊紀錄、無接觸史。「澳康碼」顯示紅碼在澳門不能進入賭場和政府機構,也不能出入境。

      https://hd.stheadline.com/news/columns/417/20200714/868179/專欄-巴士的點評-檢測不足是香港重大短板

      ————

      許樹昌於一個電台節目時表示,本港新型肺炎確診數字每日仍然有雙位數,很大比例是來源不明,於疫情仍然嚴重時,使用健康碼到食肆消費,概念不正確,因為健康碼是在疫情穩定時,想通關的臨時措施,以證明無確診下過境時用,並非用作消費,現時不宜用這模式試圖挽救經濟,專家小組會議亦無討論有關問題。

      https://news.rthk.hk/rthk/ch/component/k2/1543664-20200814.htm

      刪除
    7. //甩皮甩骨

      要再驗下睇下仲有冇抗體了,冇就要打過。

      刪除
    8. //洋腸到而家都喺抗拒口罩一堆人互噴口水,又死都要出國旅行(原來米腸都有類似咩橘子之流),應該唔會消失...

      呢啲係民族性.

      //要再驗下睇下仲有冇抗體了,冇就要打過。

      麻疹都係...
      https://www.chp.gov.hk/tc/features/101938.html

      //明明話當初唔禁全日就係要顧慮班打工仔無地方午膳先唔一刀切噃

      我仲記得有匿名網友係度留言話「已經話咗情況無改善就會進一步收緊」來支持全日禁堂食, 一副殺人政權式「莫謂言之不預」就將自己的行為正當化.

      //我諗傷港正苦應該都有諗住行呢套,但就要等大量檢測結果再決定點安排。而家啲數字暫時都唔低,做完檢核測都好難知會唔會轉頭被隱形患者傳染。
      //要鉅細無遺咁將所有行蹤俾政府,難免心生顧忌。
      //然後其實可以交俾啲食肆同商場自己決定要唔要用健康碼識別啲人

      同意, 個碼係自己的, 行蹤亦唔會上載. 去到某些場所要 scan 咗, 睇吓係紅黃綠定過期碼, 由店家自決是否准許進入. 如果出咗事店家就要交出進入過而又有事的人的健康碼給政府, reverse 返個碼搵人, 咁應該可行一啲.

      依家唔係時候實行、唔係用蝗國嗰種方式實行, 唔等於健康碼呢個 concept 無用.

      //就算要封住成座大廈住客,啲區蟻員又個個反正苦,又有啲業主立案法團麻麻煩煩,佢地會配合幫手睇啲人居家隔離咩?
      //就算要搞都冇可能將大陸果套全抄跟住執行吧!

      其實點解我城變得愈來愈唔「宜居」, 主要係有班黃C逢正苦必反, 而有班人為咗唔俾黃C肆虐, 就盲撐正苦/黑警, 佢地做乜都係啱, 甚至盲搬蝗國嗰套落嚟, 言必國家民族... 兩邊都係極端, 兩邊宦係立場行先, 呢啲才是理性派的無奈.

      刪除
    9. //馬交健康碼也主要是申報為主,出入部份場所先要出示健康碼,呢個做法就比追蹤GPS易接受好多。
      然後其實可以交俾啲食肆同商場自己決定要唔要用健康碼識別啲人,畢竟有人出左事又去過佢地舖,佢地都要消毒,幾日做唔到生意。

      聽落申報會易接受好多,畢竟傷民都係怕交DNA同侵犯私隱,然後以傷民嘅走精面個性,可能好多都申報綠碼,類似咳住填健康申報表無病徵果啲咁XD
      建制suggest嘅似健康碼多過澳康碼..“在「普及社區檢測」推行的同時,讓獲陰性結果的人士,獲取「香港健康碼」,持健康碼人士可獲放寬部分防疫措施。”

      -Z

      刪除
    10. //建制suggest嘅似健康碼

      「人一藍 腦便殘」對於建制派都幾合適.

      刪除
    11. 叫香港人誠實申報係嘥氣
      大陸健康碼聽聞有人臉識別,以防有人用人地手機
      香港最可行係日本版,非實名登記行程追蹤,確診者會被追返接觸過咩人,接觸過確診人仕會出警告,叫你快啲睇醫生

      刪除
  4. 你同唔同意D人話,租樓幫人供樓?
    我自己覺得唔通訓街咩..
    我計過數,我已經租了7年,我計了第10年就夠錢買樓,只係想買大D,再儲多D先

    回覆刪除
    回覆
    1. 樓按即係做槓桿,以低息買入資產,抵抗萬惡正苦印銀紙令現金貶值。供樓每期供款有一部分係還本金,即係逐漸減槓桿,係一種健康的做法。所以買樓是一種適合普羅大眾理財的手法。

      如果租樓付出與供樓相差無幾,咁租樓就當然係「幫業主供樓」;但如果每月租金係平過你去供一間「理想中的樓」的話,咁就不妨邊租邊儲錢,或做投資睇吓回報會唔會仲高。

      刪除
    2. 以我知道有錢投資人最緊要揸住筆流動現金隨時出手入貨之如,仲要享受生活,佢哋大多數選擇就係自己租豪宅住,物業投資租畀人住,佢哋真係諗好好係有人幫佢哋供樓。
      自住屋真係有需要,仲要係打工仔,根本冇乜時間花在另類投資,除非快、狠、準一炮過去一炮過返。
      自己租樓買樓我都試過,我好肯定我都係覺得買樓自住好,有歸屬感好多。

      刪除
    3. 謝謝提供另一角度的看法.

      刪除
  5. //沿途道路清靜,綠樹花草宜人

    咁正,嚮往。

    亞博館請雜工無需經驗三萬二,提供住宿、車輛接送,生活要錢揾命博館啦。
    急推健康碼係因為再咁無了期落去驚拖垮經濟,活口受損/搞到眾人罹患精神病/dumb懶個人。

    回覆刪除
    回覆
    1. //急推健康碼係因為再咁無了期落去驚拖垮經濟,活口受損/搞到眾人罹患精神病/dumb懶個人。

      都要講時機配合, 有啲嘢急唔來, 欲速則不達.

      刪除
    2. //都要講時機配合, 有啲嘢急唔來, 欲速則不達.

      認同!好怕正苦啲野未諗清楚就推,能力已經唔係高,仲咁急進勁易撞板,達唔到預期目標,甚至反效果

      -Z

      刪除
    3. //仲咁急進勁易撞板,達唔到預期目標,甚至反效果

      成語動畫廊: 朝令夕改

      刪除
  6. 我今日去了睇中醫(婦女病睇開)
    我的中醫年過60,似仙人多過醫生,佢過午不食,佢係一個可以將中國的智慧結合既中醫,例如天人合一之類啦
    我今日同佢講,乜COVID19咁勁,攪咁耐,佢話呢個係果,我問佢因,佢話人類在地球作惡太多,我一向明白呢套講法
    於是我同佢講,我對地球好好(我平時有做垃圾分類XD,其實我想講我有善心)佢話如果你好,咁你受既果會少D
    ^^哈,佢不是同每個病人咁講,佢睇得好開,而且佢係超短工時,佢一星期只返2日每日返4小時...我見佢都無乜病人
    佢應該練仙XD

    回覆刪除
    回覆
    1. //佢話人類在地球作惡太多

      正是. 正如我最憎「水上活動」(即係 windsurfing, 浮潛 嗰類). 人類明明係陸上生物, 為了娛樂走入海中打擾人家的生活,豈不自私.

      //佢話如果你好,咁你受既果會少D

      咁唔去旅行會死的傷民應該中哂招喇!

      //過午不食

      可以練辟穀

      刪除
    2. 嘩,想睇貓個中醫..
      之前睇嘅老中醫退左休,退休前都係好似你果個咁,仲不定時開門

      -Z

      刪除