魔術師資產配置（２０２０年７月結）

疫情當前，晚市只准外賣，魔術師有時唔想走出去「外賣自取」，便煮吓簡單晚餐（包括出前一丁）；反正魔術師間屋的先天財位（八白土）在廚房，火生土，開明火煮吓嘢食有利財運。本月結算，沉船基金由於美帝科技股大幅造好，重奪第一名，收報每單位＄１４３.４２（我城貨幣，下同），較上月大升１０.５６％。侵侵話功 flu 熊貓搞垮美帝經濟，其心可誅；聯儲局加息無期，金價大漲，商品基金Ｖ彈至第二位，收報每單位＄１４１.５５，較上月大升１０.５６％。第三波疫情打沉我城「五窮六絕七翻身」之願景，複式盈富收報每單位＄１３９.８５，較上月升１.４９％，守第三位。
上月將部份 MPF 恆指基金轉為環球債劵，強積金組合得保不失，收報每單位＄１２８.２９，較上月升５.４５％，守第四位。第五位的是生活基金，收報每單位＄１１５.２６，較上月微跌０.０５％，正反映出經濟差生活都唔慌好得去邊。債券反彈，作為合格市的現金及債券組合較上月升３.７７％，收報每單位＄１０２.１４。疫情搞到收租霸無啖好食，房託組合持續不振，收報每單位＄９６.５８，較上月跌１.８０％。

米帝大開ＢＮＯ方便之門，唔知係黃Ｃ中剷開始賣樓套現搞移民，魔術師屋企樓價估值亦微跌少許，但由於整體投資組合向好，故身家（資產淨值）亦有所增長，收報每單位＄１５,２８７，較上月升３.６４％；其中流動資產較上月升６.００％，抵銷樓價跌幅：

屯門區連環有新樓盤開售，都係「納米則」扮豪宅的設計，lump sum 低谷起收租回報率。對好多人來說，如果有閒錢又熟地區的話，係不妨考慮入手分散投資；不過魔術師對於做收租仔就無乜興趣，主要就係唔想搞大個負債。諗過就算買樓都係為退休鋪路大樓變細樓；當然賣樓或出租現居，好似一眾廢老一樣搬返大灣區但保留垃圾會投票權都係其中一個選項：

本月魔術師身家的 beta 值為０.３６，correlation 為５６.２４％，Ｖ彈之餘數字較上月稍低，甚為僥倖：

＊＊＊
伸延閱讀：
新聞雜評（二百七十五）