2020年8月25日 星期二

新聞雜評(二百七十九)

歐聯決賽拜仁挫聖日耳門封王 2020/08/24 10:26

【有線新聞】獎盃背後,包含了多少人的付出呢?
首度來到歐聯決賽的聖日耳門,有麥巴比傳送,尼馬起腳,但紐亞亦都身手非凡。
士氣總不可以輸的,團隊精神何時都重要。
今屆歐聯只要有利雲度夫斯基上陣,他每場都有入球的神話,成為過去,這球中柱。
何解啊、何解啊,或者迪馬利亞都想問問原因,為何美好的一切,竟然沒有好好珍惜,又令多少人感到惋惜呢?
由分組賽去到四強,拜仁十戰全勝,入了42球,往績有目共睹,建立從來並不容易,但摧毀可以只是轉眼之間。
艾拿巴這樣誤傳,有如自毀長城,只是麥巴比最後射得太正。
換邊之後,當基拿比粗野地弄跌了尼馬,就引發一段插曲。
大家都是斯文人啊,要彬彬有禮才是嘛。
打茅波就不好的,拜仁來展示技術,京士利高文可以頭槌寫下珍貴的一頁,都要有賴甘美治精準的傳送才行的,59分鐘出現全場唯一入球。
踢波環環相扣,拜仁防線就有紐亞做最強後盾。
聖日耳門最終都無法扭轉敗局,拜仁第六度成為歐洲盟主。
歐聯、德甲加上德國盃,他們是今季的三冠王。
疫情之下,閉門的決賽或者難免氣氛不同,但有一眾隊員並肩而行,依然並不孤單。

1. 熱烈慶賀拜仁慕尼黑(FC Bayern München)勇奪歐聯冠軍(2019—20球季),成為歐洲三冠王!早幾年魔術師仲話難搵到拿姆(Lahm)、小豬(Schweinsteiger)、洛賓(Robben)、列貝利(Ribery)接班人,但今屆甘美治(Kimmich)、哥利斯卡(Goretzka)、基拿比(Gnabry)、阿方素戴維斯(Alphonso Davies)等表現亮眼,就連京士利高文(Kingsley Coman)也是百D成材,可見投資在新班子(包括球員、教練)的眼光係幾咁重要。傷巷膠官真係要學吓嘢!
歐聯 拜仁慕尼黑8:2巴塞羅那 2020/08/19 15:16

【有線新聞】歐聯八強,拜仁慕尼黑上演「入球騷」,8比2大炒巴塞羅那,躋身準決賽。
白衫的拜仁全場足足26次埋門,湯馬士梅拿找利雲度夫斯基,回傳給他左腳拉弓,4分鐘極速開紀錄。
不想今季「四大皆空」,一項錦標都贏不到,巴塞瞄準歐聯這個最後機會,火速扳平。佐迪艾巴想找蘇亞雷斯,艾拿巴心急出來截糊,剛好楣底入,紐亞都沒有他辦法,7分鐘1比1。
趁巴塞後場傳失,基拿比偷波後推向禁區,交給身後的佩利錫,窄角度勁射,拜仁21分鐘再次領先2比1。
賽前應該沒人想到,這支西甲勁旅會大敗一場,但巴塞的惡夢這時候才開始,哥列斯卡第一時間笠上去,基拿比利用身位順勢一抽,整個組織一氣呵成,拜仁又有進賬,3比1。
施迪安今次愁了,事關拜仁上場用90分鐘,大勝車路士4比1,今場達成同樣比數,半場就完成。德甲助攻王梅拿,擦近柱得手,31分鐘收穫個人第二球。
換邊後,蘇亞雷斯都以入球挽回面子,右腳一扭騙到對手,左腳一熨追成2比4。
前線入一球,但後防被艾方素戴維斯一步突破,沿底線漫步,造就甘美治後上射入,拜仁63分鐘5比2。
但入球停不了,對手個個看著古天奴,門前的利雲度夫斯基完全無人看管,攻入今季歐聯第14球。
勝負已分,剛才交出助攻,倒戈的古天奴再來錦上添花,尾段入兩球,先在85分鐘剷入。
4分鐘後,接應盧卡斯靴南迪斯,在窄位射入全場第10個入球,大炒8比2。
拜仁成為首支,在歐聯淘汰賽入8球的隊伍,將與曼城或里昂的勝方爭入決賽。
2. 拜仁成為首支,在歐聯淘汰賽入8球的隊伍
當然今年最為人津津樂道的,就係入巴塞8粒,戴維斯扭過霉西(Messi)之後完美助攻,真係一絕(留意一開始霉西一被扭過便無哂心機)。歐聯今年因疫情關係,八強、四強賽有分於過往計主客場、作客入球優惠,取單場淘汰賽,中立場打,總場次打少了6場波,門票、轉播收入係少咗,但賽事卻更加緊張刺激;以球迷角度來說都個人都幾喜歡呢種賽制。

***
民主黨委託民調敲定初步細節 香港民研抽樣訪問二三千人 採「雙門檻」標準 2020/08/24 19:04

【有線新聞】民主黨委託香港民意研究所進行全港抽樣民調,決定是否在立法會延任一年。民主黨指若結果不達門檻,他們會就去留作政治判斷。
定民主派去留的民調細節初步敲定,香港民研會抽樣訪問二至三千人,又提出「雙門檻」標準。一個是先剔除民調樣本中「無意見」的人數,以餘下的受訪者計算,有過半數人支持去或留。另一個門檻是,受訪者中自稱「民主派支持者」的有三分二人支持同一決定,達到其中一個門檻就可以。民主黨主席胡志偉:「如果門檻不過,就會是另外的政治責任及判斷,我們要在民主派進一步探討,會進一步向大家交代。」
民調由民主黨委託進行,22名民主派議員當中,公民黨、毛孟靜、社福界張超雄均表明會跟民調結果決定去留。專業議政就指會開會討論,亦要各自諮詢業界。李國麟:「我們從不綑綁,我們代表業界聲音,不是一般民意民調可反映的。民調是反映大環境,至於是否跟隨,每個界別都有自己看法,最後都是政治決定。」邵家臻:「我未開會,但我自己覺得可跟從民主黨的民調,是整個民主板塊的決定,我當然要服膺、跟大隊。」
至於曾經表明主張集體杯葛的陳志全及朱凱廸指,要全部民主派都願意服膺結果才會決定跟隨。
3. 先剔除民調樣本中「無意見」的人數,以餘下的受訪者計算,有過半數人支持去或留。另一個門檻是,受訪者中自稱「民主派支持者」的有三分二人支持同一決定,達到其中一個門檻就可以。
仲使問嘅?有電話打到嚟,梗係自稱自己係黃C,支持販民總辭喇!平白無端送個機會俾反黃 vote them out,唔答勢係假!
***
通識書自願送審後刪三權分立、公民抗命內容 教育局:全由出版社自行更改 教協:違多角度思考 2020/08/19 20:31

【有線新聞】六間出版社將通識教科書自願送審,經教育局評審後,有課本刪走涉及公民抗命及三權分立的內容。
多間通識教科書出版社公布評審後的修訂內容。雅集出版社送往評審前,「今日香港」單元原本有一整頁關於公民抗命的考題練習,資料包括2014年黃之鋒等人衝入公民廣場案、終審法院的判詞,在新版中全版刪去。
另一間,香港教育圖書公司提及公民抗命,由「有意見認為有違法治」改為「涉及違法行為」,並加上「參加者更須承擔刑責」。
雅集原本有一欄講「三權分立和行政主導」,提及「行政、立法、司法互相制衡,以免任何一方權力過大」,評審後整欄刪去。
教育圖書講普通法的特點,包括「信奉三權分立原則」,評審後刪了這句,保留「司法機構獨立於行政及立法機關」,而「刑事法不設追溯期」這句亦刪走了。
齡記出版的課本原本指「遊行示威日益激烈」,「原因之一在於政府未有回應訴求」亦被刪走。
插圖亦有改動,雅集一幅講新聞自由的漫畫:一把刀指向象徵媒體的筆和咪,評審後改為一本基本法說「有我在,你們放心如實報道」。
田方澤表示:「難免令人覺得是靠向建制或官方認同的觀點,與通識科多角度思考背道而馳。」香港通識教育教師聯會主席劉錦輝則認爲:「有同學問起相關內容老師怎回應呢?局方最好從速說清楚,為何部分內容可留低、有些不可,準則在哪。」
教育局指今次安排是一次過專業諮詢,並非恆常課本送審。由督學、大學學者組成的團隊閱覧教科書後,向出版社提供建議及理據,具體內容和文字如何改,全由出版社自行跟進。

4. 香港教育圖書公司提及公民抗命,由「有意見認為有違法治」改為「涉及違法行為」,並加上「參加者更須承擔刑責」。
咩叫「有意見認為有違法治」?只要世界上有一個人對某件事有某種意見,「有意見認為 XXXX」便可以成立。在缺乏論據討論之下,呢句「有意見認為 XXXX」就如廢話無異。「通識教科書」連語理分析都搞唔清,咁又算得上是教「通識」嗎?
5. 雅集原本有一欄講「三權分立和行政主導」,提及「行政、立法、司法互相制衡,以免任何一方權力過大」,評審後整欄刪去。
基本法》根本就無講過我城係「行政、立法、司法互相制衡,以免任何一方權力過大」。現實上,司法機關可以經司法覆核「制衡」行政(正苦);但就無法子「制衡」垃圾會。垃圾會可以以「拉布」「制衡」行政(正苦);但就無法子「制衡」司法機關。行政(正苦)就最弱勢,理論上可以以「解散垃圾會」作「制衡」手段,但這根本就是正字自殺;司法機關就更加無王管。所以,基本上司法機關就是獨立於世無人能管的山寨王,垃圾會次之,行政機關就最弱雞,人人都可以欺負佢。
6. 教育圖書講普通法的特點,包括「信奉三權分立原則」
如上。我城表面上行政、立法、司法好似係獨立行事,但結果就係行政最弱勢,立法、司法有大把手段可以影響行政。
7. 齡記出版的課本原本指「遊行示威日益激烈」,「原因之一在於政府未有回應訴求」亦被刪走。
嘩!通乜鬼識!咁寫法同黃C文宣有乜分別!?
***
全民檢測下周二開始 許樹昌:勿浪費機會找出隱形患者 梁子超籲做足防疫措施免交叉感染 2020/08/24 17:33

【有線新聞】新型肺炎自願檢測下周二開始,政府專家顧問許樹昌指疫情跌得慢、不理想,希望大家不要浪費機會找出隱形患者。呼吸系統專科醫生梁子超就擔心人群聚集會有交叉感染風險,希望政府做好採樣中心的防疫措施。
自願檢測計劃政府指在全港18區已物色超過一百個地點採樣,稍後公布詳情,有社福界希望不要設置在社區中心會堂,以免影響出入中心的長者、小童,公務員事務局局長聶德權:「選擇私人場地又比較困難,所以沒有辦法,一定是這樣。衞生署及機電工程署的團隊會去視察是否合適。」
網上預約系統預計8月29日開始,市民要填姓名、身份證號碼及聯絡電話,選擇採樣日期、地點及時段,郵政局及屋邨辦事處有人會幫忙上網登記。聶德權重申個人資料不會送出香港,又指有些企業容許員工放假參與檢測,希望更多企業仿傚。預計有多少人參加?他就指沒有硬指標。
呼吸系統專科醫生梁子超就認為市民要到現場除口罩採樣本,政府要說服人如何將聚集及交叉感染風險減到最低,才會增加參與率:「即使可以在一日內完成750萬人的檢測,我們只能期望可以將活性傳播最多只能減少三分一,所以不可以普及檢測,可以替我們現時用的方法。」
許樹昌:「感染源頭來歷不明比例偏高,如果很多人參與仍然有一定作用,支援不是永久的,我覺得大家不要浪費機會,反正第三波疫情未完,跌得很慢,不理想。」
登記系統由創新及科技局負責,局長薛永恆重申與健康碼完全無關,預計要完成社區檢測,待疫情穩定專家認為可行才會推出。
8. 自願檢測計劃政府指在全港18區已物色超過一百個地點採樣
假設200萬+1黃C都唔會參加自願檢測,即係約500萬傷民會參加,跟許樹昌早前個 target 差唔多。又再假設開100個採樣站,最多做14日,每日做12小時,咁即係每個採樣站每小時要做298個樣本(=5,000,000/(14*12*100))?係咪真係做得到架?
與僱主同住外傭可參加全民檢測 轉工外傭免費檢測明起接受登記 2020/08/23 18:34

【有線新聞】政府宣布與僱主同住的外傭可以參加全民檢測,至於為轉工外傭做的免費檢測明天開始接受登記,星期二起到港灣道體育館採樣。
星期日外傭放假,繼續在中環聚集,之前有外傭確診個案,僱主都擔心外傭經常外出會否受感染。政府宣布,與僱主同住的外傭都可以參加全民檢測,外傭Dalia:「如果我的僱主說你需要去做檢測,對我來說是可以的,也是為了我的安全。」
已完約、等待到新僱主家庭履新的外傭,就可以周一起朝九晚九致電熱線1836133預約做檢測。外傭要去灣仔港灣道體育館先採樣本,周二起每天早上8時半至晚上8時開放,運作至下月30日。
至於早前有多宗個案與住宿舍有關,政府早前亦宣布會要求提早斷約、申請換僱主的「可疑個案」直接返原居地。有中介公司指,現時在宿舍大部分個案都是提早完約,得成女傭董事總經理廖翠蘭:「怎樣算是『可疑個案』?僱主不錄用、被解僱是佔70%至80%,若這些工人完全不能在香港轉工,即是我們會減少70%至80%的生意,以後急需要工人的又可以怎樣找工人呢?」
僱主角度覺得新措施對雙方都有好處,家庭傭工僱主協會主席容馬珊兒:「已經有外傭是不斷中止合約,意圖是將工資提高,因為外地的不能來,少了中途毀約的外傭,都令僱主不會隨便將自己的外傭中止合約。」容馬珊兒估計,如果外傭有合理解釋提出終止合約,又或者外傭是由於僱主身故或有經濟困難而斷約,都不會被直接要求返回原居地。
9. 政府宣布,與僱主同住的外傭都可以參加全民檢測
唔係話歧視外傭姐姐,但畢竟佢地來自高風險地區,放假又鍾意聚埋一齊亙噴口水,而且又有外傭群組出現,就算可以做全民檢測,係咪都係唔好笨土外傭一齊排隊,兩者分隔開唔同隊會比較好?
***



10. 入境處女職員涉嫌起底案
實在係太過份喇!黑警話人地係入境/處女,搞到全城新聞紙都係咁抄,01同埋臘腸就連人地係25歲都寫埋出嚟添!係咪另有居心?

57 則留言:

  1. 七夕快樂!

    我都係前排睇葉柳收到啲投訴嘅例子先知而家啲教材有啲已經可以好離譜,仲由幼稚園開始,唔知係咪佔中果期開始係咁,都唔知教育局係點運作嘅,好似審批唔係衡常工作咁...

    全民檢測招募公墓員幫手嘅內部文件流出速度快到一個點...

    //咁即係每個採樣站每小時要做298個樣本(=5,000,000/(14*12*100))?係咪真係做得到架?

    我估佢地唔係咁計?for無病徵同六歲以上嘅人,分子可能細啲?起碼百幾個站,分母大啲?程序應該可以好快,因為上網登記左又約埋時間,同埋一個站唔知會唔會好多counter?同埋我估未必好多人驗,好多人怕大6團隊嘛..錢就實用唔少,唔知效果有幾好
    我都想幫手..我都有啲驚篤喉嚨會嘔又唔知安排係安唔安全,應該都要唔少人同時除口罩,啲專家又興事後先講有咩做得唔好(唔知俾建議時有無講),我唔敢一開始就去(逃)

    -Z

    回覆刪除
    回覆
    1. //唔知係咪佔中果期開始係咁,都唔知教育局係點運作嘅,好似審批唔係衡常工作咁...

      可能係反國教開始醖釀,而歷年來教育局都不作為。

      //起碼百幾個站,分母大啲?
      //同埋我估未必好多人驗,好多人怕大6團隊嘛..錢就實用唔少,唔知效果有幾好

      去到200個站,都要每小時採150個樣本,即係5條隊每小時做30個,先至可以做到500萬。當然如果只有250萬,做數又可以減半。

      //我唔敢一開始就去(
      應該係首先 plan 做一個星期, 可能第5、6日去會比較好.

      刪除
  2. 第一日返返個位數就已經嘈無即刻放寬嘅條例,寵壞左嘅細路咁...

    //入境處女

    唉..正苦嘅IT質素真係“高”,security controls化學到一個點..魔兄提一提先苦中作丁點樂

    -Z

    回覆刪除
    回覆
    1. //第一日返返個位數就已經嘈無即刻放寬嘅條例,寵壞左嘅細路咁...

      星期五有得晚市堂食, yeah!

      刪除
    2. //星期五有得晚市堂食

      飲食業界講咗句又係幾啱,佢哋話夜晚啲菌係咪惡啲要禁夜晚堂食。

      刪除
    3. //佢哋話夜晚啲菌係咪惡啲要禁夜晚堂食//

      唔係夜晚啲菌係咪惡啲, 係夜晚D人喪D

      夜晚收工食晚飯係唔同, 又會飲兩大杯大大聲噴口水,

      又會食完飯用PATPAT打招呼, 惹來不必要既體液交流 XD XD

      我估再有需要, 食完LUNCH 唔會特別有MOOD 同人去公廁GATHERING掛 (因為要趕下晝返工, 無時間開房)

      --Dogdogchi

      刪除
    4. 其實正苦之前係禁哂早午晚, 目的係減少人羣聚集, 不過因為番緊工果班人午市冇得返屋企食, 兩日便取消。而晚市繼續禁, 原因係就算唔煮飯都可以買外賣返屋企食, 所以冇conflict

      刪除
    5. //佢哋話夜晚啲菌係咪惡啲要禁夜晚堂食
      //係夜晚D人喪D
      //食完LUNCH 唔會特別有MOOD 同人去公廁GATHERING掛
      //晚市繼續禁, 原因係就算唔煮飯都可以買外賣返屋企食, 所以冇conflict

      中哂 point,無補充。我也沒法寫得比各位更好了。

      刪除
    6. //星期五有得晚市堂食, yeah!

      人地唔係剩係要堂食也XD

      -Z

      刪除
    7. 我的願望是很卑微的 XD

      刪除
  3. //有電話打到嚟,梗係自稱自己係黃C,支持販民總辭喇!平白無端送個機會俾反黃 vote them out//

    我相信你同我都唔會收到電話law....

    回覆刪除
    回覆
    1. //我相信你同我都唔會收到電話law...//

      7月搞個所謂初選既目的昭然若揭,以後所有「民調」都可以只target佢班支持者來代表哂全部香港人

      刪除
    2. Exac7ly !
      做咁多野原來又係build database去做代表”全香港人”嘅民調
      就算今次個list唔係咁黎, 咁係咪用番以前已有既定立場, 曾經做過其他民調嘅list黎recall
      講到咁民主, 原來又係黑箱作業⋯⋯

      刪除
    3. //我相信你同我都唔會收到電話law....
      //以後所有「民調」都可以只target佢班支持者來代表哂全部香港人
      //做咁多野原來又係build database去做代表”全香港人”嘅民調

      妖,早知我又去公投喇, 蠢咗添!

      刪除
    4. 黑箱作業的所謂抽樣民調,根本就是大龍鳯一場,偽君子所為也。還不如由大佬決定說了算,真真正正的當個沒有民主的犯民。

      FC

      刪除
    5. //偽君子所為也。還不如由大佬決定說了算,真真正正的當個沒有民主的犯民。

      販民扮吓嘢拎民調,呢啲咪叫「程序公義」囉.

      刪除
    6. 有個民調出左了

      https://hk.mobi.yahoo.com/home/調查-逾半受訪市民支持全部民主派議員離開立法會-081801255.html

      就算過半都總有理由留低(繼續逗糧)嘅,話唔果啲唔係泛民支持者(立即變黑)又得,話只過半唔夠高比例(逐漸變黑)又得,得左

      -Z

      刪除
    7. 再等下先 comment,唔使跟車咁貼。

      刪除
    8. 呢個應該唔係第一個民調啦,之前嘅民調大樹木頭都有片講

      刪除
    9. //大樹木頭

      嗰個民調應該唔係販民指定機構做, 當時販民亦不公開勝負準則. 呢個「第一次民調」應該係抗爭派見販民想再坐一年,於是用來逼宮用, 搞到販民要 formalize 件事, 無得側側膊.

      刪除
  4. //嘩!通乜鬼識!咁寫法同黃C文宣有乜分別!?
    之前啲人批評通識科唔係亂講㗎。大批年青人被咁樣洗腦,好難救得番。

    回覆刪除
    回覆
    1. 睇咗一個用地分別國家, 印度係髒亂, 中國係黑心食品, 非洲係戰亂飢荒, 南韓係泡菜, 日本係shopping
      唔單止連基本尊重, 直情連人性都冇, 赤裸裸嘅種族歧視
      而呢啲嘢唔係口講, 而係印咗喺教科書
      政府又竟然真係可以一啲都唔管
      就算你話出版自由唔俾禁, 都好似消委咁公報吓呀

      刪除
    2. 我睇呢,你國就唔講住,其他呢咖喱國喺IT,非洲出運動健將,泡菜國假面整容大國,倭國就鹹濕
      AV大國喇XD

      刪除
    3. //批評通識科唔係亂講㗎

      因為批評嗰啲人好少話拎證據邊頁邊段有問題囉.

      //印咗喺教科書

      有啲想睇 example

      //倭國就鹹濕AV大國喇XD

      將女優相放在國旗上.

      刪除
    4. //將女優相放在國旗上
      咁多,好難揀喎。

      刪除
    5. 一張相一張旗, 可以儲閃卡 XD

      刪除
    6. //印咗喺教科書
      ///有啲想睇 example
      https://imgur.com/CVjzuQV

      刪除
  5. //另一間,香港教育圖書公司提及公民抗命,由「有意見認為有違法治」改為「涉及違法行為」,
    「有意見認為"要完善返嗰法治"」呢XD

    //提及「行政、立法、司法互相制衡,以免任何一方權力過大」,評審後整欄刪去。
    黃C嘅C法又要司法獨立又要相互制衡,都幾精神分裂吓,難怪"已死"了

    //田方澤表示:「難免令人覺得是靠向建制或官方認同的觀點,與通識科多角度思考背道而馳。」
    //雅集一幅講新聞自由的漫畫:一把刀指向象徵媒體的筆和咪,評審後改為一本基本法說「有我在,你們放心如實報道」。
    改漫畫差矣。以田生多角度思考,應該加一嗰黑警被起底咒死全家,或神獸鶳,或持另一角度思考後被淋火水再放火,或就算冇思考都被磚掟死。

    //向出版社提供建議及理據,具體內容和文字如何改,全由出版社自行跟進。
    出版社理應"總辭"嘛

    回覆刪除
    回覆
    1. //「有意見認為"要完善返嗰法治"」
      //出版社理應"總辭"嘛

      都有意見認為販民應該總辭 XD

      //黃C嘅C法又要司法獨立又要相互制衡,都幾精神分裂吓,難怪"已死"了

      智將瘋話要司法覆核, 又想C法「復活」了...

      //應該加一嗰黑警被起底咒死全家,或神獸鶳

      大把漫畫可以用

      刪除
  6. 如大家所願,721終於證實係由飯民搞出黎的!

    回覆刪除
    回覆
    1. //721終於證實係由飯民搞出黎的

      有意見認為「721係由飯民搞出黎的」XD

      其實白衣黑衣交戰期間有無誤傷途人? 大有可能, 不過也不能說是「無差別恐襲」,否則所有幫會火併都有「恐襲元素」喇.

      刪除
    2. 黑暴才是無差別恐襲,只要佢地唔鍾意就可以攻擊甚至縱火,我來列舉一下黑暴曾經破壞的商店。

      中國銀行
      建設銀行
      中信銀行
      工商銀行
      名創優品
      華為
      小米
      喜茶
      美心
      優品360
      又一城商場
      新城市廣場
      港鐵
      吉野家
      富臨酒家
      匯豐銀行
      莎莎
      太興
      IT
      青衣樂善堂梁植偉紀念中學

      刪除
    3. 佢地只攻打藍營, 所以(在他們自己的定義裡), 不算「無差別」.

      刪除
    4. //721終於證實係由飯民搞出黎的!

      證實左咩?
      不過有意見認為(即係我) 721搞到咁大,都係黑白警3方一齊有意無意搞出黎,3方都要有人負責

      //黑暴才是無差別恐襲
      //佢地只攻打藍營

      我都覺得黑暴唔算無差別,佢地係攻擊不支持者

      刪除
    5. //不過有意見認為(即係我) 721搞到咁大,都係黑白警3方一齊有意無意搞出黎,3方都要有人負責

      本來有啲想寫高佬廷, 但諗諗下都可以等吓案情發展先. 睇返天哥暴動罪, 真係好specific 講佢在何時何地做過乜. 如果高佬只係動口不動手, 佢再挑釁態度差, 又只係自衛先動手的話, 都好難入到佢暴動罪.

      呢啲就係精人出口, 笨人出手囉.

      刪除
    6. >佢地只攻打藍營, 所以(在他們自己的定義裡), 不算「無差別」.

      藍乜鬼營呀!佢哋係攻擊所有唔「無條件」支持自己「革命」嘅人,事實根本就係獨裁,打/攻擊到你聽話,同上面入「反革命」,其實差唔多。

      刪除
    7. 同意。其實在黑暴眼中,唔支持自己的就是「仆街藍C」,「順我者昌 逆我者亡」就係他們的格式言。

      刪除
    8. common sense里,黑社會大佬帶班靚砍人,自己不出手不代表是無辜,反而是更罪大惡極那個。

      但港片里早就說明,入馬仔罪容易,入大佬罪難,即使知道他惡貫滿盈,抓起來48小時里也是安然脫身,反而是前線差佬最苦,又有家人受威脅甚至迫害,又要被班文職叫進房照肺寫報告。正義從來難以彰顯。

      刪除
    9. //同上面入「反革命」,其實差唔多。
      //唔支持自己的就是「仆街藍C」,「順我者昌 逆我者亡」

      係,其實黃c黑暴根本就係拎共產黨果套黎反共產黨獨

      以其他國家既立場,反正你中國亂就好,邊個贏輸都冇所謂。根本就係銀英既同盟內戰番版

      刪除
    10. //黑社會大佬帶班靚砍人,自己不出手不代表是無辜,反而是更罪大惡極那個。

      呢個係道德判斷, 在現實上無人供個大佬出嚟, 大佬好多時都唔會有事.

      //正義從來難以彰顯。

      現實同理想總有落差. 實然和應然之別也.

      //根本就係銀英既同盟內戰番版

      Exactly. 總之見的就是要搞亂你, 目的已達.

      刪除
    11. 連魔術師都認同有意見認為721係由飯民搞出黎的,香港市民應該可以從大局方向糾正歷史,救救下一代

      刪除
    12. //有意見認為721係由飯民搞出黎的

      根據記憶, 721 的主因係(一)有黃C想在元朗貼流膿牆被趕,(二)早有風聲漏出, 但警方沒有高調介入防止;其他因素有墥棍搖加把口(之後其辦事處被破壞,父母山墳被塗污)等等. 多個因素夾埋導致情況失控, 警方事後處理失據, 愈解愈亂愈描愈黑.

      所以講到尾挑起火頭就係黃營認為「有貼流膿牆的自由」, 但明顯元朗人並不歡迎這種做法, 警方亦選擇不作為任由雙方積怨私鬥, 呢啲都係721的主因.

      但正如「正苦對修例事件處理不當」不等於黑暴有權掟汽油彈一樣; 黃營就算貼流膿牆都不能正當化白衣打人的行為. 所以要分清楚事件的「主因」是一回事, 某些人的具體行為又是另一回事. 雖然白衣可能是因為「主因」而受害的一方, 也不能以此正當化他們的違法行為.

      刪除
    13. //挑起火頭就係黃營認為「有貼流膿牆的自由」, 但明顯元朗人並不歡迎這種做法, 警方亦選擇不作為任由雙方積怨私鬥, 呢啲都係721的主因.
      //黃營就算貼流膿牆都不能正當化白衣打人的行為

      我都同魔兄一樣諗法,不過黑白都有d人仕被補,但警到今時今日都仲係講緊三十分鐘定十八分鐘,唔理想呢d就真係非常唔理想

      刪除
    14. //警到今時今日都仲係講緊三十分鐘定十八分鐘,唔理想呢d就真係非常唔理想

      其實監警報告係一個下台階, 不過黑警文化可能真係唔認得衰仔, 所以無借啲意化解咗「不作為」(即是「警黑(鄉)勾結」)的指控. 當年美帝都有講一早收到911恐襲的情報,但有關部門沒有重視;警方都可以照咁講, 搵一兩個管理層祭旗就得.

      刪除
    15. // 以其他國家既立場,反正你中國亂就好,邊個贏輸都冇所謂。根本就係銀英既同盟內戰番版

      咁都要有「聰明」及「有國際視野」的本地人配合才成事......唉。

      刪除
    16. //咁都要有「聰明」及「有國際視野」的本地人配合才成事

      都唔使要有「一定的實力」的.... -_-

      ***
      “楊威利果然不簡單﹗他說得一點沒錯﹗這次的政變是羅嚴克拉姆侯爵----那個金髮小子所策動的﹗那家伙為了在內戰期間能順利對付門閥貴族,便借機挑起同盟內訌,你們都被利用了。”

      “您是要使得我們在羅嚴克拉姆侯爵的手掌心上跳小丑舞嗎?”質問的聲音嘶啞而乾裂。

      “是啊﹗各位,你們都跳得很不錯呢﹗克力思齊上校是低能﹗而格林希爾上將您也是啊﹗”

      惡毒的訕笑﹗隨著酒精的濃烈氣息,無形的小精靈滿室飛轉,大家的心臟像被針一扎一扎的刺入似的。不知是誰發出一陣嗚咽。

      “看看這個吧﹗這就是羅嚴克拉姆侯爵要我執行的作戰計畫﹗”

      小而薄的資料夾自林奇的手中飛出,桌子上響起乾涸的聲音。格林希爾上將搶著上前去一頁一頁地翻閱著。

      在邊境星域引起不只一處的騷動,而是多處同時發生,借以分散首都的兵力,在其呈現真空狀態時再占據政治及軍事基地……。格林希爾上將一陣急促的呼吸,像被毒蛇咬了一口似的將資料丟開。

      “至此為止一切都照劇本進行了。但在後段卻被中斷了,這是因為身為演員的各位沒有相應的實力啊﹗”

      —《銀河英雄傳說》野望篇 第七章 屬於何人的勝利

      刪除
  7. //決定民主派去留的民調細節初步敲定,香港民研會抽樣訪問二至三千人,又提出「雙門檻」標準。一個是先剔除民調樣本中「無意見」的人數,以餘下的受訪者計算,有過半數人支持去或留。另一個門檻是,受訪者中自稱「民主派支持者」的有三分二人支持同一決定,達到其中一個門檻就可以。

    事旦啦.而家抽樣又少,又多條件,想點都鬼
    不過叫做人數多過特首既選委會,可以文宣比特首更有廣泛性既認受性 XD

    //「通識」

    「通識」係咁,仲要係必修,其實真係害左D細路
    當年國教如果過到,中和一下,有正反意見比學生參考,先可以真正獨立思考

    //假設200萬+1黃C都唔會參加自願檢測,即係約500萬傷民會參加

    大家會唔會參加?暫時睇既安排都唔差,如果如傳聞所說係預約制,我會參加.
    其實我最怕自己有隱性,害左父母o者

    //入境處女職員

    好老實講,我電視新聞個標題時既反應係,點解會知佢係處女

    回覆刪除
    回覆
    1. “ 好老實講,我電視新聞個標題時既反應係,點解會知佢係處女”
      笑左出嚟 ... 俾個like你

      刪除
    2. //不過叫做人數多過特首既選委會,可以文宣比特首更有廣泛性既認受性 XD

      笑一笑, 原來仲有有青話陳媽媽係別人假扮的. 文宣真係無敵.

      //大家會唔會參加?暫時睇既安排都唔差,如果如傳聞所說係預約制,我會參加.

      我會「搓my breast」去 book 時間...

      //點解會知佢係處女
      //笑左出嚟

      我係想知點解報紙會知道佢25歲仲係處...

      刪除
    3. //原來仲有有青話陳媽媽係別人假扮的. 文宣真係無敵.

      咁而家個死因庭可能係cctvb拍既,幾時上映? XD

      刪除
    4. //我會「搓my breast」去 book 時間...

      Book左,時間任擇,應該好少人參加or 睇定d先決定

      刪除
    5. 其實可以 book 後啲時間... 呢個正苦太無用, 每次都係要 agile approach, 政策 deploy 咗先, 發現有bug, 再改(其實721黑警的解釋都係同樣 logic, 無經驗分配唔到人手, 以後再改善)。 所以千祈唔好做白老鼠俾人用來做 debug 的 test object. 過幾日再寫.

      刪除
    6. //其實可以 book 後啲時間... 呢個正苦太無用, 每次都係要 agile approach, 政策 deploy 咗先, 發現有bug, 再改

      係,所以我都係book左星期五,等佢run run先

      另外,其實而家個檢測capa大左咁多,
      而每日入境人數都係得果千幾二千,應該要考慮全部入境人仕都必須檢測做個record
      照顧高風險人士既人,如醫護,老人院職員,弱能人士院舍職員等都強制固定每週檢測....

      刪除
    7. //醫護,老人院職員,弱能人士院舍職員等都強制固定每週檢測....

      如果長期做落去收費會係一個問題.

      刪除