藍色優惠圈

「曱甴王」系列上市公司給魔術師的印象一向都是「邪惡組合」的1核合成員，只消看看那些地產霸、收租霸、電訊霸等產品質素及營商手法便知一二，真箇只可做投資者，用來欺壓一下黃Ｃ中剷、黃醫劣Ｃ飛機Ｃ都好。心同此理，只要在切實可行的情況下，魔術師都唔會幫襯「曱甴王」系列的藥房霸、超市霸、電器霸；於是，在市場狹窄的我城，大家都可以知道魔術師會光顧那些大型連鎖店了。
話說魔術師平時都有萬０會員卡儲吓分，去維康買嘢就用發達通儲分，但最近兩者都已被融合在牛奶公司旗下的新 loyalty program 之下：

（圖片來源：yuu rewards 官方網站, retrieved on 8 Aug 2020）

將唔同商戶嘅會員積分匯合在同一個 program 之下是雙贏方案，一來客戶儲分易消費就更易，二來各公司都有返咁上下規模，融合在同一屋簷下有協同效應同埋 economies of scale。不過，魔術師對呢個新 program 都有些微言：就係唔知點讀！Yuu 即係「魚~~~~」（「你知喇，貓都係鍾意食魚嘅...」袁國手腔）？做 marketing，最緊要就係要叫得響，魔術師就唔係好明 yuu 係乜意思嘞！
而且，一般來說呢啲自創字簡直就係智能手機 autocorrect 的天敵，個 system 唔改唔舒服,試想下要打３個字母都要改來改去，咁班客戶又邊有心機去「手動傳」呢？好在 yuu 過到 auto-correct：因為搵唔到最接近答案 XD。

講返個積分計劃，魔術師用來用去都會是萬０、維康同埋７仔，宜家同上校炸雞都好少幫襯，pizza 應該就更加唔會食。講開炸雞，魔術師在我城食過最好味的炸雞就是哈迪斯（Hardee's），麵包糠包住全隻雞翼來炸真係一絕；哈迪斯使唔住撤出我城（受收租霸所欺？）之後，最好味的炸雞就由賓賓品牌 Jolibee 頂上，實實炸雞炸起來唔油又可以鎖住肉汁，醬汁又好味；相較之下，上校炸雞除了以本傷人分店多之外，簡直就是一無是處。
由於用個 app 儲分再綁定行山銀行 enjoy 會有加乘效用（此加乘不同彼＋Ｘ），所以魔術師都順手申請返一張：

（圖片來源：Hang Seng Bank > Personal > Cards > Card Products > enJoy Card, retrieved on 8 Aug 2020）

星期一（２０２０年８月３日）網上遞表，今天（８月８日）便收到短訊說４個工作天後寄出，靡靡摩摩都成兩個星期至搞得掂。疫情下相信個 Key Performance Indicator（KPI）或者服務承諾都會龍門任搬，唔知算係快定係慢了！