水電鋪的貓仔（二十一）暨貓店長（七）

呢兩個月唔係咪因為到藥材鋪睇中醫的街坊多咗，藥材貓也少有露臉（怕中招？），只係驚鴻一暼見過佢跳返入「員工休息室」的身影，另一次就係佢坐係度眼望望：

同樣地士多貓都係少蒲頭，過年之後都無乜見過佢地出嚟，唔知係咪怕咗人類傳染瘟疫俾佢地：

反而呢一排水電貓就多咗出嚟行咇，過年期間日頭見過佢一次：

但更多時是夜間見佢出來巡邏，順便去下花胃便便，又或者走過嚟哄吓魔術師部手機，然後「不經意地」繞住魔術師的腿繞幾個圈，又借機輕碰幾下「宣示主權」...

魔術師當然借機摸了水電貓幾下，佢又喵返兩聲回應，比以前馴好多，睇嚟佢心情都幾靚！