虎年開局，又打仗又爆疫，尾帝扭扭擰擰唔知加幾多息，一時之間壞消息一浪接一浪。沉船基金繼續下調，較上月下跌３.４４％，每單位收報＄１７２.１２（我城貨幣，下同），仍能守住第一位。戰火蔓延，傳統智慧都係掃入黃金，加上虛幣靠穩，商品組合本月「大發戰爭財」每單位收報＄１４５.２８，大升７.４６％，一躍跳上第二位。以防守為主的生活基金跌幅雖較沉船基金少，但亦受環球股市表現拖累，跌一格至第三位，收市較上月跌２.５２％，每單位收報＄１３８.３３。合格線現金（存款除外）及債券組合繼續受加息影響，較上月跌２.０６％，每單位收報＄１３５.４１，守第四位。
恆指唔使講，我城零又清唔到，共存又唔敢，兩頭唔到岸；加上７７７正苦藥石亂投，全民強檢另類「大三罷」之前先要全民留長毛，經濟自不然弱過藥煲。複式盈富較上月跌４.５８％，每單位收報＄１２９.５２，依然守第五位。強積金組合排第六，雖然恆指追蹤基金不振，但環球債劵基金顯示出防守能力，起碼叫減低損失，每單位收報＄１１８.００，較上月跌２.２４％。
波叔要收租霸唔好追租，我城房託更受打擊，僅靠尾帝收租霸支撐，拖累房託組合每單位收報＄１１２.５４，較上月大跌５.８１％，依然包尾。
波叔 plan（見《新聞雜評（三百四十九）》）對魔術師屋企估價雖屬利好消息，但在疫情失控之下最多只係令估價維持不變。魔術師本月淨流動資金較上月下跌３.４０％（較２０１６年３月３１日基數升６８.５７％），資產淨值每單位收報＄１８,１４０，較上月下跌２.０３％，想不到比預料中跌得溫和。
資產負債分佈如下，照例都係正資產，相當健康，只做了４３.７２％按揭。不動產佔總資產值５１.５３％，足證魔術師都走不開一般傷民的套路，相對低波幅的物業是淨資產的定海神針；但不動產淨值卻只佔資產淨值的３７.６９％，可以見到魔術師沒有將大量資金被鎖死在住房之中：
最後，本月魔術師身家的 beta 值微升至０.３６，Standard deviation 微升至 ３.１７％；但跟痕指關連性微升至５６.９８％。可能到４月 review 投資組合時要考慮吓點樣可以減返少少 correlation 了。
＊＊＊
伸延閱讀：
沒有留言:
張貼留言