本月巷尾股市債市跌勢雖然放緩，但一朝被蛇咬，十年怕草繩，人心依然虛怯，大升大跌不時出現。沉船基金受尾股拖累，本月每單位收報＄１５４.６６（我城貨幣，下同），較上月跌３.８３％，依然佔第一位。雖然通脹走勢強勁，但在加息陰霾下無息收黃金價格卻唔太精神，加上環球弊市依然震過貓王，商品組合每單位收報＄１３６.０７，雖然較上月跌３.２４％，但依然可以守住第二位。
生活基金同樣受尾股影響，每單位收報＄１２６.６０，較上月跌４.４５％，緊守第三位。我城大市之前跌得太殘，加上上海「解封」、回歸沖喜、最緊要係「一向叻過我城」的梳打埠最於守唔住，正是睇人ＰＫ最高興，複式盈富趁機爆過合格線，每單位收報＄１２６.５７，較上月升３.０４％，升上第四位，追貼生活基金。
合格線現金（存款除外）及債券組合微跌一位，佔第五位，每單位收報＄１２３.８６，較上月跌４.１１％，主要都係高息企業債受息魔影響下跌。強積金組合同樣受惠於巷股指數基金，每單位收報＄１０９.１３，較上月升１.８８％，升一格至第六位。房託組合似乎都係受息魔打壓，威咗一輪之後，偉哥效力減退便又再一洩如注，每單位收報＄１０５.７４，較上月跌５.２５％，又變返包尾大翻。
魔術師屋企估價則繼續微跌，加上投資組合下挫，本月資產淨值（身家）持續下跌，每單位收報＄１７,４００，較上月跌２.７９％；淨流動資產亦較上月下跌４.４４％（較２０１６年３月３１日基數升５７.１３％）。慶幸的是資產淨值（身家）及淨流動資產下跌幅度仍較２０２０年尾帝融斷時為細，可以再研究如何分散投資，操待黎明：
資產負債分佈如下，照例都係正資產，相當健康，只做了４３.４７％，按揭物業淨值「只」佔總資產淨值３９.３４％，槓桿一向偏低，證明魔術師無甚賭性：
最後，本月魔術師身家跟我城指數的 beta 值為０.３６，跟上月相同；standard deviation of rate of return (month-on-month) 為 ３.１４％，同樣持平；但跟痕指關連性大跌０.５０％至５６.４７％，證明上述今次跌市屬於尾帝累全家：
沒有留言:
張貼留言