鋼管女神

話說畸寶新聞台趁住新正苦新班紙，便整返有個政情新環節，但係點都估唔到第一彈係介紹大媽蟻員跳鋼管舞咁重口味！

政壇HASHTAG｜江玉歡

【有線新聞】政壇HASHTAG｜江玉歡

＊＊＊

畸寶真係大整蠱，一嚟個開頭已經好鬼ＡＶ feel，濛濛朧朧做個 intro（左上、右上、左中），相反後方個老師就有睇頭得多（右中）。話時話俾慾歡姐對脾夾一夾，恐怕會即時氣絕身亡。

見到人地跳得靚，阿慾歡姐又唔嫌自己老（５１）又跳埋一份，仲話學咗兩三年（左上、右上、左中、右中）！但夜場跳得靚嗰啲係有銀紙塞入 bra 的...至於阿慾歡姐有無入財痿會幫手眾籌就不得而知。睇返阿老師的身材（左下）同阿慾歡姐幾好肉地的肚腩仔（右下）...嗯，魔術師額角冷汗已標：

原來阿慾歡姐係覺得「女性在跳鋼管舞」（魔術師見識少，未見過有「男性跳鋼管舞」的）的時候可以提高自信云云（左上、右上、左中），仲話可以打破世俗眼光和中國人保守的觀念，其實都只係着少啲布啫咁話（右中、左下、右下）...查實坊間對鋼管舞有「保守的觀念」唔係因為穿得少，而係鋼管舞是在哪種行業發揚光大的問題，「保守的觀念」就係「良家婦女唔會做啲咁嘢」：

阿慾歡姐再解釋着得少係要靠肌肉（肌膚？）啜住條 pole pole（左上、右上），然後仲可以拉到去連鋼管舞都接受唔到的話，我城又點能夠搞「創新科技」呢（左中、右中、左下、右下）...不過「接受跳鋼管舞」最多算是開明（open minded），似乎係對監管機構講啱過對創新科技講喎！

無比較就無傷害，就讓慾歡姐跟老師同場演出：

最後慾歡姐着返正裝，講話自己到８０歲都要創新云云：

其實正經啲講，阿玉歡姐孤兒出身，有今日成就殊不容易，魔術師都要俾個 salute 佢；以上有啲啲 mean 的點評純粹係因為畸寶個採訪太過騎呢罷。

＊＊＊

伸延閱讀：

維基百科：江玉歡