細細力咁扑

 一家三口住半山266呎洋妞，仲要養番狗，又要打高而富，究竟係點玩法（00:00 - 08:35）？

樓盤傳真 10/12/2022 第四節

設計廊：單位只有266平方呎，但要容納一家三口加一隻小狗，一方面要增添儲物空間，另一方面又要確保家中有足夠的走動空間。設計師還把長窄露台，設計成迷你高爾夫球場。

黑絲違人主持話戶主一家時常不在我城，呢個單位只係用來短暫落腳，咁隻狗仔邊個照顧？點解戶主唔住酒店，仲掛住搵間「用來短暫落腳」的200幾呎納米單位，整埋啲變形金刪傢俬來招呼朋友？乜啲朋友咁重要嘅咩？

一開門，切雞C便此地無銀三百兩，話呢個200幾呎住一家三口加一隻狗的單位「好舒服」（左上）。只見門後係鞋櫃，中間挖空放望雜物（右上）；對住門口就設有小小摺発可供換鞋（左下、右下）：

納米單位當然以開放式廚房設計，隻面廚櫃加吊櫃提供儲物空間，不過微波爐/蒸焗爐貼住地台食塵，實在不太衛生。切雞C伸延吧枱當係用餐區（左上、右上）。吧枱之上係一「條」以花盆拼湊而成的「吊燈」（左下、右下），會唔會食食吓飯跌個花盆落嚟扑親頭就不得而知了：

本單位本來係一房，但切雞C拆牆鬆綁變開放式，加闊空間（左上）。切雞C打造地台（右上），上方放三座位梳化當成是客廳，地下放可移動「梯級」（左中），既可提供「座位」招呼朋友「坐地下」（右中），又可以俾狗仔跳上跳落，加上地台和活動傢俬提供儲物空間（左下、右下）：

睡床都是朝拆晚桁。梳化後面掛畫幅牆可以反下來，就是 Queen size 主人睡床（左上），不過床上運動不可太激烈，一陣「甩鉸」推唔返張床返原位就唔知點算。切雞C又將本來是套次的牆身拆去，將套次變公次（右上、左中），次所趟門一係遮住對住床尾的馬桶，一係就遮住對住床頭塊鏡，兩客都唔知取邊個輕好（右中）。次所有企缸有馬桶，已經算係幾「優雅」（左下）。阿囝張單人反床就係在電視機之下（右下），咁爸爸媽媽就係係「連扑嘢都無空間」（游小三腔），要去爆房，唔怕床上運動太激烈整壞張大床了：

切雞C將又窄又長的露台打造成高而富推桿「練習場」（左上、右上），不過個位咁窄，千祈唔好大力扑，否則個波飛咗出劉扑親途人就有排賠；又或者捽桿筋作太大又易打到露台門塊玻璃。最後，千祈唔好以為戶主一家夾硬嚟買個半山單位霸校網是「上流寄生族」，原來戶主仲買埋隔離個單位餸遊戲室（左中、右中、左下、右下）。戶主一家又話唔係成日在巷，但又要玩又要招呼朋友，仲要留多個單位，都勿話唔奢侈也。

精華版如下：