在巷尾股市、債市連續跌咗唔知幾多個月之後，終於近來報復式大反彈。以尾股為主的沉船基金本月較上月大升7.45％，每單位收報＄138.88（我城貨幣，下同），穩守第一位。黃金、鈀金同樣走高，商品組合每單位收報＄128.55，較上月大升5.69％，依然佔第二位。防守性的生活基金同樣受惠於尾股及巷股反彈，力度甚至更大，本月收市每單位報＄＄121.89，較上月大升5.94％，維持第三位。
尾帝亂儲局疑似會減慢加息步伐，債劵價格回升，合格線現金（存款除外）及債券組合每單位收報＄＄119.56，較上月升2.27％，佔第四位。
本月升市奇葩係盈富基金（02800.HK），加上盈富又派埋息，複式盈富組合以股息再投資，都算能夠趁低買入，本月每單位價格收報＄109.49，較上月狂升25.05％。由於魔術師較早前已開始將強積金組合中的巷股指數基金轉至尾股基金，始果未能受惠於今次大反彈；強積金組合「只」較上月大升5.73％，收報＄103.32。房託組合亦有大反彈，但由於積弱已久，暫時仍然未能返回正軌，每單位收報＄96.25，較上月升8.62％。
魔術師近月趁別人恐懼我貪婪，開始分段買入，算是撈到少少底，但屋企住宅價格估價跌幅卻甚大，帳面又少咗幾個巴仙。受樓價下跌拖累，股市債市升幅被抵消，本月資產淨值（身家）埋單每單位收報＄15,737，較上月微升0.80％，淨流動資產較上月卻較上月大升18.84％（較2016年3月31日基數升66.58％)：
資產負債表照例都係正資產，相當健康。尾帝銀行給魔術師提供信用卡現金分期，月平息0.10％，即年利率2.34%，真係用來定存都有賺，點解唔借？後果就係多咗短期負債（未來12個月）及長期負債（餘下的年期）詳情另文再講。尾帝加息始終逼令傷巷錢莊加P，樓宇供款息率增加令每月供款還息部份多咗，還本部份少咗：樓債跌咗（分母下跌），魔術師按揭比率由上月 45.95％ 升至 47.87％，物業淨值佔總資產淨值36.06％：
最後，本月魔術師身家跟我城指數的 beta 值大跌至 0.30，跟痕指關連亦不跌至 54.13％，明顯係因為樓市下跌跟我城股市大幅背馳所致；standard deviation of rate of return (month-on-month) 一樣則微跌至 3.17％：
沒有留言:
張貼留言