尾帝息口持續高企，導致好些槓桿較大的企業借融資本大增，加上疫情後令生活返工模式轉變，令本來已經經營狀況不太好的企業百上加斤。最近魔術師投機性持有的 WeWork（WE） 同 Rite Aid（RAD）債劵也面臨幾近違約的情況。有匿名讀者很「關心」魔術師持有這兩隻債券待情況，問魔術師「點睇」。其實咁耐以來魔術師個 portfolio 已 mark to market，早已反映多月來的跌幅；加上魔術師有分散投資，又唔係靠以上兩隻高風險債劵食飯，注碼不大。雖然如果違約每月收息組合係會收少咗息，但情況並不嚴重，可以借藉調配資金補回失地。合格線債券和現金組合，，本月每單位收報＄122.07（我城貨幣，下同），較上月下跌2.14%，維持第四位。
講返合格線上的第一至正位。第一位依然都係沉船基金。本月港股大跌不在講，尾股都有些許回落，本月每單位收報＄156.25，較上月下跌3.67%，依然帶頭。黃金和鈀金幾乎整個月都下行，只係月尾有少許反彈。商品組合每單位收報＄138.36，較上月跌 1.39%，趁生活基金回落，進佔第二位。生活基金因為比較側重巷股，跌幅較大，失去原本的第二位，生活基金每單位收報＄134.89，較上月跌 4.57%，被商品基金爬頭，跌落一位至第三位。
合格線以下的有複式盈富基金，痕指8月份大跌 8.45%，覆式盈富基金表現已「較好」，本月「只係」大跌 7.55% 至每單位＄111.45，守第五位。第六位則是由巷股指數基金、北美指數基金、及環球債券基金組成的強積金組合，每單位本月收報 ＄107.11，較上月下跌 2.76%。包尾依然係房託，本月尾股房託靠穩但巷股房託卻跌極唔停，給魔術師提供小注買入的機會。本月房託組合大跌 6.01%，每單位收報$92.63。
投資組合跌返年初水平，加上自住樓估價下跌，本月資產淨值（身家）下跌 3.71% 至每單位＄16,338；淨流動資產亦較上月下跌 3.12％（較2016年3月31日基數升70.81％)：
其實個別質素差的高息債有機會違約並不出奇，只需要控制好注碼，明白哪些是投機性買入的項目即可。畢竟魔術師不是投資 blogger，也不像某些財 blog 自詡自己「賭性重」，而且日常都有幫 portfolio mark to market，無論係 asset value 定係現金流是否能持續收益都心中有數，不會有 surprise，更加唔會靠死某些高息債來自稱「財務自由」，到頭來一旦違約便開唔到飯，不做孖展更不會輸到PK。魔術師的資產負債表現時當然係正資產，相當健康。樓債估值平穩，按揭比率（按揭貸款/樓價）由上月 45.75％ 升至 46.93％。
最後，本月魔術師身家跟我城指數的 beta 值保持 0.30，跟痕指關連性大升 1.63% 至 56.25%（其實已包括了樓價下挫）；standard deviation of rate of return (month-on-month) 則微跌 0.02% 至 3.14％：
最後，在這裡魔術師都有少許心得分享，就係對於較高風險投資不宜軟件自動更新股價債價，手動輸入雖費時但可以俾到自己一個市場觸覺，知道發生緊咩嘢事，而唔係撳個掣便 update 投資回報率，行禮如儀水過鴨背就唔得嘞。
沒有留言:
張貼留言