究竟係咩嘢人先至會鍾情於法蘭西的殖民地風情呢（10:31 - 20:33）？
家家有求｜座廁種類要識分 向泥水師傅表明立場 法越風情簡樸家居 2023年08月07日
主持：鍾卓恆、林善諭
物料專題教大家選擇合適的座廁，保持長遠更衛生。裝修來到中段泥水工程，必須與師傅緊密溝通。質樸的法越風情設計，利用不同素材配合白色造出層次感。
呢位切雞C都心知生意難做，唔單止提供手繪切雞圖大 sell 誠意十足：
被訪問時無嘢搵嘢講，不停咁重覆「簡約，但好飄逸、淡淡然而又有特色」，臉不紅氣不喘，果然係呃人先要呃到自己：
今次屋主新屋入伙，保留大部分原裝物料(左上），既環保又慳返畢錢；但切雞C就無乜好搞，主要工作係配搭色調同埋傢俬材質。切雞C同屋主一齊選取了藤椅配木餐桌、茶几，又可以「連繫到同室外園林景致」（右上、左中、右中），講到咁玄魔術師真係識條鐵。但即使「連繫到同室外園林景致」，都會怕蚊叮蟲咬，所以切雞C又加咗塊無軌高清蚊網（左下、右下），盡顯葉公好龍一面：
餐枱上嘅吊燈兩大兩細，切雞C話代表咗爸爸媽媽和阿囝阿囡，高高低低就代表咗人生有起跌，但萬一燒咗盞燈膽就真係大吉利是：
大門沒有玄關，切雞C以水波紋玻璃做個屏風，另外有特色牆、滲燈同埋著鞋坐椅（左上、右上）。兒子房間主要看點是衣櫃的木框線，切雞C話簡約、飄逸的風格可以帶出實木的味道，咁就好有法越殖民風嘞（左中、右中、左下、右下）：
主人套房大而無當，床尾張書桌窄到無倫，隔離就係一個到頂大衣櫃，至於圖則有顯示的衣帽間及套次就無影出嚟（左上、右上、左中）。阿囡間房就有巷女風格粉紅色牆身，衣櫃偷空做 display 櫃放獎盃獎狀（咦？阿囝無獎盃嘅？），書枱運用「開放式廚房概念」，同走廊「共享空間」（右中、左下、右下）：
畸寶又係嘅，阿囡張書枱有鏡妖 props 都唔拎走照入鏡，幫人做廣告咩？
＊＊＊
精華版如下：
完全版如下：
【Ep 10. 家家有求🏡💡】《🚽教仔選擇一個適合自己用的坐厠💡》《🏡✊ 裝修解密 10. ：裝修流程細節 》〖鍾卓恆／林善諭／陳靖祈〗2023年8月7日
／／究竟係咩嘢人先至會鍾情於法蘭西的殖民地風情
回覆刪除即時諗到呢齣戲， 雖然唔喺太"質樸"XD
／／保留大部分原裝物料
咦又喺冇拆牆，喺唔喺怕咗
／／無軌高清蚊網
魔兄即刻cap張起晒格嘅相出嚟
／／主人套房大而無當，床尾張書桌
書桌冇啦啦多咗一截出嚟，夜晚肯定撞到嗰大脾瘀晒。亦疑似房中房，不過呢嗰家庭疑似一神教（至少嗰囡囡喺，陳列櫃有來自god信一封）就算了。
嗰仔房都好奇異，喺同客廳些牙同一個露台，理論上除咗房門之外，都可以從嗰露台𥄫嗰仔做緊啲咩（eg:有冇法妹喺床上摷吓摷吓嗰仔仔）
／／阿囡張書枱有鏡妖
竟然冇打格，又真喺奇----鏡妖咁巷，要法越殖民地風情應該擺梁家輝嗰堅挺pat pat照嘛XD
有嗰疑似工人房，但喺提都冇提，又冇留返嗰燈位俾佢，可能又喺當咗喺叮噹唔喺人。
//即時諗到呢齣戲
刪除中秋又到，係時候迎月、賞月、同追月XD
//咦又喺冇拆牆，喺唔喺怕咗
呢幾個月都無寫單位係邊個屋苑，係有啲嘢嘅！
//魔兄即刻cap張起晒格嘅相出嚟
係畸寶個攝影師有影埋啫！
//書桌冇啦啦多咗一截出嚟，夜晚肯定撞到嗰大脾瘀晒。
切雞C有解釋，話張書枱太窄，所緣無啦啦整到長一截，「感覺上大啲」。要「幻覺」取實用性，認真天才。
//工人房
//法妹喺床上摷吓摷吓嗰仔仔
係外傭姐姐就真！