送舊迎新飲水機

年近歲晚，總係開始有啲電器會壞。早前書房就燒咗滲燈光管（魔術師當年裝修仲未有燈帶），屋企有壞咗嘅嘢（唔係壞咗嘅人）唔修理帶過年屬不吉，所以就拿拿臨走去燈飾鋪補貨，離乜譜牌 T5 兩呎光管 50 蚊兩枝 ，諗諗吓 check 吓拼多多同京東，佛山照明竟然都要廿幾人仔一枝。我城地鋪竟然平過內地網購，實屬罕見。

一不離二，魔術師用咗超過十幾年、都幾殘舊吓的 Panasonic 電熱水壺終於壞咗，又係時候換返啲新「廚房玩具」：

魔術師平時行吓電器鋪、百貨公司都見到依家時興「飲水機」，提供過濾和即熱功能，目測又係離乜譜牌佔最大市場份額。走去友和網店睇吓，果然都係離乜譜天下（點解嘅？點解會咁嘅？）：

（圖片來源：友和 > 廚房電器 > 食水處理 > 飲水機, captured on 6 Feb 2026)

雖然魔術師都離乜譜的印象一向不太好（跟泡菜國牌子例如三叔、傻笑差唔多），但似乎都走唔甩要幫襯之。在決定購買前，就去官網睇吓各型號有乜分別：

（圖片來源：Philips > 飲用水解決方案 > 濾水器, captured on 6 Feb 2026)

見只有呢個 ADD6920 提供「便攜式電熱水煲」功能，同其他只係話提供「滾燙」字眼唔同，咁就一於呢部啦！

落單呢日友和做緊特價，呢部飲水機有 65 折，只限 10 部，仲有 4 部剩。

（圖片來源：友和 > 廚房電器 > 食水處理 > 飲水機 > Philips 飛利浦 > Philips 飛利浦 飲水機, captured on 6 Feb 2026)

魔術師買多一枝濾芯，落完單仲送多個電子燉盅：

唔知係咪受內地網購平台內捲打擊，友和送貨都快咁好多。好似魔術師呢張單，凌晨 2:30 落單，「同一日」夜晚 9 點幾已送到。魔術師未返到屋企，便叫送貨仁兄放在大廈座頭。魔術師取貨回家後終於可以開箱了。

首先是個盒，內有濾芯及燉盅贈品：

然後就係到戲肉，飲水機本尊：

(接水盤和說明書。）

（淨水箱部件都有兩個，其中一個是後備。）

  （放淨水箱的位置。）

裝生水的源水箱在水機後方，可以將機身擰過來拆下淨水箱來裝水。裝滿可以有6公升，都有啲重量。唔想拎咁重的話可以用後備淨水箱一 jar jar 咁替源水箱加滿：

（安裝完成。）

唔好處就係出水較慢，同埋要記住就住個杯的容量調較出水量，以免滿源瀉：留意個杯：

另外就係如果要斟呢類傳統茶壺的時候，因為壺身有個厚度，泊埋去個水機出水位可能落在壺身處，要加緊留意。

＊＊＊

伸延閱讀：

消費者委員會 > 8款座枱式水機加熱速度及安全表現理想 3款樣本熱水均勻度稍遜或影響沖調風味（2025.12.15）