介紹返：《歲月如歌》（二）

根據有時唔太準確的維基百科，《歲月如歌音樂會》其實只係在2025年12月13日於戲曲中心演了一場，不過 HOY TV（有線）就將其剪成六集，每集一小時插放 - 除了歌手演唱之外，仲有幕後花絮和「情感說話」等。觀乎歌曲數目同歌手數量，每人唱一至兩首歌咁，成個音樂會玩兩個鐘都幾緊逼吓。

又，伸延閱讀有人言報余生 refer 返摩摩同一段片的評論，都算是「知音人」也（激親）！

＊＊＊

1. 譚嘉儀

《憑着愛》原唱係灣灣歌手蘇芮。灣灣人唱粵語歌自有一種怪怪的腔調，譚嘉儀作為陀地妹自然不應有呢個問題。實際上，譚嘉儀在新生代歌手已經算是表現得唔錯（條裙都有助分散注意力），起碼咬字尚算清晰，唔便睇宇幕都知佢唱乜，而且都唔算無氣無力，係撚假音嗰幾下有啲賣弄，整體來說合格有餘：

2. 黃妍

蘇芮另一經典就係電影《搭錯車（Papa, Can You Hear Me Sing?）》的主題曲《酒干倘賣無》及其他插曲（見仲延閱讀），呢首《落錯車》一度令魔術師感到混淆...呢位黃妍魔術師真係唔識佢，樣子可以（魔術師成日話新生代聲色藝只有「色」可恃），唱到好似唸書咁；首歌都唔識，旋律亦唔好，唯一賣點只係彈鋼琴的妹妹吧！

3. 林愷鈴

林愷鈴係林煒同龔慈恩女兒，論樣子就真係無得輸，但又係只得色，無聲無藝。林妹子唱呢首《一生所愛》實在不怎麼的，好似唸喃嘸咁（破地獄？）...而且係魔術師第一次知道原來有呢首「經典」（明顯魔術師係無睇過《西遊記大結局之仙履奇緣》，寫影評要排吓隊先），就咁聽旋律同歌詞又真係唔明「經典」在哪裡？

俾多次機會妳唱返首係人都識的名曲《誰明浪子心》...不過林妹子年紀所限，唱起來毫無滄桑感（就算有滄桑感都無說服力），成首歌又係「柔情似水」feel，變得格格不入，有揀錯歌之嫌：

4. 岑寧兒

唔查維基都唔知岑寧兒係岑建勳同劉天蘭個女（怪唔得個樣有啲似佢阿媽），在愚落圈發展同林愷玲一樣可謂贏在起跑線，但寧兒年過40都好似唔太紅咁（可能魔術師真係無點留意愚落新聞）。寧兒揀《曖昧》實在有啲搵自己笨，同王菲的唱腔比實在無得比，有啲位想學王菲又學唔似，唱自己風格又好似唔多出咁：

無比較無傷害的王菲版：

5. 林奕匡

小林子算係魔術師聽過的「唱作人」（呢幾年好興「唱作人」，其實專注做一件事去到頂級已經好難，依家人人又識作曲又識填詞，顧嘉輝黃霑集於一身，伸做埋四大王王校長哥哥梅姐，係咪真係咁易？），聽落好似好文青，但係唱返陳百強的小清新情歌，竟然唔覺有任何純愛式感情，返而好似唔太投入無乜誠意，求其交行貨玩囡拍散拖咁。

6. 區瑞強

區瑞強當年只係「民歌王子」，並唔係咩嘢天王巨星，但無論係唱自己歌《陌上歸人》定係許冠傑的《浪子心聲》都有返一定功架，幾十歲依然咬字清晰、仲吹埋口哨、唔會無氣無力無感情。成班後生竟然輸俾搭兩蚊車的廢老，點搞？

＊＊＊

完整版如下：

＊＊＊

伸延閱讀：

介紹返：《歲月如歌》（一）

介紹返：《歲月如歌》（三）

維基百科：歲月如歌

維基百科：一生所愛

維基百科：搭錯車

維基百科：林愷鈴

維基百科：岑寧兒

THE MELODIES OF TIME 歲月如歌音樂會 Timetable

信報 2026年2月26日

信報 余家強 後不變期

流行曲新不如舊？

TVB新聞報道年輕人喜愛上世紀八九十年代Cantopop，JACE陳凱詠處女紅館show滯銷傳聞要派飛，黑膠唱盤再現……在在指向樂壇青黃不接、流行曲新不如舊。這論調由來已久，正因如此，我愈不敢妄下判斷，惟恐遭反噬「老餅成日屈話後生仔女鍾意他們的東西」。

問心，第一感覺我欣慰，誰不樂見自己的愛惡受廣泛認同呢？活至某年紀「信而好古」，書卷多情似故人，歌曲如是，連後生仔女都喜歡，證明我也青春呀。但細思就知豈可能，是一廂情願吧。

新聞應該可靠，訪問過的士高和酒吧，惟TVB力推《中年好聲音》和小妹妹翻唱金曲，全台策略，有否配合選擇性報道之嫌？口味碎片化（fragmentation），電視靠較忠誠的年長觀眾為主要客路，自然投其所好。根本，潮流怎量計呢？

叫好不叫座

可以量計的是銷情。陳凱詠頗能代表新一代，與老牌環球唱片公司因「雙方理念不一致」而成為獨立歌手，可惜剛剛兩場新春演唱會慘淡。沒看過沒發言權──我沒看過，但若按此邏輯，任何電影和表演都穩賺不賠啦，因為人人有義務睇完才准談論，消費者憑何取捨？票房，屬宣傳責任。今次宣傳符合時下套路：網上先「有人」挑機陳凱詠憑什麼？JACE表示堅強面對，到走勢實在不妙就放言「從來不會只用數字定義成功」，最終觀後感絕地反彈大讚……起承轉合彷彿有劇本，贏盡口碑，卻畢竟幫不到實利。

昔日樂壇盛世，並沒叫好不叫座這回事。

以上我純粹談形勢，避談音樂本身，音樂太抽象，追求極致請聽classic。一定要講的話，上世紀八九十年代Cantopop旋律比較簡單，電視劇主題曲巨匠黎小田（1946－2019）生前坦言看家本領盡在簡單，不只謙虛，乃指簡單＝美；體現於歌詞上，金曲通常僅一百幾十字，琅琅上口容易牢記跟住唱，遂流傳廣遠。近年曲式趨向繁複，體現於歌詞上，動輒數百字如散文，填詞人倒沒因此獲加薪──奇怪，豈非說新一代語文和閱讀能力下降嗎？怎麼卻愈寫愈長，內容轉彎抹角，澀晦深奧，想跟住唱都難。

可以理解的，有思維認為：市場既無復食大茶飯，做音樂何妨走偏鋒些？詎料惡性循環，漸行漸遠，受眾寧願轉投舊寶庫重溫（老輩）、探索（青少年）。

後浪鬥雕琢

回顧文學史也曾如此發生，宋詞於五代北宋多屬小令（58字內），及至南宋愈寫愈長（91字以上），稱為長調和慢詞。大概某一體裁冒起初期，短小精悍就討喜，到行之既久，簡美出得七七八八，便仰賴綿密鋪陳鬥雕琢了。兩種作法原無高低之別，惟嘆演化之必然。坊間存誤區，習慣批評新歌欠深度，或許恰恰相反，衰在鑽牛角尖才真。

業界看法又如何？我聽過舊派順便踩多腳，人之常情，也聽過前輩善意欣賞後浪嘗試。遭逢大氣候萎縮，非戰之罪，但商業產品不睇銷售還睇什麼？難道要老闆學JACE「不會只用數字定義成功」？