強吻

魔術師在想，如果魔術師被一名胖胖港婦強吻，會怎樣做？
ａ.星巴克佢
ｂ.躲起來哭
ｃ.大聲講「唔好」，然後講俾信得過既人聽．
ｄ.其他 ___


在辦公室裡，胖胖港婦坐在魔術師的前面．她年約四十歲，已為人母，面圓圓，鼻子扁扁，架著一付卡地亞眼鏡．魔術師並非歧視肥人，但呢位婦人的行為實在難頂：
１.常以鄉下話大聱傾談私人電話
魔術師公司在行內都算是數一數二的跨國機構，給business partners或其他同事聽見，實在影響部門影像．
２．說話行為老天真
幾十歲人常以「扮可愛」「扮嬌嗲」的聱線語氣跟同事說話，上司見有問題找佢，佢就以「天真innocent」的語氣「扮無知」卸膊．哎，又唔見佢有鄉下話同屋企人講野時係咁語氣！
３.（唔知點講好，只能意會，不能言傳）
有次魔術師係位同某同事傾野，胖胖港婦竟然把座位退後來偷聽．魔術師對她毫不客氣，話：「我同人傾野，關你乜事，咁八掛！」
Detour一下，各位有見過媽咪　乙水　坐在嬰兒車或者學行車上的小孩時的模樣嗎？通常媽咪會手指捏著玩具，左右搖晃，頭臉也順著節拍左右擺動，嘴巴發出「奀咕咕」的聲音去逗小孩子．
對，當時胖胖港婦就係用以上的神情動作，嘟長個嘴作接吻狀，頭臉也打著節拍左右擺動，臉孔愈哄愈埋，以「扮嬌嗲」　乙水　細路的聱線語氣說：「唔～好～咁～啦～～～」
頂，魔術師幾乎想拍檯鬧佢！
４.強吻
睇官恩娜事件，總會懷疑當時係咪真係咁易俾人得逞，因為哄塊面埋去起碼都要一秒半秒，唔想被吻，無理由無反應．
但原來真係會出事既，不過出事既唔係魔術師，而係大老細（男）．
話說小茶飯節目流程裡，有一項係大老細巡場．胖胖港婦竟然趁某個接近大老細的機會，伸個嘴埋去吻了一下大老細！實際情況因為人多，魔術師都睇唔見，都係由魔術師的老細告知，當時佢escort緊大老細，只見大老細擰轉面，面露嫌惡的神色．
原來，真係會避唔切既．
雖然老細無講，魔術師斷估都應該當時只係吻臉頰．不過，如果係咀咀，咁大老細既反應會係點呢？
再想，咁樣算唔算性騷擾？
2007/04/12　10:40:48