機械人

見思籌之路寫釣魚郎，魔術師也寫寫公司的機械人．
同事們都話，機械人很「猛料」的，不記得是牛津還是劍橋還是倫大的畢業生，總之係名校啦．初時，魔術師真的以為他很勁，便時常請教他一些問題，例如「點解會咁」「有乜野建議去解決呢個問題」時，誰知得到的答案全是「我不知道」、「我不懂得」、「人地咁做，我咪照跟」，完全像是一個無intelligence，只會按本子辦事，也不去figure out一些solution的機械人．
例如有一次，某同事想要用visio print個pdf檔出來，佢部機又無裝adobe acrobat，又知機械人部機有裝，咪叫機械人幫忙print一print，都係按下掣咁大把，唔會阻佢好耐．點知機械人答；「我唔識點print喎！」
魔術師聽了，便說：「你開visio,響print個menu度揀adobe個printer driver咪得law！」
誰知機械人答：「我唔識點set printer driver喎！」頂，你唔係耍我下話？呢度好似係IT部喎！
另外，好多例子，例如唔識用excel function唔去查help，要魔術師查埋俾佢兼教埋佢；寫左份document，魔術師見有個簡寫唔明，問佢點解，抑或係打錯字，佢答：「我都唔知點解，我都係抄人，人地咁寫我咪咁寫．」
喂，你讀果間名校，係咁教你既咩？一ｄ探究同懷疑既精神都無？
機械人仲有好多頂癮野：
１．上班時睡足（或閉目養神）７小時，問他做甚麼，答：「我要想清楚才做，否則會好易錯．」大佬，唔係唔俾你諗，但係諗既時間同件事既複雜程度應該成正比，唔係下下都要諗咁耐掛？
２．睡醒了便去洗手間或茶水間發呆，每每一呆便呆十數分鐘，然後返位再睡過．
３．每次叫他，他都反應很大咁打冷震或者彈起．記住，係「每次」．唔通佢真係有好多野諗？但係佢既工作量，已經係少無可少．總之，搞到其他同事都唔係咁好意思搵佢．
４．平時唔聱唔聲，但其實好多辯駁．有個已離職既上司同魔術師講，佢曾經「的」過機械人入房照肺，估唔到佢平時講野口窒窒，表達唔到自己咁，但係一旦被攻擊，佢就會有好多藉口同理由．
原來，魔術師總算領教過呢ｄ所謂「名校畢業生」．．．
最慘既係，因為機械人「做唔哂咁多野」，魔術師要幫佢手share！！！
2007/04/20　10:37:48