給珍妮花和同學們

好了，為期約小半年的義工計劃终於完結了．在此先多謝你們的小禮物和 Thank You Letters．

不過我還是有少許失望，或許是因為你們未能出線，又或許要「浪費」一個下午，但為什麼除了珍妮花和芬妮外，都無人來這個閉幕禮呢？看看 Presentation 決賽，看看人家怎樣做，學習一下不好嗎？
哎，都係寫返ｄ廣東話，比較親切一點．

其實，可以睇到，人地的優勝分子，是怎樣做的．

1.有 passion．

有 passion 自不然團結，有 teamwork，呢樣野好明顯，係你地所欠缺既．睇下人地一齊唱 team song，叫口號，我真係有ｄ感慨．

2. 放開懷抱

其實 presentation （其實 interview 都好類似）就係一個 sell 自己既機會．最緊要就係要夠放，上到場，自己就係主角，個台就係我舞台，最緊要有信心，要夠勇敢．睇下所有決賽組別，莫不如是．

你地就係太「乖」，太循規蹈矩，不懂得用gimmick，呢樣野真係要學下人地．

知唔知大會評判，講過幾多次「fantastic show」?

3. Practice

相信有玩過樂器的人，都知道練習既重要性．睇下亞軍組，佢地扮「扮新聞採訪」，由講者和預先錄影的影片即場「對答」，一共三段「對話」，除左第一段有少少甩漏外，第二、三段的時間都掌握非常好，顯然係下過不少苦功去練．

4.盡力、心理質素、和其他

廢事太長氣，最後一點就係「凡事」都要盡力，而唔係「選擇性」地去盡力．仲有，就係遇到突發事件時要鎮定，好似上述果位講者，錯左第一段，俾觀眾笑（其實係善意的），都無洩氣，之後的表現都好好．另外有一組，忘記左台詞時既表現太差，太多小動作，有失大體．

當然，急智都好重要．睇過現場 Q&A，你一定會明白．

係咪好多野要學？係．

係咪樣樣都要做到最好？唔係，人力有時而盡；所以「凡事都盡力」，咁你就會用心做好每一件事．

以下係回覆來信．
Jennifer:

我知你有俾心機既，最緊要學識執生，同埋面對事情時正確既態度．

Fanny:

多謝你．我都係做我應該做既野，呢ｄ野係互動既，你敬我一尺，我敬你唔只一丈．如果你地成班肯用心一ｄ，學到野既係你地自己．

Queenie, 唔知係姓李定姓吳既 Sarah, Rita, Elaine, Justine,

其實學既，唔只係一ｄ商科知識，仲有好多做人處事的soft skills．至於理科生未必會好明我講既野，可能我對一ｄ business concept 真係講得太快，即係話，我同其他人講其他既話題有類似既問題（其實我都知），我會多加注意的了．

仲有， Justine，係「教授」，唔係「教援」．

Yannie, 姓李的 Carmen, 唔知係姓吳定姓李既 Sarah, 姓何的 Carol,

收到.

記住，以後署名，如果群體中有同名既，起碼要寫埋自己個姓上去，同名同姓要加埋 initial．

2007/04/29　00:27:37