2016年6月16日 星期四

誰搬走了我的網誌?

細心的讀者應該留意到,魔術師的舊文正在「循序漸進」地豐富起來,截至今天(2016年6月16日)為止,已經搬咗200幾篇。究竟係點樣做到嘅呢?

答案當然係:用程式自動化做的。
個程式係魔術師寫的嗎?
答案當然係:唔係。不過,用錢解決到的問題就不是問題。
幫魔術師寫程式將舊 sinablog 整個 dump 下來的就是這本地不知是一人、兩人還是幾多人的電車公司:Rewritely

找上了Rewritely,闡明搬 blog 的要求,佢地便自然會評核所需時間,順便 sell 下魔術師用 Wordpress,可惜魔術師因為嫌 setup 麻煩而沒有採用,否則就唔使成日變身蛙人打撈給 Google 錯認做 spam 的留言了。
問明文章數量,打好價,並講清楚有什麼做不到 automation(例如圖片就要魔術師自行人手 migrate,魔術師覺得人手做少量 formatting 是少不了的,尚可接受),答應了之後便可以進行測試。
期間魔術師還可以加入特別要求,例如最難搞的就是舊 blog 的留言引用:

結果唯有將就一下,叫佢地加啲 coding,將之變成為:

雖然格式有些偏差,也發現有個別留言給遺漏掉了,但魔術師明白月有陰晴圓缺,此事古難全;人力有時而盡,試過了盡了力,心安理得就算;反正咁多舊文,亦無法逐個核查。雖然是浪費了讀者心血,愧對讀者,但過於偏執完美主義也不是辦法,過度糾纏於細節只會一事無成。
所以漏掉了,錯了的,也就隨緣,反正舊 blog 依然保存,只是參考起來有點麻煩而已。
其實搬 blog 的原理好簡單,就係寫個程式將網誌內文的 HTML code dump 下來,變成 XML,再 import 入去新 blog 就可以了。不過,就算魔術師有時間,會寫程式,亦唔會自己做,就如當年即使自己識「砌機」,都唔會買 CPU底板記憶體硬碟回家裝嵌而會選擇到黃金叫人砌埋俾自己一樣,如果下下自己都落手落腳搶埋其他人嘅嘢嚟做,咁其他人又點會有就業機會呢?
就以魔術師舊 blog 二千幾篇文章來說,收費也只是 HK$1,500而已。慳埋慳埋,倒不如放手給別人做,既可促進商業發展,也可以給年輕人一些汲取工作經驗的機會,何樂而不為?

19 則留言:

  1. /倒不如放手給別人做,既可促進商業發展,也可以給年輕人一些汲取工作經驗/

    魔術師兄好嘢!有時見個FB group "Artists都要食飯",班老奉客成日話乜俾機會你發揮,就一毫子都唔想俾~

    回覆刪除
    回覆
    1. 講開FB,我個suggested friend list竟然有你份!原來Kxxxxx Lee係我們的common friend, 佢係我大學師兄黎架!

      刪除
    2. 緣份既嘢...

      刪除
    3. Cherry:

      //班老奉客成日話乜俾機會你發揮,就一毫子都唔想俾~

      我就最睇唔起班口惠而實不至的度縮。無錢幫襯就過主,無人笑你的,扮哂嘢搲著數就最乞人憎。

      //講開FB
      Thanks, 己add.

      //原來Kxxxxx Lee係我們的common friend
      FB friend 不用太認真。

      米:

      //緣份既嘢...

      你個留言我完全睇唔明。

      刪除
    4. To魔術師兄:除非係慈善表演籌款(雙方都同意收不收費之事宜),否則想呃人地勞動力既"老闆",遲早會有報應~~

      呵呵我見魔術師兄的FB,好似一段時間冇update了。咁又係,blog咁好玩,正過FB哋八卦posts啦=)

      To米:香港為彈丸之地,現實中不認識的人之間有common friend,乃常見事=)

      刪除
    5. //呵呵我見魔術師兄的FB,好似一段時間冇update了。咁又係,blog咁好玩,正過FB哋八卦posts啦=)

      FB 是用來索料找靈感用的.

      刪除
  2. 其實我都想開過新既Google account,開過個新網誌,因為現有既無啦啦俾Google block左登唔到廣告,雖然錢係雞碎咁多,純粹係不爽。

    回覆刪除
    回覆
    1. 試下用Wordpress喇,如果唔急,可以慢慢set的話。

      刪除
  3. 魔兄識唔識人寫excel macro?我有d野仲簡單,揾人寫可能只需要幾百蚊.

    謝謝!

    回覆刪除
    回覆
    1. 哎呀,對唔住呀摩摩,我的IT freelancer網絡係零!

      米帝死好命贏符碌波!

      刪除
    2. //米帝死好命贏符碌波!

      都唔係既,鶴老下半場換史杜列治多左好多K角位前插,進攻已經近磅左好多,最後絕殺都係咁樣搏返來,點都好過上半場史特靈毫無建樹死咕咕,睇到我訓著。

      戰程其實同蝗豬對龍獅軍幾似(尤其係旺角一役),唔同既係蝗豬全場唔識變,而龍獅軍無個好似巴爾咁鶴立雞群既人(定義是作為傷民球員起碼要去到K league或J league豪門踢到必然正選).

      不過英威兩隊都係走唔遠的.

      刪除
    3. //都唔係既,鶴老下半場換史杜列治多左好多K角位前插,進攻已經近磅左好多,最後絕殺都係咁樣搏返來,點都好過上半場史特靈毫無建樹死咕咕,睇到我訓著。//

      英格蘭上半場中場同前鋒塞晒入中路 (得一個250係邊路)

      腳法唔夠, 人多做唔到中路突破
      落邊就得兩個腳法有限公司既閘位系邊路除佐死推就係死推
      又係死路一條

      下半場史毒週圍走, 特別係走邊幫波, 加上自己會上腳推下波(多佐, 都好過零)
      成個進攻活潑晒, 進勢似樣返好多

      近年英格蘭同英超列強都係玩《下半場㩒掣》
      上半場慢到瞓著.....係唔係摩連奴既錯

      刪除
    4. //點都好過上半場史特靈毫無建樹死咕咕,睇到我訓著。

      呢條友真係得個快宇,其他乜都無,都唔知佢有乜咁把炮周圍跳草裙舞。

      //不過英威兩隊都係走唔遠的.

      信報球千仞話今屆米帝多天才,可以媲美加斯居尼嗰屆;NOW班講波佬又話米帝前途光明,啲飛機文比ESPN更給力,事頭婆果然風韻猶存.

      //下半場史毒週圍走, 特別係走邊幫波, 加上自己會上腳推下波(多佐, 都好過零)
      成個進攻活潑晒, 進勢似樣返好多//
      //鶴老下半場換史杜列治多左好多K角位前插,進攻已經近磅左好多,最後絕殺都係咁樣搏返來//

      今場換人係正路返好多, 不過可能由於今屆有「最佳第三名」出線名額, 出局難過出線, 所以一眾較有實力的球隊都會打得保守啲, 寧願唔贏,都好過大意輸波, 造成入球率偏低的現象.

      刪除
  4. 如果係我...可能人手搬...
    或者唔要D 留言.

    (一開始去SINA 就是錯的~~~~)

    回覆刪除
    回覆
    1. //如果係我...可能人手搬...
      咁我從事電車業多年,肯定係可以automate就automate,唔會考慮全手動。

      //或者唔要D 留言.

      留言先係精髓, 唔要留言,倒不如唔好搬了.

      刪除
  5. 去sina 是小錯, 去Yahoo 先係大錯! 自從Y!Blog 摺左我就冇寫了
    想當年仲比較Sina同Y! 邊一個好D....
    結果...

    回覆刪除
  6. 魔術師兄
    在下 艾力萊茵 你應該唔多會去過我個blog了
    不過當年有睇下你同黃島主的文 最近得閒D又上返水睇下你地

    回覆刪除
    回覆
    1. 歡迎歡迎, 我搬咗過嚟年幾架喇, 不過太懶, 仲未migrate哂啲舊文.

      刪除