2016年10月6日 星期四

《海豚灣(The Cove)》:官商鄉黑處處有

記得兒時跟老父老媽去過一次海馬公園,不知怎的老媽竟然可以跟海豚作「近距離接觸」:老媽學着訓練員的手勢扮俾魚海豚食,海豚從水中豎起鼻哥湊向老媽的手,卻發覺並無魚糧。如是者海豚給欺騙了數次,怒從心上起用頭將池水潑向老媽 - 當然殃及池魚的就是在旁食花生看海豚被老媽玩弄的港豬。
老媽見魔術師愛上了海豚,於是就 develop 了一個叫《海豚B仔》的睡前故事,說着說着跟魔術師一起睡,內容當然不記得了,大概都是在講海豚主角的母子情吧。
於是,海豚就成了魔術師最喜愛的動物之一了。


本片牽頭人為前海豚訓練員 Ric。話說 Ric 在60年代前野生捕獲了幾條海豚,並訓練其做動作拍成電視劇,大受歡迎。在與海豚相處的時間中,Ric 理解到海豚是一種有自我意識的動物,其中一條海豚更以自我閉氣的方式在他的懷裡自殺死去。Ric 懷疑係因為海豚抵受不了圈養受訓的壓力所致,從此「大徹大悟」,由施虐者變身成環保份子,四出為保護海豚奔走。

Ric 鎖定的目標是大日本帝國和歌山縣的太地町。話說那兒的皇民除了捕獵海豚售予主題公園之外,還不理海豚肉可能含有水銀,不但食海豚肉,更不惜冒着牽違反《商品說明條例》,將海豚肉頂包成為其他魚類食品,又逼使中小學生當成係便當飯菜之一:

Ric 聯同了一群紅鬚綠眼的正義同伴,一去到便十分惹人注目,不旦被黑警查問,又給強力部門跟蹤,更有土佬狀的漁農界皇民惡形惡相的向其挑釁,想其出手打人便有藉口「行政拘留」:

原來大日本帝國的「行政拘留」制度也頗「辣」,係咁易都可以困你28日,果真不讓殺人政權專美:

就連殺人政權向弱國買票來保護「傳統文化」的不公義做法都學埋:

不過 Ric 以美帝的先進科技偷拍了當地漁民屠殺海豚的殘忍手法,勇闖國際捕鯨委員會(International Whaling Commission, IWC)會議會埸,身掛薄mon(我城笨土派可以學習)揭發了皇民官商鄉黑勾結的惡行:

但其實,皇軍吃海豚肉,跟英美法等帝國生吃血淋淋的牛排又有什麼分別呢?難道一句「寧俾人知莫俾人見」就解決到?難道就是因為海豚嘴角永遠向上,永遠也好像很開心的樣子,誰也不忍心將之殺死?魔術師卻認為人不犯我,我不犯人,既然有蓄牧,漁獵適可而止就夠了,一般漁民也有休漁期,基本上海豚不是人類食糧,也無需要濫殺吧?

當然,本片乃一面之詞,就算情感上不能接受海豚被殺,也要看看連海豚的母子情都用上了的煽情式紀錄片所述資料有幾多是真確,不能照單全收,而且事實上那幾位環保份子也很有黃C佔派的味道...

***
伸延閱讀:
思辨練習題之被逼和周保松抬槓(二)

43 則留言:

  1. 我覺得成件事是主要是鄉黑派皇民在和全世界鬥氣...唔只海豚,鯨魚佢地都堅持要漁獵,但其實兩款肉新一代皇孩根本就唔鍾意食.

    回覆刪除
  2. Sea Shepherd 先誇張!要點樣嘅裝備去捉鯨魚?好勁啦!嘩!佢反捕鯨喎!佢隻船拍 Batman 都得呀!個樣~

    不過呢套片㑭我一個新嘅睇嘢方法。當一個同自己所認識嘅嘢被衝擊,就會諗咁點先係真呢?事情應該點定義呢?之前出錯或問題响邊呢?可以點睇件事呢?(我重諗緊個嗰幾棟門呀撞鬼!)

    事情有 gap 我哋就會輕易將自己一廂情願嘅想法填咗佢。譬如,啲動物遇到一啲事(㑭食物佢),佢又表現出一啲行為(走近餵食者)。然後好隨意立論:動物好喜歡餵食者。一日,餵食者餵少咗,餵差咗,動物咬死餵食者,我哋就覺得奇怪。其實,動物可能早已用佢自己(身體)言語表示咗佢係主,餵食者係人僕。作為僕人必須每日奉獻最好嘅食物㑭主人。

    另外,陰謀論其實亦係一種思考磨練。諗一啲 really really wild 嘅嘢,唔好太安逸唔防避。鬼神又係咁。解釋唔到,就自己作,幾離譜都好過 hanging there 無結論。但唔係信著先喎!而係深信不疑!即使之後已經有好合理嘅解釋都改變唔到。

    回覆刪除
    回覆
    1. //不過呢套片㑭我一個新嘅睇嘢方法。

      係邊方面嘅新睇法呢?

      //事情有 gap 我哋就會輕易將自己一廂情願嘅想法填咗佢。

      呢套片又要係用乜嘢一廂情願嘅想法填咗個gap? what is the gap?

      //陰謀論其實亦係一種思考磨練。
      //幾離譜都好過 hanging there 無結論。

      1. 殺人政權控制傷港
      2. 我地不滿,又唔革命,又唔投票,淨係沮喪.

      刪除
    2. //係邊方面嘅新睇法呢?
      //事情有 gap 我哋就會輕易將自己一廂情願嘅想法填咗佢。

      即係
      1. 以往係咁,社會係咁,唔一定就係要咁。例如,社會有動物園,咁呢樣嘢係咪必須?有係好定唔好?會唔會不合時宜?
      2. 狗就養嘅,牛就食嘅?獅子就又唔養得又唔食得嘅?一定㗎?點分㗎?
      3. 咁我哋應該點對待動物呢?

      [呢個又係正正!
      Dogs Decoded
      http://topdocumentaryfilms.com/dogs-decoded/
      It explains why dog can be a pet and wolf can't even be domesticated. And that dogs understand humans, but humans don't understand dogs. Man are dumb! Hahaha!]

      其他嘢都係 -- 民主人權,一啲人人都認為好嘅嘢,可以去到幾盡呢?點解呢?

      我細個都幾憤世嫉俗㗎!你諗下,成校都公主!中一成班 95% 嘅同學就已經用名牌包包 (LesSport Sac) 做書包啦!死未?成千蚊個!當時難食到嘔飯盒不過 $22 $23 個咋!(不過我發現食雞髀又好味又平,慳好多呀!)雖然我屋企算係咁(我小學就已經試過搭飛機去旅行啦!),但我真係唔明點解要買件淨色薄衣衣成千銀嘅袋囉!重要除咗 bio,乜 science 底都冇 (integrated science 一開始講 molecule particle atom 我已經漂流了~)。咁我睇嘢會走極端或牛角尖!(實在而家都會,不過病情好好多啦!睇你個 blog 睇得多嘛!拍下馬屁先! XD XD )

      刪除
    3. //獅子就又唔養得又唔食得嘅?一定㗎?點分㗎?

      在外國係有人養大貓的! FB 有時會有片feed 入嚟, 不過依家一時間搵唔到.

      //我細個都幾憤世嫉俗㗎!
      //我真係唔明點解要買件淨色薄衣衣成千銀嘅袋囉!

      哈! 我細個老豆已經灌輸我「靚袋係要用真皮造的」概念, 唔夠錢就用得樸素的, 唔應該花無謂錢在啲渣嘢身上.

      //不過病情好好多啦!睇你個 blog 睇得多嘛!拍下馬屁先!

      我都會俾人話憤世嫉俗, 點醫到人? :D

      刪除
    4. 我都有見過,一對夫婦養獅子。獅子大個咗揾番佢重撲埋去,又唔知自己二百幾磅,重懶 Q 咁!
      哦?病情好咗原來係幻覺!

      刪除
    5. 我都記得睇過呢個報導,隻獅子係母的.

      刪除
    6. //
      1. 以往係咁,社會係咁,唔一定就係要咁。例如,社會有動物園,咁呢樣嘢係咪必須?有係好定唔好?會唔會不合時宜?
      2. 狗就養嘅,牛就食嘅?獅子就又唔養得又唔食得嘅?一定㗎?點分㗎?
      3. 咁我哋應該點對待動物呢?

      呢三個都係動物權益的大問題,目前仍有好多爭論。但簡單講,從效益主義的角度看(即要考慮所有有感受痛苦和快樂能力的事物的利益)因人類的口腹之欲或某些其他小利益而殺害動物是不道德的(這派的代表當然就是Peter Singer)。因道德上的考慮(不完全來自效益主義),近幾年我也開始少吃肉,幾年已完全沒吃牛和羊,雞鴨亦少吃了,並正努力嘗試一日一餐素。要做素食者並不容易,畢竟人生來就愛吃肉...
      就動物權益的簡單討論,可參考「哲學健身館」Chapter 22.另H. Herzog所著的「為甚麼狗是寵物,豬是食物」(Some we love, some we hate, some we eat), 也值得一看。討論不離地,應然-實然兼備(作者是人類動物互動學的開山祖師之一).

      刪除
    7. 所謂道德, 其實又係靠自律. 酒肉穿腸過, 我認為只要不濫殺, 吃得有「良心」便可以了.

      當然依家啲人「法律無寫就可以做」,將自律、約定俗成打成「吃人禮教」,下下挑戰權威, 咁又真係唔會夠佢地講的.

      刪除
  3. 巴浦洛夫的條件反射理論,先響鈴聲,後給食物讓狗吃,漸漸狗狗聽見鈴聲,未見食物便流口水。但是,每次響鈴聲後也沒有食品,狗狗就不會再流口水。動物不會因假的食物訊息而長期中計的。

    回覆刪除
    回覆
    1. 那麼間唔中有一次響鈴有食物,狗狗會唔會養成賭仔心態? XD XD

      刪除
    2. 賣下廣告:可以睇番呢篇既留言

      https://magicianyang.blogspot.hk/2016/07/blog-post_28.html

      「以前有個科學家做過這樣一個實驗,他們在樹上做了一個機關,讓猩猩去踩這個機關,只要一踩這個機關,香蕉就會掉下來,最後就是說這些猩猩踩一下掉一個,最後他就變成一個需求性的東西,就是說在他餓了的時候,他就取踩那個踏板,香蕉就掉下來了。

      然後他們後來改變了這種機制,將這件獎勵變成一種隨機性,並不是說每次踩這個踏板的時候都會掉香蕉,這個時候猩猩就會有一種賭博的心理,就會有猩猩輪著班的去踩那個踏板直到有香蕉都掉下來,就好像上癮一樣,因為他不知道哪一次會有香蕉掉下來。」

      https://kknews.cc/psychology/yeeyg.html

      答案是:對人的話,唔只「養成」心態,而直情係「上癮」。不過此對大腦皮層發達如靈長類就肯定有效,可對狗得唔得就不得而知了。

      刪除
    3. 如果我冇記錯白鴿都好似做過類似嘅實驗

      刪除
    4. 佛爺:

      //動物不會因假的食物訊息而長期中計的。

      偶爾俾你騙倒一次, 之後就無咁易上當了.

      C 嬸:

      //那麼間唔中有一次響鈴有食物,狗狗會唔會養成賭仔心態? XD XD
      //如果我冇記錯白鴿都好似做過類似嘅實驗

      搵包包做實驗.

      摩摩:

      //對人的話,唔只「養成」心態,而直情係「上癮」。

      偉哥倚賴症.

      刪除
    5. 白鴿嘅實驗係關於迷信,個機關不受白鴿影響,會定時出食物。隔咗一段時間,白鴿會重複做佢認爲會令個機關跌食物嘅動作,有D會逆時針轉圈,有D會fing頭。

      https://en.wikipedia.org/wiki/B._F._Skinner#Superstition_in_the_pigeon

      刪除
    6. 咁似扑咗嘢,呀唔係,係嗨咗嘢嘅? XD XD

      刪除
    7. So, do animals have religions?

      刪除
    8. 美國研究以白鴿導向飛彈的行為心理學大師,得到美國最高的榮譽勳章。

      動物沒有宗教,不過可以訓練牠們祈禱。

      刪除
    9. 點訓練? 你又知佢地祈緊禱? XD

      https://www.zhihu.com/question/27984876

      刪除
  4. // 鯨魚佢地都堅持要漁獵
    是守住祖業的情意結還是要對抗大自然豪邁奔放的壯志豪情?
    不過不論是哪一個, 都超越了愛斯基摩人以簡單工具徒手對抗 style

    // 本片乃一面之詞
    也不是, 幾千年前都有齊桓晉文之事章啦, 捉到幾百斤龍躉都有人買左放生

    // 皇軍吃海豚肉,跟英美法等帝國生吃血淋淋的牛排又有什麼分別呢?
    如果要搵黎講嘅, 殺海豚鯨魚沒有人道的方式, 殺牛等要先快快電暈佢

    回覆刪除
    回覆
    1. 我咁去理解.
      食狗肉就哭天搶地,食呢啲就祖宗傳落.

      刪除
    2. //皇軍吃海豚肉,跟英美法等帝國生吃血淋淋的牛排又有什麼分別呢?//
      //殺牛等要先快快電暈佢//

      除此以外,牛羊等家畜,豢養目的係為左食左佢,海豚冇得養,death rate > new born rate 就會絕種。

      刪除
    3. 套片唔係話食海豚唔道德之類,而係
      1. 全族屠殺,一隻不漏
      2. 捉嘅屬 endangered
      3. 有水銀毒

      刪除
    4. //都超越了愛斯基摩人以簡單工具徒手對抗 style

      所以英雄片到最後都係有槍唔用要打拳頭交.

      //食狗肉就哭天搶地,食呢啲就祖宗傳落.

      我個堂阿哥就係游水落嚟的蝗民, 佢成日都鬧啲動物權益維護者話「剝奪佢食狗肉的權利」.

      //牛羊等家畜,豢養目的係為左食左佢,海豚冇得養,death rate > new born rate 就會絕種。

      True...

      //全族屠殺,一隻不漏

      仲有手段殘忍.

      刪除
    5. 我之前都係反 反對食狗肉
      直到聽到一個最入耳既論點: 狗係先天性地將人當成朋友, 亦見到種種事例去驗證
      都開始反對食狗肉

      但係對偽善者, 盲目崇拜西方價值觀而反對食狗肉者, 依然非常反感
      見到就會去挑戰佢地

      刪除
    6. //盲目崇拜西方價值觀而反對食狗肉者

      哈, 其實我都唔知乜係反對食狗肉的「西方價值觀」. 依家好多人都係, 只會想去做「對」的事, 但背後的理由是否合理, 卻又唔理了, the end does not justify the reason 呀...

      刪除
    7. dogdogchi://但係對偽善者, 盲目崇拜西方價值觀而反對食狗肉者, 依然非常反感

      啲人成日話要本土,要尊重人哋嘅文化。
      人哋嘅文化,其中一樣叫食狗肉,你又唔尊重人哋嘅本土?!
      諗起呢啲偽善,真係想嘔。而且呢啲西方最多,唔知點解。

      刪除
    8. // 而且呢啲西方最多,唔知點解。

      西毛先啱。

      刪除
  5. “Ric 理解到海豚是一種有自我意識的動物”

    海豚和鯨魚都是自我意識較强的動物,要長期keep牠們在captivity内訓練表演,已違反了牠們的本性。

    當然也有例外吧,拍電影“Free Willy”的殺人鯨Keiko,被人放生後仍要游番去挪威海岸,尋找人類的欣賞及陪伴。牠的親人行為,好像違反了“野性的呼喚”:P

    回覆刪除
    回覆
    1. 可能好似狗從狼長期演化而可 domesticate。
      Well, nobody knows. XD

      刪除
    2. 所以我鍾意動物多過人...

      http://www.setn.com/News.aspx?NewsID=121607

      就是不想離開你!難忘老人救命之恩 小企鵝每年都來陪伴他
      2016/01/29 17:48:00
      大家都知道,企鵝有每年自然遷徙的習性,但巴西有一隻企鵝卻違背了團體,過去五年來,只為了去探訪一位孤獨的退休老人。
      這個感人的故事開始在2011年,一名巴西里約熱內盧的退休砌磚工人,一日在家附近的海灘上,發現一隻受困又受傷於油汙的小企鵝,於是老人將他帶回家,仔細清理、餵了一些沙丁魚,並找了一個涼爽的位置讓他休息,老人並幫小企鵝取了名字,叫Jinling。
      老人等Jinling身體好點之後,帶著他回去海邊重新熟悉海洋生活,但,Jinling最後還是都跑回來,甚至老人划著船把Jinling送到離遠一點的地方,回到家後,竟然發現Jinling已經在家中等著。
      據了解,Jinling是麥哲倫企鵝,每年都會在巴塔哥尼亞繁殖和在遙遠的北方覓食,會遷徙數千英里的距離,但這隻小企鵝Jinling從不會離開太久。當地人說,企鵝們本該聚在一起,前往共同的目的地,但Jinling就是不加入,常常回來陪伴著這位年邁的老人,有時待上一星期,然後回到海邊,過個半個月,又再度回來。
      小企鵝的靈性讓村裡的人嘖嘖稱奇,也為這段故事深受感動,現在Jinling更成為村子里的吉祥物了。

      刪除
    3. //所以我鍾意動物多過人...

      應該話係所有靈長類。所有靈長類動物都是不能豢養的。

      曾有人rate過"最危險的動物",黑猩猩排名比任何大貓都高

      刪除
    4. 對, 一般動物張牙舞爪大多是為了覓食或保護自己或求偶等...靈長類害對異類或同類的行為真係估唔到的, 故定性為「危險」...

      刪除
    5. 大貓係冷酷殺手,一咬封喉斃命。黑猩猩係變態癡線佬,捉住你之後亂咬,仲要經常成群出沒,唔死都成身爛肉......

      最令我意外嘅係個樣傻下傻下嘅河馬,原來性情非常殘爆,咬力強皮又厚,跑起上黎其實仲快過人。youtube睇過一隻成年河馬走入鱷魚潭乘涼,d鱷魚完全奈佢唔何......

      刪除
    6. 動物界好多時夠大夠皮粗肉厚就係最強防守.

      刪除
  6. 話時話,呢到巧多正嘢睇:
    http://topdocumentaryfilms.com

    Madness in the Fast Lane
    http://topdocumentaryfilms.com/madness-in-the-fast-lane/

    The Diva Mummy
    (唔係講港媽)
    http://topdocumentaryfilms.com/diva-mummy/

    5th Dimension Ghosts
    http://topdocumentaryfilms.com/5th-dimension-ghosts/
    幾個 episodes。其中好有趣嘅實驗,係叫人佢自己一個去地牢記錄低佢哋嘅感覺,然後再用電腦模擬同一個地牢,再叫人記錄佢哋嘅感覺。大家都有感受到「鬼」。

    回覆刪除
    回覆
    1. http://topdocumentaryfilms.com/madness-in-the-fast-lane/
      http://topdocumentaryfilms.com/diva-mummy/

      被移除了...

      http://topdocumentaryfilms.com/5th-dimension-ghosts/

      希望有時間睇喇!

      刪除
    2. 係呀!不過可以 copy 個名直接係 YouTube search 就會有
      Madness in the Fast Lane
      http://youtu.be/e1B9T6hRK3k
      The Diva Mummy
      http://youtu.be/Yd5msTDgXPU

      5th 果套 d comment 好似唔係幾好。

      刪除
    3. //不過可以 copy 個名直接係 YouTube search 就會有

      哈, 頭先係office, 未有時間search...

      Thanks!

      刪除