2016年12月30日 星期五

摩摩電影節之《旺角監獄(To Live and Die in Mongkok)》:巷蜀也是由一個倉轉去另一個倉

本片號稱黃精第一套 cult 片,但其實一啲都唔 cult,魔術師反而覺得係似《飛砂風中轉(Once A Gangster)》的反古惑仔電影;唯一的可能係,全片 cult 在正正經經講故事,一啲都無胡鬧,王大導好難咁有誠意拍片架馬!


影片一開首,便講兒時的男主角輝跟父親手拖手在旺角散步。輝的小手一鬆,藍色的汽球飄走了,仲愈變愈多(原來汽球都識無性繁殖);輝走上前去追,渾不覺身後的父親已被黑道斬死。累白的畫面就只有藍色汽球與紅色的血花,非常「塔倫天奴(Quentin Tarantino):

鏡頭一轉,原來輝(張家輝飾)已因黑幫仇殺,斬死多人而被判無期徒刑,在赤枉坐了廿九幾年監,並患有精神分裂,綽號「黐線輝」,會時常跟腦海中年青時、造型有點似鄭伊麵(陳浩南?)的自己 - 細輝(鄧德保飾)對話。由社工做到區議員再做到垃圾會議員的嫻姐(陳麗雲飾)在努力多年後,終於能夠幫輝成功爭取假釋:

細輝覺得放不放監都是一樣喇,只是由赤柱這一個「倉」轉到去旺角這個較大的「倉」而已:

大鳳(莫小奇飾)是從湖南來港的性工作外勞,身材相當養眼。留在鄉間的媽媽死了,弱智妹妹細鳳(孟瑤飾)偷渡來港尋親,給蛇頭賣了落火坑,由馬伕佳仔(梁進龍飾)接待。由於跟細鳳中途斷了聯絡,大鳳心情不佳,無心接待社團大佬跑馬仔候選人之一的箭豬(韋家輝個細佬韋家雄飾),叫舞廳 keeper 蛋撻(王晶飾)訛稱自己M到,敷衍了事。誰知箭豬慾火攻心,連紅燈都要照衝,並糟質了蛋撻一輪。逼於無耐之下,前一刻還穿大露背 halter back 的大鳳瞬間便打好底,穿上厚厚的 bra,陪着笑幫蛋撻解圍。就在箭豬毛手毛腳之際,黑警查牌,警察槍王余(廖啟智飾)要求箭豬醒醒定定,跟 Peter 仔(譚耀文飾)爭做掌舵人不要太過份,以免影響自己升職,臨走仲踩了箭豬的JJ幾下示威:

箭豬雖然好似痴瘋仔一樣陰囊受創,但依然鼓其餘勇去另一個場開房扑嘢,目標正是細鳳。富有正義感的佳仔連忙通知大鳳。大鳳趕至,用煙灰缸扑爆了箭豬個頭,救出細鳳。細鳳的屁股雖然被箭豬用「棍」「捅」了幾下,但幸好未有受創,但轉過頭卻在後巷蹲下來便要尿尿,果然不失蝗民氣派:

眾叔父欲捧箭豬做龍頭,提議跟黐線輝打好關係,畢竟輝為社團立下大功,講句話都有份量過人。箭豬派佳仔去接輝出獄,來到旺角,輝卻要找麗聲戲院(Royal Theatre,即現今始創中心)。佳告知輝麗聲早就拆了,輝感觸萬千,只覺旺角已不是旺角了:

於是輝轉去探母親,幸好故居並沒有被拆;可是輝母(鮑起靜飾)卻患了腦退化,將當日因輝被判監,因羞愧而訛稱輝去了荷蘭的謊話當成了事實。看來老一輩人對荷蘭總有另一番情懷,就算是老人痴呆都依然放唔開:

其實當年的真相是,社團中眾一袋年青人去抽生死籌負責斬殺仇家,箭豬身為龍頭大哥的兒子竟然都有份抽,而且「不幸」抽中了。「真・勇武」的細輝見一向口中勇武的箭殉嚇到要瀨尿,心想這是上位的好機會,便交換了生死籌代箭豬出戰。血案散水時,細輝巧遇學警出更的槍王余,細輝不屑地回頭便走,卻給槍王余在背後開槍打中被捕,最後被判無期徒刑:

呢一段唔知算唔算 cult:箭豬在旺角街頭見到黑警,便帶住班手下繞道走,口中卻依然死不認衰。手下指出剛才遇見的不是一般警察,而是PTU,於是便引伸出以下一段「《PTU》是吳宇森家係杜琪峰拍的」的笑話:

箭豬捉住了大細鳳與蛋撻,幸好有黐線輝在,解救了三人,箭豬也不得不賣帳:

然之後又係一段講我城電影生態的 cult 片對白,十分「《冬蟬》」。話說黐線輝話想去睇午夜場,睇姜大衛,炒黃牛飛,吃烤魷魚,點知大鳳除了知道再鋒利嘅刀都有生鏽的姜大衛之外,其他都是陌生的事物;並預言傷港電影終有一日會消失,將會被蝗片取締:

大鳳除了身材好之外,心地也很好,可能自己是北姑早已飽受歧視的關係,就算知道阿輝精神有問題,也不太介意,並沒有將輝當成是怪物看待:

黐線輝的病情愈來愈重,竟然有獄卒唔俾佢離開旺角:

其實有精神問題的是不是王大導呢?輝和大鳳在看王大導作品之《大內密探零零狗》的時候,又討論起蝗片取替港片的問題,話題當然又離不開烤魷魚。既然有商機,小LLC一於唔好賣魚蛋,改賣烤魷魚:

回到家裡,輝母忽然清醒起來,記憶返哂嚟,跟輝講起好多往事。原來輝母大限已至,只是迴光返照,就在輝跟她洗頭時安詳離世(估唔到王大導都可以正正經經拍返啲感人劇情):

在喪禮上忽然出現了一名女記者,話要跟輝做專訪;同一時間,箭豬在殯儀館的後樓梯成功「用棍捅了」細鳳,搞到一地都係血,細鳳亦順便 show 一 show 身材,證明港女真係無得爭:

輝最後接受了訪問,周刊出街,叫箭豬與余 sir 面目無光。余 sir 更因被查出與 Peter 仔過從甚密而無得升職;回到家,阿仔又話同學仔都話老豆係大話精,結果同同學大打出手:

原來女記者係給 Peter 仔收買的。箭豬捉了大細鳳,設下埋伏,要將輝正法。誰料輝又再次大發神威,單槍匹馬便將箭豬及其手下殺到落花流水;但輝始終雙拳難敵四手,就在被打倒之際,槍王余趕來營救,無端端的話「內疚」云云。Cult 片情節疑似再現,身中多刀的箭豬竟然仲行得走得,最後給蛋撻打倒,似乎連JJ都被扑爆了。本來是箭豬手下的佳仔轉投黐線輝,救出了大細鳳,與蛋撻一起離去:

最後,疑似在返蝗國的直通車上有大細鳳的身影...但,乜細鳳唔係偷渡嚟嘅咩?另一方面,黐線輝在幻境中與細輝在監獄裡送別了手持藍色汽球的兒時自己,然後跪倒在旺角街中,流血不止而亡:

***
其實魔術師唔係好睇得明白,是甚麼導致黐線輝精神分裂,停留在兒時和青年時的自己又各自代表了甚麼,永遠出唔到去的「旺角監獄」又代表了甚麼呢?諗來諗去,可能真係俾王大導耍了一道,可能佢自己都唔知自己想講乜,認真你就輸:畢竟王大導的電影也有「反攻大陸」呀!你估真係學朱仔話齋:「沒有了皇后碼頭,那就不是傷港喇!」咩!
記住「沒有了傷港電影,傷港未必就不是傷港」。歸蝗又好,歸米又好,巷蜀都好,都只從一個倉轉過另一個倉:只是典獄長和獄卒換了人而已。
***
伸延閱讀:
山中札記:香港戲院(電影院)史話 (6)
《十年(Ten Years)》之《冬蟬(Season of the End)》:傷春悲秋偽文青就這樣過了無嘢扑的一生

27 則留言:

  1. 如果我冇記錯精神分裂係個腦 physically 有問題,即係生成咁,又或有腦創傷。
    話明黐線又邊有解有意思啫!諗咁多做乜?

    回覆刪除
    回覆
    1. 係社團中人教育程度低,乜都歸類為黐線啫。

      刪除
  2. 哈哈,等緊你個影評,估唔到你講呢套!

    咁啱放假無聊,睇到有線翻播呢套嘢,memory refresh返,能更好地盡客席主持之責...

    //全片 cult 在正正經經講故事,一啲都無胡鬧,王大導好難咁有誠意拍片架馬!

    其實晶哥絕對有正正經經講故事的能力,但衰在唔知佢幾時認真--據聞向氏兄弟當年斥資俾佢拍《賭神》,但又驚佢亂來,所以先整套《至尊無上》俾佢試Q(順便測試市場對賭片的接受度),結果兩套都大收旺場,對故事完整性的評價亦不俗...尤其是《至尊無上》,都可以話系最sad的傷港賭片...

    可能隨向華勝仙遊,向華強亦老矣(晶哥自己都可能系),無人mon得住佢,《旺角監獄》算系佢最後有表現兼突破之作了,由《金錢帝國》浪費了一條好點子(意圖將《雷洛傳》無講的在呢套講埋)已見其有老退之像,《賭城風雲1》以佢自己作品尚可接受,2已經唔得,3就直情睇到我D晒LM....

    (不過《大上海》又ok,還敢用殺人政權不明文禁止做戲劇創作材料的杜月笙做人物原型...而且原來其他角色全部有原型:

    https://zh.wikipedia.org/wiki/%E5%A4%A7%E4%B8%8A%E6%B5%B7


    //韋家輝個細佬韋家雄飾

    我成日見佢在港慘片出現但唔知佢叫乜名,但箭豬呢個角色太搶,先至特登search,點知原來佢系韋家輝個細佬...

    呢個角色唯一覺得不合理的是,戲中箭豬已經奔五(年齡問題之後再講),但只懂蝦蝦霸霸玩變態全無辦實事能力,之前全靠佢個龍頭老竇罩住,點解佢唯一靠山死左,班叔父會咁睇佢要佢接班呢?除非系想搵佢做傀儡,但戲中又無詳細交代呢一點。

    //大鳳心情不佳,無心接待社團大佬跑馬仔候選人之一的箭豬

    除了牽掛細妹外,大鳳不想接待箭豬是因為箭豬鍾意搞後庭...

    //看來老一輩人對荷蘭總有另一番情懷

    我聽聞港英開始發展新界時期,為了能使開班鄉黑,就鼓勵佢地移民,個底比較好有d學識的就去米帝,個底唔好的就趕晒去荷蘭...

    //便引伸出以下一段「《PTU》是吳宇森家係杜琪峰拍的」的笑話:

    呢段嘢唔知系咪特登玩兩個同行...雖然據聞晶哥同阿杜並無交惡,兩人對星爺態度更是同一陣線

    //話題當然又離不開烤魷魚。既然有商機,小LLC一於唔好賣魚蛋,改賣烤魷魚:

    我幾年前睇過一d影評,話烤魷魚真的是七八十年代午夜場全盛期、傷港電影人的集體回憶;我隱約記得細個時戲院外都有呢味嘢,但並無戲內講到咁盛行,唔知系咪因為唔系午夜場呢?到我夠大學壞睇午夜場時,已經唔太覺有烤魷魚了。

    //估唔到王大導都可以正正經經拍返啲感人劇情

    我都覺得呢段拍得很感人,就算同大部份電影比都是佳作。

    晶哥拍感人場景唔系無,但都系環繞兄弟情多(例如《至尊無上》),愛情就真系麻麻(唯一記得出色的是《大上海》內莫小棋自動獻身救發哥一幕),父母子女親情場景就根本很少在其作品以主線出現。

    //誰料輝又再次大發神威,單槍匹馬便將箭豬及其手下殺到落花流水

    你都無cap最cult的一段:同輝打造果套護甲呀!~

    //疑似在返蝗國的直通車上有大細鳳的身影...但,乜細鳳唔係偷渡嚟嘅咩?

    場景中應該系大巴...我都唔記得細鳳是否偷渡了,但即使系,大不了到過關時即捕即解嗻,反正細鳳根本不應該在傷港出現,大鳳亦唔想再返傷港了。

    //是甚麼導致黐線輝精神分裂

    這的確是戲中無交待清楚的。

    //其實魔術師唔係好睇得明白
    //畢竟王大導的電影也有「反攻大陸」呀!

    我覺得晶哥系在面對現實下,想同自己內心的“笨土電影情懷”作最後懷緬兼道別。

    我第一次睇時,覺得用“坐了30年監”有點odd--如果用20或25年會比較切合戲內演員實際年齡和角色“應該”年齡,講一個混混廿零歲先判終身,起碼其“古惑歷程”都立體d吧?而且講“當年”是八十年代,中生代傷民共鳴會更多--起碼會對《英雄本色》的周潤發和吳宇森,比姜大衛和張徹更有共鳴吧?

    不過我諗諗下,覺得用“30年”是特登的...晶哥似乎想刻意扯到去一個較虛幻的年代來帶出“想當年”--畢竟用80's太著跡了,“現代傷港”的雛形根本就源自80’s(特別是聯合聲明之後)

    同埋佢系想用“旺角監獄”來帶出好多電影人(甚至全傷民)自困愁城走唔到出去的心理:

    https://movie.douban.com/review/2770958/

    “片中還有一個主題,懷念。輝(張家輝)對老旺角的懷念,對舊戲院的懷念,對午夜場的懷念(這些其實都是圈內人常常聊到的話題,被晶哥直接用成了對白),實際上是香港電影人對香港電影巔峰時期的懷念,甚至是全體香港人對香港黃金年代的懷念。那時天很藍,雲很白,香港經濟繁榮,戲院人頭攢動,隨便拍部戲都可以賺大錢;那時的字典還沒有“北上”這個詞,CEPA也不知道是什麼玩意兒,內地市場根本不放在眼裏,電影人們意氣風發,更不會仰人鼻息。然而當往事如風,一切都成為過去式,這種不斷回頭顧盼的姿勢不過徒添感慨,倍增淒涼。只有loser才會沉溺在曾經的輝煌中尋找慰藉,像個复讀機般反復念叨自己過去的成績。輝最後雖然肉身死去,但精神獲得了真正的自由,希望香港電影也能如此。”

    (好彩我搵得返呢段影評...)

    ********************

    當然要找碴的也不少:例如集齊幾大影帝影后但各人發揮不多,反而最搶眼的是韋家雄,另外譚耀文的氣場亦令人驚喜。黐線輝在正常同躁狂之間切換經常由張家輝轉至鄧德保,效果是幾好,但張家輝自己直接切換偏少,亦浪費了張家輝的演技(記憶中只有酒樓和殯儀館兩幕)。

    回覆刪除
    回覆
    1. //尤其是《至尊無上》,都可以話系最sad的傷港賭片...
      //《大上海》又ok

      兩套都無睇過 -_- 落唔落list好呢 ?

      //《大上海》內莫小棋自動獻身救發哥一幕
      原來又有大鳳演出...

      //《賭城風雲1》以佢自己作品尚可接受,2已經唔得,3就直情睇到我D晒LM....

      唔知賭3在蝗國票房成績如何呢?

      //向華強亦老矣(晶哥自己都可能系)
      //還敢用殺人政權不明文禁止做戲劇創作材料的杜月笙做人物原型...
      //我覺得晶哥系在面對現實下,想同自己內心的“笨土電影情懷”作最後懷緬兼道別。

      人到無求膽自大。人人都想在死前 self-actualise 一下的。

      //班叔父會咁睇佢要佢接班呢?除非系想搵佢做傀儡,但戲中又無詳細交代呢一點。

      腦補:班叔父應該有大把私幫無上報阿公,捧個草包蒙混過關總好過俾讀過大學的 Peter 仔查佢地數。

      //大鳳不想接待箭豬是因為箭豬鍾意搞後庭...

      唔怪得之細鳳係咁話「屁股痛」。

      //個底比較好有d學識的就去米帝,個底唔好的就趕晒去荷蘭...

      長知識了。

      //我隱約記得細個時戲院外都有呢味嘢,但並無戲內講到咁盛行,唔知系咪因為唔系午夜場呢?

      我記得細個仍住在荃灣山邊木屋時,老豆老媽帶過我去睇戲,基本上乜都有得賣,炒栗子、鵪鶉蛋、烤魷魚乜都有。
      又烤魷魚的確係當年時興小食,老豆曾經在山腳的公共屋村買回來給我吃,見《貓狗雜事》。

      //父母子女親情場景就根本很少在其作品以主線出現。

      真係物以罕為貴呀!

      //同輝打造果套護甲呀!~

      點解我完全唔覺得 cult 嘅?

      //我都唔記得細鳳是否偷渡了,但即使系,大不了到過關時即捕即解嗻,反正細鳳根本不應該在傷港出現,

      咁又係,大不了遣返而已. 細鳳是偷渡的: 「坐船來,飄呀飄」...

      //畢竟用80's太著跡了,“現代傷港”的雛形根本就源自80’s(特別是聯合聲明之後)

      都唔係. 輝同大鳳睇《大內密探零零狗》,即時為2009年. 輝坐咗29年有多, 即入獄時約為1980年; 睇返字幕, 少年輝係「17歲」, 即輝約在63年左右出生.

      //同埋佢系想用“旺角監獄”來帶出好多電影人(甚至全傷民)自困愁城走唔到出去的心理
      //輝最後雖然肉身死去,但精神獲得了真正的自由,希望香港電影也能如此。”

      頂,咁傷港電影要點樣才可以獲得了真正的自由? 同蝗片融合,起用蝗民演員? 求其大細鳳兩個已經殺低哂班所謂傷港花旦喇!
      (大鳳真人仲好高學歷添!)

      //同埋佢系想用“旺角監獄”來帶出好多電影人(甚至全傷民)自困愁城走唔到出去的心理

      D,人地肯「走出去」咪又俾你班傳霉笑!

      信報 2016年12月30日
      咖哩略 深度球真
      今日半山價 明日白菜價
      中國特色社會主義借助足球發光發亮,加速人民幣國際化,用「商品」對抗貶值,上海不甘活在廣州腋下,先以奧斯卡杜斯山度士(Oscar)打破中國足球轉會紀錄,再用泰維斯(Tevez)刷新球壇薪酬紀錄。人們一年前為千萬歐羅驚呼,一年後已變得無動於衷。
      今時今日,外人已無從參透中國足球是什麼葫蘆賣什麼藥,阿爺今年下半年開始嚴控資本流出,狙擊走資,偏偏人民幣攻擊波一波未平一波又起,視球星如公仔,想買就買。上星期,上海上港斥資6100萬歐羅(約4.9億港元),購入巴西中場奧斯卡,打破由侯克(Tevez)保持的內地轉會費紀錄,英超領隊手心冒汗,雲加(Wenger)甚至直言「危害球壇健康」。
      說時遲,那時快,上海申花不讓同城敵人專美,掏出逾千萬歐羅,購入前曼聯、曼城、祖雲達斯的射手泰維斯,互相輝映。千萬轉會費在中超已非大新聞,但最令人側目的是,將滿33歲的阿根廷「野獸」獲得72萬歐羅周薪,人工甚至比起美斯(Messi)、基斯坦奴朗拿度(Ronaldo)等超級巨星還高,更成為足球世界的打工皇帝!
      全球最高人工
      人傻錢多速來,不足以形容內地網民的複雜心情,難怪有人戲謔「一言不合就砸錢」,亦有人覺得情況失控,奈何局內人身不由己,只是「尊重遊戲規則」。盛傳大牌球星陸續有來,下一個可能是阿根廷「天使」迪馬利亞(Di Maria)、賓施馬(Benzema)、卡雲尼(Cavani)、朗尼(Rooney), 甚至有指河北華夏會用10億歐羅斟介美斯,沒有做不到,只有想不到。
      此情此景,我們感嘆朱門酒肉臭,路有凍死骨,中國窮人依然很多,餐搵餐食餐餐清,每個月賺數千人民幣的打工仔,數以億計,但泰維斯一星期的收入,已等於數億人一輩子打跛腳不用愁,試問怎叫父母教導下一代腳踏實地做人呢?《人民日報》本月忍不住撰文批評,中超不過是「偽職業」聯賽,球隊支出的80%落在外援的轉會費和薪酬身上,實際上缺乏長遠的發展藍圖。
      富豪懶理批評
      有傳為了壓抑中國球壇的瘋狂升勢,即將會推出限援令,由「4+1」變成「3+1」,相信如同香港樓市的限購令一樣,作用有限,更可能在供求定律影響之下,令班主不惜動用更多金錢在外援身上,刺激升勢。猶記得,前車路士中鋒杜奧巴(Drogba)2012年高調加盟申花,但遭到拖糧而鬧上國際足協,頓變連串鬧劇。
      識時務者為俊傑,中國夢不得不響應,但是這個夢會再發幾多年,大家無從稽考,惟有用最快速、最簡單的方法向上級舉手報到。更甚的是, 球場已變成「蠱」場,蠱惑的場,大家從中渾水摸魚,利益轇轕千絲萬縷,為的不是足球,而是另有企圖。錢,多到某一境界,不用唱,也不晒,自然有人替你消災祈福。

      刪除
    2. //兩套都無睇過 -_- 落唔落list好呢 ?

      《至尊無上》:極度推薦。如果只看一套“晶式賭片”,睇呢套就夠了。
      《大上海》:我對杜月笙青幫歷史認識只是皮毛,表面睇只是一般“上海灘”式電影;不過有莫小棋,也是值得一看的

      //唔知賭3在蝗國票房成績如何呢?

      wiki話全球收1.66億美元,我記得蝗國大約收10億人仔,不過相比同期星爺《美人魚》的28億就差得遠了。蝗國網上口碑都很差,唔系過年d人放假入場,未必有咁高票房。

      //人到無求膽自大。人人都想在死前 self-actualise 一下的。

      亦都不能不服晶哥打擦邊球的能力,除了《大上海》外,先不論《賭城》系列的水準如何,能將賭博元素滲入電影而又不犯禁,並不是個個咁藝高人膽大做得到的。

      //都唔係. 輝同大鳳睇《大內密探零零狗》,即時為2009年. 輝坐咗29年有多, 即入獄時約為1980年; 睇返字幕, 少年輝係「17歲」, 即輝約在63年左右出生.

      這亦有點不解。張家輝本身67年生,09年時才42歲,加上作為偽人,保養比一般同齡人好,通常不會飾演比自己年齡大的角色,演47歲的黐線輝已經有點突兀,片中外表亦比47歲年輕(箭豬亦如是);17歲第一次立功就判終身,其“社團功臣”履歷亦稍顯單薄。加上什麼姜大衛、張徹、傅聲...等人距離“現代傷民”太久遠,如果將20歲的少年輝劈友判刑改為《英雄本色》上畫的86年,坐23年後假釋(傷港判終身好似坐20年後就有權申請假釋),當年的電影紅人變成周潤發吳宇森,一切就變得順利成章。而由刻意quote姜大衛張徹,可知晶哥用“30年”不是隨口噏,但他不可能不知“30年”會引起以上的flaw,所以我先瞎猜晶哥用“30年”必定有些深意。

      當然亦可能“諗來諗去,可能真係俾王大導耍了一道,可能佢自己都唔知自己想講乜”,佢quote“30年”,可能只是佢自己對姜大衛張徹那一代電影有特殊感情,故而硬塞進劇情而已。

      //「沒有了傷港電影,傷港未就不是傷港」

      是否typo,應該是“傷港未必不是傷港”?

      //頂,咁傷港電影要點樣才可以獲得了真正的自由? 同蝗片融合,起用蝗民演員? 求其大細鳳兩個已經殺低哂班所謂傷港花旦喇!

      真正的自由就是還原基本步:做好的電影、好好講故事、用好的演員(或把演員用好)。這不就是八九十年代傷港電影蓬勃的殺著嗎?遷就市場一直是久而為之,以前你地無就過寶島市場嗎?但電影質素好至一個程度,就沒所謂遷就亦一樣受歡迎,《大話西遊》星爺拍時蝗國市場is nothing,豈知多年後卻被蝗國文青視為經典?吳倩蓮是寶島人,《天若有情》是其處女作,咁有無損害電影作為港片經典的地位?

      做好手頭上的事,再勇於走入這個龐大的市場;太刻意遷就或avoid某個市場,都不是自由的表現--前者里外不是人,後者就是發晦氣,“講理念”喧賓奪主搞到連故事都講不清楚。

      刪除
    3. //《貓狗雜事》

      哈!似乎魔兄對貓星人的好感也是自細培養出來的~

      //D,人地肯「走出去」咪又俾你班傳霉笑!

      我從多角度約略講解下。

      中超要搵世界級球星加盟,一定要付出比歐洲市價高的溢價,這是不爭的事實;但球員的薪酬是否真的如傳媒所言,好多都只是口話口賠無法證實,因為這不排除歐洲經理人刻意放流料,等將來可以借中超來抬高球員身價。

      睇完呢段烏龍事件,你都會認為很多數字是經理人炒作:

      http://sports.sina.com.cn/g/pl/2016-02-18/doc-ifxprucu2982350.shtml

      所謂「危害球壇健康」,吝嗇鬼雲加未免過慮了。中超每隊每場只能有三個不限國籍外援首發,全部只有16隊,當你搵晒世上最好那批球員加盟,都不外乎四五十個,如果世界球壇稱得上頂級的也只是四五十人,足球這項運動也已經沒落了。還是四眼佬高普講得中肯:雖然我唔會去中超,但中超也只是給大家多一個機會而已。

      至於花大錢引入世界級球星以提高當地長遠的足球水準,美國和日本分別在七十和九十年代做過,前者失敗而後者成功;中國足球會是前者還是後者,暫時我並無定論,要睇整體長遠的配套設施,最重要的當然是足球在民間的滲透度和青訓。而羅致奧斯卡的上海上港,高層曾聲稱每年花在青訓上的金額是過億人仔的。

      足協提出將外援限額由「4+1」變成「3+1」,不是什麼短期壓抑措施,而是要長期提高中國球員出場機會及與亞洲冠軍聯賽掛鉤之舉--事實上日韓聯賽已經實施「3+1」多年。

      至於杜奧巴的欠薪事件,已是咸豐年的事,矛頭亦主要與班主有關;納比期期薪高糧準,又唔見你提?

      而所謂“朱門酒肉臭,路有凍死骨”,中國其實各個行業都有收入遠遠拋離普羅民眾的精英,如果咁就會令“下一代腳踏實地做人”成疑,不如返去40年前“做又36唔做又36”時期,咁個個撻地都足夠實了。

      刪除
    4. 西班牙同英格蘭咪一x様,週薪頂得住一世工!又唔見人言吠?
      雲加自從冇咗荷蘭一袋,都未叻過。呢招用錢得宜策略,唔係咁多老板受。

      刪除
    5. //《至尊無上》
      //《大上海》

      add 咗《至尊無上》,《大上海》就隨緣喇!

      //不能不服晶哥打擦邊球的能力

      又令我諗起糧油的「宣誓玩嘢無成本」喇!

      //他不可能不知“30年”會引起以上的flaw,所以我先瞎猜晶哥用“30年”必定有些深意。

      可能係我睇死王大導,有偏見地覺得佢係唔用心才有這些 who fxcking cares 的 bug。

      //是否typo,應該是“傷港未必不是傷港”?

      正解,已改,謝謝。

      //前者里外不是人,後者就是發晦氣,“講理念”喧賓奪主搞到連故事都講不清楚。

      《十年》就係發晦氣的表表者。

      //似乎魔兄對貓星人的好感也是自細培養出來的~

      嘻嘻!

      //還是四眼佬高普講得中肯:雖然我唔會去中超,但中超也只是給大家多一個機會而已。

      所以C朗都唔去蝗超囉!

      //長期提高中國球員出場機會及與亞洲冠軍聯賽掛鉤之舉--事實上日韓聯賽已經實施「3+1」多年。

      又loop 返去蝗豬攻力不足的問題:外援名額全用在前鋒和 playmaker 身上,本國球員出場機會不多,自然會有青黃不接的問題(即使強如德國隊,自高路斯後已經鬧正前鋒荒鬧咗好多年,湯馬士梅拿只適宜做輔鋒角色。

      //納比期期薪高糧準,又唔見你提?
      //西班牙同英格蘭咪一x様,週薪頂得住一世工!又唔見人言吠?

      呢啲叫選擇性失明。

      //中國其實各個行業都有收入遠遠拋離普羅民眾的精英,如果咁就會令“下一代腳踏實地做人”成疑,不如返去40年前“做又36唔做又36”時期,咁個個撻地都足夠實了。

      查實美帝矽谷都係咁。

      刪除
    6. //真正的自由就是還原基本步:做好的電影、好好講故事、用好的演員(或把演員用好)。//
      //做好手頭上的事,再勇於走入這個龐大的市場;太刻意遷就或avoid某個市場,都不是自由的表現--前者里外不是人,後者就是發晦氣,“講理念”喧賓奪主搞到連故事都講不清楚。//

      兩位魔哥哥都是有深度的人,每每言論都令我獲益良多。

      祝大家新年快樂!身體健康!
      2017年事事順利!唔係一舊柒!o(≧∇≦)o

      刪除
    7. //兩位魔哥哥都是有深度的人,每每言論都令我獲益良多。

      嘻嘻,過獎了 XD

      //2017年事事順利!
      也祝Flora新年快樂,阿女學業進步!

      //唔係一舊柒!

      咁快就回歸咗20年喇!

      刪除
    8. //又令我諗起糧油的「宣誓玩嘢無成本」喇!

      晶哥打擦邊球億億聲咁賺,糧油玩野就瀕臨破產,差好遠喎!

      //又loop 返去蝗豬攻力不足的問題:外援名額全用在前鋒和 playmaker 身上,本國球員出場機會不多,自然會有青黃不接的問題(即使強如德國隊,自高路斯後已經鬧正前鋒荒鬧咗好多年,湯馬士梅拿只適宜做輔鋒角色。

      哈哈,不過咁多世界級外援前鋒,可能催谷到幾個亞洲頂級後衛同龍門出黎。

      納比接手第一場對卡塔爾,控球率過六成射門廿幾對十,算係蝗豬對亞洲頭十名首次有咁叻,但唔識入波始終係死症,結果只能0:0...睇下納比諗唔諗到quick solution嘞.

      另外我覺得無論幾完善的青訓,都未必guarantee出到頂級正前鋒,好似呢個位係要靠d天生觸覺同性格...例如皇民搞青訓出名亞洲第一,《足球小將》乜角色都出晒現實版本嘞,唯一係搞極都未出到個有香川真司級數的「小志強」。

      //兩位魔哥哥都是有深度的人,每每言論都令我獲益良多。

      我都係掹魔兄衫尾嗻,嘻嘻!

      //祝大家新年快樂!身體健康!

      小弟都祝大家新年進步!

      刪除
    9. //晶哥打擦邊球億億聲咁賺,糧油玩野就瀕臨破產,差好遠喎!

      就係「天與地」的對比太強咯.

      //咁多世界級外援前鋒,可能催谷到幾個亞洲頂級後衛同龍門出黎。

      真係「弱隊出龍門」...

      //睇下納比諗唔諗到quick solution嘞.

      學人打無鋒陣? 不過走位配合同傳送要好精準先得, 技術要求「含金量」要更高吧?

      //搞極都未出到個有香川真司級數的「小志強」。

      哈哈,笑咗!

      //我都係掹魔兄衫尾嗻,嘻嘻!
      妖, 好衰嘅啫!

      //小弟都祝大家新年進步!
      大家咁話!

      刪除
  3. 精神分裂症如何形成,以前有很多推測。後來漸漸認為在家庭環境中形成,開始懷疑有遺傳成份。近十年已經得出相當肯定的結論,精神分裂症是遺傳基因造成。

    有興趣可以看一下舊文,曾簡略創意與精神分裂有關。

    http://18buddha.blogspot.com/2012/03/blog-post_27.html

    回覆刪除
    回覆
    1. //若果你對舞蹈、音樂、編劇、藝術、繪畫、哲學和科學等等有興趣,你不妨留意一下自己的直系親屬,他們是否有患上精神分裂症。因為不少研究得知,而不是巧合,精神分裂症病人的近親,有著異乎常人的天才創意。

      咦? 我都似似地喎!

      刪除
    2. 唔洗驚!呢種黐法喺賞心樂事!嘻嘻!

      刪除
  4. //又烤魷魚的確係當年時興小食

    你唔提起都真係唔記得左呢個童年回憶。細個去北角唔記得邊間戲院睇戲時一定叫阿爸阿媽買黎食。

    //既然有商機,小LLC一於唔好賣魚蛋,改賣烤魷魚:

    小LLC係賣烤/炒魷魚個喎

    //《至尊無上》落唔落list好呢

    呢套中學時代睇過,印象中幾好睇的,雖然真係幾sad.

    回覆刪除
    回覆
    1. //細個去北角唔記得邊間戲院睇戲時一定叫阿爸阿媽買黎食。

      依家深水埗黃金商場嗰邊仲有得賣.

      //小LLC係賣烤/炒魷魚個喎

      我成日都以為佢只係識篤魚蛋.

      //saap 花生

      花生我唔太好.

      刪除
    2. 燒魷魚要��。花生噤食,而且好似係平好多。
      重有蒸粟米。簡直係嘉年華咁!
      我只鐘意 popcorn,重要係 honey 果隻!
      幾年前 Sircle K 有一桶桷買,for 睇波。而家都冇��~

      以前睇戲有超等座 (balcony)。坐正留下小心口水痰花生殼掉到頭上!
      後嚟興迷理戲院,啲大戲院早上攪超平舊電影。可以睇番曬 miss 咗嘅電影。
      90 年,我就同同學去咗睇咗《鬼新娘》。$6/8?坐超等。

      刪除
    3. 粟米同埋咬蔗!不過當時傷民未開化,搞到一地花生殻是常識吧 XD

      係囉以前仲要劃位,講起真係夠哂懷舊。

      刪除
    4. //早上攪超平舊電影

      印象中當年早塲唔少係咸片.觀眾大多係阿伯.
      $6/8咁平咩?記得我80年代睇早塲好似都要$10 以上.

      刪除
    5. 哈,當年老豆老媽基本上除了圖書館之外,邊度都唔俾我去。

      刪除
    6. //一地都係花生殼//
      而家係酒巴賣點! XD

      //觀眾大多係阿伯//
      哎呀!透露咗我真正嘅身份添!其實我係一個鹹濕亞伯! XD XD XD
      平時早場我要番學㗎嘛!同減戲冇緣啦!
      當時我同同學差不多一放暑假第一日就飛去睇特價早場,我重記得係美孚。超等先要 $8!

      刪除
    7. //暑假第一日就飛去睇特價早場

      暑假梗係大覺訓喇!

      刪除
    8. 喂,仲乜個個黐線輝上身,想起當年睇戲經歷來?

      由此可知晶哥都系識講故事的,提下“烤魷魚”對trigger集體回憶既效果好過提乜9“阿迪”多多聲...

      睇戲經歷我反而回憶不多,最記得就系睇《至尊無上》,是考試最後一日在西環尾福星戲院睇的,而家已經變左高逸華軒.

      黐線輝話大戲院好多人一齊笑一齊鼓掌,但我印象睇咁多年戲,全部人一齊鼓掌只有兩幕:《Rocky IV》史泰龍打蘇聯佬佔上風時、以及《賭聖》星爺show動作一個打幾個...

      我睇戲好少買嘢食入場,反而以前入大球場睇波就好鍾意場內買嘢食,最經典當然系冰鎮菠蘿啦!我記得呢味嘢在大球場重建後都仲賣左幾年,後來就消失了...而印象中只有大球場有,旺角場系一直都無的...

      刪除
    9. //提下“烤魷魚”對trigger集體回憶既效果好過提乜9“阿迪”多多聲...

      正如當年捍衛皇后碼頭的有青都唔會去皇后碼頭的, 「保育」對於班有青只是一個口號/題目, 用來反正苦. 佢地口中說「集體回憶」但佢地根本就無呢類「集體回憶」,所以亦拍唔出「烤魷魚」,只能空泛地在廢屋裡轉轉轉得把口講啲很「形而上」的對白, 咁就呃到好似妹頭班舊同事中剷, 真係經歷過 「烤魷魚」年代的港豬喇.

      //黐線輝話大戲院好多人一齊笑一齊鼓掌,但我印象睇咁多年戲,全部人一齊鼓掌只有兩幕

      我本來已經好少入戲院睇戲, 但仲有「睇睇下成班有青唔知笑乜」的印象, 在劇情毫無笑點之下集體發笑, 我真係會覺得係黐線.

      //我睇戲好少買嘢食入場

      我覺得食嘢係好distracting,令自己完全投入唔到(在家睇碟另計,因為可以自由 rewind).

      刪除