2017年2月12日 星期日

新聞雜評(一百四十一)

港鐵尖沙咀站列車遭縱火多人傷 更新:2017/02/11 06:03

一名男子涉嫌在港鐵列車車廂內縱火自焚,導致十八人受傷,其中三人危殆,一名六十歲姓張的男子涉嫌縱火被捕,警方表示相信與恐襲無關,消息指該男子用天拿水淋濕褲子然後點火,而港鐵表示,尖沙咀站在清晨五時五十五分正常開放,而首班荃灣線列車大約在六時零五分開出。
列車車廂著火後,火光熊熊,車廂內有雜物及灰燼,有乘客拍攝到有一名男子手持一個綠色容器,當時他的衣物正著火,該男子之後倒臥地上,有人用衣服大力撥,希望滅火,車廂內佈滿濃煙,地上有碎片,消防員到場後為該男子急救,另一名男子背部大面積受傷,要脫光衣物,敷面膜降溫,有多名乘客亦受傷,要在月台接受治理,有人腳部燒傷,大堂上亦有多名傷者,有人腳部受傷,要用水降溫及剪開長褲,有乘客指車廂著火後,情況很混亂。
港鐵發出廣播,指有嚴重事故,整個車站要關閉,警方反恐特勤隊奉召到場調查,警方指其中一名傷者送往醫院時,承認自己與火警有關。
港鐵表示晚上七時十五分左右,一列荃灣線列車由金鐘前往尖沙咀途中,有乘客通知車長,列車頭卡有火警及冒煙,車長即時通報車務控制中心,中心安排職員到場協助,當列車到達尖沙咀站,職員安排乘客離開列車,並把火救熄。
1. 魔術師一聽見呢單「真・自焚者」事件,直覺上馬上就諗起《十年》,仲以為巷蜀發動自殺式襲擊,點知原來係個隱蔽(?)精神病患者,又唔傻得哂識得揀港鐵(00066.HK)過海呢段最叫天不應叫地不聞的「地段」搞事(其實如果在尖沙咀到金鐘發動攻擊會更大鑊,因為金鐘月台就最多人)。
2. 魔術師忽然諗起近年醫療方向有所謂「社區共融」,鼓勵病人歸家治療,話可以改善病人生活質素云云(實際想係唔係想減輕公立醫院床位壓力就不得而知)。雖然呢單嘢未必關「重返社區」事,但要倚靠藥物控制病情的精神病患者,未必能夠有紀律地服藥覆診,咁都要「融入社區」實在是危險囉。
3. 又,就在「真・自焚」呢一晚,魔術師同物理系舊同學在 Main Place 飲嘢一聚(呢間嘢啲嘢食都幾OK,大大杯的 Hoegaarden Rosée 竟然俾魔術師飲哂),就在玻璃門的對面,一男一女在車輪大戰(但又沒有亙摷)足足90分鐘,看得魔術師一眾目定口呆,紛紛猜想此男女乃同事之間在 bar 偷食事宜(而且女的好像有點坐唔穩,唔知有沒有「食物中毒)。魔術師與眾同學一面「睇戲」一面談起工作,由於物理系同學從事教慾行業的不在少數,紛紛講話依家愈來愈多自稱係SEN(special educational needs)的學生,好處係在課堂裡搗亂不會被罰,考試時間又有得「有限補時(好似係20%)」,家長們見有着數,紛紛捉子女左驗右驗,「天生我材必有用」一定會有一樣嘢係資優(例如繪畫),但同時又會有一樣嘢係有「special needs」(例如讀寫障礙)...而呢類SEN在長大後例如中四以後便會消失,因為根本唔係個「小朋友」控制唔到自己,而只係不願意控制而已。在青春期如果太難相處會被人排擠,需要同輩認同感的青少年便自然會收歛;而在魔術師呢一袋人較少SEN,就係因為當年沒有「網絡世界」,所以被同輩排擠的「可怕經驗」會提早在小學發生...
消息指涉港鐵縱火漢有精神病記錄 更新:2017/02/11 20:09

港鐵車廂縱火案,受傷人數為十九人,當中十人仍然留醫,其中三人危殆。
列車停泊在荃灣車廠。首卡車廂布滿滅火筒的白色粉劑,起火位置仍有灰燼,六十四扇車窗有四十扇打開。車內仍然散發陣陣燒焦氣味,警方、消防及機電署已完成搜證。
警方初步調查指,涉嫌縱火被捕、六十歲姓張的男子星期五晚上七時許,在金鐘港鐵站上車後,以天拿水淋濕自己的褲,然後點火。消息指他當時在車廂高叫有人害死他的兒子,要報仇。
他事後身體多處燒傷,現時仍然危殆,在威爾斯醫院深切治療部留醫。警方曾接觸他的家人,得知他的子女均安然無恙,但他跟家人感情不佳。有鄰居則指該男子任職保安,從他妻子口中得知,雙方近兩年感情有問題。
警方調查亦顯示,該男子有精神病記錄,過去一段時間情況穩定,但近來沒有再覆診。他當時的精神狀態會是警方調查方向之一。保安局局長上午探望傷者時,強烈譴責事件。黎棟國又提到事發時車廂有不少乘客,但市民仍能夠在事件中保持冷靜,呼籲目擊者聯絡警方協助調查。
4. 忽然覺得好似心震地鐵咁入閘前要將包包 scan xray (雖然唔知係咪真係有 scan)都未嘗不是一件壞事!
***
信報 2017年2月11日
胡官晤民建聯 堅持22條立法
手握逾百張選委票的民建聯,周五與特首參選人胡國興會面,約40人出席。主席李慧琼表示,不少成員不能接受胡國興提出重啟政改卻沒有提8.31框架,又認為胡國興提出為《基本法》22條立法並不可行。
對8.31框架看法有分歧
胡國興形容交流相當「有用」,又指《基本法》23條維護「一國」與22條維護「兩制」,份量相等,對確保「一國兩制」不走樣、不變形同樣重要。
出席座談會的民建聯選委約40人,較之前該黨與其他參選人包括林鄭月娥、曾俊華及葉劉淑儀會面時為少。李慧琼稱,成員可自由出席,而雙方討論了政改、22條立法及房屋政策等。她直言,有成員直言與胡國興主張重啟政改卻不提8.31框架有分歧,「唔少成員認為不能接受」。該黨下周將召開中委會討論提名事宜。
胡國興指民建聯成員提出問題尖銳,但不認同是被冷待,會面反而令他更堅信須重啟政改及為22條立法。
胡國興周五晚上在社交網站表示,建議在政改有共識之後,成立一個有廣泛代表性的22條本地立法諮詢委員會,諮詢除了在本地進行,對象亦應該包括中央政府,而諮詢範圍將包括假如內地駐港人員或機構有組織、有系統地在特區促使或阻礙某參選人當選,應否被列為非法干預行為等具體建議。

5, 《基本法》第二十二條謂:
中央人民政府所屬各部門、各省、自治區、直轄市均不得干預香港特別行政區根據本法自行管理的事務。
中央各部門、各省、自治區、直轄市如需在香港特別行政區設立機構,須徵得香港特別行政區政府同意並經中央人民政府批准。
中央各部門、各省、自治區、直轄市在香港特別行政區設立的一切機構及其人員均須遵守香港特別行政區的法律。
*中國其他地區的人進入香港特別行政區須辦理批准手續,其中進入香港特別行政區定居的人數由中央人民政府主管部門徵求香港特別行政區政府的意見後確定。
香港特別行政區可在北京設立辦事機構。
所謂「為第22條立法」,是否用來規範「中央人民政府所屬各部門、各省、自治區、直轄市均不得干預香港特別行政區根據本法自行管理的事務。」?第22條其餘各項均很難想像可以「立法」:例如第三項,恐怕沒有甚麼直屬樁秧的「強力部門」會自稱不受特衰正苦的法律規限吧?假如是,立法後被告只有可能是「中央人民政府所屬各部門、各省、自治區、直轄市」,而控方則會是特衰正苦?就算傷港法庭判了特衰正苦勝訴,咁又如何處罰「中央人民政府所屬各部門、各省、自治區、直轄市」?罰則如何執行?真係諗極都諗唔明。
***
國際足協今季修訂大約九十條球例 2017/02/11 06:39

國際足協委員會今季修訂大約九十條球例,去年十一月再有改動或補充,其中較值得留意是主射十二碼做假動作犯規,就算入了也會當作射失。
十二碼一是入,一是不入?但助跑之後還玩假身,踏停了才起腳,以往入了收黃牌,但還可以重射,新例之下,這樣就罰得重了,球證依舊黃牌警告,更會判守方開間接自由球,即是不能重射。
若果主射球員做了假動作,同時間門將亦跳離白界線又怎麼辦?球員就指會用較為傳統的射法,不會冒險。
另外,以往開角球,有球員觸碰球表面就視為開球,新例就要皮球有明顯移動才可以,上屆足總盃飛馬這類蠱惑式入球,就成為歷史了。
6. 睇完真係O哂嘴。射十二碼窒步玩假動作會被罰黃牌咁左膠?咁主射嗰個一定唔可以有黃牌在身,萬一一個唔覺意玩嘢都唔會兩黃一紅被罰出場也!
***
伸延閱讀:
《十年(Ten Years)》之《自焚者(Self-Immolator)》:前人自焚後人花生

43 則留言:

  1. 我真係等左港獨有青自焚好耐,但係佢地寧願忍辱偷生,真無吉屎。

    回覆刪除
    回覆
    1. 佢地會話留返條命入正苦打工,然後從內部開始進行滲透。

      刪除
    2. 事實證明就算港獨有青自焚,結果唔係成灰,唔係烈士,而只會係花生

      刪除
    3. 春蠶到死絲方盡 爉炬成灰淚始乾

      抗爭到死耗十年 成灰不成變花生

      刪除
    4. 嗰阿婆明明燒到成灰,點解呢嗰癲佬燒極都有嘅???

      好彩嗰女仔喺聖XX讀,如果喺嗰啲保X局XX夫人第三紀念中學嘅,就冇人理囉。贏在射精前原來喺傷巷喺生死攸關嘅。

      刪除
    5. //贏在射精前原來喺傷巷喺生死攸關嘅。

      咁都係班妄民呃like啫, 傷病呢味嘢, 到最後都係要靠自己,再親嘅人都係無能為力.

      刪除
    6. //好彩嗰女仔喺聖XX讀,如果喺嗰啲保X局XX夫人第三紀念中學嘅,就冇人理囉。

      傷民的同情心是有分三六九等的.

      老實講今次我對方向報好失望...雖然我都無睇報紙同新聞網站好耐...但睇到個標題都作嘔...除了政治立場外方向同毒果根本無分別!

      刪除
    7. //傷民的同情心是有分三六九等的.

      睇完方向報, 我都頂唔順, 要寫少少發洩下.

      刪除
  2. 有青蒙面掟磚,跟住走人,佢地唔會自焚。除非十年二十年後,因反社會人格導致出現多種精神病併發症,才有可能做啲咁嘅嘢。

    我覺得呢個男人不是妄想症,準備寫一篇帖講。因他放火,似是另一種人格障礙。

    回覆刪除
  3. 港人真係平時食得多花生, 如此情況,竟然唔係逃走, 而係影相拍片"些牙".

    回覆刪除
    回覆
    1. 你有無睇過《末世凶煞(Cloverfield)》,有怪獸出現,啲美帝子民一樣係掛住拍片。

      反證咗我城是一個安全的城市,傷民都沒有危機感的說。

      刪除
    2. 一係就打爆個Blassglass 拎條hose Reel 黎救火。

      刪除
    3. //打爆玻璃好危險的...

      我只係學班港豬講嘢而已 XD 我梗係知道呢個係正確做法喇!

      刪除
  4. D人真係On9 唔識驚,個果情況 根本係要走,
    大部分人係到食花生。 你一係就係救人,一係救火。企係到影相拍片,真On9

    回覆刪除
    回覆
    1. 可能日本311地震的「有秩序表現」其實都只係「唔識驚」而已 XD

      刪除
    2. 應該係有做開演習。

      刪除
    3. 我信日本有嘅,不過傷港就...就算有關方面肯搞,都應該無傷民會參加吧。

      刪除
    4. 我屋企有個滅火筒,所以都有學過點用。
      地鐵攪啲活動,1 2 3 步驟問答遊戲攞記念品,會有人去玩㗎!
      Or 拍住消防呀警察呀到學校演講囉!

      刪除
    5. Vincent兄: // 企係到影相拍片,真On9

      佢哋旨在刷存存感啫.
      '你睇! 我影到啊!'
      '嗱,我當時係現場㗎.'

      刪除
    6. 我cap 新聞圖片 cap 到正個frame 都好有存在感的 XD

      刪除
    7. 魔魔, 你CAP咗圖即係你都好關心呢件事.
      我都CAP咗圖, 不過無SAVE低. 但係我都覺得自己好正義, 好關心時事. 噢, 我啲眼淚就嚟忍唔住要滴出嚟.....

      刪除
    8. 唔好話,我係街度whatsapp收到好多現場片,但幾乎全部無睇--大佬下下十幾M,我一個月中港共用數據包得3G,上親蝗要上魔兄園地就要用自己流量,無理由無意義地浪費流量的.

      返到屋企當然有WiFi...不過都無咗件事,懶得睇返嘞.

      刪除
    9. //你CAP咗圖即係你都好關心呢件事.

      我cap圖係為寫blog 笑下啫, 都唔叫做「好關心」呢件事嘅.

      刪除
    10. //上親蝗要上魔兄園地就要用自己流量

      喂, 照計睇伊謝爾倫要塞唔使好多data... 摩摩你咪翻牆翻咗去第二度... XD

      //大佬下下十幾M

      我都從不D/L whatsapp 無聊片: 我對電話的儲存空間有潔癖, 無無謂謂嘢一定唔save.

      刪除
  5. //魔術師忽然諗起近年醫療方向有所謂「社區共融」,鼓勵病人歸家治療,話可以改善病人生活質素云云

    我突然想起一套港慘片可以入list:《癲佬正傳》(無異議的好戲,秦沛拿最佳男配角獎絕對是實至名歸)

    //就係因為當年沒有「網絡世界」,所以被同輩排擠的「可怕經驗」會提早在小學發生...

    請教魔兄,何解有「網絡世界」會關事呢?

    //忽然覺得好似心震地鐵咁入閘前要將包包 scan xray (雖然唔知係咪真係有 scan)都未嘗不是一件壞事!

    Scan是一定有scan的,我好多次坐深圳地鐵同和諧號都有偷瞄X光機個mon,系真系有被透視的行李一件件轆過的;監察個保安不論是否分緊心(例如吹緊水),表面上對眼都要對住個mon...唯一一次系見到個保安在釣緊魚(不過都系每兩秒就睜開下對眼,死撐緊果隻)

    //射十二碼窒步玩假動作會被罰黃牌咁左膠

    咁即系費高式射法會成為絕唱?

    //佢地會話留返條命入正苦打工,然後從內部開始進行滲透。

    高薪厚職鐵飯碗食得幾年,就真係唔被正苦反滲透至奇

    //大部分人係到食花生。 你一係就係救人,一係救火。企係到影相拍片,真On9

    這是show some concern、滿足自己“不冷漠”形象的行為。如果純粹因為一個行動會否對自己或對他人有無影響而決定做唔做,d人會話你冷漠的--特別是濫情已被網絡世界渲染。

    我更頂唔順是無啦啦要為個15歲女生打氣--現在又不是只有她一個危殆,為何要分別對待?另外兩個就是抵死可以置之不理?又渲染女生文武雙全品學兼優,咁系咪如果佢系反叛問題少女就無咁值得打氣?

    回覆刪除
    回覆
    1. //《癲佬正傳》

      已add XD

      //何解有「網絡世界」會關事呢?

      因為兒童可以沉醉在網絡世界的altered ego, 要心智比較成熟才可能懂得抽離(也盲是心理比較遲熟咯).

      //不過都系每兩秒就睜開下對眼,死撐緊果隻

      咁高頻? 果然係rapid eye movement.

      //咁即系費高式射法會成為絕唱?

      睇片就係了: 助跑中做假動作是可以的,但踏停後起腳時就不可以做假動作了.

      //就真係唔被正苦反滲透至奇

      到時老豆姓乜都唔記得喇? 仲講初心?

      //如果純粹因為一個行動會否對自己或對他人有無影響而決定做唔做,d人會話你冷漠的--特別是濫情已被網絡世界渲染。

      理性考慮就係「功利」, 冷漠講緊的就係「事故面前,感性第一,理性第尾」.

      //我更頂唔順是無啦啦要為個15歲女生打氣

      要向宅女販賣女神形象: 星矢都係因為咁而為只得13歲的沙織小姐打生打死咋.

      刪除
  6. 題外話,早兩日搭飛機睇左套《危機》,又係黃c 打飛機片,故事一開始就已經話北方殺人政權打算南侵「普選之城」。可惜我城冇軍隊,只有自慰隊。某日,殺人政權派出代表南下破壞法治,卻被自慰隊野生捕獲,自慰隊執行「程序公義」,自行召集村民公審,更忽然法官上身判處代表死刑。北方殺人政權大怒,表示代表一死,就要全城陪葬,自慰隊隊長寧死不屈,決意守護公義。。。

    可唔可以加埋套《危城》入摩摩電影節系列?

    回覆刪除
    回覆
    1. 早前已有網友推薦《危城》,碟已買, 不過未睇, 屬「影評人推介」(見桌面版右手邊column).

      刪除
    2. 冇人係車到用滅火筒撲火㗎咩?
      天拿水種火用滅火筒得唔得㗎呢?應該用水唔得。
      噴人又得唔得㗎呢?
      用濕紙巾掩鼻會唔會好啲㗎呢?

      《癲佬正傳》真係太舊啦!講安安幼稚園單嘢,重有馬斯晨。
      馬重有套好嘢叫《聽不到的說話》。而家嗰啲咩袁詠儀,真係得個樣!
      以前呢啲反映社會悲劇有好多,好受歡迎。台灣有《酒幹倘賣無》。
      好睇過嗰啲韓劇啦!

      刪除
    3. 危城係唔係黃C打飛機睇你點解讀

      換個角度睇亦可以係維穩:
      有敵兵入城被捉, 敵兵藉口攻佔我城
      以受過正常中國歷史教育既中國人去聯想
      呢個就係77盧溝橋事變
      古天樂視人命如草芥殘殺細路就更加係直指日本仔

      之後鄉紳(普城係無民選)試圖同古天樂投降
      只係落得被屠殺既下場
      亦可以係反對緊《劉曉波中國該再被殖民300年》之說

      結尾雖然普城係殺退佐敵軍既先頭部隊
      但係古天樂老豆班主力部隊都仲殺緊呢
      勝在有人民解放軍洪金寶回師來救
      先保普城上下平安

      人民解放軍先最可愛 - 仲唔夠維穩


      唔懷疑部份電影人搞一部電影既時候係想染黃觀眾
      但係眼高手低, 捉唔正個位
      比如《危城》, 唔可以將古天樂直接扣落共產黨身上 - 勉強係我爸是XX, 不過只係香港人唔知, 官二代李啟銘,依交通肇事罪獲刑六年, 香港大把交通意外致他人死亡既案都無咁重, 大陸人都知系共產黨治下"我爸是XX"都無用
      比如《樹大招風》, 係做到共產黨好邪惡, 但係對位係香港三大賊王, 咁只係惡人自有惡人磨, 呃唔到觀眾(我)要同情賊王們

      呢D戲只係黃絲自己FANS 打飛機, 要將自己既政治觀推銷俾正常觀眾既作用係零

      刪除
    4. «危城»似乎口碑唔錯,我或者要被反推介入list...要睇NOW自選等佢有版權費賺下,盡量唔睇蝗盒子VOD

      刪除
    5. //換個角度睇亦可以係維穩//

      都可以咁講既,不過主角之一自慰團團長開口埋口都係守護公義/公義需要有人執行,令我覺得佢地係想染黃觀眾多d 遮。

      共產黨抗日打既口號係民族自主/民族精神,又或者係還我河山,同死守住個普城/公義有唔同。

      刪除
    6. 咁我呢個weekend搵時間睇下先...

      刪除
    7. //都可以咁講既,不過主角之一自慰團團長開口埋口都係守護公義/公義需要有人執行,令我覺得佢地係想染黃觀眾多d 遮。//

      以宣傳口號論, 都係既

      但係
      香港人講公義去"抵抗""抹黑"中共就真係笑死人
      李剛個仔就伏佐法, 公義就伸張佐
      包致金個姪女呢?

      香港人最傻就係相信"傷講髮劣界"呢個近親繁殖, 為富人服務既小圈子會"主持公道"
      以為拉個人上法庭審訊等於公義

      自己講"髮劣面前, 窮人含X"都講到口臭啦
      仲自己呃自己, 傻的嗎

      刪除
    8. 啱啱七警被判罪成,還了曾見蕉一個公道,彰顯了公義, 一陣寫...

      刪除
    9. 夜麻麻啱啱睇咗«危城», 魔兄幾時寫呢?

      刪除
    10. 我今日都睇咗,希望今個星期出到。

      刪除
  7. 危城的定位都好巧妙 作為一套中港合資片 巧妙把兩地口味融在一起

    回覆刪除
    回覆
    1. 其實同中國一向的俠義故事差唔多,之不過係用咗現代的語言去講而已。

      刪除