2017年4月28日 星期五

奇異博士K

早前有讀者問魔術師點解無乜寫博士K,原因好簡單:就係因為最近呢幾個月個舊同事 Whatsapp group 都「比較靜」,唔係話無 junk messages,而係成日都有 junk messages,不過內容都係都市閒情式猜謎語、整下嘢食、賞下花咁,成班舊同事返工好似等退休咁;再唔係就係怪獸家長式幫港孩問功課,十足去咗BB王國討論區咁,真係 quote 來都嫌廢事。
之但係,銅油酲始終都係裝銅油嘅,博士K姣婆又點會守得住寡呢?話口未完又有奇異行為大放送:


魔術師自己就未請過外傭;堂家姐就請過一個,負責照顧年邁又郎嚟嘅伯娘(直至終老,見舊文《難為堂家姐》),魔術師去過堂家姐家幾次,個印傭都幾親切有禮,又會講我城方言,係個幾好的老實人。
魔術師可能係生活圈子問題,其他親戚朋友唔多請外傭,所以聽見唔好嘅外傭的例子唔多,應該係話,所有唔好嘅例子都係由博士K度嚟(見舊文《博士K警訊》),其他偽中產舊同事都無乜點講過類似的事件。
所以唔通真係有咁嘅主人,就請到咁樣嘅傭人?點解博士K請親外傭都好似無次好嘅咁?
聽博士K口氣,佢似乎唔係好相信菲傭會死老豆老母,而係認為「衰母」係個菲傭嘅藉口,想呃多幾日假?究竟呢個係菲傭延長假期的 common excuse,抑或係博士K只係在以己度人?話說當年仲興 root iphone 的時候,博士K就最鍾意用 cracked iphone app 可以慳返一蚊半蚊來在一眾同事面前認叻;前幾個月又興在7仔門前打書釘 photo shoot iMoney 再 whatsapp 俾各位同事/舊同事並沾沾自喜架喎。
又,根據勞工處,外傭好似無 compassionate leave 呢一樣嘢,咁就算要 extend 都只會扣 annual leave,外傭唔會着數咗架喎?

另外,博士K佢又好似唔係幾鍾意個菲傭用 whatsapp 同佢請假。魔術師真係孤陋寡聞,唔知外傭請假通當有乜手續?要填 form?定要寫 email?
炒佢,你阿博士K都只係補返一個月人工(四千幾蚊)同埋假期 encash(咁個外傭 extend 咗假期仲好喇,俾少幾日錢),斷估呢位外傭做得唔耐唔會有遣散費/長期服務金;俾盡你5,000蚊送走瘟神,以博士K收入/身家應只是九牛一毛吧?
唔炒佢,佢放多幾日假先返嚟,「整蠱到個主人,叫佢失哂預算,又請唔到其他人」,呢招「高招」又對個外傭自己有乜益處?



而最令魔術師唔明嘅係,博士K send 呢段嘢出嚟究竟想點?嗱,既然博士K認為呢位外傭咁唔老實,「用人不疑,疑人勿用」,假如個菲傭放完 extended annual leave 返嚟,咁你阿博士K仲俾唔俾個家佢去 operate,煮飯湊細路?
要佢俾幾千蚊炒人又唔捨得;要人地留低幫佢做嘢,但一有突發通知就倒瀉籮蟹,無 backup plan 好似無咗個菲傭屋企就 operate 唔到,只會識得係度鬧,似乎博士K個 Project Management Profession(PMP)都幾沽名釣譽下。
***
圖片來源:
以上勞工法例截圖來自勞工處:聘用外籍家庭傭工 僱主須知
***
伸延閱讀:
PMP快速攻略
博士K警訊
難為堂家姐

26 則留言:

  1. 可以租個日本女機械人回來,唔只可以暫代菲傭,仲可以幫博士K舒筋活絡,包括埋博士K的是非根,佢就唔會再埋怨菲傭吊起佢嚟賣架喇!嘻嘻!

    回覆刪除
    回覆
    1. 博士K咁度縮,可能嫌機械人貴~不妨揾住幾個Mary(s)頂住先吧XD

      刪除
    2. //可以租個日本女機械人回來
      //博士K咁度縮,可能嫌機械人貴

      春花你實在太明白博士K了! 佢應該都係為咗慳私人停車場月費而行一段路泊去公屋嗰一類度縮.

      刪除
  2. A. 幫女傭成家搬嚟香港。
    B. 請本地工人。
    C. 自己家務自己做。
    D. 成家移民菲律賓。

    回覆刪除
    回覆
    1. A. 幫女傭成家搬嚟香港。 - 責任太大
      B. 請本地工人。 - 唔想本地人知道自己太多嘢.
      C. 自己家務自己做。 - 港婦老婆唔識做家務
      D. 成家移民菲律賓。 - 無理由移民去啲第三世界國家咁折墮.

      刪除
    2. B. 本地工人應該貴,縮數如K應該唔會喇。

      //似乎博士K個 Project Management Profession(PMP)都幾沽名釣譽下。

      自己屋企都管理唔到冇plan B,喺唔喺高分低能。

      刪除
    3. //喺唔喺高分低能。

      睇過我quote咗咁多次博士K, 都知佢係「低分低能」架喇!

      刪除
  3. 我有個friend仲有個奇遇,俾著博士K可能會嚇傻: 個賓賓出面搞大咗個肚,結果我個friend為咗慳錢,帶佢上深圳落...

    回覆刪除
    回覆
    1. 應該唔少。我學生就一模一樣。個工人係菲律賓有老公㗎喎!
      遇著呢啲要立即請佢番菲律賓,因為佢唔可以大住肚做嘢,然後你要㑭錢佢睇醫生生仔所有費用!
      外傭計劃,不單不公道,而且非人道。

      刪除
    2. 但家庭崗位及性別歧視等罪行
      應該包埋非港人嘅外傭
      大肚就炒照計犯法

      刪除
    3. //個賓賓出面搞大咗個肚,結果我個friend為咗慳錢,帶佢上深圳落...

      咁都得, 你估係去幫襯朱咪咪睇牙咩?

      //遇著呢啲要立即請佢番菲律賓,因為佢唔可以大住肚做嘢,然後你要㑭錢佢睇醫生生仔所有費用!
      //但家庭崗位及性別歧視等罪行
      //大肚就炒照計犯法

      根據《勞工處:聘用外籍家庭傭工 僱主須知》
      http://www.labour.gov.hk/tc/public/pdf/wcp/PointToNotesForEmployersOnEmployment(FDH).pdf

      生育保障及侍產假
      必須
      如符合以下條件,必須給予外傭 10 星期的有薪產假,產假薪酬相等於每日平均工資的五分之四,並在正常發薪日 支付:
      在所訂定的產假開始前外傭已受僱不少於 40 星期 ;
      經醫生證明書證實懷孕,並已向你遞交懷孕的通知;以及
      在你提出要求下,已向你遞交醫生證明書,說明其預產期。

      終止僱傭合約
      - 僱主不可解僱已證實懷孕及已發出懷孕通知的僱員。

      終止僱傭合約
      若外傭故意不服從僱主合法合理的命令、行為不當、欺詐、不忠實或慣常疏忽職責,僱主可作出即時解僱而無須預先通知或給予代通知金。但請注意,即時解僱是嚴重的紀律處分,只有在外傭犯了非常嚴重的過失或經多次警告仍不改善的情況下才適用。如有爭拗或外傭提出補償申索,即時解僱的理據是否充分,須由法庭作出裁決。

      如果合約講明「不得懷孕」,咁大咗肚又算唔算行為不當呢, 可以炒得呢? 問題就變咗可唔可以立約不得懷孕,僱主奪去其「懷孕權」是否合法了.

      刪除
    4. 冇話唔炒得佢。而係留港期間佢大肚睇醫生甚至 somehow 去到要生仔,費用都由雇主負責㗎!
      一直以為個工人係肥,到發現時 very close to 生得。好彩學生媽咪係護士,即刻搵醫生幫手寫紙㑭佢走。
      重要係機場 make sure 佢上咗飛機!
      真係緊張過睇殺災難片!

      刪除
    5. //真係緊張過睇殺災難片!

      問題係個外傭點解肯走?

      刪除
    6. 因為大咗肚其實係 breach contract,visa 失效佢就唔可以係香港工作。
      唔知佢賴死唔走生咗個仔,個仔會唔會變香港居民呢?
      要睇番基本法。我㑭番曬老師路! :p

      刪除
  4. 好多好多請外傭嘅香港人都係咁。
    其實佢地自己應該反省下待人嘅態度。

    回覆刪除
    回覆
    1. 港人點識?調轉自己份工,就揾李卓淫喇

      刪除
    2. //其實佢地自己應該反省下待人嘅態度。

      己所不欲,便施於人.

      //調轉自己份工,就揾李卓淫喇

      「我要真公義!」

      刪除
    3. // 己所不欲,便施於人.

      有份部僱主, 當啲傭係奴隸咁......我成日都覺得, 呢啲海外傭工, 就好似當年嘅賣豬仔咁....

      刪除
    4. //港人點識?調轉自己份工,就揾李卓淫喇

      "琴晚睇通宵波,今日「射波」先"

      刪除
    5. //呢啲海外傭工, 就好似當年嘅賣豬仔咁....

      傭工血淚史...

      //今日「射波」先"

      呢條友相當有可疑!

      刪除
  5. 好耐冇上黎,前埋好忙

    //港引入柬埔寨傭 首批千人9月抵港紓外傭荒//

    唔講唔知原來有外傭荒,唔怪之得K博士覺得菲傭玩野跳草裙舞。用人不疑,咁驚人地拎你著數咪唔好請囉~

    借呢個機會,做下黃C 插下政府先,引入柬埔寨傭? 有冇搞錯,一帶一路咁多選擇,識揀一定揀烏克蘭傭啦~ 啪啪啪啪啪啪(掌聲聲)

    http://hk.on.cc/hk/bkn/cnt/news/20170424/bkn-20170424142650535-0424_00822_001.html

    回覆刪除
    回覆
    1. //用人不疑,咁驚人地拎你著數咪唔好請囉~

      我無用whatsapp問博士K會唔會等個傭返咗嚟之後炒佢...廢事係成班舊同事面前串到佢無聲出...

      //識揀一定揀烏克蘭傭啦~ 啪啪啪啪啪啪(掌聲聲)

      我第一個請! 到時孤男寡女其處一窒...嘿嘿嘿...

      刪除
  6. 識揀一定揀烏克蘭傭啦//

    哈哈哈,啲港媽對住啲頭高馬大金髮藍眼有前有後嘅金絲貓,唔驚嗰衰鬼港男老公攪攪震?而且都唔會去傷巷咁落後嘅地方,英文都唔識(魔兄以前有段片),喺都去德法荷啦。。

    回覆刪除
    回覆
    1. //啲港媽對住啲頭高馬大金髮藍眼有前有後嘅金絲貓,唔驚嗰衰鬼港男老公攪攪震?

      班港婦連黑麻麻的南亞傭都呷醋, 金絲貓想也不用想喇!

      //而且都唔會去傷巷咁落後嘅地方,英文都唔識

      不如等個金絲貓傭in返僱主的英文喇, 我都講得幾嘴架!

      刪除
  7. 嘻!博士K真係冇令我失望,好心做人唔好咁小人之心啦。
    要換N個外傭搞到我諗起張學友添

    回覆刪除
    回覆
    1. //好心做人唔好咁小人之心啦。

      事事都怕蝕底, 咁個人自然就小心眼, 下下以己度人架喇!

      奇就奇在傷港人咁鬼有錢(睇下依家買樓啲人就知), 眼光格局咁淺窄的卻不在少數.

      刪除